2025 жылғы 1 шілдеден бастап Қазақстанда "Жер қойнауын пайдалану жөніндегі операцияларды жүргізу кезінде пайдаланылатын тауарлар, жұмыстар және көрсетілетін қызметтердің және оларды өндірушілердің тізілімі" мемлекеттік ақпараттық жүйесінің жаңғыртылған Tizilim ақпараттық жүйесі іске қосылады. Аталмыш жүйе жер қойнауын пайдалану саласындағы барлық сатып алуларды жүргізуге арналған, деп хабарлайды Қазақстан Республикасы Өнеркәсіп және құрылыс министрлігінің баспасөз қызметінен.
Бүгінгі таңда Tizilim мемлекеттік техникалық сынақтардан өтіп, өндірістік пайдалануға енгізудің соңғы кезеңінде тұр. Сонымен қатар, ірі жер қойнауын пайдаланушылардың қатысуымен белсенді түрде тестілеу жүргізілуде.
Платформаның жаңартылған нұсқасымен және бизнес-процестермен танысу, сондай-ақ пайдаланушылардың пікірлерін жинау мақсатында келесі сілтеме арқылы тестілеуге қатысуға шақырамыз: https://tz.qazindustry.gov.kz/ru/auth/login. Аталмыш стенд тестілік режимде жұмыс істейтінін және барлық әрекеттер тек демонстрациялық мақсатта жүргізілетініне назарларыңызды аударамыз.
Сондай-ақ, барлық жер қойнауын пайдаланушылар мен жеткізушілерді https://tizilim.gov.kz/auth/login сілтемесі арқылы Tzilim жүйесіне тіркелуді сұраймыз.
Қосымша сұрақтар бойынша 1465 нөмірі арқылы ҚР Өнеркәсіп және құрылыс министрлігінің Бірыңғай байланыс орталығына хабарласуға болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.