14.10.2022, 16:28 36901
"Орталық Азия – Ресей" саммиті: Тоқаев өңірлік қауіпсіздікті күшейту жөнінде шаралар әзірлеуді ұсынды
Достарға айту
Астана. 14 қазан. KAZAKHSTAN TODAY - "Орталық Азия-Ресей" саммитінде сөз сөйлеу барысында Қазақстан Президенті Қасым-Жомарт Тоқаев өңірлік қауіпсіздікті күшейту жөнінде шаралар әзірлеуді ұсынды, деп хабарлайды Ақорданың баспасөз қызметі.
Президент бүгінгі кездесу барысында қол жеткізілетін уағдаластықтар алтыжақты ынтымақтастықтың іргетасын нығайтатынына сенім білдірді. Қасым-Жомарт Тоқаев ынтымақтастықты одан әрі дамыту жөніндегі көзқарасын негізгі өлшемдер тұрғысынан жеткізді.
Бірінші, бұл – қауіпсіздік. Тағдыр біздің елдерімізге бірге болуды жазған. Ортақ тарихымызды сақтай отырып, халықтарымыздың игілігі үшін ортақ келешегімізді құруға тиіспіз. Әр мемлекеттегі тұрақтылық пен қауіпсіздік бүкіл аймақтың дамуына тікелей әсер етеді. Мемлекеттеріміз бен халықтарымыздың түпкі мүддесін басшылыққа ала отырып, назарларыңызды жаңа қауіп-қатерлердің алдын алуға және оған дер кезінде төтеп беруге арналған тиімді әдістерді әзірлеу қажеттігіне аударғым келеді", – деді Мемлекет басшысы.
Президенттің пікірінше, қазіргі өзара іс-әрекет тетіктері жүйелі түрде жетілдіруді қажет етеді. Оның айтуынша, аймақтағы ахуалды тұрақсыздандыруға тырысу, қақтығыстарды өршіту үшін гибридтік және ақпараттық технологияларды пайдалану – осының айқын мысалы. Осыған байланысты елдердің қауіпсіздік кеңестері аппараттарына алдын алу шараларының механизмдерін әзірлеу және жасақтау туралы ұсыныс беру жөнінде айтылды. Бұл істе ақпарат алмасуға және қауіп-қатерді алдын ала анықтауға баса мән берілуге тиіс.
Қасым-Жомарт Тоқаев Ауғанстандағы жағдайға айрықша көңіл бөлу керек деп есептейді. Елдеріміз үшін оның қаупі әлі сейілген жоқ. Президенттің пікірінше, тұрақсыздыққа алып келетін тағы бір фактор – өңірдегі жекелеген елдер арасындағы шекара мәселесінің реттелмеуі.
Шекара проблемасы ғасырлар бойы қалыптасқан достық, өзара сенім және тату көршілік негізінде, сондай-ақ халықаралық құқық пен БҰҰ Жарғысының қағидаттарын мүлтіксіз сақтау арқылы тек бейбіт жолмен шешілуге тиіс. Аталған мәселені қарастыру үшін өңірлік сараптама алаңын құру пайдалы болады деп ойлаймын", – деді Қасым-Жомарт Тоқаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
23.04.2024, 12:51 481
Шығыс Қазақстан облысының таулы аудандарын аэровизуалды тексеру
Ертіс өзенінің бойындағы жағалау сызығын тексеру кезінде қазіргі уақытта елді мекендерді су басу қаупі байқалмайтыны анықталды
Достарға айту
Шығыс Қазақстан облысында облыс әкімінің орынбасары Бақытжан Байахметов пен ТЖ алдын алу басқармасының бастығы Арман Наурызбаевтың қатысуымен арнайы жұмыс тобы "Өскемен-Алтай-Катонқарағай" бағыты бойынша ұшып өтті, деп хабарлайды ШҚО ТЖД баспасөз қызметінен.
Ұшу қардың негізінен таулардың солтүстік беткейлерінде жатқанын көрсетті. Жазық бөлігі мен оңтүстік беткейлері таза.
Ертіс өзенінің бойындағы жағалау сызығын тексеру кезінде қазіргі уақытта елді мекендерді су басу қаупі байқалмайтыны анықталды.
Жағалауды нығайту және түбін тереңдету жұмыстары, бөгеттерді салу, мешокқаптарды төсеу жалғасуда. Комиссия осы жұмыстардың Алтай ауданының Зубовск және Малеевск кенттерінде жүргізілуімен танысты.
Тексерілген аудандарда шұғыл ден қою отрядтарының дайындығы тексерілді.
