ҚР ИИДМ жүк тасымалдары бойынша туындайтын мәселелерді шешу үшін шаралар қабылдайды
Еуропалық Одақ елдері мен Ресей Федерациясы арасындағы жағдайдың шиеленісуіне байланысты қазақстандық жүктердің халықаралық тасымалдары бойынша проблемалар туындап отыр.
Сурет: Depositphotos
Қазіргі уақытта ҚР Индустрия және инфрақұрылымдық даму министрлігі "ҚТЖ" ҰК" АҚ-мен бірлесіп, Антверпен, Гамбург, Пириней, Роттердам және Мугга транзиттік порттары қабылдаудан бас тартқан, Ресей кемелерімен Санкт-Петербург және Новороссийск қалаларының порттары арқылы жүктерді тасымалдау кезінде туындаған проблемаларды шешу үшін шаралар қабылданып жатыр", - деп ведомствода хабарлады.
Атап айтқанда, ҚР ИИДМ Ресей аумағында орналасқан жүктерді Латвияның Рига және Вэнстпилс порттарына қайта бағдарлау мүмкіндігін пысықтап жатыр. Осы мәселе бойынша Латвияның Көлік министрлігімен және теңіз порттары әкімшіліктерімен кеңес өткізу жоспарлануда.
Сондай-ақ, отандық экспорттаушыларға балама ретінде Ақтау және Құрық порттары арқылы және одан әрі Транскаспий халықаралық көлік бағытын (ТХКБ) пайдалану ұсынылды.
Бүгінгі тағда аталған бағытпен Ақтау және Баку порттары арасында тұрақты контейнерлік қатынас және Құрық – Баку паромдық қатынасы жолға қойылған.
Сонымен қатар, ҚР Индустрия және инфрақұрылымдық даму министрлігі ТХКБ-нің үздіксіз жұмыс істеуін қамтамасыз ету мақсатында Бакуде Әзербайжан, Грузия және Түркияның құзырлы органдарымен және көлік ұйымдарымен кездесу ұйымдастыруды жоспарлап отыр.
Мәскеуде "ҚТЖ" ҰК" АҚ қазақстандық жүктерді тасымалдау логистикасы мәселелері бойынша Ресей темір жолдарымен келіссөздер жүргізіп жатыр. Сонымен қатар,
ҚТЖ" ҰК" АҚ жанында теміржол жүк тасымалы мәселелері бойынша жедел желі ашылды. Оның ішінде:
- жүктерді басқа бағытқа жіберуге өтінімдер қабылдау және кеңес беру (межелі станцияларды өзгерту, алғашқы тиеу станциясына қайтару және т.б.) бойынша "ҚТЖ-Жүк тасымалы" ЖШС-нан жауапты маман - С. Абжалеев, телефоны: 8 (702) 164-55-39, 60-31-33;
- "ҚТЖ "ҰК" АҚ-нан кедендік қызметке байланысты сұрақтар бойынша кеңес беретін қызметкер (Г. Хайрулина телефоны: 60-30-19, 8 (701) 341-32-20).
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Еңбек министрлігі Қазақстандағы зейнетақының орташа мөлшерін атады
Жыл басынан бері қазақстандықтарға 549,3 млрд теңге сомасына зейнетақы төленді
Астана. 24 наурыз. KAZAKHSTAN TODAY - 2023 жылғы қаңтарда республикалық бюджеттен 549,3 млрд теңге сомасына зейнетақы төленді, оның ішінде базалық зейнетақы - 168,7 млрд теңге, ынтымақты зейнетақы - 380,6 млрд теңге, деп хабарлады ҚР Еңбек және халықты әлеуметтік қорғау министрлігі.
2023 жылғы 1 наурыздағы жағдай бойынша зейнеткерлер саны - 2 млн 292 мың адам. 2023 жылғы 1 наурыздағы жағдай бойынша жиынтық зейнетақының орташа мөлшері 120 992 теңгені құрады, оның ішінде ынтымақты зейнетақы мөлшері - 83 089 теңге, базалық зейнетақы - 37 903 теңге", - деп хабарлады ҚР Еңбек және халықты әлеуметтік қорғау министрлігінің баспасөз қызметі.
