13.12.2022, 13:14 13396

Миллиардер Гаутам Адани Қазақстанның көлік жобаларына инвестиция салуға дайын

Сондай-ақ энергетика, мұнай-химия және жаңартылатын энергия көздері салаларында ынтымақтастық орнату жоспарлануда

Сурет: Depositphotos

Астана. 13 желтоқсан. KAZAKHSTAN TODAY - Мемлекет басшысы Қасым-Жомарт Тоқаев Adani Group компаниясының президенті Гаутам Аданиді қабылдады. Кездесу барысында ұзақмерзімді және стратегиялық маңызы бар инвестициялық жобаларды жүзеге асыру перспективалары талқыланды, деп хабарлайды Ақорданың баспасөз қызметі.

Президент үндістандық мультиұлттық Adani Group конгломератының өңірдегі көлік инфрақұрылымын дамыту жоспарына оң баға берді. Мемлекет басшысы Қазақстан көлік бағыттарын әртараптарандыру жұмыстарын жүргізіп, Транскаспий халықаралық көлік бағдарын белсенді дамытып келе жатқанын атап өтті", - делінген хабарламада.

Өз кезегінде Гаутам Адани Мемлекет басшысына компания энергетика, мұнай-химия, жаңартылатын энергия көздері және экономиканың басқа да маңызды секторларында Қазақстан тарапымен ынтымақтастық орнатуға мүдделі екенін айтты.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

30.09.2023, 18:00 3071

"Қазатомөнеркәсіп" уран өндірісін 2025 жылы 100%-ға дейін ұлғайтпақ

Компания жаһандық энергетикалық қауіпсіздікті қамтамасыз етудегі өз рөлін түсінеді және жоғары бағалайды

Сурет: kazatomprom.kz

Қазатомөнеркәсіп" Ұлттық атом компаниясы" АҚ (бұдан әрі - "Қазатомөнеркәсіп", "ҚАӨ" немесе "Компания") 2025 жылға арналған өзінің өндіріс бөлігіндегі стратегиясы туралы хабарлайды. Қазатомөнеркәсіптің Директорлар кеңесі Компанияның 2025 жылы жер қойнауын пайдалануға арналған келісімшарттар шеңберінде жоспарланған өндіріс көлемін 100%-ға дейін ұлғайту жөніндегі стратегиясын мақұлдады, деп хабарлайды компанияның баспасөз қызметінен.

Қазатомөнеркәсіп нарыққа бағдарланған стратегияны және өндіріс пен сату мәселелеріндегі тәртіпті тәсілді ұстанады, сондай-ақ, біз уран нарығында көптен күткен тарихи оң өзгерістің басталғанына куә болғанымызға қуаныштымыз, - Компанияның коммерция жөніндегі бас директоры Дастан Көшербаев деді. - Қазатомөнеркәсіп қатарынан жеті жыл бойы жер қойнауын пайдалануға арналған келісімшарттар шеңберінде уран өндірісін жоспарланған көлемнен 20%-ға төмен сақтай отырып, нарықтық тәртіпті көрсетті және Компания 2024 жылы өндіруге қатысты өз шешіміне әлі де адал (жер қойнауын пайдалануға арналған келісімшарттар шеңберінде өндірудің жоспарланған деңгейімен салыстырғанда 10%-ға төмен). Біздің нарыққа бағытталған стратегиямызға сәйкес, 2025 жылы жер қойнауын пайдалануға арналған келісімшарттар шеңберінде өндірістің 100% деңгейіне оралу ниетіміз ең алдымен келісімшарттардың мықты портфеліне және 2023-2024 жылдарға арналған консервативті өндіру сценарийлері кезінде өндіріс көлемінен асып түсетін сату көлемінің өсуіне байланысты. Қазатомөнеркәсіп өзінің жоғары сапалы активтерімен және өндірістің өзіндік құнының төмендігімен нарықтық жағдайдың жақсаруына толықтай жауап беруге дайын, өйткені біз бұл саланың толықтыру қажеттілігіне байланысты ұзақ мерзімді келісімшарттық белсенділіктің жаңа цикліне енгенінің айқын белгілерін көріп отырмыз. Компанияның келісімшарттарының қазіргі портфелі 2025 жылдың қосымша көлемі нарықтық сұраныспен бекітіліп, Қазатомөнеркәсіптің жеткізу бойынша келісімшарттық міндеттемелерді орындауға бағытталатынына сенімділіктің жеткілікті деңгейін қамтамасыз етеді.

