Ауыл мәселесі «Amanat»-тың назарында
Павлодар. 9 марта. KAZAKHSTAN TODAY - Облыстық мәслихат депутатына үміткер Жилбаев Жанбол, Чидунчи Ирина, Терентьев Александр, Ибрагимов Калауиден және Ақтоғай аудандық мәслихатына үміткерлер Ақтоғай ауданына барып, Балтасап, Жалаулы ауылдарының тұрғындарымен кездесті. Кандидаттар алдымен "AMANAT" партиясының сайлаулды бағдарламасын таныстырып, ауыл тұрғындарының талап-тілегін тыңдады.
Жалаулы ауылының тұрғындарының айтуынша, ауыл мектебінде 10-11 сыныптар жоқ. Ал көрші ауылда мектеп-интернаты бар, бірақ оқушыларды көрші ауылға тасымалдайтын көлік қарастырылмаған. Бүгінгідей білім мен ғылымға ден қойылған заманда бұл өзекті мәселе екені даусыз. Үміткерлер аталған мәселені бақылауда алып, тиісті орындарға жеткізетінін айтты.
Ақтоғай ауданының Балтасап ауылында жастар көп екен. Алыстан көшіп барып жатқандар бар дейді. Бірақ үйлер аз. Сондықтан, тұрғындар ауылға жаңа үйлер салынса деген пікірде. Менің ойымша мұны шешуге болады. Себебі, "AMANAT" партиясының сайлауалды бағдарламасында 730 мыңнан астам отбасы үшін қолжетімді бағадағы 78 миллион шаршы метрден астам жаңа тұрғын үй салу жоспарланған. Екіншіден, жас кәсіпкерлерге несие берудегі ережелерге өзгеріс енгізу керек. Себебі, ауыл жастары жеңілдетілген несие алып, жеке кәсіп істейін десе кепілге қоятын мүлік жоқ. Басындағы үйлерін төмен бағалайды. Ал біздің сайлаулды бағдарламада несиелеуді барынша жеңілдетуді көздейді. Сондықтан, мәслихат депутатына өтіп жатсақ бұл мәселемен айналысатын боламыз", - деді Жанбол Жилбаев.
AMANAT" партиясының "Халықпен бірге" сайлауалды бағдарламасында білім беру саласы, соның ішінде мектеп жасындағы оқушыларға жағдай жасауға қатысты нақты ұсыныстар көрсетілген. Сондықтан, аманаттықтар бұл мәселені алдағы уақытта да назардан шығармайтынына сенеді тұрғындар.
Дайындаған: "AMANAT" партиясы Павлодар облыстық филиалының баспасөз қызметі, Павлодар қаласы, Кривенко көшесі, 25А
Тапсырыс беруші: И.С. Теренченко
Павлодар облыстық мәслихаты депутаттарының сайлауында партиялық тізімді ұсынған "AMANAT" партиясы Сайлау қорының қаражатынан төленді. *Осы ақпаратты кез келген бұқаралық ақпарат құралдарында (сайттарда, БАҚ аккаунттарында, әлеуметтік желілерде және блог-платформаларда, мессенджерлерде) қайта басып шығаруға, қайталауға, көшіруге, қайта жариялауға, репост жасауға және өзге де шығаруға және/немесе таратуға тыйым салынады. Сондай-ақ, осы ақпаратты әлеуметтік желілерде, әлеуметтік желілер мен әлеуметтік платформалардың аккаунттарында, мессенджерлерде таратуға тыйым салынады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Мемлекет басшысы Алатау қаласының даму барысымен танысты
Сурет: Akorda
Президент Қасым-Жомарт Тоқаевтың Алматы облысына жұмыс сапары Алатау қаласының даму жоспарымен танысудан басталды, деп хабарлайды Қазақстан Республикасы Сыртқы істер министрлігінің баспасөз қызметінен.
