30.03.2023, 09:10 53046

Алматыда әлеуметтік желідегі заңсыз құмар ойындарды ұйымдастырушылар сотталды

Олар онлайн құмар ойындар үшін TikTok-та ставкаларды қабылдады
Алматыда әлеуметтік желідегі заңсыз құмар ойындарды ұйымдастырушылар сотталды
Сурет: Depositphotos
Алматы. 30 наурыз. KAZAKHSTAN TODAY - ҚР Қаржылық мониторинг агенттігінің Алматы қалалық департаменті әлеуметтік желіде заңсыз ойын бизнесін ұйымдастырушылардың әрекетін тоқтатты. Олар жауапқа тартылды, деп хабарлайды ҚР Қаржылық мониторинг агенттігінің баспасөз қызметі.

ҚМА мәліметтері бойынша, Алматы тұрғындары "TikTok" әлеуметтік желісінде ақшаны алу және ұтыстарды банк аударымдары арқылы берумен онлайн құмар ойындарды ұйымдастырды.

Тергеу барысында азаматтардың әлеуметтік желілерде 4 ай ішінде заңсыз ойын бизнесін ұйымдастырып, 13 миллион теңгеге жуық сомаға аса ірі көлемде кіріс алғаны дәлелденді. Алматы қаласының екі тұрғыны кінәлі деп танылып, 1,5 жылға бас бостандығынан айырылды", - делінген ҚМА хабарламасында.


Сонымен қатар, сот заңсыз ойын бизнесі саласында аса ірі көлемде кіріс алу арқылы осыған ұқсас құқық бұзушылық жасаған 4 тұлғаға қатысты істі қарауда.

Ведомство әлеуметтік желілерде құмар ойындар ұйымдастыру заңсыз және ҚР "Ойын бизнесі туралы" Заңының нормаларына қайшы келетінін еске салады.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

Тегтер:Сотойын бизнесіЌМА

тақырып бойынша жаңалықтар

29.05.2023, 16:59 1721

Батыс Қазақстанда жасөспірім құрдасын өлтірді деген күдікпен қамауға алынды

Қылмыс жасады деген күдікпен 15 жастағы жасөспірім ұсталды
Батыс Қазақстан облысында жасөспірім құрдасын өлтірді деген күдікке ілінді.

Қайғылы оқиға 28 мамырда Щапова ауылында орын алған.

БҚО денсаулық сақтау басқармасының баспасөз қызметінің мәлімдеуінше, 16 жастағы жасөспірім облыстық балалар ауруханасына жеткізілген. Тексеру кезінде қайтыс болғандығы белгілі болды, деп хабарлайды My City порталы.

Облыстық полиция департаментінің баспасөз қызметі жеткіншектің есін жимай көз жұмғанын хабарлады. Өлім себебі аталмаған.

Қылмыс жасады деген күдікпен 15 жастағы жасөспірім ұсталды. Сараптамалар тағайындалып, сотқа дейінгі тергеу амалдары жүргізілуде.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

29.05.2023, 16:42 1866

Банкке қарыз қазақстандықтардың саны 8 миллионға жетті

Экономикалық белсенді адамның барлығының мойнында несие бар
Шамамен 8 миллион қазақстандық банкке қарыз, деп хабарлайды 24 Хабар.

Яғни, экономикалық белсенді адамның барлығының мойнында несие бар. Бұл мәселені шешудің жолы қандай? Осы және қоғамдағы өзге де өзекті тақырыптар Назарбаев Университетте талқыға түсті. Отандық һәм шетелдік ғалымдар "Жаһандық және жергілікті басқарудағы шекараларды кеңейту" конференциясында ойларын ортаға салды. Сондай-ақ, конференцияда халықаралық ынтымақтастық, мемлекеттік басқару тиімділігі, миграция, интеграция, туризм және халық пен билік арасындағы диалог тақырыптары кеңінен қаралды.

Кейбір саясаткерлер халық қаржылық сауатсыздықтан қарызға батады дейді. Халық табысы төмен болғаннан несие алуға мәжбүр. Жалақысының басым бөлігін тамаққа жұмсайды. Жаңылмасам, қазір тұрғындардың қарызы 14 триллион теңгеге жетті. Билік ғылыммен тығыз байланыс орнатуы тиіс. Мемлекет басшысы екі жыл бұрын әл-ауқатына қарай салық салу туралы айтты. Алайда, өзгеріс жоқ. Жаңа экономикалық саясат құрсақ қана алға басамыз. Әлеуметтік теңсіздік, кедейлік, төмен жалақы, монополия, саяси күштердің, олигархтардың ықпалы сияқты "ауруларымызды" мойындауымыз керек"- дейді экономист Қуат Акижанов.