Естеріңізге сала кетейік, 2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалады.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі - МЗЖ) төленген кезеңдер зейнетақы жүйесіндегі еңбек өтіліне қосылады.
Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 60%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 80 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 100% белгіленеді.
Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.
Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.
Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.
Бұған дейін Қазақстанда әйелдердің зейнетке шығу жасын қайта қарайтын-қайта қарамайтыны хабарланған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда 26 жаңа көкөніс қоймасы ашылады
Соңғы жылдары Қазақстанда көкөніс қоймаларының тапшылығы өткір болды
Сурет: gov.kz
Астана. 19 наурыз. KAZAKHSTAN TODAY - 2023 жылы Қазақстанда жалпы қуаттылығы 104,5 мың тонна болатын 26 жаңа көкөніс қоймасы ашылады, ал 2026 жылға дейін елде тағы 35 заманауи қойма пайда болады. Олар республикадағы сыйымдылығы 1,9 млн тонна 1208 сақтау объектілерінің тізіміне енгізіледі. Бұл туралы ҚР Ауыл шаруашылығы министрлігінің баспасөз қызметі хабарлады.
Соңғы жылдары Қазақстанда көкөніс қоймаларының тапшылығы өткір болды, әсіресе, мәселе маусымаралық кезеңде сезілетін. Сондықтан елімізде сақтау объектілерін салу және жаңғырту жөніндегі кешенді жоспар әзірленді, ол кемінде көлемі 335,6 мың тонна болатын 97 жеміс-көкөніс өнімдерінің қоймасын салуды көздейді. Жұмыс жоспардағы көрсеткіштерден асып жүргізіліп жатыр. Мысалы, 2021-2022 жылдары 181,5 мың тоннаға 36 қойма салу жоспарланған болатын, іс жүзінде 200,8 мың тоннаға дейін өнім қабылдауға қабілетті 37 көкөніс қоймасы ашылды", - деп хабарлады Ауыл шаруашылығы министрлігі.
Ведомствоның мәліметінше, көкөніс өнімділігінің көрсеткіштері өсіп жатқанын ескере отырып, Қазақстан үшін қолданыстағы көкөніс қоймаларын сақтау инфрақұрылымын кеңейту және жаңғырту мәселесі өзекті болып отыр. 2022 жылы отандық фермерлер 4,1 млн тонна картоп, 621,4 мың тонна сәбіз, 1,1 млн тонна пияз және 552 мың тоннаға жуық қырыққабат жинады. Оларды сақтау үшін инфрақұрылым салу ауыл тұрғындарының қол жетімсіз кірістерін толтыруға, импортқа тәуелділікті төмендетуге, сондай-ақ маусымаралық кезеңде түпкілікті тұтынушы үшін азық-түлік бағасын тұрақтандыруға көмектеседі.
Жоспарда қоймаларды салуға және жаңғыртуға инвестициялар тарту үшін өнімнің тауарлық қасиеттерін сақтай отырып, оның ұзақ мерзімді сақталуын қамтамасыз ететін арнайы жабдығы бар қазіргі заманғы қоймаларды салу кезінде инвестициялық субсидиялау нормативін 25%-дан 40-50%-ға дейін ұлғайту көзделеді.
Бұған дейін хабарланғандай, Қазақстанда көкөніс бағасының төмендеуі байқалады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда пиязды экспорттауға тыйым салудың орнына оған шектеу қойылуы мүмкін
Шаруаларға 20 мың тоннаға дейін пияз экспорттауға рұқсат етілуі мүмкін
Астана. 17 наурыз. KAZAKHSTAN TODAY - Қазақстан Республикасының Ауыл шаруашылығы министрлігі "Қазақстан Республикасының аумағынан басты пиязды әкетудің кейбір мәселелері туралы" бұйрықтың жобасын дайындады, деп хабарлайды агенттіктің тілшісі.
