17.10.2022, 14:39 6641

Қазақстанда балық пен балық консервілері едәуір қымбаттады

Өңірлер бойынша жаңа піскен немесе салқындатылған балық бағасы ең көп Павлодар (44,7%), Қостанай (24,7%) және Маңғыстау (24%) облыстарында байқалды.
Қазақстанда балық пен балық консервілері едәуір қымбаттады
Астана. 17 қазан. KAZAKHSTAN TODAY - Биылғы қаңтар–тамыз айларында елімізде жаңа, салқындатылған және мұздатылған балық өндірісі 15,5% өсіп 30,9 мың тоннаға жетті, деп хабарлайды energyprom.kz.
 
Қызылорда облысында балық кластері дамып жатыр, деп хабарлайды Хабар 24. Қазір облыста 15 мың тоннаға жуық өнім өндіретін 10 балық зауыты бар. Әсіресе қымбат коммерциялық балық түрлеріне басымдық беріледі.
 
2022 жылдың 8 айында ҚР-да небәрі 6,6 мың тонна басқа әдіспен дайындалған немесе консервіленген балық, уылдырық және оның алмастырғыштары өндірілді, бұл бір жыл бұрынғыдан бірден 29,7% аз. Осы сегменттегі шығарылған өнімнің үштен бірінен астамы Түркістан облысының үлесіне тиді: 2,4 мың тонна, көрсеткіш былтырғыдан 43,9% көп. Үздік үштікке сондай-ақ Батыс Қазақстан (1,8 мың тонна, 8,5% азайған) және Шығыс Қазақстан (561 тонна, 21,3% азайған) облыстары кірді.
 
Биылғы қаңтар–шілде айларының қорытындысы бойынша жергілікті кәсіпорындар өңделген және консервіленген балық, шаян және моллюскаларға сұранысты 53,1% қамтамасыз етті. Елге 28,7 мың тонна өнім импортталды, бұл бір жыл бұрынғыдан 1,8% көп. Ал өндіріс 1,9% өсіп 32,5 мың тоннаға жетті.
 
Бұл ретте қолда бар ресурстардың 20,4% шетелге экспортталды: 12,4 мың тонна, бір жыл бұрынғыдан 9,3% артық.
 
Ішкі нарықта сату 48,7 мың тоннаны құрады. Көрсеткіш былтырдан бері өзгеріссіз.
 
Биылғы қыркүйек айының қорытындысы бойынша, жаңа піскен немесе салқындатылған балық бір жылда 15%, мұздатылған - 15,1%, қабығы аршылған мұздатылған асшаян - 26,4% қымбаттады.
 
Өңірлер бойынша жаңа піскен немесе салқындатылған балық бағасы ең көп Павлодар (44,7%), Қостанай (24,7%) және Маңғыстау (24%) облыстарында байқалды.
 
Мұздатылған балықтың бағасы Маңғыстау (43,4%), Жетісу (35,2%) және Атырау (29,6%) облыстарында айтарлықтай өсті.
 
Аршылған мұздатылған асшаян негізінен Маңғыстау (2,5 есе), Ақтөбе (49,4%) және Ақмола (36,4%) облыстарында өсті.
 
Балық өнімдерінің ішінде бір жылда тұздалған майшабақ 34,2%, балық консервілері - 29,6%, майлы шпрот - 24,9%, салқын ысталған скумбрия - 23,8%, тұздалған деликатес балық - 22,2%, қызыл уылдырық - 21,2% қымбаттады.
 
Ақпарат көзі: forbes.kz
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны