Ереванда Қазақстан мен Армения арасында көпжақты ынтымақтастық мәселелері бойынша консультациялар өтті

16.06.2026, 16:58 5521

Қазақстанның Жапония мен Сербия арасындағы ынтымақтастық жаңа серпін алды

Қазақстандық дипломаттар Жапония мен Сербияда келіссөздер өткізді. Бұл туралы Қазақстан Республикасы Сыртқы істер министрлігінің баспасөз қызметінен хабарлады. Токио қаласында өткен кездесулер барысында тараптар энергетика және климат салаларындағы ынтымақтастық мәселелерін талқылап, жасыл технологияларды дамыту және тұрақты даму бағытындағы өзара іс-қимыл перспективалары қарастырылды. Ал, Белградтағы келіссөздерде қорғаныс және қауіпсіздік салаларындағы ынтымақтастықты дамыту мәселелеріне баса назар аударылды.

Қазақстан Республикасының Жапониядағы Елшісі Ерлан Баударбек-Қожатаев Жапонияның Энергетика экономикасы институтының Төрағасы Тацуя Теразавамен кездесу өткізді. Е.Баударбек-Қожатаев ү.ж. 22-24 сәуірде Астанада өткен Өңірлік экологиялық саммит барысында қабылданған Орталық Азия мемлекеттері басшыларының "Орталық Азияның экологиялық ынтымақтастығы" декларациясының негізгі ережелерін таныстырды. Ол сұхбаттасушыны өңір елдерінің климаттың өзгеруіне, шөлейттенуге және қоршаған ортаның ластануына қарсы күреске бағытталған бірлескен күш-жігерімен таныстырды.

Т.Теразава жаһандық нарықтардағы тұрақсыздық жағдайында Жапонияның энергетикалық қауіпсіздігін қамтамасыз етудегі Қазақстанның стратегиялық рөлін атап өтті. Ол жапон тарапының энергетикалық және климаттық күн тәртібінің негізгі бағыттары бойынша, соның ішінде уран өндірісін дамыту, маңызды шикізат минералдарын игеру және жаңартылатын энергия көздері саласындағы жобаларды ілгерілету бойынша толық ауқымды ынтымақтастықты кеңейтуге мүдделілігін білдірді.

Сондай-ақ, тараптар Жапонияның Энергетика экономикасы институты әзірлеген Қазақстанның көміртегі бейтараптығына қол жеткізу жөніндегі жол картасының іске асырылуын талқылады. Бұл құжат жапон бизнесі үшін климаттық инвестициялардың келешегін бағалауда, төмен көміртекті технологияларды енгізуде және энергетикалық көшім бойынша ынтымақтастықты дамытуда маңызды бағдар болып табылады.

Қазақстанның Сербиядағы Елшісі Мәди Атамқұлов Сербияның Қорғаныс министрі Братислав Гашичпен кездесті. Тараптар қорғаныс саласындағы қарқынды дамып келе жатқан ынтымақтастық пен әскери-техникалық әріптестікті талқылап, Сербия Президенті А.Вучичтің 2026 жылғы 26-27 ақпанда Астанаға жасаған ресми сапарының қорытындысы бойынша қол жеткізілген уағдаластықтарды іске асыруға ерекше назар аударды.

Елші М.Атамқұлов Қазақстанның тәжірибе алмасуға және қорғаныс құрылымдарын жаңғыртуға мүдделі екенін атап өтті. Өз кезегінде министр Б.Гашич серб қорғаныс ведомствосының осы саладағы Қазақстан-Сербия диалогвн одан әрі дамытуға берік бейілділігін растады. Кездесу соңында Елші М.Атамқұлов пен Министр Б.Гашич қауіпсіздік саласындағы ортақ мақсаттарға қол жеткізу үшін сындарлы диалог пен өзара іс-қимылды жалғастыру ниеттерін растады.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

16.06.2026, 15:42 5111

Алматыда Ауғанстанның келешегі мен өңірлік ынтымақтастық мәселелері талқыланды

Сурет: ҚР СІМ

Алматыдағы UN Plaza ғимаратында орналасқан Орталық Азия мен Ауғанстанға арналған Тұрақты даму мақсаттары жөніндегі БҰҰ Өңірлік орталығында Еуропалық одақ пен Орталық Азия елдерінің Ауғанстан жөніндегі арнайы өкілдері мен елшілерінің сегізінші отырысы өтті. Бұл туралы Қазақстан Республикасының Сыртқы істер министрлігінің баспасөз қызметінен хабарлады.

Кездесу барысында қатысушылар Ауғанстандағы жағдайды, өңірлік қауіпсіздік мәселелерін, гуманитарлық жағдайды, адам құқықтарын, климаттың өзгеруі мен су ресурстарын басқару сияқты мәселелерді талқылады. Сондай-ақ, Ауғанстан арқылы өтетін көлік және транзиттік дәліздерді дамытуға ерекше назар аударылды. Бұл бағыттар Орталық және Оңтүстік Азия, сондай-ақ Еуропалық одақ арасындағы сауда байланыстарын нығайтуға мүмкіндік береді.

Жиында Қазақстанның өңірлік мәселелерді саяси-дипломатиялық жолмен шешуді, көршілес тату қатынастарды дамытуды және халықаралық үдерістердегі БҰҰ рөлін күшейтуді қолдайтыны атап өтілді. Делегация басшылары Қазақстанның Ауғанстан бойынша халықаралық диалогты қолдауға, гуманитарлық көмек көрсетуге, білім беру бағдарламаларын іске асыруға және өңірлік экономикалық ықпалдастықты дамытуға қосқан үлесін жоғары бағалады.

Қазақстан Президентінің Ауғанстан жөніндегі арнайы өкілі Еркін Тұқымов Қазақстанның "мойындамау, бірақ прагматикалық өзара іс-қимыл жасау" қағидатын ұстанатынын және Ауғанстанмен көлік, энергетика және гуманитарлық байланыстарды дамытып мәлімдеді.

Ауғанстанды ресми тану мәселесінде біз БҰҰ Қауіпсіздік Кеңесінің шешімдеріне сүйенеміз. Біз Ауғанстанға тек өңірлік қауіпсіздікке төнетін қауіп көзі ретінде қарауды тоқтаттық. Оны өңір мен Қазақстан үшін мүмкіндіктер тұрғысынан да қарастыру қажет. Ауғанстан бойынша жобаларды іске асыруда және олардың тиімділігі мен тәуекелдерін бағалауда жылдам нәтиже күтудің қажеті жоқ",- деді Еркін Тұқымов.

Түрікменстан Сыртқы істер министрінің орынбасары Ахмет Гурбанов Ашхабадтың бейбіт әрі экономикалық тұрғыдан Ауғанстанды тұрақты қолдауды жалғастырып отырғанын және оны өңірлік интеграцияның маңызды қатысушысы ретінде қарастыратынын мәлімдеді.

Еуропалық одақтың Ауғанстан жөніндегі арнайы өкілі Жиль Бертран ЕО мен Орталық Азия елдерінің кездесулері ауған мәселесі бойынша тұрақты диалог жүргізуге мүмкіндік беретін бірегей алаң екенін атап өтті. Ол сондай-ақ халықаралық көмектің қысқаруы жағдайында Ауғанстан халқына қолдауды жалғастыру қажеттігін айтты.

БҰҰ Бас хатшысының арнайы өкілі Каха Имнадзе ұзақ мерзімді тұрақтылыққа Ауғанстанды өңірлік экономикалық үдерістерге толыққанды кіріктіру арқылы ғана қол жеткізуге болатынын мәлімдеді.

Қатысушылар Алматыдағы Орталық Азия мен Ауғанстанға арналған Тұрақты даму мақсаттары жөніндегі БҰҰ Өңірлік орталығының қызметінің маңыздылығын атап өтіп, қаланың халықаралық диалог алаңы ретіндегі рөлінің артып келе жатқанын жеткізді.

Отырыс қорытындысы бойынша, тараптар Ауғанстандағы бейбітшілікті, тұрақтылықты және орнықты дамуды қолдау мақсатында Орталық Азия елдері, Еуропалық одақ және БҰҰ құрылымдары арасындағы ынтымақтастықты нығайтуға дайын екендіктерін растады.

Іс-шараға Қазақстан, Қырғызстан, Тәжікстан, Түрікменстан, Өзбекстан, Еуропалық одақ және БҰҰ өкілдері қатысты.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

15.06.2026, 21:13 28606

Токио климаттық күн тәртібі бойынша Қазақстанмен серіктестікті нығайтуға мүдделі

Қазақстан Республикасының Жапониядағы Елшісі Ерлан Баударбек-Қожатаев Жапонияның Энергетика экономикасы институтының Төрағасы Тацуя Теразавамен кездесу өткізді, деп хабарлайды ҚР ІІМ баспасөз қызметінен.

Е.Баударбек-Қожатаев ү.ж. 22-24 сәуірде Астанада өткен Өңірлік экологиялық саммит барысында қабылданған Орталық Азия мемлекеттері басшыларының "Орталық Азияның экологиялық ынтымақтастығы" декларациясының негізгі ережелерін таныстырды. Ол сұхбаттасушыны өңір елдерінің климаттың өзгеруіне, шөлейттенуге және қоршаған ортаның ластануына қарсы күреске бағытталған бірлескен күш-жігерімен таныстырды.

Т.Теразава жаһандық нарықтардағы тұрақсыздық жағдайында Жапонияның энергетикалық қауіпсіздігін қамтамасыз етудегі Қазақстанның стратегиялық рөлін атап өтті. Ол жапон тарапының энергетикалық және климаттық күн тәртібінің негізгі бағыттары бойынша, соның ішінде уран өндірісін дамыту, маңызды шикізат минералдарын игеру және жаңартылатын энергия көздері саласындағы жобаларды ілгерілету бойынша толық ауқымды ынтымақтастықты кеңейтуге мүдделілігін білдірді.

Сондай-ақ, тараптар Жапонияның Энергетика экономикасы институты әзірлеген Қазақстанның көміртегі бейтараптығына қол жеткізу жөніндегі жол картасының іске асырылуын талқылады. Бұл құжат жапон бизнесі үшін климаттық инвестициялардың келешегін бағалауда, төмен көміртекті технологияларды енгізуде және энергетикалық көшім бойынша ынтымақтастықты дамытуда маңызды бағдар болып табылады.

Сонымен қатар, Елші Е.Баударбек-Қожатаев ү.ж. 12 маусымда Жапонияның Қоршаған ортаны қорғау вице-министрі Кентаро Доимен өткен кездесудің қорытындысы бойынша декарбонизация, "жасыл" технологияларды дамыту және бірлескен климаттық бастамаларды іске асыру мәселелеріндегі Қазақстан мен Жапония ынтымақтастығының қазіргі ахуалы мен болашағы туралы ақпарат берді. К.Дои Токионың климаттық күн тәртібі бойынша Қазақстанмен серіктестікті нығайтуға мүдделілігін растап, бұған дейін Астанада өткен 2026 жылғы Өңірлік экологиялық саммитке қатысқанын атап өту қажет.

1966 жылы Токиода негізі қаланған Жапонияның Энергетика экономикасы институты жаһандық энергетика, экология және климаттық саясат саласындағы зерттеулерге маманданған әлемдегі жетекші талдау орталықтарының бірі болып табылады.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

15.06.2026, 20:51 29421

Қазақстан мен Канаданың СІМ басшылары серіктестікті нығайту бағытын растады

Канадалық тараптың бастамасымен Қазақстан Республикасының Сыртқы істер министрі Ермек Көшербаев Канаданың Сыртқы істер министрі Анита Анандпен телефон арқылы сөйлесті, деп хабарлайды ҚР СІМ баспасөз қызметі хабарлады.

Е.Көшербаев осы мүмкіндікті пайдалана отырып, сұхбаттасын алдағы Канада күнімен құттықтады. Ол екіжақты саяси және экономикалық ынтымақтастықтың жоғары деңгейін, тауар айналымының оң серпінін, сондай-ақ канадалық компаниялардың қатысуымен бірқатар ірі инвестициялық жобалардың іске асырылып жатқанын атап өтті.

Өз кезегінде А.Ананд канадалық тараптың сауда-экономикалық, энергетикалық, инвестициялық, инновациялық және білім беру салаларындағы ынтымақтастықты кеңейтуге мүдделі екенін атап өтті, сондай-ақ жоғары деңгейдегі тұрақты саяси диалогты және өзара сапарларды қолдауға дайын екенін жеткізді.

Министрлер халықаралық күн тәртібінің негізгі мәселелері және көпжақты форматтардағы өзара іс-қимылдың өзекті қырлары бойынша да "сағаттарды теңестірді".

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

15.06.2026, 19:19 39431

Қазақстанның ғарыш саласындағы жетістіктері КОПУОС-тың 69-сессиясында таныстырылды

Сурет: ҚР СІМ

Қазақстан делегациясы маусымның 10-18 аралығында Вена қаласында өтіп жатқан БҰҰ-ның Ғарыш кеңістігін бейбіт мақсатта пайдалану жөніндегі комитетінің 69-сессиясына қатысты. Бұл туралы Қазақстан Республикасы Сыртқы істер министрлігінің баспасөз қызметі хабарлады.

Ұлттық баяндама барысында Қазақстан ғарыш кеңістігін бейбіт мақсатта пайдалану қағидаттарына, халықаралық ынтымақтастықты дамытуға, сенімді нығайтуға және барлық мемлекеттердің ғарыштық технологиялардың артықшылықтарына тең қолжетімділігін қамтамасыз етуді ұстанатындығын растады.

Елдің ғарыш саласы үшін тарихи маңызы бар оқиғаға - 2026 жылғы 30 сәуірде "Бәйтерек" ғарыштық зымыран кешенінен жаңа буындағы "Союз-5/Сұңқар" зымыран-тасығышының алғашқы сынақ ұшырылымына ерекше назар аударылды. Зымыранның ұшу-конструкторлық сынақтарының сәтті өтуі Қазақстанның ғарыштық қызметтер нарығындағы позициясын нығайтуға және ел аумағындағы заманауи ұшыру инфрақұрылымын одан әрі дамытуға жаңа мүмкіндіктер ашты.

Сондай-ақ, Қазақстан базасында ғарыштық жағдайды бақылау жөніндегі өңірлік орталық пен халықаралық телескоптарды орналастыруға арналған International AstroHub ашық платформасы құрылып жатқан Ассы-Түрген обсерваториясының дамуы туралы ақпарат ұсынды.

Бұдан бөлек, Түркі мемлекеттері ұйымы аясындағы ынтымақтастықтың дамуы, оның ішінде OTS SAT ғылыми наноспутнигін іске асыру жобасы атап өтілді.

Сөз соңында Қазақстан Комитетке мүше мемлекеттерді, халықаралық ұйымдар мен серіктестерді 2026 жылғы 7-9 қыркүйекте Астанада өтетін "Space Days Kazakhstan - 2026" халықаралық форумына қатысуға шақырды.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

15.06.2026, 18:58 40246

Қазақстан мен Швеция экономикалық ынтымақтастықты жаңа практикалық деңгейге көтеруде

Сурет: СІМ

Қазақстан Республикасы Сыртқы істер министрінің орынбасары Әлібек Қуантыров "Astana Mining & Metallurgy" 16-шы Халықаралық тау-кен металлургия конгресіне қатысу үшін Астанаға келген Швеция Сыртқы істер министрлігінің Сыртқы сауда жөніндегі мемлекеттік хатшысы Диана Янсемен кездесті, деп хабарлайды ҚР СІМ баспасөз қызметінен.

Тараптар Қазақстан-Швеция ынтымақтастығының қазіргі жағдайы мен одан әрі даму перспективаларын талқылады. Олар екіжақты қарым-қатынастағы ілгерілеушілік серпінді, саяси диалогтың, парламентаралық байланыстардың күшеюімен және сауда-экономикалық ынтымақтастықтың кеңеюімен қатар жүретінін атап өтті.

Бірлескен жобаларды жүзеге асыруға және өнеркәсіптік ынтымақтастықты дамытуға ерекше назар аударылды. Атап айтқанда, тараптар "Väderstad" пен "AgromashHolding KZ" АҚ арасындағы Қазақстанда жоғары технологиялық ауыл шаруашылығы техникасын өндіруді жергіліктендіру бойынша ынтымақтастық перспективаларын, "Astana Motors" АҚ-мен бірлесіп жүк көліктерін жинау жобасы бойынша "Volvo Trucks" компаниясымен ынтымақтастықты және SKF-пен серіктестікті одан әрі дамытуды талқылады.

Қазақстан нарығында табысты жұмыс істеп келе жатқан швед компанияларының, соның ішінде "Ericsson", "Epiroc", "Sandvik", "Scania" және "AstraZeneca" компанияларының үлесі ерекше атап өтілді.

Тараптар бірлескен бастамаларды ілгерілету, инвестициялық жобаларды қолдау және іскерлік байланыстарды кеңейту үшін тұрақты платформа ретінде қызмет ететін сауда-экономикалық және инвестициялық ынтымақтастық бойынша Қазақстан-Швеция екіжақты комиссиясын құрудың маңыздылығын атап өтті.

