14.06.2024, 17:18 33156

Алматы полициясы күшейтілген қызмет режиміне көшті

Алматы полициясы күшейтілген қызмет режиміне көшті
Алматы полициясы мектеп түлектеріне аттестат тапсыру рәсімдеріне байланысты қызмет атқарудың күшейтілген режиміне көшті, деп хабарлады қалалық полиция департаментінің бастығы Арыстанғани Заппаров.

Бұл күндері қаланың жалпы білім беретін мектептерінде мектеп бітірушілерге орта білім туралы аттестат тапсыру рәсімі өтуде.

Бұл күнді жағымсыз оқиғалармен есте қалдырмау өте маңызды. Сондықтан полицейлер қоғамдық тәртіп пен жол қауіпсіздігін сақтауға бағытталған бірқатар шараларды қолға алды. Қызметтер мен бөлімшелердің іс-әрекеттерін үйлестіру, жағдайдың ықтимал өзгерістеріне дер кезінде ден қою үшін біздің бөлімшеде жедел штаб құрылды. Патрульдік жасақтарды орналастыру және профилактикалық жұмыстар күшейтілді. Сонымен қатар, бұл шаралар кәмелетке толмағандардың қатысуымен жасалатын құқық бұзушылықтардың жолын кесуге бағытталған", - деді, Алматы қалалық ПД Жергілікті полиция қызметі Басқармасының бастығы, полиция полковнигі Серік Шумаев.


Сонымен қатар, Алматы полициясы жол қозғалысына қатысушыларды ЖҚЕ қатаң сақтауға шақырады.

Егеменді елімізге білімді, заңға бағынатын, дені сау, ар-ожданы жоғары жастар қажет екенін әрбір ата-ананың есіне салғым келеді", - деді, полковник Шумаев.

 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны