11.06.2026, 12:45 65196

Қазақстан СІМ Дмитрий Харристің азаматтығы туралы ақпаратты тексеріп жатыр

Қазақстан Сыртқы істер министрлігі өзін Ресей аумағында ұстап отырғанын мәлімдеген Дмитрий Харристің азаматтығы туралы ақпаратты тексеріп жатыр. Бұл туралы ҚР Сыртқы істер министрінің бірінші орынбасары Ержан Ашықбаев Сенаттағы брифингте мәлімдеді, деп хабарлайды агенттік тілшісі.

Біз Харрис азаматынан келіп түскен өтінішті алғанымызды растаймыз. Ресей Федерациясының құзыретті органдарының мәліметіне сәйкес, аталған азамат Ресей Федерациясының азаматы ретінде де тіркелген", - деп Ержан Ашықбаевтың сөзін "К азинформ" халықаралық ақпарат агенттігі келтіреді.

Оның айтуынша, қазақстандық дипломаттар өтініш иесіне қажетті консулдық қолдау көрсетіп жатыр.

Ең алдымен, оның нақты қай мемлекеттің азаматы екенін анықтап алуымыз қажет. Осы мақсатта біздің Астрахань қаласындағы Бас консулдығымыз аталған азаматпен, сондай-ақ Ресей Федерациясының құзыретті органдарымен тікелей байланыста жұмыс істеп жатыр", - деп қосты Сыртқы істер министрінің бірінші орынбасары.

Бұған дейін бұқаралық ақпарат құралдарында Дмитрий Харристің Ресей Федерациясының аумағында ұсталып отырғанын айтып, Қазақстанның мемлекеттік органдарынан көмек сұрағаны туралы ақпарат тараған болатын.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

17.07.2026, 15:25 1641

Қазақстан ОСК тағы 16 халықаралық байқаушыны аккредиттеді

2026 жылдың 17 шілдесінде Қазақстан Республикасының Орталық сайлау комиссиясы төрт шет мемлекеттен және үш халықаралық ұйымнан келген 16 халықаралық байқаушыны аккредиттеді.

Осылайша, алдағы сайлауды бақылау үшін аккредиттелген халықаралық байқаушылардың жалпы саны 76 адамға жетті, деп хабарлады Орталық сайлау комиссиясы.

2026 жылдың 17 шілдесіндегі жағдай бойынша Қазақстан Республикасы Сыртқы істер министрлігі Орталық сайлау комиссиясына төрт шет мемлекеттен және үш халықаралық ұйымнан 16 халықаралық байқаушыны аккредиттеу туралы ұсыныс енгізді", деп мәлім етті ОСК төрағасының орынбасары Мұхтар Ерман.

Атап айтқанда:

- ЕҚЫҰ Парламенттік Ассамблеясынан бір байқаушы - Польша Сенатының мүшесі Казимеж Клейна аккредиттелді.

- ҰҚШҰ Парламенттік Ассамблеясынан алты байқаушы, оның ішінде Ассамблеяның жауапты хатшысы Сергей Поспелов аккредиттелді.

- ЕҚЫҰ Демократиялық институттар және адам құқықтары жөніндегі бюросының (ДИАҚБ) миссиясынан бір байқаушы аккредиттелді.

Сонымен қатар:

- Грузиядан екі байқаушы, оның ішінде Грузия Орталық сайлау комиссиясының төрағасы Георгий Каландаришвили;

- Ираннан екі байқаушы, оның ішінде Иранның Қазақстандағы Төтенше және Өкілетті Елшісі Али Акбар Джоукар;

- Швециядан екі байқаушы, оның ішінде Швецияның Қазақстандағы Елшісі Стефан Эриксен;

- Қырғыз Республикасынан екі байқаушы аккредиттелді.

Орталық сайлау комиссиясында халықаралық байқаушылар тізімі жаңа ұсыныстар келіп түскен сайын толықтырылып отыратынын атап өтті.

17.07.2026, 14:41 2361

ЖИ дамыту әскери бәсекеге емес, бейбітшілік қағидаттарына негізделуі қажет - Тоқаев

Ол тараптардың барлығын жасанды интеллект стандарттары мен этикасын реттейтін тұрақты сарапшылық платформа құруға шақырды

Бұл орайда жасанды интеллектіні дамыту ісі өзара текетірес пен әскери бәсекеге емес, бейбітшілік пен тұрақты даму қағидаттарына негізделуі қажет. Бұл туралы Қазақстан президенті Шанхайда өтіп жатқан Дүниежүзілік жасанды интеллект жөніндегі конференцияда (WAIC) сөйлеген сөзінде мәлім етті, деп хабарлайды Ақорданың баспасөз қызметінен.

Мен Ұйымға мүше мемлекеттер мен мүдделі тараптардың барлығын жасанды интеллект стандарттары мен этикасын реттейтін тұрақты сарапшылық платформа құруға шақырамын. Сайып келгенде, ЖИ-дің болашағын адамдар айқындайды. Сондықтан алдағы уақытта аталған саланы жетік меңгерген мамандарға сұраныс күшейеді", - деді Қасым-Жомарт Тоқаев.

Оның пайымдауынша, жастарды цифрлық машықтарды игеруге, сыни ойлауға, ізденімпаздыққа және жоғары этикалық жауапкершілікке баулу керек.

Осыған орай Қазақстан Дүниежүзілік Жасанды интеллект саласындағы ынтымақтастық ұйымы аясында халықаралық мектептер желісін, озық тәжірибе орталықтарын және академиялық серіктестік құруды ұсынады", - деп мәлімдеді президент.

Сөзін қорыта келе, Мемлекет басшысы еліміздің бейбітшілікті сақтау, орнықты даму және жан-жақты өркендеу жолында жасанды интеллектінің әлеуетін пайдалануға ниетті барша серіктестермен нәтижелі ықпалдастық орнатуға дайын екенін жеткізді.

Бұған дейін Тоқаев АИ-ді толыққанды инфрақұрылымы бар салаға айналдыру туралы мәлімдеген болатын.

17.07.2026, 14:28 2856

Азия-Тынық мұхиты цифрлық шешімдер орталығы ашылады

Цифрлық трансформация ұлттық даму стратегиямыздың басым бағыттарының бірі саналады

Алматы қаласында БҰҰ-ның Азия және Тынық мұхиты үшін Экономикалық және әлеуметтік комиссиясы (ЭСКАТО) жанынан Тұрақты даму жөніндегі Азия-Тынық мұхиты цифрлық шешімдер орталығы ашылады. Бұл туралы Мемлекет басшысы Шанхайда өтіп жатқан Дүниежүзілік жасанды интеллект жөніндегі конференцияда (WAIC) сөйлеген сөзінде мәлім етті, деп хабарлайды Ақорданың баспасөз қызметінен.

Қазақстан Дүнижүзілік жасанды интеллект саласындағы ынтымақтастық ұйымы құрылтайшыларының бірі ретінде осы маңызды платформаны құрудағы Қытайдың жетекші рөлін жоғары бағалайды. Жақында ғана іргесі қаланған әрі мол әлеуетке ие ұйым жаһандағы ЖИ келешегін айқындайтын бірегей халықаралық институтқа айналатынына сенімдіміз. Ұйымның алғашқы отырысын Астанада өткізу біз үшін зор мәртебе болар еді. Сонымен қатар бұл құрылымның Орталық Азиядағы өкілдігін елімізде орналастыруды ұсынамыз", - деді Қасым-Жомарт Тоқаев.

Президенттің пікірінше, еліміз технологиялық тоғысудың, цифрлық сауда мен халықаралық ынтымақтастықтың қарқынды орталығына айналу үшін мол әлеуетке ие.

Энергетикалық ресурстардың мол қоры, аса маңызды минералдар кеніштері, заманауи көлік дәліздері мен жедел дамып келе жатқан цифрлық инфрақұрылым нарықтарды, технология және инновациялық экожүйелерді өзара ұштастыруға тың мүмкіндік береді. Цифрлық трансформация ұлттық даму стратегиямыздың басым бағыттарының бірі саналады",- деді Президент.

Бұған дейін Тоқаев Қазақстан мен Қытай арасында Цифрлық көпір құруды ұсынған болатын.

17.07.2026, 13:59 3096

Дипломатия және бітімгерлік: Тоқаев ЖИ толыққанды инфрақұрылымы бар дербес салаға айналып келе жатқанын мәлімдеді

Жасанды интеллект экономика, сауда және жаһандық өзара байланыстың болашағын айқындайтын, толыққанды инфрақұрылымы бар салаға айналып келеді. Бұл туралы Мемлекет басшысы Шанхайда өтіп жатқан Дүниежүзілік жасанды интеллект жөніндегі конференцияда (WAIC) сөйлеген сөзінде мәлім етті, деп хабарлайды Ақорданың баспасөз қызметінен.

БҰҰ дерегіне сәйкес, жасанды интеллект инфрақұрылымына және онымен байланысты технологияларға салынған инвестиция жылына орта есеппен 47 пайызға өскен. 2033 жылға қарай жаһандық ЖИ нарығының көлемі шамамен 5 триллион долларға жетеді деп болжанып отыр. Демек, бір нәрсе анық: жасанды интеллектіні басқару жүйесі кешенді сипатқа ие болуға тиіс. Ол жартылай өткізгіштер мен деректерді өңдеу орталықтарынан бастап этика, білім беру және адамның қадір-қасиетін қорғауға дейінгі бүкіл бағытты қамтуы қажет", - деді Мемлекет басшысы.

Ол, сонымен қатар трансформация үдерісі геосаяси шиеленіс ушығып, ірі әлемдік державалар арасындағы сенімге селкеу түскен, жік-жікке бөлінген кезеңде жүріп жатқандығын атап өтті.

Өкінішке қарай, мемлекеттердің көбі қақтығыстарға тосқауыл қоюға мән бермейді, есесіне оның салдарын жоюға күш-жігерін сарқа жұмсайды. Жасанды интеллект алдын ала ескерту жүйесін, превентивті дипломатияны, гуманитарлық көмек пен бітімгерлік әрекеттерді күшейту арқылы бізге осы қисынсыз түсінікті өзгертетін тарихи мүмкіндік беріп отыр, - деп мәлім етті президент.

Президенттің пайымдауынша, жасанды интеллектіні экономика мен қоғам игілігіне пайдалану, сөйте тұра оны адамның саналы әрі қабілетті басқаруында қалдыру - баршамызға ортақ міндет.

Сондықтан Қазақстан Дүниежүзілік жасанды интеллект саласындағы ынтымақтастық ұйымының құрылуын тарихи шешім деп санайды. Аталған ұйым ЖИ-ді басқаратын әмбебап құрылымның негізін қалайтынына сенімдіміз. Ол күллі адамзаттың өсіп-өркендеуі мен қауіпсіздігін қамтамасыз ететін өзара тиімді серіктестік тетігі болуы қажет", - деді Қасым-Жомарт Тоқаев.

17.07.2026, 12:56 5026

Қазақстанда 19 шілдеден бастап банкаралық QR-төлемдер іске қосылады

Сурет: Depositphotos

19 шілдеден бастап банкаралық QR-код арқылы төлем жасау барлық қазақстандықтарға қолжетімді болады. Бүгін Қазақстан Ұлттық банкі банкаралық QR-төлем жүйесінің іске қосылуын таныстырды.

Ұлттық банктің хабарлауынша, қазір бұл жүйеге мобильді қосымшалар арқылы халыққа қызмет көрсететін барлық банк қосылған.

Заңнамаға сәйкес БМТЖ ел көлемінде ресми түрде 2026 жылғы 19 шілдеде іске қосылады. Осы күннен бастап жүйеге қатысушы банк клиенттері телефон нөмірі арқылы басқа банктің клиенттеріне лезде ақша аударып, сатып алушы мен сатушы қай банк клиенті екеніне қарамастан, QR-код арқылы да тауар мен қызмет ақысын төлей алады. Аударымдар мен төлемдер тәулік бойы нақты уақыт режимінде орындалады", - деп хабарлады Ұлттық банк.

БМТЖ кәсіпкерлерге жүйеге кірген барлық банктің клиенттерінен бір ғана QR-код арқылы қолма-қол ақшасыз төлем қабылдауға мүмкіндік береді. Ол үшін жаңа жабдық орнатудың қажеті жоқ, қызмет қолда бар терминалдармен көрсетіле береді. Ал мобильді қосымшаларды жаңарту мәселесі бойынша қызмет көрсетуші банктің өзіне жүгіну қажет.

Ұлттық цифрлық қаржы инфрақұрылымына Ұлттық төлем жүйесінен бөлек, биометрияны сәйкестендіру платформасы, цифрлық теңге платформасы, ашық банкинг платформасы және Ұлттық антифрод-орталық кіреді.

Бүгінгі таңда Ұлттық төлем жүйесінде күніне шамамен 6,3 трлн теңге өңделеді. Айналымға 340 миллиардтан астам цифрлық теңге шығарылды. Ал биометриялық сәйкестендіру сервисі ай сайын 3,5 миллионға жуық сұранысты қабылдайды.

Антифрод-орталық өз жұмысын бастағалы 165 мыңнан астам алаяқтық оқиғалар мен өзге де заңсыз операцияларды анықтады. Олардың арасында қаржы пирамидалары мен заңсыз ойын бизнесіне қатысты қылмыстар да бар.