Одан әрі ынтымақтастықтың перспективалы салаларына жаңартылатын энергия көздері, таза технологиялар, сумен жабдықтау шешімдері, ауыл шаруашылығы, көлік және логистика, цифрлық мемлекеттік басқару және жасанды интеллект жатады. Кездесуден кейін көп қырлы серіктестікті одан әрі нығайтуға және жаңа бірлескен жобаларды жүзеге асыруға өзара қызығушылық расталды.

2005 жылдан 2025 жылға дейін Швециядан Қазақстанға тікелей инвестициялардың жалпы көлемі 705,6 млн АҚШ долларын құрады. Республикада денсаулық сақтау, технология, энергетика, қоршаған ортаны қорғау, көлік, ауыл шаруашылығы, өнеркәсіп және білім беру салаларында жұмыс істейтін шамамен 60 швед капиталы бар компания жұмыс істейді.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

15.06.2026, 17:34 43256

Қазақстан ШЫҰ-ның рөлін нығайтуды қолдайды - СІМ

Қазақстан Шанхай ынтымақтастық ұйымының (ШЫҰ) көптарапты ынтымақтастықтың тиімді алаңы ретіндегі алатын рөлін нығайтуды дәйекті түрде қолдайды. Бұл туралы бүгін өткен брифинг барысында Қазақстан Республикасы Сыртқы істер министрлігінің ресми өкілі Ерлан Жетібаев мәлімдеді, деп хабарлайды агенттік тілшісі.

Қазақстан ШЫҰ-ның негізін қалаушы мемлекеттердің бірі ретінде өзара сенім, тең құқықтылық, өзара тиімділік, мәдени әралуандылықты құрметтеу және бірлескен дамуға ұмтылу қағидаттарына негізделген ұйымның тиімді көптарапты ынтымақтастық алаңы ретіндегі рөлін нығайтуды тұрақты түрде қолдайды", - деді Ерлан Жетібаев.

Естеріңізге сала кетсек, бүгін, 2026 жылғы 15 маусымда, Шанхай ынтымақтастық ұйымының құрылғанына 25 жыл толды.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

15.06.2026, 17:31 43731

Қазақстан мәдениет, энергетика және экономика саласындағы халықаралық ынтымақтастықты кеңейтуде

Сурет: СІМ

Қазақстан Республикасының Кувейт Мемлекетіндегі Елшісі Ержан Елекеев Кувейт Мемлекетінің Электр энергетикасы, су ресурстары және жаңартылатын энергия көздері министрі Субаих Әл-Мухайзиммен кездесу өткізді, деп хабарлайды ҚР СІМ баспасөз қызметінен.

Кездесу барысында тараптар электр энергетикасы, су ресурстарын басқару және жаңартылатын энергия көздері салаларындағы екіжақты ынтымақтастықты дамыту перспективаларын талқылап, энергетикалық және су инфрақұрылымының орнықты жұмысын қамтамасыз ету мәселелері бойынша пікір алмасты. Қазіргі жағдайда энергетикалық және су қауіпсіздігі мәселелерінің ерекше стратегиялық маңызға ие екені атап өтілді.

Кездесу аясында Қазақстан Республикасының Президенті Қасым-Жомарт Тоқаевтың Біріккен Ұлттар Ұйымының аясында Халықаралық су ұйымын құру жөніндегі бастамасына ерекше назар аударылды. Қазақстан Елшісі кувейттік тарапты су ресурстарын ұтымды пайдалану мен сақтау саласындағы халықаралық ынтымақтастықты нығайтуға бағытталған бастаманың мақсаттары туралы хабардар етті.

Министр Субаих Әл-Мухайзим су қауіпсіздігі мәселелері Кувейт Мемлекеті үшін аса маңызды екенін атап өтті. Ол кувейттік тарап Қазақстанның бастамасын жан-жақты зерделеуге дайын екенін білдіріп, су саласындағы халықаралық бастамаларды қолдайтынын және жаһандық су проблемаларын шешу үшін халықаралық қоғамдастық күш-жігерін біріктірудің маңыздылығын ерекше атап өтті.

Кездесу қорытындысы бойынша тараптар энергетика, су ресурстары және жаңартылатын энергия көздері салаларындағы ынтымақтастықты одан әрі нығайтуға өзара мүдделілігін растады.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Ереванда Қазақстан мен Армения арасында көпжақты ынтымақтастық мәселелері бойынша консультациялар өтті

тақырып бойынша жаңалықтар

Ең көп оқылғаны

Өзекті

Алматыға роботакси жеткізілді