Облыста 23-26 сәуірге орта таулы аймақта қардың қарқынды еруінің жалғасуына байланысты дауылды ескерту жарияланды. Осыған байланысты көлбеу ағындардың пайда болуы, өзендердегі су деңгейінің көтерілуі, шекті белгілерден асып кетуі мүмкін.
ШҚО-да облыстық жедел штаб жұмыс істеуде, барлық қызметтердің жұмысы үйлестірілуде. Күштер мен құралдар дайын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.04.2024, 12:47 766
Тоқаев елде болған су тасқынына көмек көрсеткені үшін Өзбекстан халқына алғыс айтты
Достарға айту
Мемлекет басшысы Өзбекстан Президенті Шавкат Мирзиёевпен телефон арқылы сөйлесті, деп хабарлайды Ақорданың баспасөз қызметінен.
Қасым-Жомарт Тоқаев еліміздің бірқатар өңірінде болған су тасқынына байланысты тілеулестік танытып, көмек көрсеткені үшін Шавкат Мирзиёевке және бауырлас Өзбекстан халқына алғыс айтты.
Президенттер қазақ-өзбек стратегиялық серіктестігін одан әрі нығайту, сондай-ақ бұған дейін қол жеткізілген уағдаластықтарды жүзеге асыру мәселелерін талқылады. Тараптар екіжақты қатынастар мен өңірлік деңгейдегі кооперацияның қарқынды дамып келе жатқанына назар аударды.
Сонымен қатар мемлекеттер басшылары аймақтық және халықаралық күн тәртібіндегі өзекті мәселелер бойынша пікір алмасты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.04.2024, 12:41 996
650 мыңнан астам қазақстандық тұрғын үйге кезекте тұр
Достарға айту
Үкімет отырысында Премьер-Министр Олжас Бектенов тұрғын үй құрылысы және проблемалық объектілерді аяқтау мәселесі бойынша өнеркәсіп және құрылыс министрі Қанат Шарлапаевтың, сондай-ақ бірқатар өңірлер әкімдерінің баяндамасын тыңдады, деп хабарлайды ҚР Үкіметінің баспасөз қызметінен.
Олжас Бектенов Үкімет алдына биыл тұрғын үй құрылысына қатысты көптеген маңызды міндеттер қойылғанын атап өтті. Бұл - рекордтық 18 млн шаршы метр тұрғын үйді тапсыру, Мемлекет басшысының жаңа ипотекалық бағдарламаны іске қосу туралы тапсырмасын жүзеге асыру, сондай-ақ үлестік құрылыс пен заңсыз құрылыстың қордаланып қалған проблемаларын түпкілікті шешу.
Премьер-Министр қазіргі уақытта 650 мыңнан астам адам үй кезегінде тұрғанын атап өтті. 2023 жылы өңірлер әкімдіктері тұрғын үй бағдарламасына қатысуға өтініш берушілердің талаптарға сәйкестігін тексеру бойынша жұмыстарын бастады. Мәселен, Мысалы, Ақмола облысында баспана кезегінде тұрғандардың ішінде талаптарды бұзған 16 мыңға жуық азамат, Шымкент қаласында 36 мыңнан астам адам анықталды. Бірақ, олардың аз ғана бөлігі кезектен шығарылған.
Премьер-Министр әкімдіктерге тізімдерді бірінші жартыжылдықтың соңына дейін өзектендіруді және тұрғын үй бағдарламасының іске асырылуына мониторинг жүргізуді тапсырды.
Барлық әкімдіктер осы тізімдерді қайта қарап, жұмысты І жартыжылдықтың соңына дейін аяқтауы қажет. Бәрі белгіленген ережеге сай болуға тиіс. Кезекке қабылдауды ашық әрі бәріне түсінікті етіп жасау керек. Сондай-ақ тізімге енгізілген адамдарға нақты мониторинг жүргізілуге тиіс", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.04.2024, 11:38 2106
Қазақстанда көлік құралдарын тіркеу және жүргізушілерді даярлау қағидалары өзгерді
Достарға айту
2024 жылғы 23 сәуірден бастап еліміздің мамандандырылған ХҚКО-ларында көлік құралдарын тіркеу барысында міндетті нотариаттық куәландырылған көлікті сатып алу-сату шарттарын қабылдайтын болады. Бұл ретте мәміленің жазбаша нысаны жойылады, деп хабарлайды "Азаматтарға арналған үкімет" МК баспасөхз қызметінен.
Бұл өзгерістер мемлекеттік қызмет көрсету кезінде ашықтықты қамтамасыз етуге бағытталған. Айта кетейік, егер азаматтар қайта тіркеу үшін көлікті сатып алу-сату мәмілелерін нотариалды куәландырғысы келмеген жағдайда, олар екінші деңгейдегі банктердің қосымшалары арқылы көлік құралын онлайн қайта рәсімдей алады.
Сонымен қатар, 23 сәуірден бастап жүргізуші куәлігін алуға үміткерлер емтиханды тек автомектепті бітіргеннен кейін ғана тапсыра алады. А және В, сондай-ақ А1 және В1 санатындағы куәліктерге үміткер жүргізушілердің өзін-өзі даярлау арқылы емтихан тапсыруына мүмкіндік беретін тармақтар емтихандарды қабылдау және жүргізуші куәліктерін беру қағидаларынан алынып тасталды.
Енгізілген жаңашылдықтар көлік құралдарын тіркеу және есепке алу, сондай-ақ жүргізушілерді даярлау қағидаларына өзгерістер мен толықтырулар енуінің арқасында мүмкін болды. Бұл әкімшілік процестердің тиімділігін арттыруға және жол қозғалысы қауіпсіздігінің жоғары деңгейін қамтамасыз ету үшін қажет.
Өзгерістер "Жол қозғалысы туралы" Қазақстан Республикасы Заңының ережелеріне негізделіп, ҚР ІІМ Әкімшілік полиция комитетімен әзірленді. Қағидаға барлығы 53 түзету енгізілді.
Түзетулер жария талқылаудан, сыбайлас жемқорлыққа қарсы сараптамадан өтті және ІІО мен "Атамекен" ҚР Ұлттық кәсіпкерлер палатасының қызметі жөніндегі қоғамдық кеңеспен мақұлданды.
Азаматтарға арналған үкімет" барлық көлік иелері мен жүргізуші куәлігін алуға үміткерлерді жаңа ережелермен танысуға кеңес береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.04.2024, 17:42 17396
Қазақстанда интернет-казино ұйымдастырғаны үшін қылмыстық жауапкершілік енгізілуде
Достарға айту
Мәжіліс ойын бизнесі, лотереялар және лотерея қызметі мәселелері бойынша заңнамалық өзгерістерді Әкімшілік құқық бұзушылық туралы кодекске енгізілетін ілеспе түзетулерімен бірінші оқылымда мақұлдады, деп хабарлайды Төменгі палатаның баспасөз қызметінен.
Заң жобалары Мемлекет басшысының құмар ойындарға тәуелділікке қарсы күресті күшейту туралы тапсырмасы аясында әзірленді. Оған депутаттар бастамашы болды.
Заң жобасы бойынша жеке тұлғалардың құмар ойындарға және бәс тігуге қатысу жасы 21-ден 25 жасқа көтеріледі. Сонымен қатар алимент және несие берешегі өтелмеген азаматтардың, яғни борышкерлердің бірыңғай реестрінде тұрған тұлғалардың құмар ойын ойнауына тыйым салынады.
Аталған санаттарға заңсыз ойын ойнауға мүмкіндік берген заңды тұлғалар әкімшілік жауапкершілікке тартылады. Бұл жағдайда орта кәсіпкерлік субъектілеріне - 300 АЕК, ірі кәсіпкерлік субъектілеріне - 1000 АЕК көлемінде айыппұл салынады.
Сондай-ақ ойын бизнесін ұйымдастырушылар құмар ойындар мен бәс тігудің тәуекелдері мен зияны туралы хабарлауға міндеттеледі. Мұндай ақпарат ойын мекемелерінде, ғимараттарда, билет кассаларында және букмекерлік кеңселер мен тотализаторлардың электронды кассаларында, казино кассалары мен ойын автоматтары залдарында, сондай-ақ өздерінің интернет-ресурстарында орналастырылуы тиіс. Талаптарды орындамағандар әкімшілік жауапкершілікке тартылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.04.2024, 17:25 17901
Жемқорлыққа қарсы еріктілер 4 млрд теңгеден астам қаражаттың негізсіз жұмсалуының алдын алды
Дөңгелек үстелде жемқорлыққа қарсы еріктілер жұмысының нәтижелері айтылды
Достарға айту
Сыбайлас жемқорлыққа қарсы іс-қимыл агенттігі Төрағасының бірінші орынбасары Ұлан Сарқұловтың қатысуымен Алматыда жемқорлыққа қарсы еріктілердің жалпы республикалық жастар дөңгелек үстелі өтті, деп хабарлайды агенттіктің баспасөз қызметінен.