Компания жаһандық энергетикалық қауіпсіздікті қамтамасыз етудегі өз рөлін түсінеді және жоғары бағалайды. Жалғасып жатқан геосаяси белгісіздік және онымен байланысты тәуекелдер жағдайында Қазатомөнеркәсіп табиғи уранды сенімді жеткізуші ретіндегі өзінің көшбасшылық ұстанымын толық көлемде сақтай алады және энергия компанияларының ESG әлемдік стандарттарына сәйкес келетін тәуекел деңгейі төмен юрисдикциялардан уран жеткізу көздерін әртараптандырудағы қажеттіліктерін қамтамасыз етуге дайын".

Жер қойнауын пайдалануға арналған келісімшарттар шеңберінде өндірістің 100% деңгейіне оралу туралы шешім, ең алдымен Компания уран нарығының жақсарып келе жатқан конъюнктурасы аясында жаңа және қолданыстағы клиенттермен орта мерзімді және ұзақ мерзімді келісімшарттар жасасуды жалғастыратындығымен байланысты. 2025 жылғы өндірістің қосымша көлемі Компанияның 2025 жылы және одан әрі жеткізу жөніндегі келісімшарттық міндеттемелерін орындауға бағытталатын болады.

Бұл шешімді іске асыру Компанияның 2024 жылға жоспарланған өндіріс көлемімен салыстырғанда 2025 жылы әлемдік бастапқы уран өндірісінің болжамды деңгейін 6 000 тоннаға дейін ұлғайтуға әкеледі деп күтілуде. 2025 жылға арналған жер қойнауын пайдалануға арналған келісімшарттар шеңберінде өндірістің жалпы көлемінің 100% - на жетіп, 2025 жылы Қазатомөнеркәсіптің өндіріс көлемі, осылайша, 30 500 - 31 500 тонна уран (100% негізде) деңгейде күтілуде. Бұрын хабарланғандай, 2024 жылдан 2025 жылға дейін өндіру көлемінің жылдық өсуі елеулі болып табылатынына қарамастан, оның негізгі бөлігі нарықтық шарттарда жасалған Компанияның орта мерзімді және ұзақ мерзімді келісімшарттар шеңберінде сақталған. Өндірістің осы көлемнен тыс кез келген ықтимал ұлғаюы елеулі күрделіліктермен ұштасуы мүмкін, өйткені геосаяси белгісіздік және жаһандық жеткізілім тізбегіне қатысты қиындықтар, жоғары инфляциялық қысыммен қатар жалғасуда. Компания 2025 жылы өндіру көлемінің болжамды ескере отырып, 2024 жылға арналған бюджеттер мен өндірістік жоспарларды дайындау үшін бірлескен кәсіпорындар бойынша серіктестермен және уран өндіруші еншілес кәсіпорындармен жұмысты бастайды. Тез өзгеретін нарықтық жағдайларға жауап беру үшін Компания нарықтағы жағдайдың дамуын бақылауды жалғастырады және икемділікті сақтайды. 2025 жылдан кейінгі өндірістік жоспарлар мен өндіру көлеміне қатысты шешім қабылданған жоқ.

28.09.2023, 15:49 16366

Қазақстанның Шанхай ынтымақтастық ұйымы елдерімен өзара саудасы 2022 жылы шамамен $61 млрд. құрады

ҚР-ның ШЫҰ елдерімен өзара саудасының өсуі 2022 жылы 18,7%-ға өсті

Бішкек қаласында (Қырғыз Республикасы) ШЫҰ-ға мүше мемлекеттер министрлерінің кезекті Кеңесі өтті, деп хабарлайды ҚР Ұлттық экономика министрлігінің баспасөз қызметінен.

