Система Orphus

Қазақстанда тағы бір фармацевтикалық зауыт салынады

11.05.2022, 17:14 37566
Қазақстанда тағы бір фармацевтикалық зауыт салынады
Сурет: ОКҚ
АНКАРА. 11 МАМЫР - Денсаулық сақтау министрі Ажар Ғиният Қазақстан Президенті Қасым-Жомарт Тоқаевтың Түркия Республикасына мемлекеттік сапары аясында Nobel Ilac фармацевтикалық компаниясының басшысы Хасан Улусамен жобаларды бірлесіп іске асыру мәселелерін талқылады, деп хабарлайды KAZAKHSTAN TODAY Орталық коммуникациялар қызметіне сілтеме жасап.
 
Тараптар Қазақстанда фармацевтикалық зауыт салу туралы келісімге қол қойды.
 
Осы жылы фармацевтикалық өнімді шығару бойынша "Нобел АФФ" АҚ бірлескен қазақстандық зауытының құрылғанына тура 20 жыл толады.
 

Nobel Ilac компаниясы қолданыстағы өндірісті жаңғыртуға және кеңейтуге, сондай-ақ Алматы қаласында саше және жоғары технологиялық биосимилярлар нысанындағы препараттар өндірісі жолға қойылатын екінші фармацевтикалық зауыт салуға қосымша 55 млн.доллар инвестициялауды жоспарлап отыр", - деп атап өтті ведомствода.

 
Қазіргі уақытта жобаның ЖСҚ және ТЭН әзірлеу жүзеге асырылуда, оларды 2022 жылғы бірінші жартыжылдықтың соңына дейін аяқтау және 2025 жылғы желтоқсанда толық аяқтай отырып, жобаны кезең-кезеңімен іске асыруға кірісу жоспарлануда.
 

Аталған кәсіпорын бірегей дәрілік заттар мен медициналық бұйымдардың отандық өндірісін дамытуға, отандық фармацевтикалық өнімнің экспорттық әлеуетін арттыруға, сондай-ақ ғылыми және кадрлық әлеуетін арттыруға мүмкіндік береді", - деп атап өтті Ғиният.

 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Қазақстан әлем нарығындағы ахуалды тұрақтандыру үшін өзінің көмірсутегі әлеуетін пайдалануға дайын

04.07.2022, 17:05 2391
Қазақстан әлем нарығындағы ахуалды тұрақтандыру үшін өзінің көмірсутегі әлеуетін пайдалануға дайын
НҰР-СҰЛТАН. 4 ШІЛДЕ - Мемлекет басшысы Қасым-Жомарт Тоқаев Еуропа одағының президенті Шарль Мишельмен телефон арқылы сөйлесті, деп хабарлайды KAZAKHSTAN TODAY Ақорданың баспасөз қызметіне сілтеме жасап.
 
Қазақстан Президенті былтыр қараша айында өткен Брюссельдегі жеке кездесудің және қол жеткізілген уағдаластықтарды жүзеге асырудың маңызды екенін айтты. 
 
Мемлекет басшысы Қазақстанның Еуропа одағымен кеңейтілген серіктестік және ынтымақтастық жөнінде Келісімге қол қойған Орталық Азиядағы бірінші ел екенін атап өтті. Бұл қарым-қатынастарымызды жаңа деңгейге көтерді. Қасым-Жомарт Тоқаев Қазақстанның ең ірі сауда серіктесі саналатын Еуропа одағымен орнықты байланысты дамытуға бейілді екеніне назар аударды.
 
Әңгіме барысында өңірлік және жаһандық күн тәртібіндегі мәселелер жан-жақты талқыланды. Олар азық-түлік дағдарысының күрделене түскеніне алаңдаушылық білдірді.
 
Қасым-Жомарт Тоқаев халықаралық ахуалды жақсарту, ең өзекті деген мәселелер бойынша сенімді диалог орнату үшін күш біріктірудің маңызды екеніне тоқталды.
 

