Қазақстанда жаппай тәртіпсіздіктерге шақырғаны үшін жазаны қатаңдатуға ниетті
Сурет: facebook/Сергей Алексеенок
Сондай-ақ, қылмыстық топтың құрамында жасалған кісі өлтіру мен бандитизм үшін санкциялар күшейтіледі
Астана. 9 наурыз. KAZAKHSTAN TODAY - ҚР Ішкі істер министрі Марат Ахметжанов елімізде жаппай тәртіпсіздікке шақырған адамдарға қатысты санкциялар күшетілетінін айтты.
Бүгін Сенаттың жалпы отырысында "ҚР Қылмыстық, Қылмыстық-процестік және Қылмыстық-атқару кодекстеріне қылмыстық сот төрелігі, жазаны орындау және азаптау мен қатыгез әрекеттердің алдын алу саласындағы адам құқықтары мәселелері бойынша өзгерістер мен толықтырулар енгізу туралы" заң жобасы қаралды.
Осы орайда мыналар үшін санкцияларды күшейту көзделген:
- жаппай тәртіпсіздіктерге шақыру (ҚК 272-бабының 1-бөлігі, 3 жылдан 5 жылға дейін бас бостандығынан айыру), оның ішінде телекоммуникация желілерін пайдалана отырып (ҚК 272-бабының 2-бөлігі, құқық бұзушылықтың жаңа құрамы-3 жылдан 7 жылға дейін бас бостандығынан айыру) шақыру;
- қылмыстық топ құрамында жасалған бұзақылық (ҚК 293-бабының 3-бөлігінен 4-бөлігіне, 5-тен 7-жылға дейін бас бостандығынан айыру).
Қылмыстық топтың құрамында жасалған кісі өлтіру мен бандитизм үшін санкциялар күшейтіледі. Мұндай адамдарға шартты түрде мерзімінен бұрын босату мүмкіндігін болдырмау көзделіп отыр", - деді министр.
Бүгін Сенаттың жалпы отырысынан кейін өткен баспасөз мәслихатында тілшілер министрге "жаппай тәртіпсіздіктерге қатысты норманы қатаңдату митингі туралы заңға қайшы келмей ме" деген сұрақ қойды.
Бейбіт жолмен өзінің позициясын айтуға келген азаматтарды полиция жаппай тәртіпсіздік бойынша қамауға алуы мүмкін бе", - деп сұрады тілшілер.
Өз кезегінде М. Ахметжанов заңда жаппай тәтіпсіздікке шақырған кезде ғана жауапкершілік қарастырылатынын айтты.
Құжатта митинг туралы сөз мүлдем жоқ. Митингі мен жаппай тәртіпсіздікті ажырата білу керек. Нысандарды қирату, өрттеуге қатысты интернет арқылы үндеу тарататын болса, осы әрекеттерге жауапкершілік ескерілген", - деді министр.
Ақпарат көзі: inform.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Астана қаласы ТЖ департаментінің жаңа бастығы тағайындалды
Сурет: ТЖМ
ТЖ министрі жеке құрамға Астана қаласы ТЖ департаменті бастығын таныстырды, деп хабарлайды министрліктің баспасөз қызметінен.
Астана қаласы Төтенше жағдайлар департаментінің бастығы қызметіне Марат Мұхаметқалиұлы Күлдіков тағайындалды.
Министр елордалық гарнизонның жаңа бастығын құттықтап, халық арасында қауіпсіздік мәдениетін насихаттау бағытын ерекше атап өтіп, қызметті жетілдіру бойынша міндеттер қойды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Орталық Азия мен Каспий өңірінде толыққанды көлік-логистикалық хаб болуға ниетті
Сурет: gov.kz
Қазақстан Орталық Азия мен Каспий өңірінде толыққанды көлік-логистикалық хаб болуға ниетті, деп хабарлайды ҚР Премьер-министрінің баспасөз қызметінен.
Мемлекет басшысы осындай міндет қойды және оны іске асыру үшін еліміздің айналасында, Қытай, Қырғызстан, Өзбекстан, Ресей Федерациясы және Каспий шекараларында көлік-логистикалық және сауда тораптары құрылуда. Осы желіні құру бойынша жұмыс барысын бақылау үшін Премьер-Министрдің орынбасары Серік Жұманғарин барлық мүдделі мемлекеттік органдармен, инвесторлар өкілдерімен, осы ірі жобалар іске асырылып жатқан өңірлердің әкімдіктерімен жедел штаб отырысын өткізді.