Іс-шараға ҚР Ұлттық экономика бірінші вице-министрі Тимур Жақсылықов қатысты. Жиын барысында ынтымақтастықтың өзекті мәселелері, оның ішінде ШЫҰ шеңберінде электрондық сауданы дамыту мәселелері талқыланды.

ШЫҰ Қазақстанның сыртқы саясатының негізгі басымдықтарының бірі болып табылады. Ұйым өз шекараларын кеңейтуді жалғастыруда. Бұл оның аймақтағы және әлемдегі халықаралық беделінің артып келе жатқанын көрсетеді", - деді Т.Жақсылықов.

Сондай-ақ, Ұлттық экономика бірінші вице-министрі көпжақты сауда-экономикалық ынтымақтастық Бағдарламасын іске асыру барысына назар аударды.

Қазақстанның ШЫҰ елдерімен өзара саудасы 2022 жылы $60,8 млрд құрады. Бұл 2021 жылмен салыстырғанда 18,7%-ға жоғары

Экспорт - $29,5 млрд.

Импорт - $31,3 млрд.

Экономикалық ведомстволардың өкілдері сауда-экономикалық саладағы өзара іс-қимылды одан әрі тереңдетуге және цифрлық экономика саласындағы мәселелерді ілгерілетуде бірлескен күш-жігерді арттыруға келісті.

Сонымен қатар, Кеңес барысында ҚР Ұлттық экономика бірінші вице-министрі Т.Жақсылықов Қырғыз Республикасының Экономика және коммерция министрі Данияр Амангелдиевпен кездесу өткізді. Тараптар сауда-экономикалық ынтымақтастықты одан әрі нығайту мәселелерін талқылады.

Қазақстан мен Қырғызстан арасында екіжақты ынтымақтастықтың барлық спектрі бойынша, сондай-ақ ЕАЭО, ТМД, ТМҰ, СПЕКА және т.б. шеңберінде жемісті өзара іс-қимыл жолға қойылған. Біз өзара сауда көлемін $2 млрд. дейін ұлғайтуды жоспарлап отырмыз. Бірлескен іс-қимылдар арқасында біз осы мақсатқа қол жеткізетінімізге сенімдімін. А.ж. 7 айда елдер арасындағы өзара сауда көлемі $757 млн. құрады. Бұл өткен жылғы сәйкес кезеңмен салыстырғанда 13%-ға жоғары", - деді ҚР Ұлттық экономика бірінші вице-министрі.

Іс-шара қорытындысы бойынша Кеңестің кезекті отырысының хаттамасына қол қойылды және ШЫҰ-ға мүше мемлекеттер арасындағы ынтымақтастықты тереңдету жөніндегі перспективалар мен шаралар туралы бірлескен мәлімдемесі қабылданды.

27.09.2023, 17:03 21911

Елімізде ішкі тауар айналымы 21% пайызға өсті

Бірыңғай сауда-көлік кеңістігі үшін 5 шекара маңы хабын құру жоспарлануда

Астанада Сауда және интеграция министрі Арман Шаққалиевтің қатысуымен пресс-конференциясы өтті, деп хабарлайды министрліктің баспасөз қызметінен.

СИМ басшысы мемлекет Басшысының Жолдауын іске асыру шеңберінде сауда саясатын дамытудың негізгі бағыттарын атап өтті.

2023 жылдың бірінші жартыжылдығында Қазақстанның тауар айналымы $67,2 млрд құрады, бұл 2022 жылдың сәйкес кезеңімен салыстырғанда 4,3% -ға жоғары ($64,5 млрд.). 2023 жылдың 1-жартыжылдығында Еуропалық одақ елдерімен тауар айналымы $20,2 млрд., Қытаймен тауар айналымы $13,6 млрд. құрап, өткен жылмен салыстырғанда 20,5% өсті. Еуразиялық экономикалық одақ елдерімен өзара саудада оң серпін байқалады. 2023 жылдың 6 айында өткен жылдың осы кезеңімен салыстырғанда өсім 4,1% құрады ($13,3 млрд. бастап $13,8 млрд. дейін).