Қазақстан Шығыс пен Батыс, Оңтүстік пен Солтүстік арасында "аралық нарық" рөлін атқара отырып, бұл іске өз үлесін қоса алар еді", – деді Мемлекет басшысы.

 
Бұдан бөлек Қасым-Жомарт Тоқаев Еуропа одағын балама трансқұрлықтық дәліздерді, соның ішінде Транскаспий халықаралық көлік бағытын дамыту ісінде ынтымақтастық орнатуға шақырды.
 
Президент әлемдегі энергетикалық қауіпсіздікке төнетін қатерге алаңдайтынын жеткізді. Оның айтуынша, Қазақстан әлем және Еуропа нарығындағы ахуалды тұрақтандыру үшін өзінің көмірсутегі әлеуетін пайдалануға дайын екенін мәлімдеді.
 
Мемлекет басшысы Қазақстанның Ауғанстандағы тұрақтылыққа және осы елге көмек беруге қатысты халықаралық қоғамдастықтың күш-жігерін қолдайтынын нақтылады.
 
Әңгіме соңында Президент Қасым-Жомарт Тоқаев Шарль Мишельді Қазақстанға сапармен келуге шақырды.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Қорғаныс министрі Жаркент гарнизоны бөлімшелерінің жағдайын тексерді

04.07.2022, 16:47 2721
Қорғаныс министрі Жаркент гарнизоны бөлімшелерінің жағдайын тексерді
Сурет: ҚР Қорғаныс министрлігі
НҰР-СҰЛТАН. 4 ШІЛДЕ - Жетісу облысына жұмыс сапары барысында қорғаныс ведомствосының басшысы генерал-полковник Руслан Жақсылықов Жаркент қаласында орналасқан бөлімшелердің жай-күйін тексерді, деп хабарлайды KAZAKHSTAN TODAY ҚР Қорғаныс министрлігінің баспасөз қызметіне сілтеме жасап.
 
Генерал-полковник Руслан Жақсылықов штаб, полигон, әскери атыс орындары, оқу орталығы корпустары секілді инфрақұрылым нысандарының жай-күйін қарап шығып, әскери қалашықтың тұрғын үй қорымен танысты.
 
Сондай-ақ, Мемлекет басшысы Қасым-Жомарт Тоқаев бекіткен "Қауіпсіз ел" ұлттық жобасын іске асыру жөніндегі іс-шаралардың орындалуына назар аудара отырып, әскери техниканы, қару-жарақ пен оқ-дәрілерді сақтау жағдайын тексерді.
 
Инспекция нәтижелері бойынша генерал-полковник Руслан Жақсылықов инфрақұрылымды ұстау, оқ-дәрілерді қауіпсіз сақтауды қамтамасыз ету, жауынгерлік даярлықты және жалпы қызметтік істі ұйымдастыру бойынша бірқатар міндеттер қойды.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Тоғжанов педагогтерге жалақыны уақытылы төлеуді қамтамасыз ету және ӘМАТ өнімдері бағасының негізсіз өсуіне жол бермеуді тапсырды

04.07.2022, 16:36 2881
Тоғжанов педагогтерге жалақыны уақытылы төлеуді қамтамасыз ету және ӘМАТ өнімдері бағасының негізсіз өсуіне жол бермеуді тапсырды
НҰР-СҰЛТАН. 4 ШІЛДЕ - ҚР Премьер-Министрінің орынбасары Ералы Тоғжановтың төрағалығымен мемлекеттік органдардың тәуекелдерді талдау мен болжамдық қызметін күшейту мәселелері бойынша кеңес өтті, деп хабарлайды KAZAKHSTAN TODAY ҚР Премьер-Министрінің баспасөз қызметіне сілтеме жасап.
 

Кез келген мәселе уақытында шешілмесе, халықтың наразылығын тудыруы мүмкін. Сондықтан мемлекеттік органдар тәуекелдерді үнемі талдап, оларды шешуге әрдайым дайын болуы керек", — деді вице-премьер. 