Каспий торабында "Саржа" көпфункционалды теңіз терминалын салу жобасы толық қарқынмен және белгіленген мерзімде жүріп жатыр. Терминалдың қуаты - жылына 10 млн тонна, аяқталуы - 2030 жыл. Жоба аясында қуаты 1,5 млн тонна астық терминалы, қуаты 1 млн тонна жалпы жүк терминалы, қуаты 2 млн тонна әмбебап терминал, қуаты 5,5 млн тонна сұйық жүк терминалы және көлік-логистикалық орталығы (КЛО) салынады. КЛО, астық терминалы, жерүсті инфрақұрылымы құрылысының алғашқы кезеңдері аяқталды. "Ақтау" және "Құрық" порттарында контейнерлік хаб салу жұмыстары басталды.
Semurg invest" ЖШС өкілі жалпы жүктердің терминалы жұмыс істеуге толық дайын екенін айтты: жақында алғашқы 10 вагон қабылданып, барлық қажетті теміржол салынып, кеме айлағы бар пирстер пайдалануға берілді. Мұның бәрі 2023 жылы Каспий маршрутының экспорттық әлеуетін арттыруға мүмкіндік береді.
Серік Жұманғарин кеңесте атап өткендей, Каспий көлік торабының жобасы Мемлекет басшысының Челябинск қаласынан Иранға Қазақстан арқылы тез жүретін пойыздарға арналған теміржол магистралін салу туралы тапсырмасымен бірге қаралуы тиіс.
Аталған магистральдің құрылысы - Еуразия кеңістігіндегі ауқымды кооперациялық жоба. Ол үшін "Бейнеу - Маңғыстау" теміржол желісінің және "Бейнеу - Шалқар" автомагистралінің учаскесіндегі "тар жерлерді" реконструкциялау қажет. Келесі кеңеске ҚТЖ Маңғыстау облысының әкімдігімен бірлесіп, "Орск-Болашақ" теміржолының және оның инфрақұрылымының құрылысы бойынша нақты ұсыныстар дайындауы қажет. Біз тауарлардың кең номенклатурасы бойынша Иранмен еркін сауда аймағы туралы келісімге қол қою алдында тұрмыз, біздің алдымызда Иранмен тауар айналымын $3 млрд-қа жеткізу міндеті тұр. Жеткізілетін негізгі тауарлар азық-түлік болмақ. Qaztrade сауда саясаты орталығы өз тарапынан Иранға дейін астық экспорттаушыларды қолдау тетіктерін пысықтауы қажет", - деді вице-премьер.
Қырғызстанмен шекарада орналасқан "Алатау" индустриялық сауда-логистикалық кешенін (СЛК) индустриялық аймақ ретінде іске қосу жоспарланып отыр. Жамбыл облысы әкімінің 2023 жылғы 12 қыркүйектегі қаулысымен "Алатау" өңірлік индустриялық аймағы құрылды, 36 га жер учаскесі бөлінді, инвестор ТЭН әзірлеумен айналысып жатыр. Техникамен қамтамасыз ету және құрылыс үшін коммуникацияларды тарту мәселелері шешілді. Жақын арада кешен салу үшін инвестормен бірлесіп, басқарушы компания құрылатын болады. СЛК-ның іске қосылуы 2026 жылдың 2-тоқсанына жоспарланған.
Еуразия" трансшекаралық сауда орталығы (ТСО) ЕАЭО аумағында халықаралық экономикалық алаңға айналуға ниетті. ТСО Орал қаласының әуежайына іргелес аумақта орналасатын болады. Мұнда Орынбор, Саратов, Самараға және одан әрі Ресей Федерациясының ірі федералды округтері мен Шығыс Еуропа елдеріне шығатын жүк тасымалы үшін маңызды торап саналатын индустриалды аймақ (281 га) орналасқан. ТСО-дан басқа, агрологистикалық орталыққа (жол бойындағы қызмет көрсету және кедендік рәсімдеу нысандары бар сақтау, сауда, қайта өңдеу, ауыл шаруашылығы және азық-түлік логистикасы орталықтары) және авиакарго терминалына (жүк терминалы және халықаралық мультибрендтік фулфилмент-орталық) арналған аймақтар да қарастырылған. Бүгінгі таңда БҚО әкімдігі ТСО үшін индустриялық аймақтың инфрақұрылымын салу бойынша жұмыс жүргізуде. Құрылыс 2024 жылдың соңында аяқталады деп күтілуде.
