18.03.2021, 17:20 9784

Сенат ЕАЭО-ның темекі өнімдеріне арналған акциздер туралы келісімін ратификациялауды мақұлдады

Акциздер мөлшерлемелерін жақындастыру 2024 жылдан бастап жүзеге асырылатын болады.

Нұр-Сұлтан. 18 наурыз. Kazakhstan Today - ҚР Парламенті Сенатының депутаттары "Еуразиялық экономикалық одаққа мүше мемлекеттердің темекі өнімдеріне акциздер саласындағы салық саясатын жүргізу қағидаттары туралы келісімді ратификациялау туралы" заң жобасын мақұлдады, деп хабарлайды Kazakhstan Today ҚР Ұлттық экономика министрлігінің баспасөз қызметіне сілтеме жасап.

Келісім жобасында 2024 жылдан бастап индикативтік мөлшерлеме мен одан ауытқу диапазондарын қолдану; ЕЭК Кеңесіне акциздердің индикативтік мөлшерлемелерін бекіту және негізделген экономикалық орындылығы болған жағдайда оларды өзгерту бойынша өкілеттіктер беру көзделеді", - деді Сенаттың отырысында ҚР Ұлттық экономика министрі Әсет Ерғалиев.

Бұл ретте акциздер мөлшерлемелерін жақындастыру 2024 жылдан бастап жүзеге асырылатын болады. Әрбір бес жыл сайын бірыңғай индикативтік мөлшерлеме және одан ауытқу диапазоны белгіленеді.

Ұлттық экономика министрі хабарлағандай, 2024 жылы сигареттерге қатысты индикативтк мөлшерлеме 1000 дана үшін 35 еуроға баламалы мөлшерде ұлттық валютада белгіленген. Сигареттерге арналған акциздердің нақты мөлшерлемелері 2024 жылы индикативтік мөлшерлемеден 20 проценттен аспай, аз жағына және көбірек жағына ауытқуы мүмкін.

Заң жобасы темекі өнімдеріне арналған акциз мөлшерлемелерінің ұлғаюы есебінен бюджетке қосымша түсімді қамтамасыз етеді. Келісім Еуразиялық экономикалық одаққа мүше мемлекеттердің аумағында темекі өнімдерінің акцизін салу саласында бірыңғай практика қолдануды қамтамасыз етуге мүмкіндік береді", - деді Әсет Ерғалиев.

Бұған дейін Қазақстан Қаржы министрлігінің Мемлекеттік кірістер комитеті акцизделетін тауарларға салық салу бөлігіндегі өзгерістерді түсіндірген болатын.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

02.05.2024, 15:49 166

Туризм және спорт министрі Алматының туристік әлеуетімен танысты

Туризм және спорт министрі Ермек Маржықпаев Алматыға жасаған жұмыс сапары аясында Dedeman International Hotels & Resort-қа барып, қонақ үйдің жұмысымен танысты, деп хабарлайды ҚР Туризм және спорт министрлігінің баспасөз қызметінен.

Бұл - жуырда ғана оңтүстік астанада өзінің алғашқы қонақ үйін ашқан және жыл сайын әлемнің түкпір-түкпірінен мыңдаған қонақты қабылдайтын ең ірі халықаралық желі. Елімізде шетелдік қонақ үй желілерінің ашылуы нарықта бәсекелестікті дамытуға мүмкіндік береді. Осылайша, барлық туриске қолайлы жағдай жасалмақ.

Сонымен қатар Алматы халықаралық әуежайының жаңа терминалының құрылысымен танысты. Жоба қазір аяқталуға жақын. Терминал биылғы жазда жұмысын бастауға тиіс. Жаңартудан кейін әуежай жылына 10 миллионнан аса жолаушы қабылдай алады.