Құжаттың жобасына сәйкес, 20 000 тонна басты пиязды Қазақстан Республикасының аумағынан үшінші елдерге және Еуразиялық экономикалық одақ елдеріне әкетуге 2023 жылғы 28 сәуірге дейінгі мерзімге сандық шектеулер (квоталар) енгізу ұсынылады.
Тауарларды Қазақстан Республикасының аумағынан әкетуге арналған квоталар көлемін бөлу "e-Agriculture" агроөнеркәсіптік кешенінің салаларын басқарудың бірыңғай автоматтандырылған жүйесінде (ЕАСУ АЖ) фитосанитариялық сертификаттар беру кезінде автоматты түрде жүзеге асырылады.
ЕАЭО АЖ-да тауарға квота көлемінің сандық лимиті және бір өтініш берушіге 500 тоннаны құрайтын лимит қалыптастырылады.
Тауарларды Қазақстан Республикасының аумағынан әкетуге арналған квоталар көлемін бөлу карантинге жатқызылған өнімді Қазақстан Республикасынан тыс жерлерге әкетуге арналған фитосанитариялық сертификат алуға өтініштер келіп түскен күн мен уақытқа сәйкес кезектілік бойынша ЕАО АЖ-да жүзеге асырылады.
Естеріңізге сала кетейік, биылғы жылдың қаңтарында көкөністің жаппай экспортына жол бермеу және оның бағасын тұрақтандыру үшін Қазақстан Республикасынан пиязды экспорттауға үш айға тыйым салынған болатын.
Өткен аптада Үкімет пияз бағасының күрт қымбаттағаннан кейін (жылдың басында бірден 22,5%-ға) өсу динамикасының тұрақтанғанын атап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда банктер депозиттер бойынша өтемақы төлей бастады
Өтемақыны (сыйлықақыны) есептеу үшін банктерге 306,6 млрд теңге түсті
Астана. 17 наурыз. KAZAKHSTAN TODAY - 2023 жылдың 16 наурызында теңгелік салымдар бойынша өтемақы (сыйлықақы) есептеуге арналған қаражат екінші деңгейдегі банктерге келіп түсті, деп хабарлайды Қазақстанның депозиттерге кепілдік беру қоры (ҚДКБҚ).
"Проблемалық кредиттер қоры" АҚ пен "Қазақстанның орнықтылық қоры" АҚ ақшаларды банктерге аударды. Аударылған қаражаттардың жалпы сомасы 306,6 млрд теңге болды. Ал мемлекет тарапынан 10-пайыздық сыйлықақыны алатын салымшылар саны 2 млн 615 мың 772 адамды құрады", - деп хабарлады қор.
Қағидаларға сәйкес, екінші деңгейдегі банктер екі жұмыс күні ішінде (соңғы күнін қоса алғанда 2023-тің 20 наурызына дейін) тиесілі сыйлықақыны өтініш берген депозиторлардың шоттарына аударады.
Естеріңізге сала кетейік, банктер сыйлықақы төлеуге өтініштерді бес ай бойы - 2022 жылдың қыркүйегінен 2023 жылдың ақпанына дейін қабылдады. Өтініштерді қабылдау ағымдағы жылдың 10 ақпанында аяқталды. Теңгелік депозиттер бойынша 10%-дық сыйлықақы Қаржы министрлігі мен Қазақстанның Ұлттық Банкінің қаражаттары есебінен төленеді. Сыйлықақыны есептеу бойынша толыққанды ақпарат алу үшін салымшылар депозиттері ашылған банктерге жүгінулері тиіс.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы облысында жаңа арнайы экономикалық аймақ құрылды
АЭА Алматы қаласының солтүстігінде орналасқан
Сурет: akorda.kz
Қонаев. 17 наурыз. KAZAKHSTAN TODAY - ҚР Үкіметінің қаулысымен 2048 жылға дейінгі кезеңге Алматы облысында ауданы - 30 мың га "G4 City" арнайы экономикалық аймағы (АЭА) құрылды. Бұл туралы ҚР Премьер-Министрінің баспасөз қызметі хабарлады.