 
Кеңес барысында Оқу-ағарту министрлігіне және әкімдіктерге педагогтерге жалақыны уақытылы төлеуді қамтамасыз ету, Ауыл шаруашылығы министрлігіне әлеуметтік маңызы бар азық-түлік өнімдері бағасының негізсіз өсуіне жол бермеу үшін өндіріс пен тұтыну теңгерімінің нақты болжамын әзірлеу тапсырылды.
 
Е. Тоғжанов балаларды жаңа оқу жылына дайындау маусымы жақындағанын және бұл халық шығындарының ұлғаюына әсер етуі мүмкін екенін атап өтті. Сондықтан бағаны тұрақтандыру үшін қолданыстағы нарықтық құралдардың мүмкіндіктерін барынша пайдалану қажет.
 
Кеңес қорытындысы бойынша барлық мемлекеттік органдар мен өңірлер әкімдіктерінің алдына келесідей міндеттер қойылды:
 
  • жалақы бойынша берешектің пайда болуына жол бермеу;
  • барлық ықтимал тәуекелдерді тұрақты негізде талдау және саланың проблемалық мәселелерін шешу бойынша іс-қимылдар алгоритмін әзірлеу;
  • проблемалық мәселелер болған жағдайда олардың шешімін айрықша бақылауға алу;
  • мемлекеттік органдардың ақпараттық, түсіндіру жұмыстарын күшейту, әлеуметтік желілердегі алаңдарды белсенді түрде жүргізу, сондай-ақ халықтың сұрақтарына уақытылы жауап беру.
 
Бұған дейін хабарланғандай, Мәжіліс депутаты Палата отырысы барысында қазақстандық мұғалімдер үшін демалыс және сауықтыру төлемдері бойынша мемлекеттің қарыздары шамамен 30 млрд теңгені құрағанын хабарлады.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

ҚР-да Тұңғыш Президенттің мәдениет саласындағы мемлекеттік стипендиясын қайта атау жоспарлануда

04.07.2022, 16:03 3116
ҚР-да Тұңғыш Президенттің мәдениет саласындағы мемлекеттік стипендиясын қайта атау жоспарлануда
Сурет: Depositphotos
НҰР-СҰЛТАН. 4 ШІЛДЕ - Қазақстанда "Қазақстан Республикасының Тұңғыш Президенті – Елбасының мәдениет саласындағы мемлекеттік стипендиясын тағайындау туралы" Қазақстан Республикасы Президентінің 2000 жылғы 3 сәуірдегі №369 Жарлығына өзгерістер енгізу туралы" Жарлықтың жобасы әзірленді, деп хабарлайды KAZAKHSTAN TODAY Ашық НҚА сайтына сілтеме жасап.
 
 "Қазақстан Республикасы Тұңғыш Президенті - Елбасының мәдениет саласындағы мемлекеттік стипендиясын тағайындау туралы" Жарлыққа өзгерістер енгізу ұсынылады. Атап айтқанда, тақырыбы мынадай редакцияда жазылсын: "Мәдениет саласындағы мемлекеттік стипендияны тағайындау туралы".
 

Қазақстан Республикасы Президентінің мәдениет саласындағы жыл сайынғы 75 мемлекеттік стипендиясы айына 55 еселенген айлық есептік көрсеткіш мөлшерінде тағайындалсын", - делінген "Ашық НҚА" порталында жарияланған құжатта.

 
Қолданыстағы редакцияға сәйкес, Қазақстан Республикасының Тұңғыш Президенті - Елбасының мәдениет саласындағы жыл сайынғы 75 мемлекеттік стипендиясы айына 20 еселенген айлық есептік көрсеткіш мөлшерінде тағайындалады.
 
Қазақстан Республикасының Үкіметі Қазақстан Республикасы Президентінің мәдениет саласындағы мемлекеттік стипендиясына ұсынылатын адамдардың қажеттігіне қарай жаңартылып отыратын дербес құрамын жыл сайын бекітуге ұсынады.
 