Сондай-ақ осы жылдың соңына қарай қала тұрғындары мен қонақтары үшін Көк-Төбеде жерасты паркингі бар жаңа конгресс-холл ашылуға тиіс. Мұндай жобаны жүзеге асыру мегаполиске әртүрлі деңгейдегі іс-шараларды өткізуге мүмкіндік береді. Бұл - қаланың туристік тартымдылығына ықпал етеді.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

02.05.2024, 15:24 451

Үкімет маусымаралық кезеңде көкөніс бағасының өсуіне жол бермеу үшін алдын ала шаралар қабылдады

Премьер-Министр Олжас Бектеновтің төрағалығымен өткен кеңесте маусымаралық кезеңде әлеуметтік маңызы бар азық-түлік пен көкөністер бағасының тұрақтылығын қамтамасыз ету жөніндегі шаралар талқыланды, деп хабарлайды Үкіметтің баспасөз қызметінен.

Қазақстанда әлеуметтік маңызы бар азық-түлік тауарларының баға индексі үш апта қатарынан төмендеп келеді. Бағаның төмендеуі қарақұмық жармасы, пияз, күнбағыс майы, ұн және басқа да өнімдер бойынша байқалып отыр.

Маусымаралық кезеңде көкөніс бағасының анағұрлым ауытқуына жол бермеу үшін Үкімет Өзбекстан және Тәжікстан жеткізушілерімен тікелей келісімшарт жасау мүмкіндіктерін алдын ала пысықтады. Сауда және интеграция министрлігінің ведомстволық бағыныстағы ұйымы - "QazTrade" АҚ өзбек және тәжік серіктестерімен тиісті шарттарға қол қойды.

Көкөністер Қазақстан нарығына "жасыл дәліз" арқылы және делдалдар мен алыпсатарларсыз тиімдірек бағамен жеткізілетін болады.

9 ӘКК-мен жалпы көлемі 4 мың тонна болатын импорттық көкөністерді, оның ішінде 2 060 тонна картоп пен 1 940 тонна пияз жеткізуге шарттар жасалды.

Қазақстанның барлық өңірінің қажеттіліктерін қамтамасыз ету және маусымаралық кезеңде көкөністер бағасының ауытқуын болдырмау үшін Премьер-Министр келісімшарттарды уақтылы бекітуді және өнімнің үздіксіз жеткізілуін қамтамасыз етуді тапсырды.

Жалпы алғанда, әкімдіктерге кемінде 18,6 мың тонна картоп, 7,2 мың тонна сәбіз және 5 мың тонна пиязға алдын ала келісімшарт жасау қажет. Қазіргі уақытта қолда бар қорлардан 81 мың тонна көлемінде көкөніс өнімдері пайдалануға берілді.

02.05.2024, 15:15 446

Президентке биылғы І тоқсанда жұмсалған республикалық бюджет қаражаты туралы есеп берілді

Сурет: akorda

Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.

Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.

Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.

Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.

Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.

Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.

Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.

Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.

02.05.2024, 12:14 5081

Сенат жаңа туған нәрестеге бірден ЖСН беретін заң нормасын мақұлдады

Сенат депутаттары кейбір заңнамалық актілерге байланыс, цифрландыру, инвестициялық ахуалды жақсарту және артық заңнамалық регламенттеуді болғызбау мәселелері бойынша өзгерістер мен толықтырулар енгізуді көздейтін заңды мақұлдады, деп хабарлайды ҚазАқпарат палатаның баспасөз қызметіне сілтеме жасай отырып.

Палата депутаты Бауыржан Қаниев аталған құжат Қазақстанның 38 заңнамалық актісіне, оның ішінде 9 кодекс пен 29 заңға өзгерістер мен түзетулер енгізетінін айтты.

Олар:

- байланыс операторларының байланыс инфрақұрылымына тең қолжетімділігін қамтамасыз ету;

- елді мекендердің бас жоспарлары мен егжей-тегжейлі жоспарлау жобалары шеңберінде байланыс желілерін орналастыру орындарын айқындау;

- ауыл шаруашылығы және өнеркәсіп объектілерінде цифрландыру кезінде шығыстардың бір бөлігін өтеу бойынша байланыс қызметтерін субсидиялау;

- жаңа туған нәрестелердің дербес деректерін жоғалту тәуекелдерін болдырмау үшін бала туғаннан кейін бірден жеке сәйкестендіру нөмірлерін беру;

- байланыс операторларын мүгедектігі бар адамдарға жеңілдікті тарифтер беруге міндеттеу

- алаяқтық белгілері бар төлем транзакциялары бойынша деректер алмасу үшін антифрод-орталықтың құқықтық мәртебесі мен функцияларын бекіту.

