Система Orphus

Қазақстанда COVID-19-ға қарсы ревакцинацияның жаңа ережелері бекітілді

08.12.2021, 20:38 77111
Қазақстанда COVID-19-ға қарсы ревакцинацияның жаңа ережелері бекітілді
Сурет: vlast.kz
НҰР-СҰЛТАН. 8 ЖЕЛТОҚСАН - Қазақстанның Бас мемлекеттік санитариялық дәрігері Ерлан Қиясовтың қаулысына сәйкес, КВИ-ға қарсы ревакцинацияға барлық тұлғалар, соның ішінде шетел азаматтары жатады, деп хабарлайды KAZAKHSTAN TODAY ҚР ДСМ Санитариялық-эпидемиологиялық бақылау комитетінің баспасөз қызметіне сілтеме жасап.
 
Қаулының мәтініне сәйкес, Қазақстанның аумағында 3 және одан да көп ай тұратын, КВИ-ге қарсы вакцинацияның бастапқы курсын толық аяқтап алған шетел азаматтарын қоса алғанда, барлық адамдар КВИ-ге қарсы ревакцинацияға жатады.
 
КВИ-ге қарсы ревакцинация КВИ-ге қарсы вакцинацияның бастапқы курсы аяқталғаннан кейін 6 ай аралықпен бір рет жүргізіледі.
 

Бұрын КВИ-ге қарсы вакцинацияның бастапқы курсын алған жүкті әйелдерді КВИ-ге қарсы ревакцинациялау жүктіліктің 16-37 аптасы кезеңінде "Комирнати" (Phizer, АҚШ) вакцинасын пайдалана отырып жүргізіледі. КВИ-ге қарсы вакцинацияның бастапқы курсын толық алған КВИ-мен ауырып жазылған адамдарды КВИ-ге қарсы ревакцинациялау сауыққаннан кейін 6 айдан кейін жүргізіледі. КВИ-ге қарсы ревакцинация КВИ-ге қарсы вакцинацияның бастапқы курсында қолданылмаған вакцина түрлерімен (белсенділігі жойылған вакцина, векторлық вакцина, М-РНК-вакцина) жүргізу ұсынылады", - делінген Қаулы мәтінінде.

 
Қаулының толық мәтінімен Қазақстан Республикасы Денсаулық сақтау министрлігі Санитариялық-эпидемиологиялық бақылау комитетінің сайтында танысуға болады.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Ең көп оқылғаны