Павлодар қаласының прокуратурасымен жергілікті бюджеттен қаржы бөлінетін оңалту басшылықтың мүгедек тұлғаларға арнайы әлеуметтік қызмет көрсеткені үшін заңға қайшы қаржы өндіріп алу деректері айқындалды, деп хабарлайды Павлодар облысының прокуратурасының баспасөз қызметінен.
Орталықтың басшысы жалған келісімшарт бекіткені, соның негізінде қызмет алушылар ұзақ уақыт бойы бюджет қаржысы есебінен орталыққа төлемақы жасап отырғаны белгілі болды.
Осы уақытта кәмелетке толмағандардың заңды өкілдеріне жалпы сомасы 7,6 млн теңге шығын келтірілген.
Павлодар қаласының полиция басқармасы алаяқтық деректері бойынша Қылмыстық кодекстің 190 бабына сәйкес сотқа дейінгі тергеу шараларын жүргізуде.
Қылмыстық-процессуалдық кодекстің 201 бабы бойынша тергеу жүргізуге байланысты өзге ақпарат жария етілмейді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.