Машина жасау өнімдері өндірісінің көлемі 18,5% артты

31.12.2021, 17:19 51791

НҰР-СҰЛТАН. 31 ЖЕЛТОҚСАН - Машина жасау өнімдері өндірісінің көлемі 18,5% артты, деп хабарлайды KAZAKHSTAN TODAY ҚР Индустрия және инфрақұрылымдық даму министрлігінің баспасөз қызметіне сілтеме жасап.

Өткен жылдың сәйкес кезеңімен салыстырғанда 2021 жылдың 11 айының қорытындысында осындай көрсеткіш тіркелді", - деп хабарлады ведомствоның баспасөз қызметі өзінің Іnstagram-парақшасында.

Өсім келесі салаларда өндіріс көлемінің ұлғаюына байланысты болды:

Автокөлік құралдарын, трейлерлер мен жартылай тіркемелер өндірісі - 21,3%:

- "СарыарқаАвтоПром" ЖШС (жеңіл және жүк көліктері) - 50 012 бірлік, өсім 42%;

- "СемАЗ" ЖШС (жүк көліктері) - 3 782 бірлік, өсім 40%;

- "Hyundai Trans Kazakhstan" ЖШС (жеңіл автомобильдер) – 26 636 бірлік, өсім 4 есе;

- "Hyundai Trans Auto" ЖШС (жүк көліктері) - 690 бірлік, өсім 4%;

- "Камаз-Инжиниринг" АҚ (жүк көліктері) – 1 388 бірлік, өсім 30,6 %;

- "Уральскагрореммаш" АҚ (жүк автомобильдері және арнайы техника) – 1 388 бірлік, өсім 30%.

Өзге де көлік құралдары (теміржол техникасы) 56,7%;

- "ЗИКСТО" АҚ (платформа-вагондар) - 786 бірлік, өсім 2,6 есе;

- "Қазақстан вагон жасау компаниясы" ЖШС (жүк вагондары) – 1000 бірлік, 2020 жылы өндіріс жүзеге асырылмады.

Басқа санаттарға енгізілмеген машиналар мен жабдықтар (ауыл шаруашылығы техникасы) 33%:

- "Қазақстан Агро Инновациялық Корпорациясы" ЖШС (тракторлар, комбайндар) - 2046 бірлік, өсім 2 есе;

- "Қостанай трактор зауыты" ЖШС (трактор) – 377 бірлік, өсім 2,1 есе;

- ЧК Kazrost Engineering ltd (тракторлар, комбайндар) - 694 бірлік, өсім 1,5 есе;

- "СемАЗ" ЖШС (трактор) – 1 046 бірлік, өсім 3 есе;

- "МТЗ-Қазақстан машина жасау зауыты" ЖШС (трактор) – 947 бірлік, өсім 2,8 есе.

Компьютерлер, электрондық және оптикалық жабдықтар өндірісінің көлемі 6,6%.

Машиналар мен жабдықтарды жөндеу 5,2%.

Бұдан бұрын хабарланғандай, Қазақстан экономикасының қалпына келу қарқыны 3,8%-ға дейін жеделдеді.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Қазақстанда жастардың жалдамалы баспана алуына қажетті ай сайынғы табысы азаяды

20.05.2022, 16:44 9211

НҰР-СҰЛТАН. 20 МАМЫР - Қазақстан Премьер-Министрінің орынбасары Ералы Тоғжанов қазақстандық жастардың баспанамен қамтылуы туралы айтты.

Ералы Тоғжанов 2019 жылдан бастап Қазақстанда жұмыс істейтін жастарға жалдамалы тұрғын үй беріліп келе жатқанын еске салды. Сол уақыттан бері жастарға барлығы 7 мыңға жуық пәтер берілген.

Бұл бағдарлама жалғасады. 2025 жылға дейін жұмыс істейтін жастарға 12 мың пәтер беру жоспарланған. Ал жыл соңына дейін жалға берілетін тұрғын үй беру қағидаларына жастар үшін ай сайынғы табысты растауға қойылатын талаптарды 40-тан 25 АЕК-ке дейін төмендету туралы өзгерістер енгізілетін болады. Бұл жастардың жалға берілетін тұрғын үй алу мүмкіндіктерін айтарлықтай кеңейтеді", - деді Ералы Тоғжанов.

Сонымен қатар, Ералы Тоғжановтың айтуынша, "Ұлттық рухани жаңғыру" ұлттық жобасында 2025 жылға қарай тұрғын үй құрылысының барлық бағдарламалары аясында жас отбасылар үшін 25 пайыздық квота енгізу көзделген.

Сондай-ақ, 2025 жылға дейін барлық өңірлерде әкімдіктермен бірлесіп "Отбасы банк" арқылы жеңілдетілген ипотека бағдарламасын іске қосу жоспарлануда.

Бүгінгі таңда жастарға арналған өңірлік тұрғын үй бағдарламалары үш өңірде – Нұр-сұлтан, Алматы, Шымкент қалаларында жүзеге асуда. Жыл соңына дейін осындай бағдарламаларды іске қосу тағы алты өңірде: Алматы, Жамбыл, Қызылорда, Маңғыстау, Қарағанды, Батыс Қазақстан облыстарында қарастырылуда", - деді вице-премьер Ералы Тоғжанов.

Ақпарат көзі: 7kun.kz

Жыл басынан бері ҚР мен Түркия арасындағы тауар айналымы $1,5 млрд дейін өсті

20.05.2022, 16:29 9371

Сурет: Depositphotos

НҰР-СҰЛТАН. 20 МАМЫР - Қазақстан мен Түркия арасындағы тауар айналымы 2022 жылдың бірінші тоқсанында 1,5 млрд. АҚШ долларына жетті, деп хабарлайды KAZAKHSTAN TODAY ҚР Қаржы министрлігі Мемлекеттік Кірістер Комитетінің баспасөз қызметіне сілтеме жасап.

Барлық шет елдермен жалпы тауар айналымына келсек, онда Түркия 6,5% үлес-салмағымен үшінші орында, оның ішінде импорт - 4,2%, экспорт – 7,2%", - деп хабарлады ҚР ҚМ Мемлекеттік кірістер комитетінде.

Комитеттің деректері бойынша, ағымдағы жылдың бірінші тоқсанында Түркияға құны 1 251,9 млн. АҚШ долларын құрайтын тауарлар экспортталған, импорт 236,3 млн. долларды құраған. Сәйкесінше, сыртқы тауар айналымының оң сальдосы 1 млрд. АҚШ доллары деңгейінде болды.

Түрік тарапынан негізгі сұранысқа ие болғаны "отын-энергия тауарлары", олардың құны 885 млн.доллар болып, ағымдағы жылдың үш айындағы жалпы экспорттың 70,7% -ын құрады. Екінші орында "металдар мен олардан жасалған бұйымдар", құны – 324 млн. доллар немесе экспорт құрылымында - 25,9%", - деп хабарлады ведомстводан.

Сондай-ақ, ағымдағы жылы Түркияға жануар және өсімдік текті өнімдер, тоқыма бұйымдары, машина жабдықтары, химия онеркәсібінің өнімдері және т.б. экспортталған.

Қазақстанға Түркиядан 62 млн. АҚШ доллары сомасына машина жабдықтары, құрылғылар мен аппараттар импортталған, бұл импорттың 26,2%-ын құрайды. Екінші орында құны 47,5 млн. АҚШ долларын құрайтын "тоқыма және тоқыма бұйымдары", олар ағымдағы жылдың үш айындағы осы елден келетін жалпы импорттың 20%-ын құрады", - деп хабарлады ҚР ҚМ МКК.

Одан бөлек, химия онеркәсібінің өнімдері, жануар және өсімдік текті өнімдер, металдар мен олардан жасалған бұйымдар, аяқ киім, бас киім мен галантерея тауарлары, құрылыс материалдары және т.б. тауарлар импортталған.

Өткен жылдың сәйкес кезеңінде тауар айналымы 803,1 млн. АҚШ доллары деңгейінде болған. Ол кезде экспорт - 545,2 млн. долларды, импорт - 257,8 млн. долларды құраған", - деп толықтырды ведомстводан.

Қазақстандық банктерге ақпараттық қауіпсіздік бойынша талаптар күшейтілді

20.05.2022, 16:21 9531

Сурет: Depositphotos

НҰР-СҰЛТАН. 20 МАМЫР - Қазақстан Республикасының Қаржы нарығын реттеу және дамыту агенттігі "Қазақстан Республикасының кейбір нормативтік құқықтық актілеріне қаржы нарығындағы ақпараттық қауіпсіздікті реттеу мәселелері бойынша өзгерістер енгізу туралы" Агенттік Басқармасының 2022 жылғы 29 сәуірдегі № 30 қаулысының бекітілгені туралы хабарлайды, деп хабарлайды KAZAKHSTAN TODAY ҚР ҚНРДА баспасөз қызметіне сілтеме жасап.

