Бас прокуратура шетелдік және отандық қызметкерлердің жалақысындағы теңгерімсіздік ең көп таралған бұзушылық деп атады
1,5 млрд теңге сомасына 68 кәсіпорындағы 4 мың қызметкердің алдындағы жалақы бойынша борыштарды өтеу қамтамасыз етілді
Астана. 31 қаңтар. KAZAKHSTAN TODAY - Қазақстан Республикасының Бас прокуратурасы 2022 жылғы азаматтардың еңбегін қорғау туралы айтты, деп хабарлайды ҚР Бас прокуратурасының баспасөз қызметі.
Ведомствода атап өткендей, ең көп таралған бұзушылық - отандық және шетелдік мамандардың еңбегіне ақы төлеудің теңгерімсіздігі.
Анықталған бұзушылықтар бойынша 66 ұсыну енгізіліп, 228-ге жуық адам әкімшілік жауаптылыққа тартылды, 72 млн теңгеге айыппұл салынып, әкімдіктермен 266 рұқсат қайтарып алынды және 150 шетелдік азамат елден шығарылды", - деді баспасөз қызметінде.
Еңбек жағдайларының қауіпсіздігі мәселелері де назардан тыс қалмайды. Прокурорлардың актілері бойынша 30 мың жұмысшыға жалақыға үстемеақы белгіленді, 600-ден астам қызметкерге өтемақы төленді, қорғау құралдарымен және арнайы тамақпен кезең-кезеңімен қамтамасыз ету басталды, 22 бірлік жабдықтың жұмысы тоқтатылды. Әкімшілік жауаптылыққа 226 адам тартылды.
2022 жылы прокурорлар уәкілетті мемлекеттік органдармен бірлесіп 1,5 млрд теңге сомасына 68 кәсіпорындағы 4 мың қызметкердің алдындағы жалақы бойынша борыштарды өтеуді қамтамасыз етті. Жалақы бойынша берешекті жедел өндіріп алу үшін деректер алмасу жолға қойылды, дебиторлармен жұмыс жүргізілуде және борышкерлердің мүлкін іздеу жүріп жатыр.
Мысалы, "Тамыр" ЖШС компаниялар тобы 243 қызметкерге 60 млн теңге қарыз болған. Солтүстік Қазақстан облысы прокуратурасының ұсынуы бойынша кәсіпорынмен қарыздар толығымен төленіп, ал жұмыс беруші ӘҚБтК-нің 462-бабының 3-бөлігі бойынша әкімшілік жауаптылыққа тартылған", - деп бөлісті ведомствода.
Естеріңізге сала кетейік, 2022 жылы ҚР-да өндірістегі жазатайым оқиғалардың салдарынан 1465 қызметкер зардап шекті, оның 203-і қаза тапты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ЕЭК Кеңесі Қазақстанға шикі қантты бажсыз әкелуді қолдады
Сурет: Depositphotos
Шикізатты бажсыз әкелуге арналған тарифтік квота осы жылдың алдағы 9 айына 350 мың тоннаны құрайды
Астана. 31 наурыз. KAZAKHSTAN TODAY - 2023 жылғы 30 наурызда онлайн форматта өткен ЕЭК Кеңесінің отырысында қатысушылар Қазақстанның шикі қантты бажсыз әкелуге ұсынысын қолдады. Қазақстандық тарапты Премьер-Министрдің орынбасары-сауда және интеграция министрінің м.а. Серік Жұманагрин басқарды, деп хабарлайды ҚР Сауда және интеграция министрлігінің баспасөз қызметі.
Тарифтік жеңілдіктің арқасында отандық қант зауыттары өз қуаттылықтарын жүктеу үшін баж төлемей шикізат сатып алуға мүмкіндік алады, бұл сайып келгенде дайын өнімнің бағасына оң әсер етеді.
Өткен жылдардағы тәжірибе көрсеткендей, қазақстандық нарықтың 90%-ын қамтыған көрші елдерден жеткізілген қант түрлі факторларға ұшырайды және тұрақсыз. Біздің еліміз өзінің қант өнеркәсібін дамыту туралы шешім қабылдады, ол үшін қазір өз шикізатының жеткілікті көлемінің болмауына байланысты бізге үшінші елдерден шикізат әкелу қажет", - деді ЕЭК отырысында сауда және интеграция вице-министрі Жанель Кушукова.
ЕЭК Кеңесінде бекітілген шикізатты бажсыз әкелуге арналған тарифтік квота осы жылдың алдағы 9 айына 350 мың тоннаны құрайды. Тараптар күзде осы мәселеге қайта оралуға және қажет болған жағдайда жаңа егінді ескере отырып, квота көлемін қайта қарауға уағдаласты.
Қазақстанда 2022 жылы қант зауыттары 283 мың тонна қант (33 мың тонна қызылша және 249,9 мың тонна құрақ) өндірді, жүктеме 50% құрады.
