"ҚазТрансОйл" АҚ 370 млн теңге негізсіз кіріс алған
"ҚазТрансОйл" АҚ Тарифтік ведомствоның шешімімен келіспей, әкімшілік құқық бұзушылық туралы істі қарау туралы өтінішті Нұр-Сұлтан қаласының Әкімшілік құқық бұзушылық жөніндегі мамандандырылған ауданаралық сотына жіберді.
НҰР-СҰЛТАН. 8 ҚАРАША - 1 000 км-ге 1 тонна үшін 4 355,57-ден 4 328,04 теңгеге дейін төмендете отырып, ҚР ішкі нарығына магистральдық құбыр арқылы мұнай айдау қызметтеріне өтемдік тариф енгізілді. "ҚазТрансОйл" АҚ 4,6 млн теңге көлемінде айыппұл төлеуі мүмкін, деп хабарлайды KAZAKHSTAN TODAY ҚР Ұлттық экономика министрлігі Табиғи монополияларды реттеу комитетінің баспасөз қызметіне сілтеме жасап.
"ҚазТрансОйл" АҚ-ның 2020 жылдың Қазақстан Республикасының ішкі нарығына магистральдық құбыр арқылы мұнай айдау реттеліп көрсетілетін қызметіне тарифтік сметаның орындалуы туралы есепті талдау қорытындысы бойынша, шығындар баптарының уәкілетті орган бекіткен мөлшерлерден бес пайыздан астам орындалмауы анықталды және Қазақстан Республикасы Ұлттық Банкінің қайта қаржыландыру мөлшерлемесін (9,75%) ескере отырып, негізсіз кірістің жалпы сомасы 370 млн теңгеден астам соманы құрады", - деп хабарлайды ҚР Табиғи монополияларды реттеу комитетінің баспасөз қызметі.
Нәтижесінде, ТМРК-ы ҚҚС-ты есепке алмағанда 1 000 км-ге 1 тонна үшін 4 355,57-ден 4 328,04 теңгеге дейін төмендете отырып, ҚР ішкі нарығына магистральдық құбыр арқылы мұнай айдау қызметтеріне өтемдік тариф енгізді, онда төмендеу 0,63%-ды құрады.
Сондай-ақ, өз кезегінде, "Табиғи монополиялар туралы" Қазақстан Республикасының Заңына сәйкес табиғи монополия субъектісі бекітілген тарифтік сметаны орындауға міндетті. Осыған байланысты, тарифтік сметаның іс-шараларын орындамағаны үшін, "ҚазТрансОйл" АҚ-на қатысты Әкімшілік құқық бұзушылық туралы Кодексінің 164-бабының 4-бөлігі бойынша әкімшілік іс қозғалды. Бұл ретте, аталған құқық бұзушылық үшін айыппұл сомасы 4,6 млн теңгені құрайды", - деп хабарлайды ведомствоның баспасөз қызметі.
Алайда, "ҚазТрансОйл" АҚ Тарифтік ведомствоның шешімімен келіспей, әкімшілік құқық бұзушылық туралы істі қарау туралы өтінішті Нұр-Сұлтан қаласының Әкімшілік құқық бұзушылық жөніндегі мамандандырылған ауданаралық сотына жіберді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.