Қазіргі кезде қала ауданы 88 мың гектарды құрайды. Шаһар 2050 жылға дейін кезең-кезеңімен дамытылатын 4 арнаулы аумаққа бөлінген. Сонымен қатар қаланың негізгі даму аймақтары мен табыс көздері айқындалып жатыр. Магистралды инфрақұрылымды ілгерілету бойынша жол картасы қолға алынған. Басқарудың жаңа моделін қалыптастыратын Конституциялық заң қабылданды.
Бүгінде Gate City тұрғын үй алабы жедел өркендеп келеді. Мұнда "жайлы мектеп" бой көтеріп, "Маревен Фуд Тянь-Шань", "КНАУФ", Fruit Art, Dolce Pharm және Алматы желдеткіш зауыты секілді жүйе құрайтын кәсіпорындар жұмыс істейді.
Бұдан бөлек, 53 инвестициялық жобадан тұратын пул жасақталды. Оның жалпы сомасы 2 триллион теңгеден асады. Атап айтқанда, PepsiCo компаниясы Орталық Азиядағы картоп өңдейтін ең ірі зауыт салып жатыр. Mars Petcare компаниясы үй жануарларына арналған азық өндіретін өңірдегі алғашқы заманауи әрі бірегей жобаны қолға алды. KHAN TENGRI BIOPHARMA компаниясы дәрі-дәрмек пен медициналық қондырғылар шығарумен айналысады. "Исткомтранс" және G-Trans компаниялары логистикалық кластер құруда.
Мемлекет басшысына Iconic Complex жобасы таныстырылды. Бұл Алатаудағы көпфункционалды озық кешен саналады. Қаладағы негізгі нысанның бірі Gate District ауданында бой көтермек.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Батыс Қазақстан облысында стратегиялық коммуналдық нысандар жаңғыртылуда: Қанат Бозымбаев ЭКСЖ жобаларының құрылыс қарқынын тексерді
Сурет: primeminister.kz
Премьер-министрдің орынбасары Қанат Бозымбаев Батыс Қазақстан облысына жұмыс сапары аясында "Энергетикалық және коммуналдық секторларды жаңғырту" ұлттық жобасы (ЭКСЖ) шеңберінде жүзеге асырылып жатқан жобалардың барысымен танысты, деп хабарлайды Үкіметтің баспасөз қызметінен.
Бүгінде өңірде коммуналдық инфрақұрылымды ауқымды жаңарту жұмыстары жүргізілуде. Жылумен, электрмен қамту, сумен жабдықтау және су бұру салаларында бірқатар ірі жобалар жүзеге асырылып жатыр.
Өңір алдағы жылыту маусымына қарқынды дайындалуда. Жаңғыртылып жатқан негізгі нысандардың бірі - Орал қаласын жылу және ыстық сумен қамтамасыз ететін "ЖайықТеплоЭнерго" АҚ. Қазіргі уақытта кәсіпорын "қызыл аймақта" тұр. 2029 жылға дейін жүргізілетін жаңғырту жұмыстарының нәтижесінде тозу деңгейін 83%-дан 60%-ға дейін төмендетіп, нысанды "сары аймаққа" шығару жоспарланған.
Сонымен қатар, тозу деңгейі 65%-ды құрайтын ұзындығы 1,8 шақырым болатын №7 жылу магистралін қайта жаңарту жұмыстары жалғасуда. Қанат Бозымбаев құрылыс-монтаждау жұмыстарының сапасын қатаң бақылауды тапсырды. Аталған жылу магистралі 24 бюджеттік мекеме мен 130 тұрғын үйді жылумен қамтамасыз етеді.
Жобаны жүзеге асыру желілердің тозуын азайтуға, жүйенің өткізу қабілетін арттыруға және пайдалану шығындарын төмендетуге мүмкіндік береді.
