Система Orphus

Ashyq қатысушыларының саны үш есе өсті

03.08.2021, 20:01 15067
НҰР-СҰЛТАН. 3 ТАМЫЗ - ҚР Денсаулық сақтау министрі Алексей Цой Үкімет отырысында Ashyq жобасының іске асырылуы туралы айтты, деп хабарлайды KAZAKHSTAN TODAY ҚР Премьер-Министрінің баспасөз қызметіне сілтеме жасап.
 

"Ashyq" жобасына кіру талаптарын жеңілдету жобаға қатысушылардың 3 есе өсуіне ықпал етті, мысалы, ағымдағы жылдың 27 шілдесінен бастап 2 тамызына дейін "Ashyq" жобасына қатысушылардың саны 21 900 адамнан 67 782 адамға дейін өсті", — деді А. Цой.

 
 "Ashyq" жобасы аясында мониторинг топтарымен "Ashyq" жобасына қатысушы 50 мың объект қамтылды.
 

Бұзушылықтар 642 нысанда анықталды. Осы жылдың 10 шілдесінен бастаған кезеңде ЦДИАӨМ-нен алынған мәліметтер деректері бойынша 16 663 бұзушы анықталды, олардың 10 305-і "қызыл" және 6 358-і "сары" мәртебесі бар келушілер. Осылайша, 16 мыңнан астам нысанда халықтың коронавирус инфекциясын жұқтыруының алдын алу мүмкін болды", — деді А. Цой. 

 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Комментарии

тақырып бойынша жаңалықтар

    Әлеуметтік нан бағасының күрт өсуіне жол берілмейді - АШМ

    18.10.2021, 19:28 21898
    Әлеуметтік нан бағасының күрт өсуіне жол берілмейді - АШМ
    Сурет: lyubimiigorod.ru
    НҰР-СҰЛТАН. 18 ҚАЗАН - Әлеуметтік нан бағасының күрт өсуіне жол берілмейді, деп мәлімдеді ОКҚ брифингінде Ауыл шаруашылығы министрі Ербол Қарашөкеев, деп хабарлайды KAZAKHSTAN TODAY Орталық коммуникациялар қызметіне сілтеме жасап.
     
    Оның айтуынша, биыл өнімділік төмен, 10 центнер, өткен жылы гектарынан 13 ц болған. Бірақ жиналған көлем ішкі қажеттіліктерді қанағаттандыру үшін жеткілікті болады. Бұл нан мен тағамға арналған бидай. 2 млн тоннаға жуық астық тұқымдық материал ретінде жұмсалады, сондай-ақ астық мал шаруашылығында өте қарқынды пайдаланылады. Сонымен қатар, өткен жылғы қорларды қоса алғанда, 6,5 млн тонна экспорттық әлеует бар. 
     

    Ішкі бағаға келетін болсақ, шын мәнінде, астық та, оны өңдеу өнімі ұн да экспорттық тауар болып табылады және олар әлемдік бағалардың конъюнктурасына тәуелді, FAO халықаралық ұйымының болжамына сәйкес, бұл өнімдерге жалпы Азық-түлік тобына орта мерзімді перспективада өсім орын алады", - деп түсіндірді АШМ басшысы.

     
    Оның айтуынша, биыл Қостанай облысының бірқатар өңірінде түсім төмен болды. Оңтүстік өңірді алатын болсақ, ондағы өнімділік одан да төмен болды, тиісінше, фермерлер үлкен шығынға ұшырады, астықтың өзіндік құны өсті. 
     

    Осыған байланысты, бір жағынан, бұл фермерлеріміздің, астық өсіретін кәсіпорындардың қаржылық жағдайына жағымды әсер етеді, өйткені экспорттық түсімнің есебінен келесі жылға қаржы қаражаты болуы және келесі жылдың көктемгі-далалық жұмыстарын табысты жүргізу үшін тағы да дайындалу керек", - деп атап өтті Ербол Қарашөкеев.

     
    Сонымен қатар, ауыл шаруашылығы министрлігі басшысының пікірінше, ел ішінде министрлік әлеуметтік нанның бағасын ұстап тұру үшін кешенді шаралар қабылдауда.
     

    Ел ішінде, ең маңызды үлкен блоктарға тоқталсақ, азық-түлік себетіне өте үлкен әсерін тигізетін әлеуметтік нан бағасы (бұл бірінші сұрыпты 550 грамм нан) бойынша сұрақ туындайды. Нан бағасының тұрақтылығын қамтамасыз ету бойынша шаралар кешені қабылданады, бірінші кезекте бұл "әлеуметтік" нан өндіретін барлық кәсіпорындарды астықпен, қажетті ұнмен қамтамасыз ету. Осы мақсатта Азық-түлік келісімшарт корпорациясы мемлекеттік резервтерден арзандатылған астықты ұн тарту кәсіпорындарына "әлеуметтік" нан өндіру үшін жібере алатындай етіп заңнамаға өзгерістер енгіземіз. Үкімет бұл мәселені тұрақты бақылауда ұстайды, біз өңірлерге қызметтерді бөлдік", - деп атап өтті ведомство басшысы. 

     
    Яғни, жыл соңына дейін өңірлер тұрақтандыру қорларында нан-тоқаш өнімдерін өндіру үшін ұн жинақтайды. Жаңа жылдан кейін бұл жұмысқа азық-түлік келісімшарт корпорациясы қосылады. 
     

    Азық-түлік келісімшарт корпорациясы форвардтық сатып алу есебінен шамамен 680 мың тонна астық сатып алуды жоспарлап отыр, бұл астықтың 60% жеткізілді. Өткен жылдан бергі резервтерімізді ескерсек, мемлекеттік резервтегі 400 мың тоннаға жуық астық нарықты тұрақтандыру үшін жеткілікті болады. Біз "әлеуметтік" нан бағасының күрт өсуіне жол бермейміз. Ол үшін барлық құралдар, қажетті резервтер бар", - деп сендірді Ербол Қарашөкеев.


     
     Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

    189 сынып Алматы облысында қашықтықтан оқыту форматына ауыстырылды

    18.10.2021, 19:17 23248
    189 сынып Алматы облысында қашықтықтан оқыту форматына ауыстырылды
    Сурет: KAZAKHSTAN TODAY
    ТАЛДЫҚОРҒАН. 18 ҚАЗАН - 189 сынып Алматы облысында қашықтықтан оқыту форматына ауыстырылды, деп хабарлайды KAZAKHSTAN TODAY Алматы облысы әкімдігінің баспасөз қызметіне сілтеме жасап.
     
    18 қазанда коронавирустық инфекцияны жұқтырудың 107 жаңа жағдайы анықталды, олардың ішінде 14 жасқа дейінгі 10 бала, 9 мектеп оқушысы және 3 студент.
     
    Оқу жылының басынан бері оқушылар арасында коронавирустық инфекцияны жұқтырудың 1 457 жағдайы тіркелді. Жазғы демалыста 215 жағдай, онлайн оқыту кезінде 1 231 және офлайн оқыту кезінде 31 жағдай болды. 189 сынып қашықтықтан оқыту форматына ауыстырылды.
     
    Науқастардың ең көп саны Талдықорған қаласында - 20, Қарасай ауданында - 12 және Текелі қаласында - 11 тіркелді. Жұқтырудың ең аз саны бойынша Көксу және Райымбек аудандары рекордсмендер болып табылады, онда 2 адам ауырып қалды, сондай-ақ Балқаш және Жамбыл аудандарында 2 жұқтыру оқиғасы тіркелді.
     
    Естеріңізге сала кетейік, Алматы облысында халықтың 65%-ы вакцинаның бірінші дозасымен және 59%-ы екінші дозамен егілді.
     
    Алматы облысы бойынша барлығы 53 893 зертханалық расталған КВИ жағдайы тіркелген. Облыс бойынша өсу қарқыны соңғы 2 аптадағы салыстыру кезінде 0,3% деңгейінде тұр.
     
    Бұған дейін Алматы облысында халықтың 64%-ы COVID-19 вакцинасының бірінші компонентін алғаны хабарланған болатын. Қазан айының алғашқы екі аптасында COVID-19 ауруының деңгейі 0,4%-дан 0,3%-ға дейін төмендеді.
     
    Естеріңізге сала кетейік, Қазақстанда жаңа оқу жылы күндізгі форматта басталды. Бұл ретте, Kazakhstan Today агенттігінің сайтында жүргізілген сауалнама деректеріне сәйкес, қазақстандықтардың басым көпшілігі COVID-19 ауруының шыңы кезеңінде қашықтықтан оқытуды жалғастыру немесе ата-аналарға онлайн- және офлайн-оқытуды таңдау мүмкіндігін беру қажет деп санайды.
     
     Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

    Алматыда ерекше экоакция басталды

    18.10.2021, 18:58 36559
    АЛМАТЫ. 18 ҚАЗАН - Алматыда "Жасыл қала" науқаны басталды. Көп пәтерлі үйлердің аулаларын көгалдандыруға ниет білдіргендердің барлығы көшеттерді тегін ала алады, деп хабарлайды KAZAKHSTAN TODAY Алматы қаласы Жасыл экономика басқармасының баспасөз қызметіне сілтеме жасап.
     

    Көпқабатты үйлер ауласы мен қоғамдық кеңістіктерді көгалдандыруға ниетті әрбір алматылық шаған, үйеңкі, шегіршін, терек, қараған мен қайыңның көшеттерін тегін ала алады", - деп хабарлайды Алматы қаласының Жасыл экономика басқармасы.

     
    Науқан қатысушылары отырғызылған ағаштарды алдағы екі жыл бойы күтіп-баптау туралы кепілді міндеттемеге қол қоятындығын ескерген жөн. 
     
    Қатысу үшін [email protected] элентронды поштасына келесі мәліметтерді жолдау қажет:
     
    1. Қатысушының аты-жөні мен телефон нөмірі, ағаш отырғызылатын орынның нақты мекенжайы;
     
    2. Ағаш отырғызылатын орынның фотосы (мамандарға орынды толықтай бағалауға мүмкіндік болуы үшін панорамалық форматта болғаны жөн);
     
    3. Сұралып отырған көшет түрі мен саны.
     
    Өтініштер 18-31 қазан аралығында қабылданады. Көшеттер келесі мекенжайларда таратылады:
     
    - Алатау ауданы әкімінің аппараты; Жанқожа батыр көшесі, 26
     
    - Алмалы ауданы әкімінің аппараты; Абылай хан даңғылы, 74а
     
    - Әуезов ауданы әкімінің аппараты; Алтынсарин даңғылы, 23а
     
    - Бостандық ауданы әкімінің аппараты; Айманов көшесі, 191
     
    - Медеу ауданы әкімінің аппараты; Пушкин көшесі, 72
     
    - Наурызбай ауданы әкімінің аппараты; Шұғыла ықшамауданы, 347
     
    - Жетісу ауданы әкімінің аппараты; ул. Серіков көшесі, 2а
     
    - Түрксіб ауданы әкімінің аппараты; Шолохов көшесі, 9
     
    Ағаш отырғызу жұмыстарын 1-15 қараша аралығында жүргізіп, фото есеп жолдау қажет. 
     
    Көрсетілген уақыттан кейін жолданған өтінштер қарастырылмайды. Қосымша ақпарат алу үшін Жасыл қорды бақылау бөліміне келесі нөмірлер бойынша хабарласуға болады: 2 72-54-89, 8 747 995 81 47.
     
    Бұдан бұрын хабарланғандай, Алматыда 285 мыңнан астам ағаш отырғызылады.
     
     Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Ең көп оқылғаны