Экономикалық аймақ Алматы қаласының солтүстігінде, ұзындығы - 80 шақырым А3 тас жолының (Алматы - Қонаев) бойында орналасқан, оның аумағында арнайы құқықтық режим белгіленеді. Жаңа экономикалық аймақ G4 City интеграцияланған қаласын құруға отандық және шетелдік инвестицияларды тарту үшін қолайлы климат ұсынады деп күтілуде, бұл өз кезегінде бүкіл аймақтың дамуына жаңа серпін береді.
Мәселен, 2048 жылға дейін АЭА шеңберінде шамамен 3,7 трлн теңге көлемінде инвестиция тарту, құны 17 трлн теңгеден астам қызметтер мен тауарлар өндіру, сондай-ақ 60 мыңға жуық жұмыс орнын құру жоспарланып отыр. Жалпы жаңа экономикалық аймақтың қызметі G4 City-де туризм, медицина, көлік-логистика, білім беру және мәдени-демалыс салалары инфрақұрылымының жедел дамуына септігін тигізеді деп күтілуде. Сонымен қатар АЭА режимі нысандарды салуға кететін негізгі шығындарды азайтуға мүмкіндік береді.
Еске сала кетейік, G4 City даму тұжырымдамасына сәйкес интеграцияланған қала төрт ауданнан тұратын болады: Gate City - іскерлік және қаржылық орталық, Golden District - білім беру және медициналық хабы, Growing District - инновациялық-индустриялық және сауда-логистикалық аймақ, Green District - туристік кластер. G4 City-де шамамен 2,2 млн адам тұрады деп болжануда.
Қаулы қол қойылған күнінен бастап күшіне енеді.
Бұған дейін Gate City спутниктік қаласында магистральдық инженерлік желілер тартылып, тұрғын аудан салынып жатқаны хабарланған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мемлекеттік кірістер комитеті шетелдік көздерден қаржыландырылатын тұлғалардың тізілімін жариялайды
Тізілім 1 жартыжылдықтың қорытындысы бойынша орналастырылатын болады
Сурет: Depositphotos
Астана. 17 наурыз. KAZAKHSTAN TODAY - Мемлекеттік кірістер комитеті шетелдік көздерден қаржыландырылатын тұлғалардың тізілімін жүргізу туралы түсініктеме берді, деп хабарлайды ҚР Қаржы министрлігінің Мемлекеттік кірістер комитеті.
Бұған дейін 2018 жылдан бастап Салық кодексімен шет мемлекеттерден, шетелдіктерден, халықаралық және шетелдік ұйымдардан ақша немесе өзге де мүлік алған тұлғаларға мемлекеттік кірістер органдарына есептілік беруі туралы талап енгізілген болатын. Мәліметтерді қызметі заң көмегін көрсетуге, қоғамдық пікірге сауалнамаларды, социологиялық сауалнамаларды зерделеуге және жүргізуге бағытталған тұлғалар ұсынады (Салық кодексінің 29-бабы, 1-тармағы, 1-тармақшасы). 2022 жылы Салық кодексінің 29-бабына түзетулер енгізілді, оған сәйкес мемлекеттік кірістер комитеті өзінің интернет-ресурсында шетелдік көздерден ақша немесе өзге де мүлік алған тұлғалардың тізілімін жариялайды", - деп хабарлады МКК.
Комитетте атап өткендей, бұл түзету тұтастай алғанда азаматтардың мемлекетке де, үкіметтік емес ұйымдарға да сенім деңгейін арттыруға бағытталған.
Көрсетілген тізілім тиісті есептілікті ұсынғаннан кейін 2023 жылдың 1 жартыжылдығының қорытындысы бойынша орналастырылатын болады", - деп нақтылады ведомствода.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.