Іс-шараға мемлекеттік органдар мен халықаралық ұйымдардың, жоғары оқу орындарының өкілдері, Парламент депутаттары, Қоғамдық кеңес мүшелері, Агенттіктің басшылығы мен аумақтық департаменттері, сондай-ақ жемқорлыққа қарсы еріктілер мен студент жастар қатысты.
Дөңгелек үстелде жемқорлыққа қарсы еріктілер жұмысының нәтижелері айтылды.
Төрағаның 1-ші орынбасары өзінің алғы сөзінде белсенді және бей-жай қарамайтын азаматтар біздің мемлекетіміздің дамуындағы маңызды факторға айналып жатқанын атап өтті.
Бүгінде еріктілер қатарына 3 мыңға жуық адам кірді. Олардың жұмысының арқасында 4 млрд теңгеден астам сомаға тауарларды, жұмыстарды және қызметтерді сатып алу кезінде бағаны көтеру тәуекелдерінің алдын алды", - деп Ұ. Сарқұлов атап өтті.
Сондай-ақ, дөңгелек үстел барысында еріктілер үшін 2024 жылғы 4 сәуірде күшіне енген "Қоғамдық бақылау туралы" Заң таныстырылды.
Жаңа Заң қоғамдық бақылауды ұйымдастыруға және жүзеге асыруға байланысты қоғамдық қатынастарды реттейді, сонымен қатар қоғамдық бірлестіктер мен азаматтық белсенділердің мүмкіндіктерін кеңейтеді.
Жұртшылықтың пікірінше, бұл Заң сыбайлас жемқорлыққа қарсы еріктілердің қызметін заңдастыра және олардың бастамаларын тиімді іске асыру үшін қолайлы жағдайлар жасай отырып, жобаны дамыту үшін жаңа серпін болады.
Іс-шара ағаш отырғызу бойынша "Әділет аллеясы" көшпелі акциясымен және Қазақстандағы БҰҰ ресми өкілдерінің қатысуымен "БҰҰ моделі: мемлекеттердің жемқорлыққа қарсы саясатын іске асырудағы жастардың рөлі" зияткерлік ойынымен жалғасты.
Дөңгелек үстел қорытындысы бойынша еріктілерге қоғамдық мониторинг жүргізу кезінде Жаңа Заң талаптарын жүзеге асыру, сондай-ақ жемқорлықтың алдын алу бойынша белсенді жұмысты жалғастыру ұсынылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.04.2024, 15:56 19171
Өнімсіз делдалдар электрмен жабдықтау тізбегінен шығарылады
Достарға айту
Мемлекет басшысының экономиканы демонополизациялау және жасанды түрде құрылған делдалдық тізбектерді жою жөніндегі тапсырмасын іске асыру шеңберінде Үкімет энергиямен жабдықтау нарығында тәртіп орнатуға кірісті. Басты мақсат - тұтынушылар үшін электр энергиясының түпкілікті құнын негізсіз көтеретін делдалдарды алып тастау, деп хабарлайды Үкіметтің баспасөз қызметінен.
Премьер-Министр Олжас Бектеновтің тапсырмасы бойынша биылғы 1 сәуірден бастап нарықта 2004 жылдан бері жұмыс істеп келе жатқан және бизнес пен бірқатар бюджеттік ұйымдар үшін тарифтердің мөлшерін дербес белгілей алатын реттелмейтін энергиямен жабдықтаушы ұйымдардың (бұдан әрі - ЭЖҰ) жұмысы тоқтатылды. Бұл ретте талдау көрсеткендей, мұндай компаниялардың табыстылығы 1 кВтсағ үшін шамамен 30-50% немесе 5-20 теңгені құраған. Реттелмейтін ЭЖҰ-дан түскен пайда энергетикалық жүйені жаңғыртуға пайдаланылмады.
ҚР Парламенті Мәжілісінің бірінші оқылымында мақұлданған "Жылу энергетикасы туралы" жаңа заң аясында өнімсіз делдалдарды жою жұмыстары жалғасатын болады. Электрмен жабдықтау нарығындағы қазіргі проблемаларды шешу үшін ҚР Үкіметі бірінші кезеңде реттелмейтін ЭЖҰ қызметін шектеу туралы шешім қабылдады. Екінші кезеңде электрмен жабдықтау саласын өңірлік электр желілері компанияларына беру қарастырылады. Бұл электр энергиясының тарифіне жағымды әсер етеді, сонымен қатар келесідей оң әсерлерге әкеледі:
- заңды тұлғалар үшін тарифтерді төмендету, тиісінше, бизнеске жүктемені азайту, бұл халық үшін түпкілікті өнім бағасының тең шарттары мен төмендеуін қамтамасыз етеді;
- бюджет қаражатын үнемдеуге алып келетін және үнемделген қаражатты әлеуметтік маңызы бар жобаларға бағыттауға мүмкіндік беретін бюджеттік ұйымдар үшін тарифті төмендету;
- соңғы тұтынушылар үшін тарифке ең аз әсер ете отырып, энергетика секторына инвестицияларды ұлғайту.