Қазіргі уақытта "айналым схемасы" аясында облыс әкімдіктері қант зауыттарына шикізатты уақытылы сатып алу, ішкі тұтыну үшін жеткілікті көлемде және тұрақты бағамен қант өндіруге мүмкіндік беретін қуаттарды жаңғырту үшін 18 млрд теңге бөлді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Сарапшылар Қазақстандағы инфляцияны 2023 жылы 12,2% деңгейінде болжайды
Сурет: Depositphotos
Астана. 30 наурыз. KAZAKHSTAN TODAY - Қазақстан Ұлттық Банкі жүргізген макроэкономикалық сауалнамаға қатысқан сарапшылар 2023-2025 жылдары инфляцияның өсуін болжайды, деп хабарлайды ҚР Ұлттық Банкінің баспасөз қызметі.
Сауалнамаға Қазақстанда макроэкономикалық көрсеткіштерді талдаумен және болжаумен айналысатын 12 ұйым қатысты. Респонденттердің қатарына нарықтың кәсіби қатысушылары, зерттеу институттары, халықаралық ұйымдар мен рейтингтік агенттіктер кірді", - деп хабарлайды Ұлттық банктің баспасөз қызметі.
Зерттеуде респонденттердің болжамы 2023 жылдың ақпан айында жүргізілген соңғы сауалнамадан кейін біршама өзгергені атап өтілді.
Тауарлар мен қызметтердің экспорты және импорты бойынша болжамдар төмендеді. Қазақстан экономикасының өсуі мен мұнай бағасына қатысты күтулер өзгеріссіз қалды.
Сарапшылар инфляцияны алдыңғы бағалаулармен салыстырғанда 2023-2025 жылдары жоғарырақ деңгейде күтеді. 2023 жылы респонденттер инфляцияны 12,2% (ақпанда - 11,8%), 2024 жылы - 8,8% (8,0%) және 2025 жылы - 7,2% (7,0%) деңгейінде болжайды.
Сөйтіп, 2023 және 2024 жылдарға арналған базалық мөлшерлеме бойынша күтулер жылына орта есеппен тиісінше 15,7%-ға (15,5%) және 11,7%-ға (11,4%) дейін өсті.
2025 жылы базалық мөлшерлеме 9,0% деңгейінде болжанады. Бұл алдыңғы бағалаулардан сәл төмен. Осылайша, нарыққа қатысушылар жоғары базалық мөлшерлеменің сақталатынын және перспективада оның баяу төмендейтінін күтеді", - делінген хабарламада.
Бұған дейін Ұлттық банк басшысы Ғалымжан Пірматов Қазақстанда инфляция жыл соңына қарай 9-12%-ға дейін баяулайды деп мәлімдеген болатын.
Ақпан айындағы есепте Ұлттық статистика бюросы Қазақстанда жылдық инфляция 21,3%-ға дейін өскенін хабарлады. Азық-түлік тауарларының бағасы 1,5%-ға, ақылы қызметтер - 1,3%-ға, азық-түлік емес тауарлар - 0,8%-ға өсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда газға сараланған тариф енгізілуі мүмкін
Тоқаев Үкіметке энергия тиімділігі мен тауарлық газды ұтымды тұтыну жоспарын әзірлеуді тапсырды
Астана. 29 наурыз. KAZAKHSTAN TODAY - VIII сайланған Қазақстан Парламентінің бірінші сессиясы барысында Қазақстан Президенті Қасым-Жомарт Тоқаев шет елдердің үлгісі бойынша газға сараланған тарифтерді енгізу мүмкіндігін қарастыруды ұсынды, деп хабарлайды агенттіктің тілшісі.
Былтыр тауар газының тапшылығына тап болдық. Бұл жағдай бүкіл еліміздің энергетикалық қауіпсіздігіне қатер төндіре жаздады. Мұндай келеңсіздікке жол бермеу үшін нарықты газбен қамтамасыз ету керек. Қазақстанда газдың бағасы көрші мемлекеттерге қарағанда әлдеқайда арзан", - деді Мемлекет басшысы.
Ол жалпы, төмен тарифтер мен төмен бағалар экономикаға теріс ықпал ететінін атап өтті. Бөлінген барлық субсидиялар көрші елдерге босқа кетеді.
Қаншалықты қиын болса да, бұл мәселені біртіндеп шешу қажет. Басқа жол жоқ. Қазір күндіз-түні зәулім үйлерді төмен тарифпен жылытатындар үшін жаңа жүйеде текше метрінің бағасы жоғары болуы керек. Міне, әлеуметтік әділеттілік осында көрінеді", - деді ол.
Қазба байлықты тиімді және үнемді пайдалану қажет, деп есептейді Мемлекет басшысы.
Ол үшін заңнаманы жақсартып, рәсімдерді жеңілдету керек. Геологиялық барлау және кеніштерді игеру ісіне инвестиция тарту айрықша маңызды. Үкімет пен Парламент осы салаға қатысты нақты шаралар әзірлеуге тиіс", - деп атап өтті Тоқаев.
Президенттің айтуынша, өз әлеуетіміз жететін нәрселермен өзімізді қамтамасыз етуіміз қажет. Мысалы, шикізат та, мамандар да, кейбір технология да өз елімізде бар.
Елдің ішкі сұранысын өтеуге қатысты бір негізгі ұстаным болуға тиіс. Ең алдымен, ішкі нарыққа бағытталған өңдеу өнеркәсібін дамытуымыз қажет. Өңдеу өнеркәсібін инновация мен жоғары технология ғана жедел дамытады. Бұл - айдан анық нәрсе. Сол себепті Қазақстан экономикасы ғылыми жетістіктерді негізге алуы керек. Зерттеу жүргізіп, патент алу жеткіліксіз. Ғылыми жаңалықтарды өндірісте пайдалану қажет", - деді Тоқаев.
Мемлекет басшысы ғылымды жан-жақты дамыту үшін жаңа заң қабылдау керек екенін атап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанға ақша аударымдарының көлемі 2,5 есеге жуық өсті
Қазақстандағы ақша аударымдары көлемінің де 34,6%-ға өскені белгілі болды
Астана. 28 наурыз. KAZAKHSTAN TODAY - 2022 жылы халықаралық ақша аударымдары жүйесі (ХААЖ) арқылы жүрген ақшалай аударымдарың жиынтық көлемі 1,8 трлн теңгені құрады. 2021 жылмен салыстырғанда операциялардың 32,7%-ға өскені байқалады, деп хабарлайды ҚР Ұлттық Банкінің баспасөз қызметі.
Операциялардың негізгі үлесі Қазақстан мен басқа елдер арасындағы трансшекаралық ақша аударымдарына тиесілі - 94,7%. 2022 жылы шетелге жіберілген және шетелден алынған ақша аударымдарының орташа сомасы іс жүзінде бірдей: тиісінше 415 мың теңге және 413 мың теңге болды.
Бұл ретте Қазақстаннан шетелге жіберілген ақша аударымдары сомасы 2,4%-ға біршама өсе түскен тұста ХААЖ арқылы басқа елдерден алынған ақшалай аударымдардың көлемі айтарлықтай (2,4 есе) өскені байқалады. 2022 жылы ХААЖ арқылы ақша аударымдарының көбеюі Ресейден (өсім 6,8 есе), Қырғызстаннан (өсім 2,8 есе) және АҚШ-тан (өсім 33%-ға) орындалған ақша аударымдары көлемінің өсуімен байланысты болды.
2022 жылы Қазақстандағы ақша аударымдары көлемінің де 34,6%-ға өскені белгілі болды. ХААЖ арқылы бір ғана жергілікті ақша аударымының орташа сомасы 178,8 мың теңгені құрап, 2021 жылғы 58,0% көрсеткіштен асты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қызылорда облысында күріш өңдейтін кәсіпорындар бағаны көтеру фактісі бойынша тексерілуде
Жергілікті атқарушы органдар мен ӘКК арасында күрішті 350 теңгеден аспайтын бағамен сату мәселесі қарастырылуда.
Сурет: Depositphotos
Қызылорда. 27 наурыз. KAZAKHSTAN TODAY - ҚР Қаржылық мониторинг агенттігінің Қызылорда облысы бойынша департаменті әлеуметтік маңызы зор азық түрлеріне мониторинг және талдау жүргізіп жатыр.
Баспасөз қызметі таратқан мәліметтерге қарағанда, мониторинг барысында басты назар өңірде өндірілетін азық-түліктің өзіндік құнына аударылды.
Департаменттің талдау тобы күріш өндіретін ең ірі 9 кәсіпорынның баға белгілеу жұмыстарына талдау жүргізілді. Оның нәтижесіне сәйкес, Қаржылық мониторинг агенттігінің облыстық өкілдігі 6 күріш өндіретін компанияның бағаны көтеруі қаншалықты негізді екендігін білу үшін тексеру тағайындады.
Өзге кәсіпорындар өңірдің әлеуметтік дүкендерінде саудалау үшін облыстың Тұрақтандыру қорына арналған күріштің килограмын 420-дан 350-ге дейін түсіруге келісті.
Қазіргі таңда әлеуметтік дүкендерде күріштің килограмын 350 теңгеден аспайтын бағада саудалау жұмыстары жергілікті органдар мен "Байқоңыр" әлеуметтік кәсіпкерлік корпорациясы арасында қарастырылып жатыр.
Ақпарат көзі: inform.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.