Осы Жарлық қол қойылған күнінен бастап қолданысқа енгізіледі.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

ҚР СІМ Өзбекстандағы соңғы оқиғалар бойынша мәлімдеме жасады

04.07.2022, 15:51 3606
ҚР СІМ Өзбекстандағы соңғы оқиғалар бойынша мәлімдеме жасады
НҰР-СҰЛТАН. 4 ШІЛДЕ - Қазақстан Республикасының Сыртқы істер министрлігі Өзбекстандағы соңғы оқиғалар бойынша мәлімдеме жасады, деп хабарлайды KAZAKHSTAN TODAY ҚР Сыртқы істер министрлігінің баспасөз қызметіне сілтеме жасап.
 

Өзбекстан – Қазақстан үшін бауырлас мемлекет, сенімді одақтас және стратегиялық серіктес. Сондықтан Қазақстанда соңғы күндері Өзбекстан Республикасында орын алған оқиғаларды алаңдаушылықпен қабылдады. Өзбекстан басшылығының Қарақалпақстан Республикасындағы жағдайды тұрақтандыру бойынша шешімдерін құптаймыз әрі қолдаймыз", - делінген СІМ мәлімдемесінде.

 
Ведомствода бауырлас Өзбекстанда аса маңызды саяси оқиға – Конституцияға түзетулер жөніндегі референдум қарсаңында – бейбітшілік пен тыныштық орнығатынына сенімді.
 

Қазақстан Өзбекстанмен 1998 жылғы 31 қазандағы Мәңгілік достық туралы шарт, 2013 жылғы 14 маусымдағы Стратегиялық әріптестік туралы шарт және 2021 жылғы 6 желтоқсандағы Одақтастық қатынастар туралы декларация рухындағы көпсалалы ынтымақтастықты дамыту мен нығайту бағытына бекем", - деп атап өтті ҚР СІМ.


Бұған дейін Қарақалпақстанда төтенше жағдай енгізілгені хабарланған болатын.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Монополиялық операторларды реттеу үшін арнайы құқық институты күшіне енді

01.07.2022, 17:57 18676
НҰР-СҰЛТАН. 1 ШІЛДЕ - 2022 жылғы 1 шілдеде Кәсіпкерлік кодекстің арнайы құқық институты ұғымы мен қағидаттарын регламенттейтін нормалары күшіне енді, деп хабарлайды KAZAKHSTAN TODAY ҚР Бәсекелестікті қорғау және дамыту агенттігінің баспасөз қызметіне сілтеме жасап.
 
Бұл нормалар мемлекеттік монополия тетігін толықтырады және жетілдіреді.
 
Ел Үкіметі белгілеген тәртіппен айқындалған мемлекеттік кәсіпорын, акционерлік қоғам, жауапкершілігі шектеулі серіктестік арнайы құқық субъектісі бола алады.
 
Аталған норманы іске асыру үшін Бәсекелестікті қорғау және дамыту агенттігі арнайы құқық субъектілерінің заңды тұлғаларды айқындау тәртібін регламенттейтін құқықтық акт әзірледі. Құжат ҚР Үкіметінің 2022 жылғы 30 маусымдағы №453 қаулысымен бекітілді.
 
Бүгінгі күні монополияға қарсы орган жүргізген талдау барысында анықталған 18 оператор реттеуге жатады және мемлекеттік монополия, арнайы құқық субъектілерінің тізіліміне енгізілетін болады.
 
Арнайы құқықтар берілген субъектілерді реттеу мынадай қағидаттарда жүзеге асырылатын болады:
 
1) бағалық реттеу, уәкілетті орган монополияға қарсы органмен келісім бойынша;
 
2) басқа заңды тұлғаларға қатысуға тыйым салу;
 
3) өзге қызметке тыйым салуды қамтиды;
 
4) қызметі арнайы құқықты жүргізумен байланысты өзгеріске ұшыраған бизнеске жіберіп алынған пайданы өтеу;
 
5) нарыққа қатысушыларды дайындау үшін жарты жылға кейінге қалдыру кезеңі.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

ҚР-да жер учаскелерін сату бойынша сауда-саттық жүргізу ережелері өзгерді

01.07.2022, 17:11 19141
ҚР-да жер учаскелерін сату бойынша сауда-саттық жүргізу ережелері өзгерді
НҰР-СҰЛТАН. 1 ШІЛДЕ - ҚР Ауыл шаруашылығы министрлігі өз бұйрығымен жер учаскелерін сату бойынша сауда-саттықты ұйымдастыру және өткізу қағидаларын өзгертті, деп хабарлайды KAZAKHSTAN TODAY ҚР нормативтік құқықтық актілерінің электрондық түрдегі эталондық бақылау банкіне сілтеме жасап.
 
Енді жер учаскесін сауда-саттыққа (аукциондарға) шығару мынадай екі тәсілмен жүзеге асырылады:
 
1) облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының, аудандық маңызы бар қала, кент, ауыл, ауылдық округ әкімінің (сатушы) сауда- саттыққа (аукциондарға) шығарылатын жер учаскелерінің тізбесін қалыптастыруы және бекітуі;
 
2) геоақпараттық сервистен (геосервис) жер учаскелерін алуға мүдделі тұлғалардан осы Қағидаларға 1-қосымшаға сәйкес нысан бойынша бос жер учаскесін сауда-саттыққа (аукционға) шығару туралы ұсыныстардың (ұсыныс) келіп түсуі.
 
Бұрынғы басылымда сатуға шығарылған жер учаскелерінің тізімін сатушы бекіткен болатын.
 
Ұсыныс беру мынадай тәртіппен жүзеге асырылады:
 
1) геосервисте ұсыныс беру;
 
2) егер Қазақстан Республикасының заңдарында белгіленген шектеулер мен тыйымдар болмаса, жер учаскесінің шекараларын енгізу, жер учаскесі бойынша тақырыптық деректерді цифрлық картада жүктеу;
 
3) ұсынысқа қол қою.
 
Ұсыныс беру үшін геосервисте тіркеу мынадай деректерді көрсете отырып жүзеге асырылады:
 
1) жеке тұлғалар үшін: жеке сәйкестендіру нөмірі, аты, әкесінің аты (бар болса), тегі;
 
2) заңды тұлғалар үшін: бизнес-сәйкестендіру нөмірі, заңды тұлғаның толық атауы, бірінші басшының аты, әкесінің аты (бар болса), тегі;
 
3) байланыс деректері (почталық және электрондық мекенжайлары, телефоны).
 
Жаңа ережелерде конкурсты өткізу рәсімін регламенттейтін параграф алынып тасталды. Енді жер телімдерін сату аукционда жүзеге асырылады.
 
Бұйрық 2022 жылғы 30 тамыздан бастап қолданысқа енгізіледі.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Тоқаев митрополит Александрды қабылдады

01.07.2022, 16:28 19456
Тоқаев митрополит Александрды қабылдады
Сурет: akorda.kz
НҰР-СҰЛТАН. 1 ШІЛДЕ - Мемлекет басшысы Қасым-Жомарт Тоқаев Астана және Қазақстан митрополиті Александрды қабылдады, деп хабарлайды KAZAKHSTAN TODAY Ақорданың баспасөз қызметіне сілтеме жасап.
 

Мемлекет басшысы Қазақстан митрополиттік аймағының этносаралық және конфессияаралық диалогты дамыту, адамгершілік құндылықтарды ілгерілету жолында ауқымды жұмыс атқарып жатқанын атап өтті", - деп хабарлайды Ақорданың баспасөз қызметі.

 
Президент қыркүйек айында Әлемдік және дәстүрлі діндер көшбасшыларының VII съезі өтетінін айтты. 
 
Оның басты тақырыбы – адамзаттың пандемиядан кейінгі кезеңдегі рухани және әлеуметтік дамуында діни көшбасшылардың атқаратын рөлі. Қасым-Жомарт Тоқаев Патриарх Кириллдің аталған форумға қатысуы жаһандық дінаралық және өркениетаралық диалогқа тың серпін беретініне сенім білдірді. 
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Ең көп оқылғаны