Қорғас торабында Қытай және Азия-Тынық мұхиты азық-түлік нарықтарына экспорттау үшін қазақстандық және шетелдік өндірушілердің азық-түлік өнімдерін жинайтын, сақтап, әрі тарататын орынға айналатын азық-түлік хабын құру жоспарланып отыр. Бұл Қазақстан мен Қытайдың азық-түлік қауіпсіздігін айтарлықтай нығайтуға мүмкіндік береді. Қазақстанды Еуразия кеңістігіндегі қуатты көлік-логистикалық хабқа әртараптандыру аясында азық-түліктің саласының болашағы зор. Мұнда азық-түлікті, оның ішінде ерекше температуралық режимді қажет ететін тауарларды, атап айтқанда, теңіз өнімдерін, жемістер мен көкөністерді, ет-сүт және қатты мұздатылған өнімдерді сақтауға маманданған "А" деңгейіндегі заманауи азық-түлік хабын салу қажет. Қазіргі уақытта "Қорғас" ШЫХО аумағында оның құрылысы үшін ауданы кемінде 50 га жер учаскесі айқындалды.
Отырыс қорытындысы бойынша Серік Жұманғарин бес трансшекаралық хабты іске асыруға жауапты барлық органға дамудің егжей-тегжейлі тұжырымдамалары мен инфрақұрылым жүргізу жоспарларын дайындауды тапсырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алаяқтық үшін сотталған азамат Украинадан Қазақстанға экстрадицияланды
Сурет: Depositphotos
Алаяқтық үшін сотталған азамат Украинадан Қазақстанға экстрадицияланды, деп хабарлайды ҚР Бас прокуратурасының баспасөз қызметінен.
Украинаның Әділет заразминистрлігі Қазақстан сотының үкімін орындаудан жалтарған азамат "М" Қазақстан Республикасына беру туралы шешім қабылдады.
Сот аталған азаматты 2017 жылы аса ірі мөлшерде алаяқтық жасағаны үшін кінәлі деп танып, шартты мерзімге соттады.
2019 жылы "М" азаматы соттың өзіне жүктеген шектеулерін бұзып, жазасын өтеуден жалтару мақсатында жасырынып, іздеуге жарияланды.
Ағымдағы жылдың тамыз айында іздеуде жүрген адамды Украина аумағында осы елдің құқық қорғау органдары ұстады.
Бүгін Қазақстан Республикасының Украинадағы, Молдовадағы және Түркиядағы Елшіліктерінің қолдауымен Қазақстан Бас прокуратурасы мен Интерпол қызметкерлері оны біздің елге экстрадициялады.
Қазіргі уақытта ол Астана қаласының тергеу изоляторына қамалды - деп Бас прокуратураның ресми өкілі Дархан Дүйсембай хабарлады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елордада балабақшалардағы 10 мыңнан астам орынға мемлекеттік тапсырыс орналастырылды
Сурет: gov.kz
Биыл балабақшаларда 10 317 орынға қосымша мемлекеттік тапсырыс орналастырылды. 9 157 қаңтар-сәуір айларында, қалған 1 360 орын осы жылдың қыркүйегінде орналастырылды, деп хабарлайды елорда әкімдігінің ресми сайты.
Астанада 505 балабақша жұмыс істейді, онда 67,5 мыңнан астам бала оқиды.
Сонымен қатар, биыл мектепке дейінгі ұйымдар жанынан 500 орындық тұрғын үй кешендерінің бірінші қабатынан қосымша ғимараттар ашу жоспарланып отыр.
Мектепке дейінгі мекемелердегі орындар INDIGO сайты арқылы бөлінеді, бүкіл процесс ашық және ашық түрде жүзеге асырылады. Қазір электронды порталда мектеп жасына дейінгі 60 971 бала тіркелген, оның ішінде 2 жастан 6 жасқа дейін – 41 818 бала. Жыл бойы балаларды мектепке дейінгі тәрбиемен және оқытумен қамту бойынша жұмыс жүргізілуде.
Мектепке дейінгі мекемелердің педагогтері үшін де жұмыс жағдайлары жасалуда. Сонымен, 2023 жылдың 1 қыркүйегінен бастап балабақша тәрбиешілерінің жалақысы 30 пайызға өсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.