Келесі нысан Орал қаласының Зачаган кентіндегі №29 кәріз-сорғы стансасы болды. Қазіргі таңда мұнда құрылыс-монтаждау жұмыстарының 40%-ы орындалған. Жобаның құны - 1,7 млрд теңге. Жаңғырту аяқталғаннан кейін, 2027 жылдың соңына қарай станса тәулігіне 14 700 текше метрге дейін сарқынды суды айдай алады. Бұл жүйеге жаңа абоненттерді қосуға және кенттің коммуналдық инфрақұрылымын тиімді басқаруға жол ашады.
Одан кейін вице-премьер "Батыс Қазақстан аймақтық электр желілік компаниясы" ЖШС-нің қалалық электр желілері кешеніне барды. Мұнда 138 шақырым электр желілерін жаңғыртуға бағытталған үш кезеңді жоба жүзеге асырылуда. Қазіргі уақытта жобаның екі кезеңі аяқталып, үшінші кезең бойынша жұмыстар жалғасуда.
Қанат Бозымбаев қазіргі жаңғырту қарқынын сақтау өңірдің коммуналдық инфрақұрылымындағы жүйелі мәселелерді шешуге және энергиямен жабдықтау сенімділігін арттыруға мүмкіндік беретінін атап өтті. Жүргізіліп жатқан жұмыстардың нәтижесінде облыстағы электр желілерінің тозу деңгейі 82%-дан 75,4%-ға дейін төмендеді.
Жұмыс сапары барысында отандық өндірушілерді қолдау мәселесіне ерекше назар аударылды. Жобаларда қазақстандық темірбетон тіректері, кабельдік-өткізгіш өнімдер, металл конструкциялар, трансформаторлық қосалқы стансалар, полиэтилен құбырлары және өзге де жабдықтар пайдаланылуда. Кейбір нысандарда қазақстандық қамту үлесі 80-99%-ға дейін жетеді.
29 мамырдағы мәліметке сәйкес ЭКСЖ электрондық платформасында Батыс Қазақстан облысы бойынша жалпы сомасы 113,7 млрд теңгені құрайтын 38 жоба тіркелген. Жалпы құны 21,9 млрд теңге болатын 10 пилоттық жоба белсенді жүзеге асырылу кезеңінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда егіс алқаптарының 77%-ы егілді
Сурет: Depositphotos
Өңірлерде көктемгі егіс жұмыстары жалғасуда. Облыс әкімдіктерінің жедел деректеріне сәйкес, бүгінгі таңда ауыл шаруашылығы дақылдары 16,3 млн гектар алқапқа егілді, деп хабарлайды Қазақстан Республикасы Ауыл шаруашылығы министрлігінің баспасөз қызметінен.
Атап айтқанда, дәнді дақылдар 11,2 млн га, майлы дақылдар - 3,6 млн га, мал азықтық дақылдар - 973,2 мың га, мақта - 167,6 мың га, картоп - 116,9 мың га, көкөніс дақылдары - 112 мың га, бақша дақылдары - 81,1 мың га, қант қызылшасы - 22 мың га алқапқа егілді.
Егіс науқаны еліміздің негізгі астық егетін өңірлерінде қарқынды жүргізілуде. Атап айтқанда, Ақмола облысында 4,1 млн га, Қостанай облысында - 3,7 млн га, Солтүстік Қазақстан облысында - 2,7 млн га жерге егін егілді.
Егіс науқанына 133,9 мыңнан астам трактор, шамамен 5,6 мың жоғары өнімді егіс кешені, 71,4 мың сепкіш және 188,5 мың топырақ өңдеу құралы жұмылдырылды. Аграршыларға үздіксіз техникалық қолдауды 70 сервистік орталық қамтамасыз етуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақтөбе облысында "Ақтөбе - Қарабұтақ - Ұлғайсын" автомобиль жолы учаскесін реконструкциялау жобасына ресми түрде бастау берілді
Сурет: gov.kz
Мемлекет басшысының елдің көлік-логистикалық инфрақұрылымын дамыту жөніндегі тапсырмаларын орындау аясында Ақтөбеде KAZ06 "Ақтөбе - Қарабұтақ - Ұлғайсын" автомобиль жолы учаскесін реконструкциялау жұмыстарының басталуына арналған салтанатты рәсім өтті, деп хабарлайды Ақтөбе облысының әкімдігінің баспасөз қызметінен.
