Қазақстанда вакцина өндіруге арналған екінші алаң іске қосылды
Премьер-Министрдің орынбасары Е. Тоғжанов бүгін "Антиген" ғылыми-өндірістік кәсіпорнының жұмысымен танысты.
Қазіргі уақытта бұл кәсіпорын — ҚР БҒМ Биологиялық қауіпсіздік проблемаларының ғылыми-зерттеу институтының серіктесі. БҚПҒЗИ "Антиген" алаңын пайдалана отырып, медициналық вакциналарды, оның ішінде "QazVac" шығарудың толық циклі бойынша екінші өндірістік алаңды әзірлеп, іске қосты. Осы мақсатта Алматы облысы әкімдігінің қолдауымен жеңілдетілген несие бойынша вакцина өндіруге арналған жаңа технологиялық жабдықтар сатып алынды", - делінген ҚР Премьер-Министрінің сайтында.
Биылғы жылдың қыркүйек айында қуаты айына 1 млн дозаға дейін жететін "Антиген" алаңында "QazVac" вакциналарының 300 мың валидациялық сериясы шығарылды. Халықаралық сапа стандарттары кәсіпорынға өндірістің барлық учаскелерінде жоғары техникалық деңгейге, сапа мен сенімділікке қол жеткізуге мүмкіндік береді.
"Антиген" ҒӨК "OtarBioPharm" ЖШС жанындағы биофармацевтикалық зауытпен қатар БҚПҒЗИ әзірлеген "QazVac" қазақстандық вакцинасын шығару бойынша екінші өндірістік алаңға айналды".
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Ғауез Нұрмұхамбетов Солтүстік Қазақстан облысының әкімболып тағайындалды
Сурет: ?Р Сенаты
Мемлекет басшысының Жарлығымен Ғауез Торсанұлы Нұрмұхамбетов Солтүстік Қазақстан облысының әкімі лауазымына тағайындалды, деп хабарлайды Ақорданың баспасөз қызметінен.
Ғауез Торсанұлы өзінің еңбек жолын 1985 жылы Қостанай облысы Комсомол ауданы «Магнайский» совхозының № 1 бригадасының механизаторы болып бастап, ьүрлі мемлекеттік лауазымдарда қызмет атқарған.
2015 жылдан 2023 жылға дейін Қостанай облысы әкімінің бірінші орынбасары болды. 2023 жылдың 25 қантарынан бастап ҚР Парламенті Сенатының Депутаты болып сайланған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Сейшел аралдары визасыз режим туралы келісімге қол қойды
Сурет: Depositphotos
Нью-Йорктегі БҰҰ Бас Ассамблеясының 78-ші сессиясының аясында Қазақстан Сыртқы істер министрі Мұрат Нұртілеу және Сейшел аралдарының Сыртқы істер және туризм министрі Сильвестр Радегонд екіжақты қатынастарды дамыту және көпжақты форматтағы өзара іс-қимылдар бойынша келіссөздер жүргізді, деп хабарлайды ҚР СІМ баспасөз қызметінен.
М.Нұртілеу Қазақстанның Африка елдерімен ынтымақтастығының өсіп келе жатқан маңыздылығын атап өтті. Ол екіжақты негізде және көпжақты бірлестіктер шеңберінде өзара қызығушылық тудыратын салаларда қазақ-сейшел ынтымақтастығын дамытуға бірлескен күш-жігер жұмсауға дайын екенін растады.
Келіссөздер қорытындысы бойынша министрлер Қазақстан Республикасының Үкіметі мен Сейшел Республикасының Үкіметі арасындағы визалық талаптардан өзара босату туралы келісімге қол қойды. Ол әрбір жарты жылда 30 күнтізбелік күнге дейін кіру кезінде паспорттардың барлық түрлері үшін визалық талаптардың күшін жоюды көздейді. Аталған Келісім күшіне енуі үшін қажетті мемлекетішілік рәсімдердің аяқталғаны туралы тараптардың соңғы жазбаша хабарламасын дипломатиялық арналар арқылы алған күнінен кейін 30 күн өткен соң күшіне енеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Қырғызстан арасындағы тауар айналымын 2 млрд долларға дейін ұлғайту жоспарлануда
Сурет: primeminister.kz
ҚР Премьер-Министрі Әлихан Смайылов Таразда өтіп жатқан Қазақстан мен Қырғызстан арасындағы I Өңіраралық ынтымақтастық форумында сөз сөйледі, деп хабарлайды ҚР Премьер-министрінің баспасөз қызметінен.