Жер қойнауын пайдаланушылардың келісімшарт талаптарын сақтауын бақылауға қажет ғарыштық мониторинг жүйесі арқылы орман қорын қорғау, сақтау, пайдалану, ормандарды молықтыру және орман өсіру саласындағы заңнаманың бұзылуы туралы ақпарат алу да осы заңның аясында қарастырылған. Сондай-ақ, облыстың, республикалық маңызы бар қаланың, астананың әкімдіктеріне телекоммуникация желілері мен кабельдік кәріздерді бюджет есебінен түгендеу құзыреті беріледі. Заң мақұлданған жағдайда байланыс желілерінің құрылысы жеделдетіледі. Байланыс қызметтерінің сапасы жақсарып, қамту аймақтары кеңейеді және абоненттер саны артады. Сонымен қатар, байланыс операторлары арасында бәсекелестік дамып, спутниктік байланыс жұмыс істей бастайды. Инвестициялық ахуал жақсарып, экономикадағы инновациялардың үлесі артады", - деді Бауыржан Қаниев.

02.05.2024, 12:08 5386

Шымкент қаласында жаңа технологияларды қолдана отырып ірі қойма кешені мен жылыжай ашылады

Отандық өндірісті қолдау жөніндегі Премьер-Министрдің тапсырмасы аясында 1 мамыр күні вице-премьер Серік Жұманғарин Шымкент қаласына барып, жұмыс істеп тұрған ірі өндірістік және ауыл шаруашылығы нысандарының жұмысымен және құрылысы барысымен танысты, деп хабарлайды Үкіметтің баспасөз қызметінен.

Шымкент көлік-логистикалық орталығының аумағында ауданы 5 га "НМИ-Юг" ЖШС көпфункционалды қойма кешені салынып жатыр, жобаның құны - 10,2 млрд теңгені құрайды. Құрылыстың бірінші кезеңін биыл аяқтау жоспарланып отыр, аталған кезеңнің құрылыс-монтаждау жұмыстары 90%-ға орындалған. Қойма үй-жайларының жалпы ауданы 22 мың шаршы метрді құрайды. "НМИ-Юг" ЖШС құрылтайшысы Айжан Наимбекованың айтуынша, бұл климаттық бақылаудың икемді жүйесі, тоңазытқыш камераларының температурасын -18-ден +4 градусқа дейін реттеу мүмкіндігі бар А+ санатындағы қойма болады. Ол тауарлардың кең ассортиментін сақтауды қамтамасыз етеді.

Мұнда вице-премьерге "Alsera kz" ЖШС жылыжай кешенін салу жобасы таныстырылды. Құны $650 млн болатын инвестициялық жобаны "Бозарық" индустриялық аймағында "Alarko Holding" түрік компаниясы жүзеге асыруда. Бұл жаңа технологияларды қолдана отырып, 500 га алаңда кезең-кезеңімен іске асырылатын болады. Мұнда қияр, қызанақ, бақша дақылдары, тамыр жемісті көкөністер мен басқа да ауылшаруашылық өнімдерін өсіру жоспарланған. Бұл Шымкенттегі қызанақ пен қияр өсіретін ең үлкен жылыжай кешені болмақ, мұнда 2000-ға жуық жаңа жұмыс орны ашылады.

Қала әкімі Ғабит Сыздықбеков КЛО аумағында жүзеге асырылатын басқа да жобалар туралы мәлімдеді. Серік Жұманғарин іске асырылып жатқан жобалардың келешегін жоғары бағалап, мемлекет тарапынан барлық қажетті қолдау көрсетілетінін, өйткені, жобалар АӨК саласындағы мемлекеттік саясаттың мақсаты - ауыл шаруашылығы өнімдерін терең өңдеуді 70%-ға дейін жеткізуге мүмкіндік беретінін атап өтті.