 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

29.05.2023, 16:35 2006

СҚО 14 жасар қыздың асқазанынан 1 кг жуық шаш пен жүн алынды

Ота кезінде баланың асқазанынан трихобезоар алынды
Солтүстік Қазақстан облысында дәрігерлер 14 жасар қызға бірнеше сағат ота жасап, асқазанынан келіге жуық шаш пен жүн алды, деп хабарлайды Inform.kz.

СҚО көп бейінді балалар ауруханасының мәліметінше, емдеу мекемесіне 14 жастағы қыз "ішім ауырады" деген шағыммен қаралған.

ФГДС және жоспарлы тексеру барысында оның асқазанында бөгде зат бары анықталған.

Мамандардың айтуынша, қызға ота жасау туралы шешім қабылданды. Ота кезінде баланың асқазанынан трихобезоар алынды.

Бұл термин "жүннен пайда болған асқазан тасы" деп аударылады.

Трихобезоар асқазанға шаш, жүн түскенде пайда болады, көбіне балаларда, соның ішінде шашын, жүнді заттарды шайнап жұтатын патологиясы бар қыздарда пайда болады.

Бұл жаман әдет "трихотилломания" деп аталады.

Соның салдарынан асқазанда шырыш пен тағамның араласуынан ұйысқан асқазан "тасы" пайда болады.

Бірнеше сағатқа созылған отаны балалар ауруханасы хирургия бөлімінің меңгерушісі Геннадий Беляев жасады.

Операция сәтті өтіп, қыздың жағдайы жақсарғаннан кейін үйіне жіберілді.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

29.05.2023, 16:27 2131

БЖЗҚ қазақстандықтарға жалған хабарламалар туралы ескертті

Қор азаматтардан тек ресми дереккөздерден алынған, сенімді ақпаратты ғана басшылыққа алуын сұрайды
Жаңалықтар тарататын шетелдік агрегатор сайттарының бірі БЖЗҚ-ға сілтеме жасай отырып, ағымдағы жылдың келесі айының 1-ші күнінен бастап Қазақстанда халықтың белгілі бір (жеңілдікке ие) санатына қосымша ай сайынғы ақшалай төлемдер енгізілетіні туралы ақпарат жариялады. Бірақ бұл ақпарат шындыққа жанаспайды, деп мәлім етті қордың баспасөз қызметінен.

Зейнет жасына толған адамдарға БЖЗҚ-дан берілетін зейнетақы төлемдері Қазақстан Республикасы Үкіметінің 2013 жылғы 2 қазандағы № 1042 қаулысымен бекітілген БЖЗҚ-дан берілетін зейнетақы төлемдерінің мөлшерін есептеуді жүзеге асыру әдістемесіне сәйкес белгіленген кесте бойынша ай сайын жүзеге асырылады. Сондай-ақ, мерзімсіз уақытқа бірінші және/немесе екінші топтағы мүгедектіктің белгіленуіне байланысты жалпыға бірдей белгіленген зейнет жасына толғанға дейін БЖЗҚ-дан кесте бойынша төлемдер алу мүмкіндігі көзделген.

Аталған әдістеме БЖЗҚ-дан өткен жылғы ай сайынғы зейнетақы мөлшерін жыл сайын зейнетақы төлемдерін индекстеудің 5% мөлшерлемесіне ұлғайтуды көздейді.

Қордағы жеке зейнетақы шотындағы зейнетақы жинақтарын БЖЗҚ сайтындағы (www.enpf.kz) Жеке кабинетте немесе БЖЗҚ ұялы қосымшасында, сондай-ақ электрондық үкімет (www.egov.kz) сайтында бақылауға болады.

Азаматтардан тек ресми дереккөздерден алынған, сенімді ақпаратты ғана басшылыққа алуды сұраймыз.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

29.05.2023, 16:15 2256

ШҚО полицейлері есірткі ораушы-курьерді ұстады

Ер адамның аймақтық курьер және есірткі қоймасының ораушысы қызметін атқарғаны анықталды
Өскеменде ЕҚІБ жедел уәкілдері облыс прокуратурасының үйлестіруімен тыйым салынған заттарды байланыссыз тәсілмен таратқан 26 жастағы елорда тұрғынын ұстаған, ол "тауарды" танымал мессенджерлердің бірінде интернет-дүкен арқылы сатқан6, деп мәлім етті Polisia.kz.

Ер адамның аймақтық курьер және есірткі қоймасының ораушысы қызметін атқарғаны анықталды. Күдікті аса ірі көлемдегі есірткі заттарын алып, оларды орап, жасырын жерлерге қойып отырған.

Оның жалдамалы пәтерінде 500 грамнан асатын психотроптық зат тәркіленді.

ҚР ҚК-нің 297-бабы 3-бөлігі 1,3,5-тармақтары бойынша қылмыстық іс қозғалды. Күдікті 10 жылдан 15 жылға дейін бас бостандығынан айырылуы мүмкін.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

28.05.2023, 18:39 6116

ҚазҰУ мен Сеул Киберуниверситеті меморандумға қол қойды

Әл-Фараби атындағы Қазақ ұлттық университеті 80-нен астам елдің жоғары оқу орындарымен ынтымақтастық орнатқан.
Қазақ ұлттық университетінің студенттері мен оқытушылары Сеул киберуниверситетінде тағылымдамадан өтеді, деп хабарлайды "Хабар 24".

2 жоғары оқу орнының басшылары өзара түсіністік туралы меморандумға қол қойды. Киберуниверситет 2000 жылы ашылған. Онда 17 факультет бар. Білім ордасы болашақ машина жасаушыларды, бағдарламашыларды, бизнесмендер мен аудармашыларды дайындайды. Әл-Фараби атындағы Қазақ ұлттық университеті 80-нен астам елдің жоғары оқу орындарымен ынтымақтастық орнатқан.

Сайбер университеті қазір дүниежүзілік денгейде онлайн оқытуда ең алдынғы қатарда, соңғы технологиялармен жараттанған ең үздік университеттердің қатарына кіреді. Мұғалімдерімізді, студенттерімізді тағылымдамадан өтуге, тәжірибе алмасуға жібереміз. Оқу мәселесінде біз ары қарай қарым-қатынасымызды, ынтымақтастығымызды дамытатын боламыз", деп мәлім етті Әл-Фараби атындағы Қазақ ұлттық университетінің ректоры Жансейіт Түймебаев,

 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

27.05.2023, 12:02 12086

Атырау-Алматы жолаушылар пойызында қыз бала дүниеге келді

Қазалы станциясында сәбиді анасымен бірге жедел жәрдем қызметкерлері қарсы алды
25 мамырда №29/30 жолаушылар пойызы бригадасының қызметкерлері Атырау-Алматы бағытындағы жолаушыға босану кезінде көмек көрсетті, деп хабарлайды Inform.kz.

Қазақстан Теміржолы" компаниясының мәліметінше, Атыраудан Шымкентке қарай келе жатқан жас ананы жолда толғақ қысқан. Осы кезде жолсеріктер Жанар Тасмағамбетова, Айғаным Сұлтанмұратова және Ғалия Қайырденова пойыз вагонында жүкті әйелдің аман-есен босануына барлық жағдайды жасады.


Сағат 21:52 минутта сәби дүниеге келді. Нұсқауға сәйкес жолсеріктер күтпеген жағдай орын алғанда пойыз машинистіне хабар беріп, жақын маңдағы станцияға жедел жәрдем шақырды.


Пойыз Қазалы станциясына келіп тоқтағанда сәбиді анасымен бірге жедел жәрдем қызметкерлері қарсы алды", - деп жазды ұлттық компаниядан.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

27.05.2023, 11:46 12226

Ақтөбе полицейлері үш зейнеткерді алдаған жас жігітті ұстады

ҚПК-нің 201-бабына сәйкес сотқа дейінгі тергеп-тексеру деректері жария етілуге жатпайды
Ағымдағы жылғы 15 - 16 мамыр аралығында Ақтөбе аумағында 83, 87 және 90 жастағы зейнеткерлерге қатысты алаяқтық жасалды. Алаяқ құрбандарына жақын туысының жол-апатына түскені және осы мәселені шешуге жәрдемдесетіні туралы айтып қоңырау шалған. Нәтижесінде егде жастағы жәбірленушілер жиналған барлық жинақтарынан айырылып, жалпы шығын 5 млн.теңгеден асты.

Жедел-тергеу іс-шаралары барысында Ақтау қаласының 18 жастағы тұрғыны анықталып, ұсталды. Қазақстан Республикасының ҚК-нің 4-тармағының 190-бабы 3-бөлігі бойынша сотқа дейінгі тергеп-тексеру жүргізіледі - "ірі мөлшерде, екі және одан да көп адамға қатысты алаяқтық".

ҚПК-нің 201-бабына сәйкес сотқа дейінгі тергеп-тексеру деректері жария етілуге жатпайды.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

 

Ең көп оқылғаны