Қазақстанның оңтүстік бағыттағы сауда-экономикалық бағыттарын әртараптандыру бойынша жұмыс жүргізілуде-Оңтүстік Азия мен Таяу Шығыс нарықтарына, сондай-ақ Үнді мұхитының (Гвадар, Карачи) және Парсы шығанағының (Чабахар, Бандар-Аббас) порттарына қол жеткізу. Біздің тауарларымызды ЕО, АҚШ, Оңтүстік-Шығыс Азия нарықтарына белсенді түрде ілгерілету. 2027 жылға қарай шикізаттық емес экспорт көлемін $46,5 млрд дейін жеткізу жоспарлануда.

Бірыңғай сауда-көлік кеңістігі үшін 5 шекара маңы хабын құру және олармен тауар айналымының орта есеппен 30% -ға өсуін қамтамасыз ету үшін әріптес елдермен стратегиялық қатынастарды нығайту жоспарлануда.

2023 жылдың 8 айында ішкі тауар айналымы 35,7 млрд. теңгені құрады. және 2022 жылдың сәйкес кезеңімен салыстырғанда 21% -ға өсті. Саудаға тартылған инвестициялар көлемі 8 айда 37,6% -ға өсті (163,6 млрд. теңгеден 225,1 млрд. теңгеге дейін). 8 айдың қорытындысы бойынша инфляция 6,6% құрады (2022 жылдың осындай кезеңі - 13,3%). 8 айдың қорытындысы бойынша ӘМАТ баға индексі 3,4% (2022 ж. -19,1%) құрады, бұл қарқыннан 5,6 есе төмен

4 ай қатарынан (15 апта) ӘМАТ бағасының индексі төмендейді. ӘМАТ бағасын тұрақтандыру үшін көкөніс өнімдерінің тұрақтандыру қорларынан броньсыздандыру жүргізілді. Қалыптасқан қорлардың жалпы көлемі 139,4 мың тоннаны құрады, оның ішінде нарыққа маусымдық бағаның өсуін тежеу үшін 118,6 мың т онна көлемінде көкөністер (картоп, сәбіз, пияз, қырыққабат) шығарылды.

Қазіргі заманғы сауда форматтарының үлесін 70% - ға дейін ұлғайту бойынша жұмыс жүргізілуде, стихиялық сауданы жою және саудадағы "көлеңкелі" экономика деңгейін төмендету үшін сауда нарықтарын жаңғырту жөніндегі жол картасы іске асырылуда.

27.09.2023, 15:48 22706

Қазақстан мен Қытай инвестициялық ынтымақтастықты одан әрі кеңейтуге мүдделі

Кездесу барысында Қытайдың ірі қаржы институттарын тарта отырып, қазақстандық жобаларды қаржыландыру мәселесі де талқыланды

Сурет: gov.kz

Министр М.Қарабаев Қытай Халық Республикасына жұмыс сапары аясында ҚХР Коммерция вице-министрі Лин Цзимен кездесу өткізді, деп хабарлайды ҚР Көлік министрлігінің баспасөз қызметінен.

М.Қарабаев қытайлық әріптесіне еліміздегі инфрақұрылымдық жобалардың іске асырылу барысы туралы баяндап берді. Өз сөзінде министрлік басшысы Қазақстанда автомобиль жолдарының құрылысына қытайлық компаниялардың қатысып жатқандарын атап өтіп, осы ретте аталған жұмыстарды белгіленген мерзімде аяқтаудың маңыздылығына ерекше тоқталып өтті.

Жалпы жүктерді автомобиль көлігімен тасымалдау бойынша әлеуетін толық ашу үшін 4 мың шақырым жол салу және реконструкциялау арқылы жұмыс істеп тұрған дәліздерді толық жаңғырту жоспарланып отырғаны айтылды.

Кездесу барысында сонымен қатар Қытайдың ірі қаржы институттарын тарта отырып, қазақстандық жобаларды қаржыландыру мәселесі де талқыланды. Тараптар инвестициялық ынтымақтастықты кеңейту бойынша әлеуеті зор екенін атап өтіп, бірлескен жобаларды одан әрі жалғастыруға ниетті екендерін растады.

