Кения Қазақстанмен сауда-экономикалық және инвестициялық ынтымақтастықты нығайтуға мүдделі
Сурет: gov.kz
Қазақстанның Кениядағы Елшілігі Кения Сауда-өнеркәсіп палатасымен бірлесіп сауда-экономикалық және инвестициялық ынтымақтастық бойынша бизнес-форум ұйымдастырды, деп хабарлайды Қазақстан Республикасы Сыртқы істер министрлігінің баспасөз қызметінен.
Іс-шараға Кенияның Ақпарат, коммуникациялар және цифрлық экономика министрінің орынбасары Стефен Исабоке, Сауда-өнеркәсіп палатасының ұлттық директоры Кен Ондитти, Кения Сыртқы істер министрлігінің Экономикалық істер және коммерциялық дипломатия департаментінің директоры Эванс Матура, "KenInvest" ұлттық компаниясы департаментінің директоры Пиу Ротич, сондай-ақ 25-тен астам кениялық бизнестің басшылары мен өкілдері қатысты.
QazTrade сауда саясатын дамыту орталығы" АҚ, "Қазақ экспорттық несие агенттігі" АҚ, "Kazakh Invest" ұлттық компаниясы" АҚ, "Атамекен" ҚР Ұлттық кәсіпкерлер палатасы, NS Art Venture Labs және TransAsia Logistics сияқты қазақстандық тараптың өкілдері онлайн режимінде қатысып, өз ұйымдарының қызметін таныстырып, Қазақстанмен екіжақты сауда-экономикалық және инвестициялық ынтымақтастықты дамытудың қазіргі жағдайы мен перспективалары туралы өз бағаларымен бөлісті.
Қазақстанның Кениядағы Елшісі Барлыбай Садықов өз сөзінде қатысушыларды Қазақстанда жүргізіліп жатқан саяси реформалар, ұлттық экономиканы дамыту жоспарлары және Кениямен ауыл шаруашылығы, өнеркәсіп, АКТ, ғарыш, энергетика, туризм, құрылыс және басқа да салалардағы екіжақты ынтымақтастықтың перспективалары туралы хабардар етті.
Кенияның Ақпарат, коммуникациялар және цифрлық экономика министрінің орынбасары С.Исабоке Кенияның Қазақстанмен сауда-экономикалық және инвестициялық ынтымақтастықты кеңейтуге және тереңдетуге мүдделі екенін, сондай-ақ жоғары дамыған инфрақұрылымға, жобаларды іске асыру үшін қолайлы жағдайларға және экономиканың әртүрлі салаларындағы білікті мамандарға ие екенін атап өтті. Сондай-ақ, Кенияның құрлықтағы қарқынды дамып келе жатқан елдердің бірі, өңірлік логистикалық хаб және Шығыс Африка елдерімен сауданы дамытудың теңіз қақпасы екенін атап өтті. Қазақстанның цифрлық трансформациядағы жетістіктерін жоғары бағалап, екі елдің электрондық үкімет жүйелері, қаржылық технологиялар, киберқауіпсіздік және стартап-инкубация салаларында тығыз ынтымақтастық орнатуға шақырды.
Форумның нәтижесі бойынша Кения Сауда-өнеркәсіп палатасы екі елдің бизнес қауымдастықтары арасындағы ынтымақтастықты кеңейту үшін негіздемелік бағдарлама дайындауды, сондай-ақ кениялық бизнесмендерден тұратын делегацияны іскерлік кездесулер өткізу және екіжақты сауда-экономикалық және инвестициялық ынтымақтастықтың жаңа бағыттарын талқылау үшін олларды Қазақстанға жіберу бойынша уағдаластыққа қол жеткізілді. Сонымен қатар, Кения Сауда палатасы Қазақстандағы кениялық экспорттаушылар үшін өнімді сертификаттау талаптары, реттеуші және сәйкестік бойынша нұсқаулық, логистика және жеткізу тізбегі бойынша кеңестері енгізілген нарыққа кіру туралы ақпараттық парақша дайындайтын болады.
Бизнес-форум аясында кофе, шай, гүлдер және цитрус жемістерін экспорттауға маманданған бірқатар кениялық компаниялардың өнімдерінің көрмесі ұйымдастырылып, Кенияның іскерлік қауымдастығының өкілдері арасында Қазақстанмен ынтымақтастық перспективалары бойынша қызу пікір алмасу болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР СІМ-де балалардың құқықтарын қорғау мәселелері талқыланды
Сурет: gov.kz
Қазақстан Республикасы Сыртқы істер министрінің Бірінші орынбасары Ержан Ашықбаев Қазақстандағы БҰҰ Балалар қорының (ЮНИСЕФ) Өкілі Рашед Сарвармен кездесу өткізді, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесу барысында тараптар балалардың денсаулығын қорғау, инклюзивті білім беруді дамыту, балаларды зорлық-зомбылықтан қорғау, цифрлық қауіпсіздікті қамтамасыз ету, психикалық денсаулық мәселелері және әлеуметтік қорғау жүйелерін нығайтуға бағытталған бағдарламаларды талқылады.
Біз Ұйымының озық халықаралық тәжірибені енгізу, балалар құқықтарын қорғау саласындағы әдіснама мен мониторинг тетіктерін жетілдіру, сондай-ақ инновациялық шешімдер мен жұмыс тәсілдерін енгізу бағытындағы күш-жігерін жоғары бағалаймыз", - деп мәлімдеді Министрдің бірінші орынбасары.
Е.Ашықбаев ЮНИСЕФ-тің "Қазақстан балалары" ұлттық бағдарламасын әзірлеуге көрсеткен сараптамалық қолдауы үшін ризашылығын білдірді, сондай-ақ Қазақстанның 2025 жылғы қарашада Балаларға қатысты зорлық-зомбылықты тоқтатуға бағытталған Жаһандық альянсқа қосылуына жәрдемдескені үшін алғыс айтты.
ЮНИСЕФ Өкілі 2026-2030 жылдарға арналған ынтымақтастық бағдарламасы ұлттық стратегиялық құжаттардың басымдықтарына және БҰҰ Балалар құқықтары жөніндегі комитетінің қорытынды ескертпелеріне сәйкес келетінін атап өтті.
Кездесу қорытындысы бойынша тараптар әріптестікті нығайтуға және ЮНИСЕФ-тің 80 жылдығына арналған бірлескен іс‑шаралар өткізуге келісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан бизнес құқықтарын қорғау саласындағы ынтымақтастықты нығайтуда
Сурет: gov.kz
Қазақстанның Өзбекстандағы Елшісі Бейбіт Атамқұловтың Өзбекстан Президентінің жанындағы Кәсіпкерлік субъектілерінің құқықтары мен заңды мүдделерін қорғау жөніндегі уәкілі (Бизнес-омбудсмен) Абдуманноп Буриевпен кездесуі өтті, деп хабарлайды Қазақстан Республикасы Сыртқы істер министрлігінің баспасөз қызметінен.
Қазақстан Елшісі іскерлік ортаның дамуындағы тұрақты оң динамиканы атап өтіп, Өзбекстанда кәсіпкерлік субъектілері үшін қолайлы әрі жайлы бизнес-климат қалыптасқанын жеткізді. Өзбекстан нарығында жұмыс істеп жатқан қазақстандық компаниялар санының өсуін ескере отырып, бизнес құқықтары мен заңды мүдделерін институционалдық қорғау бағытында Бизнес-омбудсмен кеңсесімен өзара іс-қимылды нығайтудың маңыздылығы айқындалды.Қазақстан Өзбекстандағы шетелдік капитал қатысатын жұмыс істеп тұрған кәсіпорындар саны бойынша бес ірі елдің қатарына кіретіні аталып өтті.
А.Буриев Өзбекстан Президенті жүзеге асырып отырған саясат кәсіпкерлік қызметті жүзеге асыру үшін тұрақты және ашық жағдайлар қалыптастыруға, бизнес құқықтарын қорғау кепілдіктерін нығайтуға және реттеушілік ортаның болжамдылығын арттыруға бағытталғанын хабарлады.
Кездесу қорытындысы бойынша тараптар институционалдық өзара іс-қимылды одан әрі дамытуға мүдделілігін және Қазақстан мен Өзбекстандағы қолайлы әрі тұрақты бизнес-ортаны нығайту бағытында күш-жігерді үйлестіруге дайын екендігін растады.
Қазіргі уақытта елде қазақстандық капиталдың қатысуымен 1212 кәсіпорын жұмыс істейді. Олар геологиялық барлау, қаржы, құрылыс, өнеркәсіп, сауда және IT салаларында жобаларды жүзеге асыруда. Олардың қатарында BI Group, Qarmet, PTC Holding, Tenge Bank, RG Brands, OpenLab, EcoStandard және басқа да компаниялар бар.
2025 жылдың қорытындысы бойынша Қазақстан мен Өзбекстан арасындағы өзара тауар айналымы 4,97 млрд АҚШ долларына жетті, бұл сауда-экономикалық өзара іс-қимылдың жоғары деңгейін көрсетеді.
Өзбекстан Президентінің жанындағы Кәсіпкерлік субъектілерінің құқықтары мен заңды мүдделерін қорғау жөніндегі уәкілі (Бизнес-омбудсмен) - кәсіпкерлік субъектілерінің құқықтары мен заңды мүдделерін қорғау, сондай-ақ мемлекеттік органдар мен лауазымды тұлғалардың кәсіпкерлік қызметке заңсыз араласуын болдырмау мақсатында құрылған мемлекеттік институт.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Армения стратегиялық серіктестіктің перспективалары мен халықаралық өзара іс-қимылды талқылады
Сурет: gov.kz
Қазақстанның Армениядағы Елшісі Болат Иманбаев Арменияның Қауіпсіздік кеңесінің Хатшысы Армен Григорянмен кездесті, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесу барысында тараптар қазақ-армян өзара іс-қимылының қазіргі жағдайы мен перспективаларын, сондай-ақ халықаралық және өңірлік күн тәртібіндегі өзекті мәселелерді талқылады.
Сұхбаттастар достық пен өзара құрмет дәстүріне негізделген мемлекетаралық қатынастардың жоғары деңгейін атап өтті. Саяси диалогты тереңдету және түрлі салалардағы практикалық ынтымақтастықты кеңейту үшін жаңа мүмкіндіктер ашатын екіжақты өзара іс-қимылды стратегиялық серіктестік деңгейіне шығару туралы қол жеткізілген шешімнің маңыздылығы аталып өтті.
Саяси және әлеуметтік-экономикалық жүйені жаңғыртуға бағытталған Қазақстанда іске асырылып жатқан ауқымды реформаларға ерекше назар аударылды. Қазақстан Президенті Қасым-Жомарт Тоқаевтың бастамалары армян тарапының қызығушылығын тудырды. Осыған байланысты қайта құрулардың кешенді сипаты мен олардың мемлекеттің ұзақ мерзімді орнықтылығына бағдарланғандығы аталып өтті.
Тараптар сондай-ақ көпжақты алаңдарда күш-жігерді үйлестіруге және өзара мүдделі бастамаларды қолдауға мүдделілігін растай отырып, халықаралық ұйымдар шеңберіндегі өзара іс-қимыл мәселелерін талқылады. Осы орайда армян тарапы Астананың тұрақтылықты нығайтуға және диалогты дамытуға бағытталған дәйекті сыртқы саясатын жоғары бағалады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан СІМ-де ЕҚЫҰ-ның Демократиялық институттар және адам құқықтары жөніндегі бюросының өкілдерімен кездесу өтті
Сурет: gov.kz
Қазақстан Республикасы Сыртқы істер министрінің орынбасары Арман Исетов ЕҚЫҰ-ның Демократиялық институттар және адам құқықтары жөніндегі бюросының (ДИАҚБ) Қажеттіліктерді бағалау миссиясының басшысы Улви Ахундлумен кездесу өткізді, деп хабарлайды Қазақстан Республикасы Сыртқы істер министрлігінің баспасөз қызметінен.