17.07.2026, 12:28 5981

Дастан Рыспеков Ұлытау облысының әкімі қызметінен босатылды

Сурет: Ақорда

Мемлекет басшысының Жарлығымен Дастан Адайұлы Рыспеков Ұлытау облысының әкімі қызметінен босатылды, деп хабарлайды Ақорданың баспасөз қызметінен.

Дастан Адайұлы Рыспеков 1984 жылғы 23 маусымда дүниеге келген. Әл-Фараби атындағы Қазақ ұлттық университетін "Мемлекеттік және жергілікті басқару" мамандығы бойынша, ҚазГЗУ жанындағы Алматы заң академиясын "Құқықтану" мамандығы бойынша тәмамдаған. Сондай-ақ, Қазақстан Республикасы Президентінің жанындағы Мемлекеттік басқару академиясында мемлекеттік басқару магистрі дәрежесін алған.

Еңбек жолын 2006 жылы Алматы қаласының Экономика және бюджеттік жоспарлау департаментінде бастап, әр жылдары экономика, бюджеттік жоспарлау және мемлекеттік аудит салаларында басшылық қызметтер атқарды, "ЭКСПО-2017" ҰК" АҚ-ның бас бухгалтері болды, Павлодар облысының кәсіпкерлік, сауда және туризм басқармасын, кейін Қазақстан Республикасы Мәдениет және спорт министрлігінің Туризм индустриясы комитетін басқарды.

2023-2024 жылдары Ұлытау облысы әкімінің орынбасары, кейін Қазақстан Республикасы Президенті Әкімшілігінің мемлекеттік инспекторы қызметтерін атқарды.

2024 жылдың 9 қазанынан бастап Ұлытау облысының әкімі болып қызмет атқарған.

17.07.2026, 11:49 5741

Қазақстанда әуе тасымалының ережелері өзгеруде

Сурет: Depositphotos

Қазақстанның Көлік министрлігі әуе тасымалы қағидаларына өзгерістер енгізу жобасын әзірледі. Түзетулер музыкалық аспаптар мен жануарларды тасымалдаудың жаңа талаптарын, мүгедектігі бар жолаушыларға арналған қосымша кепілдіктерді және әуе компанияларының жауапкершілігін күшейтуді көздейді, деп хабарлайды министрліктің баспасөз қызметінен.

Бұл жобаға сәйкес, жолаушыларға домбыра мен қобыз сияқты музыкалық аспаптарды ұшақ ішіне қол жүгі ретінде, жеке жолаушы орнында немесе тіркелген багаж ретінде тасымалдауға рұқсат берілуі мүмкін. Салонда тасымалданатын аспап міндетті түрде берік қорғаныш қаптамасында болуы тиіс. Оның өлшемі 110×35×30 см-ден, ал салмағы 10 келіден аспауы қажет.

Сондай-ақ, жоба аясында әуе компаниялары белгілеген талаптарға сәйкес жануарларды ұшақ салонында тасымалдауға мүмкіндік беру қарастырылған. Бұдан бөлек, мүгедектігі бар жолаушыларға әуе тасымалы кезінде жеңілдіктер беру нормасын заңнамалық деңгейде бекіту ұсынылады.

Құжатта әуе кемесі сыйымдылығы төмен басқа әуе кемесіне ауыстырылған жағдайда жолаушыларды орналастырудың басым тәртібі де енгізілмек. Осыған сәйкес, бірінші кезекте кәмелетке толмаған жолаушылардың, мүгедектігі бар адамдардың, ауыр науқастардың, жүкті әйелдердің және зейнет жасындағы азаматтардың тасымалы қамтамасыз етіледі.

Сонымен қатар Көлік министрлігі жолаушылардың құқықтарын қорғауды күшейту мақсатында жолаушыны жеткізудің кешігуіне байланысты айыппұлды төлеудің нақты мерзімін белгілеу ұсынылады. Яғни, тиісті өтініш берілген күннен бастап төлем 10 күнтізбелік күннен кешіктірілмей жүзеге асырылуға тиіс. Сонымен қатар, тасымалдаушының кінәсі дәлелденген жағдайда тіркелмеген қол жүгінің бүлінуіне байланысты әуе компанияларының жауапкершілігін белгілеу көзделген.

Өзгерістер жобасы "Ашық НҚА" порталында жарияланып, қоғамдық талқылауға шығарылды.

Қазақстан СІМ Дмитрий Харристің азаматтығы туралы ақпаратты тексеріп жатыр

тақырып бойынша жаңалықтар

Ең көп оқылғаны

Өзекті

Серік Шәпкенов Атырау облысының әкімі лауазымынан босатылды