Вице-премьер "AZALA Textile" ЖШС дайын тоқыма өнімдерін өңдеу және шығару бойынша Қазақстандағы ірі әрі жалғыз толық циклді тоқыма фабрикасына барды. Онда 475 адам жұмыс істейді. Бірегей тоқыма комбинаты иірілген жіптен тоқыма бұйымдарына дейін бірнеше ондаған өнім түрін шығарады. Кәсіпорынның қуаттылығы жылына 6 800 тоннадан астам иірілген жіп пен 14 млн сызықтық метр өңделмеген мата шығаруға жетеді. Бұл экспортқа бағытталған кәсіпорын, AZALA Textile өз өнімдерінің шамамен 70%-ын таяу шет елдерге, Литваға, Германияға, Италияға, Польшаға, Бельгияға, Данияға, Латвияға және Түркияға тасымалдайды.

Өндірістік цехтарды аралау және зауыт басшылығымен әңгімелесу қорытындысы бойынша Серік Жұманғарин мемлекет мұқтаждықтары үшін отандық тоқыма өндірушісінің өнімін сатып алуды арттыру мүмкіндігін пысықтауды тапсырды.

30.04.2024, 18:15 50836

Қазақстанда 1400 шақырымнан астам темір жол жөнделеді

ҚТЖ желісінде ауқымды жол жұмыстары жүргізілуде. 2024 жылы 1400 шақырымнан астам магистральды жөндеу жоспарлануда. Өткен жылы осындай үлкен жұмыс көлемі жүргізілді, бұл 2022 жылғы деңгейден екі есе көп, деп хабарлайды Rail-news.kz.

Наурыз айында басталған жөндеу-жол науқаны барлық өңірлерді қамтиды. Бұл ретте рельс-шпалдық торды толық ауыстыра отырып, 570 км. астам темір жолы күрделі жөндеуден өтеді.

Елдің оңтүстігі мен батысындағы теміржолшылар бірінші болып күрделі жөндеуге кірісті. Жол жаңғырту Шымкент магистральдық желі бөлімшесінің Арыс - Сарыағаш (32,2 км) аралығында басталды, онда жоспарланған көлемнің 50% орындалды. Сондай-ақ, Арыс - Шымкент учаскесінің 12,2 шақырымы күрделі жөндеумен қамтылады. Наурыз айында Қызылорда бөлімшесінің Аққұм - Талап учаскесінде басталған жұмыстар аяқталды. Ақмая рзд-інен Екпенді рзд-іне дейінгі телімде күрделі жөндеу жұмыстары жалғасуда. Бөлімше жоспарында - 43,16 км жолды күрделі жөндеу. Атырау бөлімшесінің 70 шақырымға жуық темір жолы Мұқыр - Жантерек - Кенбай, Жамансор - 377рзд - Мақат, 15 рзд. -Аққыстау - Бақсай учаскелерінде жаңартылады.

Кесте бойынша магистральдық желінің Ақтөбе бөлімшесі теміржол магистралін күрделі жаңартуға кірісті. Ағымдағы жылы Ақтөбе теміржолшылары шамамен 78 км жөндейді. Маңғыстау облысында шамамен 39 км жаңғыртылады.

Қостанай өңірі бойынша Қостанай - Жаңа-Есіл және Тобыл - Құсмұрын учаскелерінде 60,7 шақырымнан астам темір жолдарын күрделі жөндеумен жаңарту жоспарлануда. Магистральдық желінің Семей бөлімшесі бойынша осындай көлем (61,1 км) жоспарланған. Павлодар бөлімшесінде Бозшакөл - Уленті, Тасқұдық - Спутник темір жол учаскелерінің 31,5 шақырымы жаңғыртылуда. 24 км жолды сауықтыру бойынша міндеттер қарағандылық теміржолшылар алдында тұр. Жоспарлы күрделі жөндеу шеңберінде үлкен жұмыс көлемі (110 км) магистральдық желінің Ақмола бөлімшесінің шекарасындағы учаскелерде орындалатын болады.