Осындай жұмыстар өнімсіз делдалдар кесірінен бағаның негізсіз көтерілуі байқалатын өзге де салаларда жүргізілетін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
19.04.2024, 18:42 89916
Көлік прокуратурасы 900-ден астам кәсіпкердің құқықтары қорғады
Достарға айту
Көлік прокуратурасы 900-ден астам кәсіпкердің құқықтары қорғады, деп хабарлайды ҚР Бас прокуратурасының баспасөз қызметінен.
Ақмола көлік прокуратурасымен жүргізілген талдау нәтижелері бойынша кәсіпкерлерге елдің теміржол вокзалдарында үй-жайлар мен коммерциялық алаңдарды жалға беру кезінде баға саясатында бұзушылықтарды анықтады.
Қадағалау органының назарына "ҚТЖ "ҰК" АҚ-"Магистральдық желі дирекциясы" филиалының кәсіпкерлік субъектілерімен жасалған 923 шарт бойынша жалдау құнын 20%-ға арттыру туралы шешім қабылдау фактісі түсті. Жалға беруші мұны пандемия кезінде және бизнесмендерге жеңілдіктермен келтірілген шығындарды өтеу қажеттілігімен негіздеді.
Прокуратурамен осындай жағдай кәсіпкерлік және теміржол көлігі туралы заңнаманың базалық қағидаттарына қайшы келетінін анықтаған.
Осылайша, бірдей жағдайларда жалға алу төлемдерінің әр түрлі тарифтері қолданылып, бұл вокзал шаруашылығының жалға алынған объектілеріне қол жеткізу үшін кәсіпкерлерге қатысты кемсітушілігін көрсеткен.
Осыған байланысты, Ақмола көлік прокуратурасының наразылығымен "ҚТЖ "ҰК" АҚ-"Магистральдық желі дирекциясы" филиалының жалдау төлемдерін күрт арттыру туралы заңсыз шешімі жойылды.
Ұлттық компанияның кінәлі лауазымды тұлғалар тәртіптік жауапкершілікке тартылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
23.04.2024, 11:38Қазақстанда көлік құралдарын тіркеу және жүргізушілерді даярлау қағидалары өзгерді 23.04.2024, 12:41 231650 мыңнан астам қазақстандық тұрғын үйге кезекте тұр23.04.2024, 12:47 156Тоқаев елде болған су тасқынына көмек көрсеткені үшін Өзбекстан халқына алғыс айтты23.04.2024, 11:49 141Ресейден аса ірі мөлшерде алаяқтық жасаған күдікті экстрадицияланды23.04.2024, 12:51 71Шығыс Қазақстан облысының таулы аудандарын аэровизуалды тексеру
18.04.2024, 12:51 107056"Семей орманы" резерваты мен Қазақстандағы үш облыс өрт болған жағдайда дайын емес18.04.2024, 16:22 102951Қазақстанда мемлекетке қайтарылған активтердің бір бөлігі су тасқыны салдарын жоюға жіберілді18.04.2024, 22:15 102211Қасым-Жомарт Тоқаев пен Садыр Жапаров екі ел өнерпаздарының гала-концертін тамашалады19.04.2024, 11:11 97151Қазақстандағы су тасқынынан зардап шеккендерге үкімет қандай көмек көрсетеді19.04.2024, 18:20 89551Қазақстанда вейпке тыйым салынады: Тоқаев заңға қол қойды
04.04.2024, 16:35 121086Инвестиция тарту жөніндегі кеңес отырысында жобаларды "жасыл дәліз" тетігіне енгізу критерийлері қаралды04.04.2024, 16:30 120861Президент Батыс Қазақстан облысының су басқан аумақтарын тікұшақпен аралады18.04.2024, 12:51 107056"Семей орманы" резерваты мен Қазақстандағы үш облыс өрт болған жағдайда дайын емес04.04.2024, 16:25 105691Тоқаев су тасқыны туралы: бұл бұрын-соңды болмаған табиғи апат18.04.2024, 16:22 102951Қазақстанда мемлекетке қайтарылған активтердің бір бөлігі су тасқыны салдарын жоюға жіберілді