25.09.2023, 21:59 34611

Татарстан мен Қазақстан арасындағы тауар айналымы 5 597 млн АҚШ долларынан асып жығылды

Қазақстанмен арадағы экономикалық ықпалдастық ауқымы бойынша Татарстан Ресей өңірлері арасында жетекші орынға ие

Сурет: Depositphotos

Президент Қасым-Жомарт Тоқаев Татарстан Раисы Рустам Миннихановты қабылдады, деп хабарлайды Ақорданың баспасөз қызметінен.

Кездесу барысында сауда-экономикалық, инвестициялық, аграрлық және мәдени-гуманитарлық салалардағы ынтымақтастықты дамыту перспективалары талқыланды.

Мемлекет басшысы Қазақстанмен арадағы экономикалық ықпалдастық ауқымы бойынша Татарстан Ресей өңірлері арасында жетекші орынға ие екенін атап өтті.

Қазақстан мен Татарстанның ынтымақтастығы қарқынды дамып келеді және Ресей Федерациясымен көпжақты қарым-қатынасымызда маңызды рөл атқарады деп айтуға толықтай негіз бар. Өткен жылдың қорытындысы бойынша Қазақстан мен Татарстан арасындағы тауар айналымы 22,5 пайызға өсіп, 597 миллион доллардан асты. Машина жасау саласында "Татнефть", "КАМАЗ" компанияларының қатысуымен ірі жобалар табысты жүзеге асырылып жатыр. Бұдан да бөлек жобалар бар", - деді Қасым-Жомарт Тоқаев.

Өз кезегінде Рустам Минниханов Қазақстан мен Татарстан арасындағы сауда-экономикалық ынтымақтастықты нығайту мәселесіне назар аударды.

Құрметті Президент, кездесуге уақыт бөліп, бірлескен жобалар туралы баяндауға мүмкіндік бергеніңіз үшін Сізге алғыс айтамын. Сондай-ақ бүгінгі "Иннопром" көрмесі үшін ризашылығымды білдіремін. Дайындық өте жақсы жүргізілген әрі жоғары деңгейде өтіп жатыр. Біз 100-ден астам адамнан және 38 компаниядан тұратын үлкен делегацияны ала келдік. Біздің міндетіміз - ірі бизнесті таныстырып, сауда-экономикалық байланыстарды нығайту ғана емес, сонымен қатар шағын және орта кәсіпорындарымыздың Сіздің еліңізбен белсенді жұмыс істеуіне септігімізді тигізу", - деді Татарстан Раисы.

Кездесу барысында Мемлекет басшысы Қазақстан мен Ресейдің Өңіраралық форумы өзара ынтымақтастық үшін оңтайлы алаңға айналғанын атап өтті. Биыл қараша айында Қостанайда өтетін Форумның тақырыбы ауыл шаруашылығына арналмақ. Президент ауыл шаруашылығы өнімдерін өңдеу ісіндегі мол тәжірибе мен осы саладағы серіктестік әлеуетінің зор екенін ескере отырып, Татарстан кәсіпкерлері бұл бағытқа қызығушылық танытатынына сенім білдірді.

21.09.2023, 18:00 46366

Қазақстан мен Пәкістан сауда-экономикалық ынтымақтастықты кеңейтуге мүдделі

Екі ел арасындағы инвестициялық қатынастардың әлеуеті зор

Астанада Ұлттық экономика министрі Әлібек Қуантыров Пәкістан Ислам Республикасының ҚР-дағы Төтенше және Өкілетті елшісі Науман Башир Бхаттимен кездесу өткізді, деп хабарлайды министрліктің баспасөз қызметінен.

Тараптар екіжақты ынтымақтастықтың негізгі мәселелерін, оның ішінде өзара сауданы жандандыруға және мүдделі компаниялар арасында тиімді қатынастарды орнатуға бағытталған нақты шараларды талқылады.

Министр атап өткендей, екі ел арасындағы инвестициялық қатынастардың әлеуеті зор. Қазақстан энергетика, агроөнеркәсіптік кешен, мұнай-химия, цифрландыру және т. б. салалардағы ынтымақтастықты кеңейтуге мүдделі.

