Кредиттердің бір бөлігі "Сбербанк Қазақстан"-нан Halyk Bank-ке аударылады
Сурет: Depositphotos
Мәмілеге Қазақстан даму банкінде жеңілдікпен кредит беру бағдарламасы бойынша ресімделген автокредиттердің бір бөлігін, кепілсіз кредиттердің, кезек күттірмейтін мұқтаждықтарға арналған қарыздардың және ипотекалық кредиттердің бір бөлігі кіреді.
Берілген кредиттер бойынша негізгі қарыздың жалпы көлемі – 330 млрд теңге.
2022 жылғы 1 сәуірдегі мәліметке сәйкес, "Сбербанктегі" тұтынушылық қарыздың кредиттік қоржыны – 1,1 трлн теңге.
"Сбербанк" АҚ ЕБ басқарма төрағасы Елдар Теңізбаев несиелік портфельдің бір бөлігін Halyk Bank-ке аудару туралы мәміле банк сектордағы қалыпты тәжірибе екенін атап өтті.
Өзінің көп жылдық тарихында "Сбербанк" бірнеше рет әр түрлі сын-қатерлермен бетпе-бет кездесті. Бірақ әрқашан оларды сәтті жеңіп, өз клиенттерінің мүдделерін басты назарға алды. Біз әрқашан өз міндеттерімізді клиенттер алдында да, мемлекет алдында да орындауға тырысамыз. Бүгінгі таңда Сбербанк Қазақстан барлық мемлекеттік ақшаны, оның ішінде жеңілдікпен кредит беру бағдарламалары бойынша берілген ақшаны қайтарды. Несие портфелінің бір бөлігін беру қаржы саласында кең таралған тәжірибе...", - деді Елдар Теңізбаев.
Бұл мәселеге қатысты Halyk Bank басқарма төрайымы Үміт Шаяхметова пікір білдірді.
Halyk Bank жүйе құраушы қаржы институты ретінде қазақстандық қоғамның мүддесі үшін жұмыс істейді. Жеке тұлғалардың несие портфелінің едәуір бөлігін сатып алды. Осылайша, Halyk Bank "Сбербанкке" өтімділік беріп, Қазақстан дағы банк секторының тұрақтылығын қолдады. Бүгінде Halyk Bank-ке жеке тұлғалардың қарыздары бойынша берешек қалдығы аударылды және бұл мерзімі кешіктірілмеген және проблемалық кредиттерсіз сапалы портфель", - деді басқарма төрайымы.
Қазақстан даму банкінің басшысы Руслан Ысқақов ҚДБ жеңілдетілген автонесиелеу бағдарламасы шеңберінде игерілген қаражатты мемлекетке қайтарудың кепілі екенін атап өтті.
Даму банкі бағдарлама операторы бола отырып, бағдарламаны іске асырудың бүкіл мерзімі ішінде бағдарламаға қатысатын ЕДБ-дің төлем қабілеттілігіне қарамастан, алынған қаражаттың мемлекетке қайтарылғаны үшін толық жауапты болады. Бүгінде Ресей банктерінің еншілес компанияларына санкциялар енгізуге байланысты жеңілдетілген автокредиттер ҚДБ тарапынан бағдарлама шеңберінде берешекті басқа банктерге аудару бойынша жедел жұмыс жүргізілді", - деді Руслан Ысқақов.
Ақпарат көзі: inbusiness.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.