01.02.2022, 16:55 11256

Қазақстанның көптеген өңірлерінде табиғи газдың бағасы төмендетілді

Төмендетілген бағалар 2022 жылғы 1 ақпаннан бастап әрекет етеді.
Қазақстанның көптеген өңірлерінде табиғи газдың бағасы төмендетілді
НҰР-СҰЛТАН. 1 АҚПАН - "ҚазТранГаз Аймақ" АҚ тұтынушылары үшін тауарлық газдың бағасын сараптау қорытындысы бойынша еліміздің барлық газдандырылған өңірлері бойынша табиғи газдың бағасы төмендетілді, деп хабарлады Ұлттық экономика министрлігінің Табиғи монополияларды реттеу комитеті, деп хабарлайды KAZAKHSTAN TODAY.
 
Мәселен, 2021 жылғы қыркүйек айының соңында "ҚазТранГаз Аймақ" АҚ-ы Тарифтік ведомствосының сұрауы бойынша бағаға сараптама жүргізу үшін қажетті құжаттар ұсынған болатын.
 
Баға сараптамасы аясында, ТМРК ұсынылған материалдарға мұқият талдау жүргізді, сондай-ақ "ҚазТранГаз Аймақ" АҚ-ы қосымша ұсынған материалдарды зерттеді.
 
Осылайша, баға сараптамасын қарау қорытындысы бойынша, Табиғи монополияларды реттеу комитеті "ҚазТранГаз Аймақ" АҚ-ның елдің барлық газдандырылған өңірлеріне жабдықтау үстемесін 15% - дан (Шығыс Қазақстан облысы) 50,63% - ға (Атырау облысы) дейін төмендетті.
 
Естеріңізге сала кетейік, Қазақстанда табиғи газбен жабдықтау саласындағы бағалар мен тарифтерді мемлекеттік реттеу Энергетика министрлігі мен ҚР ҰЭМ ТМРК-ы арасында бөлінген.
 
Табиғи газдың түпкілікті бағасына 70-80% Энергетика министрлігі бекітетін көтерме бағаға тәуелді, ал табиғи газ бағасының қалған бөлігі газды тасымалдау қызметінен және өткізу шығындардан (жабдықтау үстемесі) тұрады.
 

Жабдықтау үстемесінің деңгейін төмендету бөлігінде атқарылған жұмыстың нәтижесінде, ТМРК көптеген өңірлерде тұтынушылар үшін тауарлық газдың түпкілікті шекті бағаларын 0,34% - дан 38,96% - ға дейін төмендетуге қол жеткізді. Мысалы, ең жоғары төмендеу Атырау облысы үшін болды, мында төмендеу 38,96% - ды құрады, ал ең төмен 0,34%-ға төмендеу жақында ғана тұтынушылар тауарлық газға қосылған Қарағанды облысында болды", - деп хабарлады комитетте.

 
Төмендетілген бағалар 2022 жылғы 1 ақпаннан бастап әрекет етеді.
 
Айта кету керек, табиғи газ бағасының төмендеуі жекелеген коммуналдық қызметтерге мультипликативті әсер етеді.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны