Теміртау мен Шахтинск энергия көздерінің жағдайы бойынша қауіпті аймақта
Өңірде желілер мен энергия көздерін жаңарту бойынша жол картасы әзірленеді
Сурет: Depositphotos
Қарағанды. 15 желтоқсан. KAZAKHSTAN TODAY - Қарағанды облысының энергия көздері жабдықтарының жағдайы жоғары тозумен сипатталады. Теміртау, Шахтинск қалалары қауіпті аймақта тұр. Бұл туралы облыс әкімі Ермағанбет Бөлекпаев мәлімдеді, деп хабарлайды Қарағанды облысы әкімдігінің баспасөз қызметі.
Тұрғын үй-коммуналдық шаруашылығы бүгінде бүкіл инфрақұрылымның әлсіз буыны болып табылады. Облыстың жеті энергия көзінің негізгі жабдықтарының жағдайы қазандықтардың - 75%-ға, турбиналардың - 70%-ға жоғары тозуымен сипатталады. Теміртау, Шахтинск қалалары қауіпті аймақта тұр. Осыған ұқсас жағдай жылу желілерінде орын алуда. Коммуналдық ұйымдардың инвестициялық бағдарламалары мәселені шешпейді", - деді Ермағанбет Бөлекпаев.
Ол тұрғын үй-коммуналдық шаруашылық пен тіршілікті қамтамасыз ету нысандарын жаңарту және тозуын азайту бойынша Жол картасын әзірлеуді тапсырды. Әр елдімекен бойынша сипаттама болуы керек.
Бұған дейін хабарланғандай, Қазақстанда 2023-2037 жылдар аралығында жылу желілерін кезең-кезеңімен жаңғырту жоспарлануда. Бірінші кезеңде, яғни 2023 жылдан 2030 жылға дейін ұзындығы 1,6 мың шақырым жылу желілерін ауыстыру жоспарланып отыр, бұл тозу деңгейі 75%-дан астам желілер. Талап етілетін инвестициялар көлемі - 538 млрд теңге. Екінші кезеңде, 2030-2037 жылдар аралығында тозу деңгейі 50%-дан 74 %-ға дейінгі жылу желілерін ауыстыру жоспарлануда. Мұндай желілердің ұзындығы 3,7 мың шақырымды құрайды. Талап етілетін инвестициялар көлемі - шамамен 1,2 трлн теңге.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан Орталық Азияның экономикалық локомотиві қызметін жалғастыруда - Тоқаев
Сурет: telegram/Aqorda
Қазақстан Президенті Қасым-Жомарт Тоқаев Астана халықаралық форумының пленарлық отырысында Қазақстан геосаяси қиындықтарға қарамастан, Орталық Азияның экономикалық локомотиві қызметін атқарып отырғанын айтты, деп хабарлайды Ақорданың баспасөз қызметінен.
Қазақстан бұрыннан Шығыс пен Батыстың, Солтүстік пен Оңтүстіктің арасындағы алтын көпір саналады. Көп жағдайда бұл форум ұлы Еуразия даласының мәдениетіне, тарихына сай келеді.
Біз осынау мұрамызды мақтан тұтамыз. Дәл осы үздіксіз тауар, мәдени жетістіктеріміз бен идея алмасу арқылы Қазақстанның өзіндік ұлттық бірегейлігі және оның ерекше көпжақты ынтымақтастыққа негізделген бренді қалыптасты.
Геосаяси қиындықтарға қарамастан, Қазақстан Орталық Азияда да экономикалық локомотив қызметін атқарып отыр.
Біз шетелден кең көлемде инвестиция тартуды жалғастырамыз және Қазақстанда бизнес жүргізу үшін барынша жағдай жасаймыз",- деді президент өзінің баяндамасында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Президент БҰҰ Өңірлік орталығын құруды ұсынды
Сурет: telegram/Aqorda
Қазақстан жаһандық және өңірлік серіктестерімен достық қатынасты ұстануға бар күш-жігерін салады", деп мәлім етті Астана халықаралық форумында Мемлекет басшысы Қасым-Жомарт Тоқаев айтты. Бұл туралы Ақорданың баспасөз қызметінен хабарлады.
«Біздің еліміз барлық уақытта бейбітшілік пен халықаралық қауіпсіздікті нығайту жолында бар күшін салады. Біз ядролық қарусыздануды қолдаймыз және ядролық қаруды таратпау туралы келісімді ұстанамыз. Біздің еліміз Сирия дағдарысын шешу үшін Астана бейбіт үдерісіне бастамашы болды. Елордамыз әлемдік діндер көшбасшыларының съездерін өткізетін тұрақты орынға айналды. Штаб-пәтері Астанада орналасқан Азиядағы өзара іс-қимыл және сенім шаралары жөніндегі кеңес өңірлік және жаһандық проблемаларды шешудің беделді тетігіне айналды», - деді Президент.
Қасым-Жомарт Тоқаев Қазақстан Ауғанстандағы гуманитарлық дағдарысты еңсеруге белсенді қатысып келе жатқандығын баса айтты.
«БҰҰ қамқорлығымен ауған халқына жан-жақты көмек көрсетуді одан әрі арттыру қажеттігін атап өткім келеді. Бұл тұрғыда Алматыда Орталық Азия мен Ауғанстан үшін орнықты даму мақсаттары бойынша БҰҰ Өңірлік орталығын құру маңызды. Қазақстан жаһандық және өңірлік серіктестерімен достық қатынасты ұстануға бар күш-жігерін салады. Және де біз Орталық Азиядағы бауырлас елдермен өңірлік ынтымақтастықты арттыруға ниеттіміз», - деді Мемлекет басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Президент Астана халықаралық форумының пленарлық отырысында баяндама жасады
Сурет: Akorda
Бүгін Қазақстан Президенті Қасым-Жомарт Тоқаев Астана халықаралық форумының пленарлық отырысында сөз сөйлеп, бірқатар кездесулер өткізеді, деп хабарлайды мемлекет басшысының баспасөз қызметі.
Форумда Қырғызстан президенті Садыр Жапаров, Босния және Герцеговина президиумының төрағасы Зелка Цвиянович, Өзбекстан премьер-министрі Абдулла Арипов, ЮНЕСКО-ның бас директоры Одри Азуле, ХВҚ басқарушы директоры Кристалина Георгиева және т.б. спикерлер сөз сөйлейді.
Сондай-ақ, мемлекет басшысының төрағалығымен Шетелдік инвесторлар кеңесінің отырысы өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мемлекет басшысы Халықаралық валюта қорының басқарушы директоры Кристалина Георгиеваны қабылдады
Сурет: Akorda
Президент Қасым-Жомарт Тоқаев Кристалина Георгиеваға ілтипат білдіре отырып, Халықаралық валюта қорымен 30 жыл бойы жалғасып келе жатқан табысты ынтымақтастыққа көңілі толатынын жеткізді.
Қормен арадағы ынтымақтастығымыз табысты жүзеге асып келеді және ол алдағы уақытта да жалғасады. Қордан тұрақты кеңес алу мүмкіндігі үшін ризашылығымды білдіремін. Сіздің Қазақстан экономикасының дамуына қосқан үлесіңіз елеулі екені анық", - деді Мемлекет басшысы.
Өз кезегінде Кристалина Георгиева Астана халықаралық форумына шақырту алғаны үшін алғыс айтты.
Әлемдік экономикада белгісіздік белең алған шақта Астана халықаралық форумына қатысып отырғаныма қуаныштымын. Әлемдегі бағыт-бағдарымызды айқындау үшін осындай диалог алаңдарының болуы өте маңызды. Ең алдымен, Сіздің еліңізде болған ауқымды өзгерістерді айрықша атап өткім келеді", - деді ХВҚ басшысы.
Кездесу барысында Президентке Халықаралық валюта қорының Қазақстанға қатысты жоспарлары жөнінде мәлімет берілді. Мемлекет басшысы Алматы қаласында Әлеуетті дамыту жөніндегі өңірлік орталық ашу туралы Қордың бастамасын қолдайтынын атап өтіп, оның Қазақстан мен Орталық Азиядағы қаржы жүйесінің тұрақтылығына зор үлес қосатынына сенім білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақтауда Каспий теңізінің тартылуына байланысты табиғи сипаттағы төтенше жағдай жарияланды
Сурет: lada.kz
Ақтауда Каспий теңізінің тартылуына байланысты табиғи сипаттағы төтенше жағдай жарияланды, деп хабарлайды қалалық әкімшіліктен.
йБүгін, 2023 жылдың 7 маусымы сағат 15:00-де Каспий теңізінің тартылуына байланысты орын алуы мүмкін төтенше жағдайдың алдын алу мақсатында Ақтау қаласы ТЖ алдын алу және жою жөніндегі комиссия отырысы өтті", деп айтылған Ақтау әкімдігінің хабарламасында.
Нәтижесінде жобалау-іздестіру жұмыстарын жүргізу үшін жергілікті ауқымдағы табиғи сипаттағы төтенше жағдайды жариялау туралы шешім қабылданды.
Бұл шешім "МАЭК" ЖШС жұмысына әсер етпейді, тұрғындарды электрмен және сумен жабдықтау штаттық режимде жүзеге асырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.