Күрделі жаңартудан басқа, теміржолшылар жолды орташа жөндеуді күшейтеді. Бағыттамалы бұрмаларды өзгертеді. Рельсті тіректерді, рельсті жолдарды және басқа да алдын алу шараларын үздіксіз ауыстырады.

Жол жұмыстары арнайы техниканы қолдана отырып жүргізіледі. ҚТЖ желісінде барлығы 730 астам түрлі машиналар бар: Duomatic, Unimat MF, түзету-ұсақтау-рихтау машиналары, RM-80, RM-2002, "Atlas" рельсті тегістеу пойыздары және т. б.

Инфрақұрылымды жаңғырту және ағымдағы күтіп ұстау бойынша жоспарлы жұмыстарды жүргізу пойыздардың қозғалыс жылдамдығына уақытша шектеулер енгізуді талап етеді. Бұл жолаушылар мен жүк пойыздарының қозғалыс кестесінің сақталуына әсер етеді.

Жолды жыл сайынғы жөндеу жолаушылар мен жүктерді тасымалдау кезінде теміржол инфрақұрылымының сенімділігін қамтамасыз етуге мүмкіндік береді.

30.04.2024, 17:31 52056

Министрлік еліміздің су қоймаларындағы жағдай туралы толық ақпаратты мәлімдеді

Қазсушар" мекемесінің Батыс Қазақстан филиалының мамандары тасқын суын қауіпсіз өткізу іс-шараларын атқарып жатыр. Аймақта су тасқынының екінші кезеңі жалғасуда. Облыстың төрт ірі су қоймасы 90%-ға толды, деп хабарлайды ҚР Су ресурстары және ирригация министрлігінің баспасөз қызметінен.

Орал қаласындағы Жайық өзенінің деңгейі 838 см. Ол бір тәулікте 8 см-ге төмендеді.

Ақмола облысында Астана және Сілеті су қоймалары 100%-ға толы. Екі нысан да штаттық кестеге сай жұмыс істейді. Аймақта су тасқынының белсенді кезеңі өтті. Астана контрреттегішінен Есіл өзеніне тәулігіне 4,75 млн текше метр су жіберіледі.

Солтүстік Қазақстан облысындағы 2 ірі су қоймасы 100%-ға толы және транзиттік режимде жұмыс істеп тұр. Есіл өзенінде су тасқынының екінші кезеңі жалғасуда.

Сергеев су қоймасының жотасы арқылы судың асып кету биіктігі 175 см-ге дейін төмендеді. Петропавл қаласының шегіндегі Есіл өзенінің деңгейі-1299 см. Бір тәулікте ол 6 см-ге төмендеді.

Ақтөбе облысында екі ірі су қоймасының орташа су жинау көрсеткіші 97%. Екі нысан да штаттық кестеге сай жұмыс істейді. Мұнда су тасқынының белсенді кезеңі өтті.

Шығыс Қазақстан облысындағы екі ірі су қоймасы бойынша орташа су жинау көрсеткіші 83%. Су тасқыны жалғасуда.

Абай облысында Шүлбі су қоймасы 40%-ға толды. Аймақта су тасқыны жалғасуда. Шүлбі су қоймасына бүйірлік салалардың ұлғаюына байланысты Ертіс өзеніне су жіберіліп жатыр.

Қарағанды облысында 3 ірі су қоймасы 98,4%-ға толы. Олардың барлығы штаттық режимде жұмыс істейді. Су тасқынының белсенді кезеңі өтті.

Қостанай облысындағы екі ірі су қоймасының орташа су жинау көрсеткіші 92%. Екі нысан да штаттық кестеге сай жұмыс істейді. Аймақтағы су тасқынының белсенді кезеңі өтті.

Су қоймаларында "Қазсушар" мамандарының тәулік бойы кезекшілігі және су шаруашылығы жағдайының мониторингі жалғасуда.

Сенат ЕАЭО-ның темекі өнімдеріне арналған акциздер туралы келісімін ратификациялауды мақұлдады

тақырып бойынша жаңалықтар

Ең көп оқылғаны

Өзекті

Шымкент қаласында жаңа технологияларды қолдана отырып ірі қойма кешені мен жылыжай ашылады