Өз кезегінде Бхатти мырза Ислам Республикасы белгіленген бағыттары бойынша, оның ішінде IT саласындағы екіжақты экономикалық ынтымақтастықты одан әрі нығайтуға дайын екенін хабарлады.

Сондай-ақ, тараптар төмен көміртекті саясатты іске асыру шеңберінде "жасыл" экономиканы дамыту мәселелерін талқылады. Науман Башир Бхатти 2023 жылға арналған Жасыл климат қорының (GFR) тең төрағасы болып табылады.

Қазақстан-Пәкістан

2022 жылы екіжақты тауар айналымы $73,2 млн. долларды құрады

Экспорт - $35,9 млн.

Импорт- $37,3 млн.

Ағымдағы жылдың қаңтар-маусым айларында екі мемлекет арасында $28,3 млн. сауда жасады.

21.09.2023, 17:46 46536

ЕАДБ Қазақстанға тартылған инвестициялар қарқынын арттыруда

Қазақстан ЕАДБ-ден тартылған инвестициялар көлемі бойынша көш бастап тұр

Еуразиялық даму банкінің (ЕАДБ) Қазақстанға салған инвестицияларының көлемі 2022-2026 жылдарға арналған стратегияны іске асырудың алғашқы екі жылының қорытындысы бойынша жоспардан 70%-ға артып, $2,2 млрд-тан асуы мүмкін. Бұл туралы ҚР Премьер-Министрі Әлихан Смайыловтың Банктің басқарма төрағасы Николай Подгузовпен кездесуі барысында белгілі болды, деп хабарлайды ҚР Премьер-министрінің баспасөз қызметінен.

Николай Подгузов Қазақстан ЕАДБ-ден тартылған инвестициялар көлемі бойынша көш бастап тұрғанын атап өтті. Түрлі салаларда $5,6 млрд-қа 104 жоба іске асырылды. Бұл күн және жел генерациясының құрылысы, өңдеу секторы, химия өнеркәсібі кәсіпорындарын, ЖЭО, көшелерді жарықтандыру желілерін жаңғыртуға, сондай-ақ пойыздардың құрамдас бөліктері паркін жаңартуға, АӨК секторы компанияларын дамытуға, әуежайлар, магистральдық газ құбыры құрылысына және т. б. қатысты.

Биылғы маусым айында Еуропа қайта құру және даму банкі, Ислам даму банкімен серіктестікте ЕАДБ-ның қаржыландыруымен салынған Үлкен Алматы айналма автомобиль жолы бойынша көлік қозғалысы ашылды. Қазіргі уақытта ЕАДБ халықаралық серіктестермен бірлесіп, Алматы әуежайын кеңейту мен жаңғыртуды қаржыландыруда. Оған қоса "Аягөз - Бақты" т/ж желісі және Қазақстан-Қытай шекарасында жаңа шекара бекетін салу жобаларының перспективасы да жоғары болып отыр. Жаңа инфрақұрылым жүк айналымын жылына 20 млн тоннаға арттыруға мүмкіндік береді деп болжануда.

Сонымен қатар Банк "Астрахан - Маңғышлақ" магистральдық су құбырын реконструкциялауға және кеңейту жобасына да қатысуға ниетті. Жобаның әлеуметтік маңызы жоғары екенін ескере отырып, арнайы қаржыландыру шарттарын ұсыну жоспарланып отыр.

Әлихан Смайылов ЕАДБ-ның республиканың инфрақұрылымдық дамуындағы рөлі маңызды екенін және еліміздің ұлттық даму мақсаттарын ескеретін тәсілінің дұрыс екенін атап өтті.

13.09.2023, 20:31 61736

Гонконгте Қазақстанның сауда мүмкіндіктері таныстырылды

Халықаралық сауданы дамытудың негізгі құрамдас бөлігі - нарықтарды ашу және жеткізу тізбегін дамыту

Сауда және интеграция министрі Арман Шаққалиев 2023 жылғы 13 қыркүйекте Гонконгте өткен VIII "Бір белдеу - бір жол" саммитінде сөз сөйледі, деп хабарлайды ҚР Премьер-министрінің баспасөз қызметінен.