Киберқауіптердің өршуіне байланысты банк клиенттері, олардың шоттарының жай-күйі және түрлі қаржылық операцияларды жүргізу туралы конфиденциалды ақпаратты қамтитын ақпараттық жүйелерді қорғауды күшейту қажеттілігі артып келеді.

Қабылданған Қаулыда екінші деңгейдегі банктердің ақпараттық қауіпсіздігін қамтамасыз ету жөніндегі анықтамалар нақтыланды және талаптар күшейтілді, сондай-ақ ақпараттық қауіпсіздікті басқару жүйесіне кіретін банк бөлімшелерінің жауапкершілік аясы неғұрлым нақты белгіленді", - деді ҚНРДА баспасөз қызметі.

Бұдан басқа, Қаулымен екінші деңгейдегі банктермен ақпараттық қауіпсіздік оқиғалары мен оқыс оқиғалары туралы деректермен алмасу толығымен автоматтандырылған форматқа ауыстырылады. Осыған байланысты қағаз түрінде бірқатар есептер мен өзге де түсіндіру құжаттарын жіберу қажеттілігі жойылады.

Осы Қаулымен қабылданған өзгерістер екінші деңгейдегі банктерге олардың ақпараттық қауіпсіздікті қамтамасыз ету бойынша қойылатын қолданыстағы талаптарды күшейтеді және ақпараттық қауіпсіздіктің салалық орталығының жұмыс істеу тиімділігін арттыруға арналған. Ақпарат алмасу рәсімін жетілдіру қағаз құжат айналымын төмендетеді", - деп толықтырды ведомстводан.

Қаржы министрлігі кедендегі заң бұзушылықтан келген миллиардтаған шығынды бюджетке қайтаруға уәде берді

19.05.2022, 16:17 12806

Сурет: Depositphotos

НҰР-СҰЛТАН. 19 МАМЫР - Кеден саласына келтірілген шығындар бюджетке толығымен қайтарылады. Бұл туралы ҚР Премьер-Министрінің орынбасары – Қаржы министрі Ерұлан Жамаубаев мәлім етті.

Бүгін Сенатта тілшілер Қаржы министрінен кедендегі заңсыздықтардан мемлекетке келтірілген 165 млрд теңге көлеміндегі шығынға қатысты сұрақ қойды. Сонымен қатар бұл заңсыз әрекеттерге кімдер жауапты екені сұралды.

Қазір кеденге түсетін салық қаражаты артып келеді. Атап айтқанда, биыл Қаржы министрлігі 165 млрд теңге көлемінде келтірілген шығынды бюджетке қайтаруға барлық күш жігерін салады. Биылғы жоспарымызда оның орнын толығымен толтырамыз", - деді Е. Жамаубаев.

Дегенмен, министр кеден саласындағы заңсыздықтар бойынша кімдер күдікке ілінгенін нақтылап айта алмады.

Бұл деректерді арнайы комиссия тексерген. Комиссия Бас прокуратураның жетекшілігімен құрылған. Сондықтан осыған қатысты мәселе құқық қорғау органдарының құзыретіне жатады. Бұл тұрғыда тауарларды әкелген кезде салық немесе баж салығын толығымен төлемеу фактілері тіркелді. Осы орайда сол қаражатты қайтару бөлігінде тиісті жұмыстар жүріп жатыр", - деді ол. "

Көбінесе жалған кәсіпкерлік ұйымдастырылған және бұл фирмалар жабылып қалған. Қазір оларды анықтау жұмыстары атқарылып жатыр", - деді Ерұлан Жамаубаев.

Бұдан бұрын хабарланғандай, Мемлекеттік кірістер комитеті Бас прокуратура жанындағы ведомствоаралық топтың құрамымен сыртқы экономикалық қызметке қатысушылардың, сондай-ақ Қытай Халық Республикасымен шекаралас өткізу пункттерінің қызметіне бірлескен тексеру жүргізді .

Үш жыл ішіндегі бұзушылықтардың жалпы сомасы - 165 млрд теңге. Бұдан басқа, 398 млрд теңгеге жалған электрондық шот-фактураларды жазып беру белгілері бар. Алдын ала шығын сомасы – 128 млрд теңге. Материалдар қылмыстық іс қозғау мәселесін қарау үшін құқық қорғау органдарына берілді. Сонымен қатар 151 импорттаушының жалған электрондық шот-фактуралар жазып беру белгілері бойынша материалдары қаржы мониторингі агенттігіне жіберілді", - делінген комитет хабарламасында.

