Алматыда білім беру нысандарын аттестаттау өтеді
Мемлекеттік аттестаттау профилактикалық бақылау нысанында, яғни объектілерге бармай-ақ өткізілетін болады.
АЛМАТЫ. 7 ШІЛДЕ - Жаңа оқу жылынан бастап Алматының білім беру мекемелерінде мемлекеттік аттестаттау өтеді. Бұл үдерісті ұйымдастыру туралы Алматы қаласы білім департаментінің басшысы Гүлнар Ермекбаева айтып берді, деп хабарлайды KAZAKHSTAN TODAY Алматы қаласы білім басқармасының баспасөз қызметіне сілтеме жасап.
Мемлекеттік аттестаттау профилактикалық бақылау нысанында, яғни объектілерге бармай-ақ өткізілетін болады. Ол мектепке дейінгі ұйымдарда, мектептерде, колледждерде, әскери және арнайы жоғары оқу орындарында өтеді. Меншік нысаны мен ведомстволық бағыныстылығына қарамастан мекемелердің барлық түрлерін қамтиды. Мектептер, колледждер мен балабақшалар оқушылардың білімін кесу, ата-аналарға сауалнама жүргізу, білім беру ұйымдарының өзін-өзі бағалауы арқылы аттестатталатын болады", - деп хабарлады басшы Ермекбаева.
Спикер халықаралық тәжірибеде кеңінен қолданылатын білім беру ұйымдарының өзін-өзі бағалауы қандай екенін түсіндірді.
Мекемелер өздері ұсынатын білім сапасын өздері талдауы керек. Бұл тетік өзінің білім беру практикасын жетілдіруде дербестікті ынталандыруға бағытталған. Яғни, мемлекеттік аттестаттауды өткізу өкілеттігі негізінен білім беру ұйымдарының өздеріне жүктеледі", - деп түсіндірді спикер.
Оның айтуынша, білім бөлімдері 4-ші, 9-шы және 11-ші сыныптарға қатысты. Кіші мектеп оқушылары екі пән бойынша, үлкендері үш және төрт пән бойынша тест тапсырады. Техникалық және кәсіптік білім беру ұйымдарында студенттердің білімін екі бейіндік пән бойынша тексереді. Мектепке дейінгі тәрбие мен оқыту деңгейінде ата-аналарға сауалнама жүргізіледі.
Бес жыл ішінде барлық балабақшалар, мектептер, колледждер мемлекеттік аттестаттаудан өтеді, бұл білім беру қызметтерінің сапасын жақсартады және ұйымдарды одан әрі өсуге ынталандырады.
Алматы әкімдігінің мәліметінше, қалада 207 мемлекеттік және 67 жеке меншік мектеп, 189 мемлекеттік және 643 жеке меншік балабақша, 96 колледж, 39 жоғары оқу орны бар. Олардың барлығы аттестаттаудан өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.