Іс-шараға Ақтөбе облысының әкімі Асхат Шахаров, "ҚазАвтоЖол" ҰК" АҚ Басқарма төрағасы Дархан Иманашев, мемлекеттік органдар, мердігер ұйымдардың өкілдері, бұқаралық ақпарат құралдары мен өңір жұртшылығы қатысты.
Салтанатты рәсім барысында сөз сөйлеген облыс әкімі Асхат Шахаров жобаның жүзеге асырылуы өңірдің көлік-логистикалық әлеуетін едәуір арттырып, соңғы жылдардағы облыстағы ең ірі инфрақұрылымдық жобалардың біріне айналатынын алға тартты. "Бүгін біз Ақтөбе облысы мен бүкіл ел үшін стратегиялық маңызы зор маңызды жобаны бастап отырмыз. Реконструкция аяқталғаннан кейін елді мекендер арасындағы көлік қатынасы айтарлықтай жақсарады, жол қозғалысының қауіпсіздігі артады, жол жүру уақыты қысқарады және халықаралық көлік дәліздерінің өткізу қабілеті ұлғаяды", - деді өңір басшысы.
Облыс әкімінің айтуынша, "Ақтөбе - Хромтау - Қарабұтақ - Ұлғайсын" автожолының "Батыс Еуропа - Батыс Қытай" халықаралық көлік дәлізін дамытуда және Қазақстанның транзиттік әлеуетін нығайтуда рөлі зор.
Асхат Шахаров сондай-ақ жобаның өңір экономикасына оң әсерін тигізіп, жаңа жұмыс орындарын ашуға және жергілікті бизнестің дамуына қосымша мүмкіндіктер беретінін айтты.
ҚазАвтоЖол" ҰК" АҚ Басқарма төрағасы Дархан Иманашев KAZ06 учаскесін реконструкциялау республикалық жол желісін жаңғыртудың маңызды кезеңі болатынын атап өтті. "Жоба автомобиль жолын заманауи инженерлік шешімдер мен құрылыс стандарттарын қолдана отырып, I техникалық санатқа ауыстыруды көздейді. Бұл трассаның өткізу қабілетін арттыруға, жол жабынының сенімділігін күшейтуге және транзиттік әрі жүк көліктерінің қозғалысына қолайлы жағдай жасауға мүмкіндік береді", - деді Дархан Иманашев.
Оның айтуынша, жобаны іске асыру жүк тасымалының тиімділігін арттырып, жолдың халықаралық көлік дәліздерінің заманауи талаптарына сәйкестігін қамтамасыз етеді.
Автожолды реконструкциялау жұмыстарының жалпы ұзындығы 262 шақырымды құрайды және жеті учаскеге бөлінген.
Іс-шара барысында Үкіметтің қолдауының арқасында соңғы үш жылда Ақтөбе облысында шамамен 1,6 мың шақырым автожол жөнделгені атап өтілді. Нәтижесінде жақсы және қанағаттанарлық жағдайдағы жолдардың үлесі 75%-дан 82%-ға дейін артқан.
Биыл өңірдің жол саласын дамытуға 36,4 млрд теңге бөлінді. 290,7 шақырым жолды жөндеу жоспарланып отыр.
Ақтөбе - Қарабұтақ - Ұлғайсын" автомобиль жолы учаскесін реконструкциялау Ақтөбе облысының көлік инфрақұрылымын дамытудағы маңызды кезеңге айналып, аталған бағыттағы жол қозғалысының сапасы мен қауіпсіздігін арттыруға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.