Ақпарат көзі: inform.kz

Қазақстанда тағы 350 теңгеге темекі қымбаттауы мүмкін

19.05.2022, 16:01 12996

Сурет: Depositphotos

НҰР-СҰЛТАН. 19 МАМЫР - ҚР Қаржы министрі Ерұлан Жамаубаев 2024 жылға қарай темекі бірден 300-350 теңгеге қымбаттауы мүмкін екенін айтты.

Темекіге қатысты келісім қазірдің өзінде ратификацияланды. 2024 жылға қарай біз 1000 темекіге акцизді теңгемен есептегенде 35 еуроға дейін көтереміз. Сонда бір қорабы 300-350 теңгедей болады деп есептей беріңіз. Алкоголь өнімдеріне келсек, бізде акциз айтарлықтай жоғары. Соған қарамастан қазір ЕурАзЭҚ аясында тиісті келісім әзірленіп жатыр. Ол күшіне енгеннен кейін біз де алкоголь өнімдеріне акциздерімізді біртіндеп жақындатамыз", - деді Ерұлан Жамаубаев Сенат отырысынан кейін журналистерге.

Министрдің айтуынша, үкіметте құрамында қанты бар сусындардың бағасын көтеру мәселесі де талқыланып жатыр. Дегенмен әзірше бағам бойынша бір ымыраға келген жоқ.

Бағаларды қарау керек, біз үшін теңгерімді сақтау маңызды. Бір жағынан ұлт денсаулығы, екінші жағынан кәсіпорындар зардап шекпеуі үшін. Өйткені мұны акциздер есебінен салық төлейтін шағын және орта бизнес жасайды. Екінші жағынан, бұл – бюджет мүддесі. Бәрін баланста ұстауға тырысамыз", - деп түсіндірді Қаржы министрлігінің басшысы.

Естеріңізге сала кетейік, Қаржы министрлігінің бұйрығына сәйкес 2022 жылдың 1 шілдесінен бастап темекінің ең төменгі бөлшек сауда бағасы 570 теңгені құрайды.

Ақпарат көзі: zakon.kz

Теңге бағамының нығаю себептері туралы Ұлттық Банк төрағасының орынбасары айтып берді

18.05.2022, 16:14 17031

НҰР-СҰЛТАН. 18 МАМЫР - Сәуірде жаһандық қаржы нарығындағы белгісіздік пен құбылмалылыққа қарамастан, теңгенің бағамы 1 доллар үшін 445,62 теңгеге дейін немесе 4,6%-ға нығайды. Бұл туралы Ұлттық Банк төрағасының орынбасары Әлия Молдабекова айтып берді, деп хабарлайды KAZAKHSTAN TODAY ҚР Ұлттық Банкінің баспасөз қызметіне сілтеме жасап.

Сәуір ішінде шетел валютасына деген сұраныстың айтарлықтай төмендегені байқалды. Қазақстан қор биржасында сауда-саттықтың орташа күндік көлемі сауда-саттықтың жалпы көлемі 1,9 млрд АҚШ доллары болғанда 179 млн АҚШ долларынан 92 млн АҚШ долларына дейін төмендеді", - деді Молдабекова.

Оның мәліметтері бойынша, шетел валютасына сұраныстың төмендеуі, ең алдымен, логистикалық тізбектердің тоқтатылуы және жеткізудегі ықтимал үзілістер нәтижесінде импорттың, оның ішінде Ресей импортының төмендеуіне байланысты болды. Сонымен қатар, қазіргі жағдайды ескере келе, Ресей Федерациясының белгілі бір өнім түрлерінің экспортына шектеу шараларын қолдану жағдайында импортты басқа нарықтарға қайта бағыттауға болады, бұл белгілі бір уақытты қажет етеді. Сыртқы нарықтарда белгісіздіктің сақталуы нарық қатысушылары белсенділігінің төмендеуіне ықпал етеді.

Жалпы алғанда, нарықтағы сентимент өзгеріп, жеке тұлғалардың тарапынан сұраныс тұрақтанды, бұл да теңгенің бағамына оң әсер етеді. Теңгедегі активтерді қорғау шаралары және Ұлттық Банктің мөлшерлемені 14%-ға дейін көтеруі – қаржы нарығының тұрақтылығын қамтамасыз етуге және теңгедегі депозиттердің тартымдылығын қолдауға ықпал ететінін атап өтеміз", - деп атап өтті Ұлттық Банк төрағасының орынбасары.

