Система Orphus

ҚР ҰҚК экс-басшысы Мәсімов пен оның орынбасары қамауға алынды

27.01.2022, 16:47 74491
ҚР ҰҚК экс-басшысы Мәсімов пен оның орынбасары қамауға алынды
НҰР-СҰЛТАН. 27 ҚАҢТАР - Мемлекетке опасыздық жасады және билікті күшпен басып алуға бағытталған әрекеттер жасады деген күдікке ілінген ҚР Ұлттық қауіпсіздік комитетінің бұрынғы төрағасы Кәрім Мәсімов пен оның орынбасары Әнуар Садықұлов қамауға алынды.
 

К.Мәсімов пен Ә.Садықұловқа қатысты қамауда ұстау түріндегі бұлтартпау шарасы санкцияланған. Д.Ерғожинге қатысты бұлтартпау шарасын таңдау мәселесі қарастырылып жатыр", - делінген ҚР ҰҚК баспасөз қызметі таратқан ақпаратта.

 
Сондай-ақ, ҚР Ұлттық қауіпсіздік комитетінің бұрынғы төрағасы Кәрім Мәсімовтің қылмыстық ісі "өте құпия" белгісімен тергелуде.
 

Қылмыстық-процессуалдық кодекстің 201-бабына сәйкес, аталған сотқа дейінгі тергеудің жариялануға жатпайтындығын комитеттен (Ұлттық қауіпсіздік комитеті) растады", - делінген Almatyapat Telegram-каналында жарияланған ақпаратта. 

 
Естеріңізге сала кетейік, осы жылдың 6 қаңтарында ҰҚК Қазақстан Республикасы Қылмыстық кодексінің 175-бабы 1-бөлігімен мемлекетке сатқындық фактісі бойынша сотқа дейінгі тергеу бастады. Осы күні аталған қылмысты жасады деген күдікпен Ұлттық қауіпсіздік комитетінің бұрынғы төрағасы К.Мәсімов, ҰҚК төрағасының бұрынғы орынбасары – "А" арнайы мақсаттағы қызметінің бастығы А.Садықұлов пен ҰҚК төрағасының бұрынғы орынбасары Д. Ерғожин ұсталды.
 
Ақпарат көзі: inform.kz 
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Тоқаев ҚР Қауіпсіздік Кеңесі хатшысының бірінші орынбасарын тағайындады

20.05.2022, 16:39 15991
НҰР-СҰЛТАН. 20 МАМЫР - Мемлекет басшысы Қасым-Жомарт Тоқаевтың өкімімен Мұрат Қалибекұлы Баймұқашев Қазақстан Республикасы Қауіпсіздік Кеңесі Хатшысының бірінші орынбасары болып тағайындалды, деп хабарлайды KAZAKHSTAN TODAY Ақорданың баспасөз қызметіне сілтеме жасап.
 
Мұрат Баймұқашев Қазақстан Республикасы Ішкі істер министрінің орынбасары лауазымынан босатылды.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Тоқаев ҰҚК-ні реформалау туралы Жарлыққа қол қойды

20.05.2022, 16:35 16136
Тоқаев ҰҚК-ні реформалау туралы Жарлыққа қол қойды
НҰР-СҰЛТАН. 20 МАМЫР - Қазақстан Республикасының Президенті "Қазақстан Республикасы Ұлттық қауіпсіздік комитетінің кейбір мәселелері туралы" № 893 Жарлыққа қол қойды, деп хабарлайды KAZAKHSTAN TODAY ҚР Ұлттық қауіпсіздік комитетінің баспасөз қызметіне сілтеме жасап.
 

Осы Жарлықпен ұлттық қауіпсіздік органдарының қызметін жетілдіруді көздейтін Қазақстан Республикасы Президентінің 15 жарлығына түзетулер енгізілді", - деп хабарлады ҚР ҰҚК.

 
ҰҚК-нің жаңартылған құрылымы бекітілді. ҰҚК-нің жекелеген мемлекеттік мекемелері қайта ұйымдастырылып, оңтайландырылды.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Сот жүйесін табанды түрде реформалау қажеттігі пісіп жетілді - Тоқаев

19.05.2022, 19:25 16411
Сот жүйесін табанды түрде реформалау қажеттігі пісіп жетілді - Тоқаев
Сурет: Pexels
НҰР-СҰЛТАН. 19 МАМЫР - Мемлекет басшысы Қасым-Жомарт Тоқаев жеке меншік пен бизнес мүдделерін қорғауда ашық әрі әділ сот төрелігін қамтамасыз етудің–басымдығына баса мән берді, деп хабарлайды KAZAKHSTAN TODAY Ақорданың баспасөз қызметіне сілтеме жасап.
 