Қазақстан тарапынан іс-шараға Премьер-Министрдің орынбасары - Үкімет Аппаратының басшысы Ғалымжан Қойшыбаев, Премьер-Министрдің орынбасары Серік Жұманғарин, су ресурстары және ирригация министрі Нұржан Нұржігітов, Шымкент қаласының әкімі Ғабит Сыздықбеков, Ақтөбе облысының әкімі Асхат Шахаров, энергетика вице-министрлері Жандос Нұрмағанбетов, сауда және интеграция вице-министрі - Қайрат Төребаев, ауыл шаруашылығы вице-министрі - Ербол Тасжүреков, сондай-ақ cыртқы істер министрінің орынбасары Ермұхамбет Қоныспаев қатысты.
Бизнес өкілдері екі күн бойы іскерлік әріптестіктің практикалық мәселелерін, ал өңірлер - экономикалық және әлеуметтік дамудың, агроөнеркәсіптік кооперацияның және су-энергетикалық ынтымақтастықтың өзекті тақырыптарын талқылады.
Әлихан Смайылов атап өткендей, форум екі Мемлекет басшыларының Қазақстан Республикасы мен Қырғызстан Республикасының өзара іс-қимылының жаңа форматын құру жөніндегі бастамаларын жүзеге асыру мақсатында өткізіліп отыр.
Бүгінгі форум екіжақты қарым-қатынастарды тереңдетуге қосымша мүмкіндіктер ашатынына, елдеріміздің өңірлерін жақындастырып, экономикалық өсудің жаңа мүмкіндіктерін айқындайтынына сенімдімін", - деді ол.
Премьер-Министр Қырғызстан еліміздің маңызды сауда серіктесі екенін атап өтті. Соңғы жылдары өзара сауда тұрақты түрде өсу қарқынын көрсетіп келеді. 2021 жылдың өзінде-ақ тауар айналымын $1 млрд-қа көтеру мақсатына қол жеткізілді, ал 2022 жылдың қорытындысына сәйкес бұл көрсеткіш тағы 19%-ға артты.
Бүгінгі таңда алдымызда бұдан да ауқымды мақсат - сауда көлемін $2 млрд-қа жеткізу тұр. Ол үшін бізде барлық мүмкіндіктер бар. Біз оларды белсенді түрде пайдалануымыз қажет", - деді Әлихан Смайылов.
Бұл ретте екі ел арасында тиімді инвестициялық өзара іс-қимыл жолға қойылған. 2005 жылдан бері қазақстандық компаниялар Қырғызстан экономикасына шамамен $1,3 млрд инвестиция салса, өткен жылдың өзінде $200 млн-ға жуық инвестиция құйылды, бұл өткен кезеңмен салыстырғанда 2,5 есеге көп.
Қазақстанда 3,5 мың бірлескен кәсіпорын табысты жұмыс істеп келеді, өткен жылдан бері олардың қатарына 200-ге жуық жаңа компания қосылды. Біздің инвестициялық ынтымақтастығымыздың мүмкіндіктері әлдеқайда кең екені сөзсіз және біз бірлескен жобаларды одан әрі жүзеге асыруға мүдделіміз", - деді Премьер-Министр.
Оның айтуынша, бұл ретте өңірлердің ынтымақтастығы басты рөл атқарады. Қазақстанның екі облысы - Алматы мен Жамбыл ұзындығы шамамен 1200 км мемлекеттік шекара арқылы Қырғызстанның үш облысымен шектеседі. Сонымен қатар бүгінде өңіраралық және шекара маңы сауда қатынастарының түбегейлі жаңа жүйесі құрылып отыр.
Өткен жылы Қазақстан Президенті Қасым-Жомарт Тоқаевтың Қырғызстанға сапары барысында біздің облыстарымыз ынтымақтастықты дамыту туралы алты құжатқа қол қойды. Бүгінгі форум шеңберінде екі тараптың тағы екі облысы арасында бауырластық байланыстар орнатылып отыр", - деді Әлихан Смайылов.