Кедергісіз сауда, инвестициялық және сауда-экономикалық ынтымақтастық - "Бір белдеу - бір жол" бастамасының басты міндеті. Бүгінгі таңда бастамаға белдеу бойында орналасқан 150 ел және 32-ден астам халықаралық ұйым қосылды.

Қытай - Қазақстанның екінші ірі серіктесі, 2022 жылы тауар айналымының көлемі $24,1 млрд болды. Арнайы экономикалық аймақпен сауда серпіні қарқынды өсуде: өткен жылы Қазақстан мен Гонконг арасындағы екіжақты сауда-саттық 91%-ға өсіп, $51,8 млн-ға жетті. Біз Қытайға $1 млрд-ты құрайтын 135 тауар позициясы бойынша, Гонконгке $600 млн-нан астам сомаға 100 тауар позициясы бойынша шикізаттық емес экспортты ұлғайтуға дайынбыз", - деп мәлімдеді Арман Шаққалиев.

Халықаралық сауданы дамытудың негізгі құрамдас бөлігі - нарықтарды ашу және жеткізу тізбегін дамыту. Арман Шаққалиев Қазақстанның Еуропа мен Азияны байланыстыратын ірі көлік хабына айналу жөніндегі ауқымды жоспарларын айтты.

Бұл үшін көптеген жағдай жасалды. Жыл сайын Қазақстан аумағы арқылы Қытай - Еуропа - Қытай бағыты бойынша контейнерлік теміржол тасымалының көлемі өсуде. Қытаймен шекарада "Қорғас - Шығыс қақпасы" АЭА құру толығымен аяқталды. 2014 жылы Ляньюньган портында қытайлық серіктестермен логистикалық терминал құрылды, ол бүгінде Қазақстаннан және Қазақстанға жүктерді жинап-тиейтін негізгі пункт болып отыр. Осы жылдың мамыр айында Сиань құрғақ портының аумағында "ҚТЖ" ҰК" АҚ терминалының құрылысы басталды. "Сәулелі" қағидат бойынша Орталық - Оңтүстік, Орталық - Шығыс, Орталық - Батыс бағыттарында сапасы жоғары автожолдар жобалары іске асырылуда, олар оңтүстіктен солтүстікке, батыстан шығысқа қарай өтуге мүмкіндік береді", - деді министр.

Қорытындылай келе, Арман Шаққалиев Қазақстанның инвестициялық әлеуеті зор екенін, өңдеуші және жеңіл өнеркәсіп, жаңа жоғары технологиялар, жасыл энергетика, инфрақұрылым және қаржы бағытында шетелдік әріптестермен белсенді түрде жұмыс істеуге дайын екенін атап өтті.

Анықтама: "Бір белдеу - бір жол" - Қытайдың Орталық Азия, Еуропа және Африканың 60-тан астам елін байланыстыратын қолданыстағы сауда-көлік дәліздерін жетілдіру және жаңа сауда-көлік дәліздерін құруға бағытталған халықаралық бастамасы. Көпжақты өңірлік ынтымақтастықты дамытуға бағытталған "Жібек жолының экономикалық белдеуі" және "21 ғасырдың теңіз Жібек жолы" сынды екі қытайлық стратегиялық жобаны біріктіреді.

Жібек жолының экономикалық белдеуі" ҚХР төрағасы Си Цзиньпиннің бастамасымен 2013 жылдың қыркүйегінде Қазақстанда бастау алған. Оның негізгі бағыттары:

1. экономикалық даму стратегиясы мәселелері бойынша пікір алмасу;

2. Тынық мұхитынан Балтық теңізіне дейін бірыңғай көлік инфрақұрылымын салу;

3. кедергілерді жоя отырып, сауда байланыстарын нығайту;

4. валюта ағындарын күшейту;

5. халықтар арасындағы байланысты нығайту.

Миллиардер Гаутам Адани Қазақстанның көлік жобаларына инвестиция салуға дайын

тақырып бойынша жаңалықтар

Ең көп оқылғаны

Өзекті

Ақтөбелік полицейлер тастанды баланың анасын іздеустіруде