Судьяларды іріктеу қағидаттарын жетілдірмейінше осы бағытта жасалған барлық күш-жігер тиімсіз болмақ. Қазіргі уақытта сот жүйесінде екі мыңнан астам судья қызмет етіп жатыр. Жыл басынан бері сот жүйесіне қатысы жоқ басқа салалардан келген 50-ге жуық заңгер-практик судья болды. Ілгерілеу бар, бірақ жеткіліксіз. Бұл бағыттағы жұмысты жеделдету керек", – деді Мемлекет басшысы.

 
Президент сот төрелігінің қағидаттарын қамтамасыз етуді тағы бір басымдық ретінде атап өтті.
 

Сот жүйесін табанды түрде реформалау қажеттігі пісіп жетілді. Бұл қажеттілік судьялар тарапынан жақсы қабылданып жатыр. Реформа өз көздеген мақсатына қол жеткізеді деп санаймын. Біз мұндай сөздерді шетелдік инвесторлардан да, еліміздің кәсіпкерлері мен азаматтарынан да естіп жүрміз. Сондықтан мен жуық арада осы бағыттағы нақты ауқымды шараларды жариялаймын", – деді Қасым-Жомарт Тоқаев. 

 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Қорғаныс министрлігі соғыс жағдайында әрекет ете алатын бөлімшелер құрады

19.05.2022, 16:31 22061
Қорғаныс министрлігі соғыс жағдайында әрекет ете алатын бөлімшелер құрады
Сурет: ҚР Қорғаныс министрлігінің баспасөз қызметі
НҰР-СҰЛТАН. 19 МАМЫР - ҚР Қарулы Күштерінде Жоғарғы Бас Қолбасшының тапсырмасы бойынша қайта форматтау жүргізілуде. Жауынгерлік бөлімшелер соның ішінде соғыс жағдайында іс-қимыл жасау дағдыларын меңгеруі тиіс, деп хабарлайды KAZAKHSTAN TODAY ҚР Қорғаныс министрлігінің баспасөз қызметіне сілтеме жасап.
 

Мемлекет басшысы Қарулы күштерді қайта форматтау, олардың жауынгерлік әзірлігі мен жарақтандырылуын арттыру жөнінде тапсырмалар берді. Осылайша, соғыс жағдайында да, дағдарыс ахуалында да әрекет етуге қабілетті жауынгерлік бөлімшелер құрылуда", – деді генерал-полковник Руслан Жақсылықов.

 
Қорғаныс министрінің бірінші орынбасары – Бас штаб бастығы генерал-лейтенант Марат Құсайынов есептік кезеңде жауынгерлік даярлықтың қарқыны едәуір артқанын, қазіргі заманғы қарулы қақтығыстардың тәжірибесіне қарап, әскерлерді қолданудың жаңа нысандары мен әдістері игеріліп жатқанын атап өтті.
 
Отырыс барысында Қарулы күштердегі әскери тәртіп пен құқық тәртібі, тылдық, техникалық қамтамасыз ету және әскери инфрақұрылымды дамыту мәселелері де қаралды. Одан басқа Қорғаныс министріне "Қауіпсіз ел" ұлттық жобасы шеңберінде өткізілетін қару-жарақ пен оқ-дәрілерді сақтау объектілерін жетілдіру шаралары баяндалды.
 

Генерал-полковник Руслан Жақсылықов қатысушыларға қазіргі жағдайда мемлекеттің қауіпсіздігін қамтамасыз ету жүйесіндегі әскердің рөлі мен алатын орны назарда болуы керек деді. Қорғаныс ведомствосының басшысы Мемлекет басшысының бастамасымен Конституцияға өзгерістер мен толықтырулар енгізу жөніндегі алдағы референдумның айрықша маңызды екенін атап өтті", - деді баспасөз қызметінде.

 
Алқа отырысының соңында Қорғаныс министрі 2022 оқу жылының жазғы кезеңіне арналған міндеттерді айқындады. Аса маңыздылар қатарында әскерлердің далалық дағдысын ұдайы жетілдіру, жауынгерлік даярлық деңгейін көтеру, Қарулы күштердің кадрлық құрамының техникалық жарақтандырылуы мен сапасын арттыру бар.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Әшімбаев Тоқаевқа қазақстандықтарды толғандыратын аса өзекті мәселелер туралы айтып берді

19.05.2022, 16:09 22266
Әшімбаев Тоқаевқа қазақстандықтарды толғандыратын аса өзекті мәселелер туралы айтып берді
НҰР-СҰЛТАН. 19 МАМЫР - ҚР Сенатының төрағасы Мәулен Әшімбаев Мемлекет басшысы Қасым-Жомарт Тоқаевқа Палата депутаттарының Конституцияға өзгерістер мен толықтырулар енгізу жөніндегі референдумды талқылау үшін өңірлерге жасаған сапары туралы баяндады, деп хабарлайды KAZAKHSTAN TODAY Ақорданың баспасөз қызметіне сілтеме жасап.
 

Сенаторлар сапарының нәтижесінде азаматтарды алаңдатқан мейлінше өзекті мәселелерге талдау жасалды. Атап айтқанда, тауарлар бағасының өсуі, автомобиль жолдарының жағдайы, жұмыспен қамту мәселесі, ауызсумен және газбен қамтамасыз етілуі, медициналық көмектің қолжетімділігі және басқа да проблемалар", - деп хабарлайды Ақорда.

 
Президент Үкіметпен және жергілікті атқарушы органдармен бірлесіп, аталған мәселелерді шешу жұмыстарын жалғастыру қажет екенін атап өтті.
 
Қазіргі уақытта 150-ден астам іс-шара өткен, оның көбі негізінен шағын қалаларда, кенттер мен шалғай ауылдарда ұйымдастырылды.
 
Мәулен Әшімбаев Қасым-Жомарт Тоқаевқа аймақтағы мемлекеттердің заң шығарушы органдарымен арадағы ынтымақтастықты нығайту жөнінде мәлімет берді. Өткен аптада сенаторлар Ашхабадта өткен "Орталық Азия – Ресей" атты парламентаралық форумға қатысты.
 
Ықпалдастықтың жаңа форматы Арал теңізі өңіріндегі экологиялық ахуал, трансшекаралық өзендерді бірлесіп пайдалану, шекара маңындағы өңірлердің ынтымақтастығы, сондай-ақ Ауғанстандағы жағдайға байланысты аймақтық қауіпсіздік мәселесі сияқты өзекті проблемаларды шешу жөніндегі депутаттардың бірлескен жұмысын жандандыруға ықпал етеді.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Сенат ТМД елдерінің салық саясаты туралы келісімнің тоқтатылуын мақұлдады

19.05.2022, 15:53 22406
НҰР-СҰЛТАН. 19 МАМЫР - Қазақстан Республикасы Парламенті Сенатының депутаттары "1992 жылғы 13 наурыздағы Салық саясатының келісілген принциптері туралы Тәуелсіз Мемлекеттер Достастығына қатысушы мемлекеттер үкіметтері арасындағы келісімнің қолданысын тоқтату туралы хаттаманы ратификациялау туралы" заңды қабылдады, деп хабарлайды KAZAKHSTAN TODAY ҚР Парламенті Сенатының баспасөз қызметіне сілтеме жасап.
 
Хаттаманың негізгі мақсаты – Тәуелсіз Мемлекеттер Достастығына қатысушы мемлекеттердің үкіметтері арасындағы салық саясатының келісілген қағидаттары туралы келісімнің қолданылуын тоқтату болып отыр.
 
Бүгінде бұл Келісімге қол қойылғанына 30 жыл уақыт өтті. Қазіргі таңда құжат оның ішінде Келісімнің қолданылу мерзімін ұзарту туралы өтінімдердің болмауына байланысты өзінің өзектілігін жоғалтты. Соған байланысты ТМД-ға мүше мемлекеттер Келісімнің қолданысын тоқтату туралы шешім қабылдады.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

ҚР Парламенті ҚХР-мен ядролық материалдардың заңсыз тасымалдануының алдын алу туралы келісімді ратификациялады

19.05.2022, 15:44 22636
ҚР Парламенті ҚХР-мен ядролық материалдардың заңсыз тасымалдануының алдын алу туралы келісімді ратификациялады
Сурет: depositphotos
НҰР-СҰЛТАН. 19 МАМЫР - Қазақстан Парламентінің Сенаты пленарлық отырыста "Қазақстан Республикасының Үкіметі мен Қытай Халық Республикасының Үкіметі арасындағы Ядролық материалдарды, радиоактивті материалдарды, радиоактивті қалдықтарды және радиациялық-қауіпті заттарды заңсыз өткізуді болғызбаудағы өзара іс-қимыл жөніндегі келісімді ратификациялау туралы" туралы заңды қарап, қабылдады, деп хабарлайды KAZAKHSTAN TODAY ҚР Парламент Сенатының баспасөз қызметіне сілтеме жасап.
 