Аталған миссия 2026 жылғы 15 наурызда өтетін Қазақстан Республикасының жаңа Конституциясын қабылдау жөніндегі республикалық референдумға дайындық және оны өткізу процесін бағалау мақсатында Қазақстанға сапарын жасауда.
Кездесу барысында әріптестер халықаралық байқаушыларды, оның ішінде ЕҚЫҰ ДИАҚБ-ны референдумға шақыру мәселесін талқылады.
Қазақ тарапы халықаралық ұйымдарға ресми шақыру жолдау тәжірибесіне бейілділігін растап, бұл мемлекетіміздің демократиялық рәсімдерді қамтамасыз етудегі ашықтығын, айқындығын және жүйелілігін көрсететінін жеткізді.
Өз кезегінде, У.Ахундлу ЕҚЫҰ ДИАҚБ-ны байқаушы ретінде шақырғаны үшін, сондай-ақ мемлекеттік органдар мен ведомстволардың өкілдерімен кездесулер ұйымдастыруға көрсетілген қолдау үшін алғысын білдірді.
Кездесу қорытындысы бойынша тараптар халықаралық міндеттемелер мен Қазақстан Республикасының ұлттық заңнамасына сәйкес электоралдық процестерді жетілдіру жөніндегі жүйелі жұмысты жалғастырып, серіктестікті одан әрі дамытуға өзара мүдделілігін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Әл-Фараби есімі Қазақстан Ислам әлемінің білім, ғылым және мәдениет ұйымының штаб-пәтерінде
Сурет: gov.kz
Қазақстанның Мароккодағы Елшісі Сәулекүл Сайлауқызы Ислам әлемінің білім, ғылым және мәдениет ұйымының (ИСЕСКО) Бас директоры Салим Әл-Маликпен кездесті, деп хабарлайды Қазақстан Республикасы Сыртқы істер министрлігінің баспасөз қызметінен.
Бұл кездесу 2026 жылғы 2-4 ақпанда ИСЕСКО штаб-пәтерінде өткізілген "Әл-Фарабидің балалық шағы және өмірі" атты сурет көрмесінің логикалық жалғасы болды. Аталған көрменің авторы Қазақстанның Мемлекеттік сыйлығының лауреаты, еңбек сіңірген қайраткер, Қазақстан Өнер академиясының академигі, көрнекті суретші Жанұзақ Мүсәпір болып табылады. Көрме барысында қазақстандық суретші ислам әлемінің ұлы ойшылына деген құрмет белгісі ретінде Әл-Фарабидің өміріне арналған туындылар сериясын ИСЕСКО-ға сыйға тартты.
Өткізілген кездесу аясында аталған туындыларды Ұйым қорына ресми тапсыру рәсімі өтті. Картиналар Рабаттағы ИСЕСКО штаб-пәтерінде салтанатты залда орналастырылып, Ұйымға ерекше мәдени атмосфера мен бірегей эстетикалық келбет сыйлады.
Сондай-ақ, ИСЕСКО Бас директорына көрмені ұйымдастыруға қосқан ереулі үлесі үшін Қазақстан Көркем академиясының медалі мен Құрмет грамотасы табыс етілді.
Тараптар көркем туындылардың тапсырылуы халықтарды біріктіретін ортақ ислам мұрасын белгілейтінін және Қазақстанның ұлы ойшылдың есімін халықаралық сахнада насихаттауға деген шынайы ұмтылысын бейнелейтінін атап өтті.