Теңгенің нығаюына әсер еткен басқа факторды айтсақ, ол – капиталды бақылау және экспорттаушылардың валюталық түсімді міндетті түрде сату бойынша қабылданған шаралар нәтижесінде Ресей рублі бағамының қалпына келуі, деп атап өтті Молдабекова.

Сондай-ақ, оның айтуынша, квазимемлекеттік сектор субъектілерінің валюталық түсімін сатуы Қазақстанның валюта нарығына біраз қолдау көрсетті, олар шамамен 253 млн АҚШ долларын құрады.

Мамыр басында теңгенің бағамы 432,79 дейін нығаюын жалғастырды, осылайша жыл басынан бері ұлттық валютаның әлсіреуі небәрі 0,2%-ды құрады", - деп түйіндеді Молдабекова.

Ұлттық қордың валюталық активтері сәуір айында 500 млн долларға төмендеді - Ұлттық Банк

18.05.2022, 16:02 17286

НҰР-СҰЛТАН. 18 МАМЫР - Сәуірді қорытындылағанда Ұлттық қордағы валюталық активтердің көлемі өткен айда 500 млн АҚШ долларына төмендеп, 52,5 млрд АҚШ долларын құрады. Бұл туралы Ұлттық Банк төрағасының орынбасары Әлия Молдабекова мәлімдеді, деп хабарлайды KAZAKHSTAN TODAY ҚР Ұлттық Банктің баспасөз қызметіне сілтеме жасап.

Оның айтуынша, акциялар нарығының құлдырауы, АҚШ ФРЖ мен дамыған елдердің басқа да орталық банктерінің ақша-кредит саясатын қатаңдатуы, сондай-ақ АҚШ долларының нығаюы аясында Ұлттық қордың инвестициялық кірісі жыл басынан бері теріс аймақта тұр.

Алдыңғы айда Ұлттық қордан республикалық бюджетке трансферт түрінде, негізінен, Ұлттық қордың теңгедегі шотындағы қалдықтары, сондай-ақ қорға теңгемен түсетін түсімдер есебінен 460 млрд теңге бөлінді. Оған қоса, ішкі валюта нарығында 168 млн АҚШ долларына активтер сатылды, оның баламасы 79 млрд теңге болады", - деді Молдабекова.

Сонымен қатар, Ұлттық Банк басшысының орынбасары Ұлттық қордың ұзақ мерзімді кірістілігінің оң болып қалатынын және құрылғаннан бастап жылдық мәнде 3,23%, соңғы 5 жылда жылдық 2,40% болатынын атап өтті.

Ақмола облысында тұрақтандыру қорынан KoksheMarket павильондарына қант жеткізілімі артады

18.05.2022, 15:24 16866

Сурет: Kokshe ӘКК

КӨКШЕТАУ. 18 МАМЫР - Ақмола облысында тұрақтандыру қорынан KoksheMarket павильондарына күнделікті қант жеткізу азаматтардың өтініштеріне байланысты артады, деп хабарлайды KAZAKHSTAN TODAY Kokshe әлеуметтік-кәсіпкерлік корпорациясының баспасөз қызметіне сілтеме жасап.

Kokshe әлеуметтік-кәсіпкерлік корпорациясының баспасөз қызметі хабарлағандай, қазіргі уақытта қоймаларда 78 тонна қант бар.

Жидек маусымына қанттың жаңа партиясын сатып алудың нұсқалары қарастырылуда, алайда бұл нарықтағы экономикалық жағдайды ескере отырып, оның бағасы қазірдің өзінде жоғары болуы ықтимал", - деп хабарлады ӘКК.

ӘКК Ақмола облысының тұрақтандыру қорынан алынған қантты KoksheMarket павильондарында килограмы 340 теңгеден сататынын еске салды.

Алыпсатарлықтың алдын алу үшін бір қолға 2 килограмм қант сату туралы шешім қабылданды. Бұл өнімге сұраныстың жоғары болуына байланысты қала тұрғындары таңғы сағат алтыдан бастап кезек ала отырып, қантты белсенді түрде сатып алуда. Сатып алушылар арасында зейнеткерлер, үй шаруасындағы әйелдер, сондай-ақ шағын наубайханалардың қызметкерлері және азаматтардың басқа да санаттары бар", - деп хабарлады баспасөз қызметі.

Сондай-ақ, азық-түлік корпорациясы қазіргі уақытта Үндістанда қант сатып алу туралы келіссөздер жүргізіп жатыр, бірақ оператор әлі анықталған жоқ және құны туралы айтуға әлі ерте.

Ең көп оқылғаны