Заң тараптардың радиациялық қауіпсіздікті қамтамасыз ету саласындағы халықаралық міндеттемелерді орындауын қамтамасыз етуге мүмкіндік береді. Сондай-ақ тараптар радиоактивті материалдардың, радиоактивті қалдықтардың, радиациялық-қауіпті заттардың заңсыз тасымалдануын болдырмау мақсатымен кедендік бақылау жұмысына қазіргі заманғы технологияларды енгізу мәселелері бойынша ынтымақтасуға мүмкіндік алады. Бұл нормалардың барлығы, бірінші кезекте, азаматтардың радиациялық қауіпсіздігін қамтамасыз ету мәселелерін шешуге бағытталған.
 

Қабылданған Заң ядролық және радиоактивті материалдарды кедендік шекарада заңсыз өткізудің алдын алуға арналған. Құжат Қазақстан Республикасы мен Қытай Халық Республикасы арасындағы біріккен іс-қимылдардың құқықтық негізін қалыптастыруды көздейді. Алдағы уақытта бұл заң екі мемлекет арасындағы кедендік бақылауға қатысты ынтымақтастықты одан әрі дамытуға оң үлесін қосады деп сенеміз", – деді Мәулен Әшімбаев.

 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Қазақстан Ауғанстанға гуманитарлық көмек жеткізу жолдарын қамтамасыз етуге жәрдемдесуге дайын

19.05.2022, 15:36 22786
НЬЮ-ЙОРК. 19 МАМЫР - Қазақстан Премьер-Министрінің орынбасары - Сыртқы істер министрі Мұхтар Тілеуберді бастаған қазақстандық делегация БҰҰ штаб-пәтерінде өткен "Жаһандық азық-түлік қауіпсіздігі: іс-қимылға шақыру" министрлік конференциясына қатысты, деп хабарлайды KAZAKHSTAN TODAY ҚР СІМ баспасөз қызметіне сілтеме жасап.
 
М.Тілеуберді өз сөзінде Қазақстан әлемдік нарыққа ауыл шаруашылығы өнімдерін жеткізуді одан әрі кеңейтуге, сондай-ақ Ауғанстан аумағына халықаралық гуманитарлық көмекті жеткізудің сенімді жолдарын қамтамасыз етуге жан-жақты жәрдем көрсетуге дайын екенін мәлімдеді. Дүниежүзілік азық-түлік бағдарламасы Қазақстаннан Ауғанстанға өткен жылдың қазан айында ауған халқы үшін 20 мың тонна ұн сатып алды. 
 

Осыған байланысты біз осы мәселеде барлық мүдделі және халықаралық құрылымдардың, соның ішінде Қазақстанда орналасқан Азық-түлік қауіпсіздігі ислам ұйымының қолдауына және қатысуына үміт артамыз", - деп мәлімдеді министр.

 
Сонымен қатар, ҚР делегациясының басшысы серіктес елдерді мұқтаж елдер үшін ауыл шаруашылығы секторындағы еңбек өнімділігін арттырудың тиімді тетіктерін құру бойынша халықаралық қаржылық қолдауды күшейтуге шақырды.
 
Сол күні ҚР сыртқы саяси ведомствосының басшысы БҰҰ Бас хатшысы Антониу Гутерришпен екіжақты кездесу өткізді. Тараптар Қазақстан мен БҰҰ арасындағы тығыз ынтымақтастықтың серпіні мен перспективаларын талқылады. Министр Жаңа Қазақстанды құру бойынша ҚР Президенті Қасым-Жомарт Тоқаевтың жүргізіп жатқан реформалары және ҚР Конституциясына түзетулер енгізу бойынша алдағы референдум туралы егжей-тегжейлі ақпарат берді. Сондай-ақ, БҰҰ Бас хатшысына Мемлекет басшысы атынан ү.ж. 14-15 қыркүйекте Нұр-Сұлтан қаласында өтетін Әлемдік және дәстүрлі діндер лидерлерінің VII съезіне шақыру тапсырылды.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Ең көп оқылғаны