Сонымен қатар, кездесу барысында тараптар Қазақстан мен ИСЕСКО арасындағы ынтымақтастықтың өзекті мәселелері бойынша пікір алмасып, білім, ғылым және мәдениет саласындағы болашақ өзара іс-қимылдың нақты бағыттарын белгіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Кенияда Қазақстанның БҰҰ-ның Қоршаған орта жөніндегі бағдарламасы ұйымымен ынтымақтастығын кеңейтуге бағытталған бірлескен шаралар талқыланды
Сурет: gov.kz
БҰҰ-ның Қоршаған ортаны қорғау жөніндегі бағдарламасы штаб-пәтерінде Қазақстанның Кениядағы Елшісі, Қазақстанның Найробидегі БҰҰ бөлімшесі жанындағы Тұрақты өкілі Барлыбай Садықовтың БҰҰ Бас хатшысының орынбасары - БҰҰ Қоршаған орта жөніндегі бағдарламасының (ЮНЕП) Атқарушы директоры И.Андерсенмен кездесу өтті, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесу барысында тараптар Қазақстанның ЮНЕП-пен өзара іс-қимылының өзекті мәселелерін, қоршаған орта саласындағы ынтымақтастықты дамыту жоспарларын, сондай-ақ ЮНЕП-тің 2026 жылғы 22-24 сәуірде Астанада өтетін Өңірлік экологиялық саммитке қатысуын талқылады.
Сонымен қатар, Қазақстан Президенті Қасым-Жомарт Тоқаевтың 2025 жылғы желтоқсанда Халықаралық бейбітшілік және сенім жылына арналған форумға қатысуы кезінде ұсынған БҰҰ құрылымында Халықаралық су ұйымын құру бастамасына ерекше назар аударылды.
И.Андерсен Қазақстанның қоршаған ортаны қорғау мәселелерін шешудегі күш-жігері мен бастамаларын жоғары бағалап, қазақстандық тараптың ЮНЕП іс-шараларына деген қолдауы үшін ризашылығын білдіріп, ЮНЕП Қазақстанның экология және тұрақты даму саласындағы бастамалары мен жобаларын іске асыруда сараптамалық көмек көрсетуге дайын екенін мәлімдеді.
Кездесу қорытындысы бойынша қоршаған ортаны қорғау саласындағы өзара мүдделі мәселелер бойынша ынтымақтастықты жалғастыру, экологиялық жобаларды іске асыруға қолдау көрсету және түрлі деңгейдегі іс-шараларды өткізу туралы келісімге қол жеткізіліп, Қазақстан мен БҰҰ Қоршаған ортаны қорғау бағдарламасы арасындағы ынтымақтастықты кеңейту бойынша бірлескен шараларды қарастыруға әзірлік білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Банк секторы - Қазақстан мен Өзбекстан арасындағы екіжақты ынтымақтастықтың бір тетігі
Сурет: gov.kz
Қазақстанның Өзбекстандағы Елшілігінде Қазақстанның Өзбекстандағы Елшісі Бейбіт Атамқұловтың "Tenge Bank" акционерлік коммерциялық банктің Басқарма Төрағасы Б. Фалеевпен кездесуі өтті, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесу барысында тараптар Қазақстан-Өзбекстан арасындағы сауда-экономикалық және инвестициялық ынтымақтастықтың қазіргі жай-күйі мен даму перспективаларын, сондай-ақ тұрақты есеп айырысуларды қамтамасыз етудегі және бірлескен инвестициялық жобаларды қаржылық сүйемелдеудегі банк секторының рөлін талқылады.
Tenge Bank" АКБ "Halyk Bank" АҚ-ның еншілес құрылымы ретінде екіжақты бизнесті қолдаудың маңызды қаржылық құралы болып табылатыны, сыртқы сауда операцияларын қызмет көрсетуде, сауданы қаржыландыру құралдарын дамытуда және заманауи цифрлық шешімдерді енгізуде белсенді қатысатыны атап өтілді.
Б. Атамқұлов өзара тауар айналымын ұлғайту және инвестициялық ынтымақтастықты нығайту жөніндегі стратегиялық мақсаттарға қол жеткізу үшін сенімді банктік инфрақұрылымның маңыздылығын атап өтіп, сондай-ақ кәсіпкерлердің құқықтары мен заңды мүдделерін қорғаудың өзектілігіне назар аударды.
Кездесу қорытындысы бойынша тараптар өзара іс-қимылды одан әрі дамытуға және Қазақстан мен Өзбекстан арасындағы сауда-экономикалық байланыстарды тереңдетуге бағытталған бірлескен инвестициялық жобаларды іске асыруға қаржы институттарының қатысуын кеңейтуге мүдделілігін растады.
"Tenge Bank" АКБ - Өзбекстанның коммерциялық банкі және "Halyk Bank" АҚ-ның 100% еншілес құрылымы болып табылады. Банк жеке және заңды тұлғаларға есеп айырысу-кассалық қызмет көрсету, кредит беру, депозиттік өнімдер, банк карталарымен операциялар, халықаралық және ішкі аударымдарды жүзеге асыру, сондай-ақ сыртқы экономикалық қызметті сүйемелдеу сияқты банктік қызметтердің толық спектрін ұсынады. Цифрлық сервистерді дамытуға, заманауи қаржылық технологияларды енгізуге және қашықтан банктік қызмет көрсету мүмкіндіктерін кеңейтуге ерекше көңіл бөлінеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Гаагада Қазақстанның конституциялық жаңғыруы жөніндегі сараптамалық диалог өтті
Сурет: gov.kz
Қазақстанда жүзеге асырылып жатқан конституциялық реформаларды халықаралық ақпараттық-талдамалық деңгейде сүйемелдеу аясында Қазақстанның Нидерландтағы Елшісі Ақан Рахметуллин LINKS Europe Foundation қорының директоры әрі тәуелсіз талдамалық commonspace.eu порталының бас редакторы Деннис Саммутпен кездесу өткізді, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесу барысында Қазақстанның жаңа Конституциясы жобасының тұжырымдамалық негіздері, саяси жүйені институционалдық трансформациялаудың логикасы және мемлекеттік басқаруды жаңғыртудың стратегиялық параметрлері жан-жақты таныстырылды. Сонымен қатар Мемлекет басшысының V Ұлттық құрылтайдағы сөйлеген сөзінің негізгі қағидаттарына, сондай-ақ Президенттің "Turkistan" газетіне берген сұхбатында айқындалған стратегиялық басымдықтарға ерекше назар аударылды.
Д. Саммут Қазақстанның дамуын көптеген жылдар бойы мұқият қадағалап келе жатқанын атап өтті. Ол елімізде жүргізіліп жатқан саяси және әлеуметтік-экономикалық реформалардың жүйелілігі мен тереңдігін жоғары бағалады. Оның пікірінше, Қазақстан институционалдық тұрғыдан орнықты әрі серпінді дамып келе жатқан мемлекет ретінде қалыптасып, Орталық Азия өңірінде конструктивті әрі тұрақтандырушы рөл атқарып отыр. Сонымен қатар елдің көпвекторлы сыртқы саясат стратегиясының маңыздылығы және жаһандық қауіпсіздік пен даму архитектурасындағы өзгерістерге бейімделу қабілеті ерекше атап өтілді. Сондай-ақ Президент Қасым-Жомарт Тоқаевтың саяси жаңғыртудың жаңа кезеңін қалыптастырудағы рөліне назар аударылды.
Кездесу қорытындысы бойынша тараптар сарапшылық өзара іс-қимылды одан әрі дамытуға және талдамалық диалогты кеңейтуге өзара мүдделілік білдірді.
Сommonspace.eu Еуропа және оның шығыс пен оңтүстік көршілес өңірлері, соның ішінде Орталық Азия мен Қазақстан мәселелеріне маманданған тәуелсіз талдамалық платформа. Портал сарапшылық мақалалар, талдамалық шолулар, Concise ақпараттық бюллетені мен Unpacked подкасттарын жариялап, сарапшылар, саяси орта өкілдері және шешім қабылдайтын тұлғалар арасында пікірталас алаңын қалыптастырады. Ресурс қауіпсіз әрі өркендеген Еуропа тұжырымдамасын көршілес өңірлермен әріптестік негізінде ілгерілететін LINKS Europe Foundation қорының басқаруында.
Деннис Саммут - посткеңестік кеңістік бойынша танымал сарапшы, Лондон экономика мектебінің түлегі және Оксфорд университетінің докторы. Ол Кавказдағы бейбітшілік үдерістерін дамытуға қосқан үлесі үшін Британ империясы орденімен марапатталған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.