Осы тұрғыда Үкімет басшысы I Өңіраралық ынтымақтастық форумын өткізу орны ретінде таңдалған Жамбыл облысының маңызы ерекше екенін атап өтті. Жамбыл облысы арқылы логистикалық бағыттардың негізгі бөлігі өтеді. Сонымен қатар өңірде қырғыз тарапының қатысуымен ашылған кәсіпорындардың тең жартысы тіркелген.
Өзінің кіріспе сөзінде Қырғызстан Министрлер Кабинетінің төрағасы - Президент Әкімшілігінің басшысы Ақылбек Жапаров Қазақстан мен Қырғызстанды көп ғасырлық берік достық пен бауырластық, ортақ тарих, мәдениет және рухани құндылықтарға негізделген тату көршілік қатынастар байланыстыратынын атап өтті.
Форум өзара тиімді жаңа жобалар мен бастамалармен ерекшеленіп, экономикалық, сауда және инвестициялық байланыстарды нығайтуға, елдеріміздің өңірлері арасындағы іскерлік және мәдени-гуманитарлық байланыстарды кеңейтуге серпін беретініне сенімдімін", - деді ол.
Ақылбек Жапаров өңіраралық ынтымақтастық әрқашан екі ел үкіметтерінің назарында екенін атап өтті.
Облыстар мен қалалар арасындағы тікелей байланыс, өңіраралық достық пен ынтымақтастықты нығайту - қырғыз-қазақ мемлекетаралық байланыстарының маңызды құрамдас бөлігі. Өңіраралық диалогты кеңейту елдеріміздің стратегиялық әріптестігіне қосымша оң әсер етеді. Біз аймақтағы көлік-логистика, су-энергетика және сауда-экономикалық қатынастарды дамытуға зор маңыз береміз. Бұл тұрғыда Өнеркәсіптік сауда-логистикалық кешеннің құрылысы қолда бар сауда-логистикалық әлеуетті жоғары тиімділікпен пайдалануға мүмкіндік береді", - деді ол.
Форумның пленарлық отырысы барысында Жамбыл облысының әкімі Ербол Қарашөкеев пен Алматы облысының әкімі Марат Сұлтанғазиев, Қырғыз Республикасы Президентінің Талас облысындағы уәкілетті өкілі Нұрлан Дарданов пен Ыстықкөл облысындағы уәкілетті өкілі Иляз Иманбетов те сөз сөйледі.
Келесі кезекте екі елдің Үкімет басшылары Қазақстан-Қырғызстан үкіметаралық кеңесінің 11-ші отырысы хаттамасына, ал Шымкент және Ош қалалары, Ақтөбе және Жалал-Абад облыстары арасында бауырластық байланыстар орнату туралы меморандумдарға қол қойды.
Сонымен қатар форумның екі күнінің қорытындысына сәйкес құс етін, медициналық және кондитерлік өнімдерді, кешенді микротыңайтқыштарды, аммофосты, натрий цианидін, әктас пен тақтатастарды жеткізуді, сауда және делдалдық қызметтер көрсетуді, сондай-ақ жеңіл өнеркәсіп пен банк саласындағы бастамаларды іске асыруды көздейтін $65 млн-нан астам сома көлеміндегі бірқатар коммерциялық құжаттарға қол қойылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жамаубаев Қытаймен визасыз режимді жеделдетуді тапсырды
Сурет: primeminister.kz
2023 жылғы 22 қыркүйекте Премьер-Министрдің орынбасары-қаржы министрі Ерұлан Жамаубаев кедендік әкімшілендіруді дамыту және жетілдіру мәселелері бойынша, оның ішінде "Нұр Жолы" кеден бекеті, "Қорғас" ШЫХО қызметі мәселелері бойынша ҰҚК-нің Шекара қызметі, Ішкі істер министрлігі, Ұлттық экономика министрлігі, Әділет министрлігі, Сауда және интеграция минстрлігі, БҚжДА және Жетісу облысы әкімдігінің өкілдері қатысуымен кеңес өткізді, деп хабарлайды ҚР Премьер-министрінің баспасөз қызметінен.
Кеңесте "Нұр Жолы"кеден бекеті, "Қорғас" ШЫХО арқылы тауарларды өткізу, сондай-ақ қоғамдық тәртіпті көптеген бұзушылықтар сияқты мәселелер талқыланды.
Кеңес нәтижелері бойынша мемлекеттік органдарға бірқатар тапсырмалар берілді, соның ішінде:
- габаритті емес жүктері бар көлік құралдары үшін инфрақұрылымды дамыту және автомобиль жолын және "Нұр Жолы" кеден бекетінде габаритті емес жүктерді орналастыру үшін уақытша сақтау қоймаларында ашық алаң салу мәселесін қарастыру;
- сервистік қызмет көрсету үшін кеден инфрақұрылымы объектілерін сенімгерлік басқаруға беруге қатысты кеден заңнамасына өзгерістер енгізу мәселесін пысықтау;
- ШЫХО аумағында қоғамдық тәртіпті бақылауды күшейту;
- заманауи цифрлық шешімдерді пайдалана отырып, багажды қабылдау және тапсыру технологиясын жаңғырту;
- "Қорғас" ШЫХО кеден бекеті штат санын ұлғайту;
- электрондық кезектің үздіксіз жұмыс істеуін қамтамасыз ету мақсатында Ақпараттық жүйелерді толыққанды интеграциялау;
- Қытай тарапымен Қазақстан азаматтары үшін визасыз режимді қабылдау рәсімін жеделдету;
- жеке тұлғалар өткізетін тауарларға кедендік бақылауды жақсарту бойынша ведомствоаралық өзара іс-қимылды және шаралар қабылдауды күшейту.
Кеңесте берілген тапсырмаларды іске асыру және түйткілді мәселелерді шешу мақсатында атқарылатын мерзімдері нақты көрсетілген жол картасы әзірленіп, бекітілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Газ өндіруші кәсіпорын Қазақстан бюджетіне 6 млрд теңгеден астам қаражат төлеуге міндеттелді
Сурет: Depositphotos
Бас Прокурордың наразылығы бойынша жер қойнауын пайдаланушы бюджетке 6 млрд теңгеден астам ақша төлеуге міндетті, деп хабарлады мекеменің баспасөз қызметінен.
Шығыс Қазақстан облысының газ өндіруші кәсіпорны 2015 жылдан 2019 жылға дейін газды әлемдік нарықтық бағадан құнын төмендетіп сатқан және шетелге жөнелткен.
Салықты қосымша есептеу туралы фискалдық органның шешімімен келіспей, компания оның хабарламасына қарсы шығып сотқа берген.
Бұл даудың нүктесін Жоғарғы Сот қойды және Бас Прокурордың наразылығы бойынша салықтар мен өсімпұлдарды қосымша есептеу негізді деп тапты.
2023 жылдың өткен кезеңінде прокурорлардың өтініштері мен наразылықтары бойынша азаматтық және әкімшілік істер бойынша 210 сот актісі жойылып, өзгертілді, 14,9 млрд теңге сомаға мемлекеттің мүдделері қорғалды.
Сонымен қатар әлеуметтік-экономикалық саладағы тексерулер мен талдаулардың нәтижелері бойынша мемлекетке тағы 16 млрд теңге өтелді.
Осылайша, прокуратура органдары ел бюджетін 31 млрд теңгеге толықтыруды қамтамасыз етті, сондай-ақ мемлекетке қосымша заңсыз берілген және пайдаланылмаған 36 млрд теңгеге жер учаскелерін қайтарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда 2024 жылдан бастап балабақшаға балабақшаларға кезекке тұрудың бірыңғай кезегі іске қосылады
Сурет: Depositphotos
ҚР Премьер-Министрі Әлихан Смайыловтың төрағалығымен өткен Цифрландыруды енгізу мәселелері жөніндегі комиссия отырысында орман өрттеріне қарсы күрес жөніндегі жаңа шаралар мен балабақшаларға кезекке тұруды автоматтандыру үдерісі қаралды, деп хабарлайды Үкіметтің баспасөз қызметінен.
Жиынға қатысушылар өрт ошақтарын дер кезінде анықтауға және уәкілетті органдарға ақпаратты шұғыл жеткізуге мүмкіндік беретін орман өрттерін ерте анықтау жүйесін іске қосу мәселесін талқылады. Оның шеңберінде мемлекеттік орман қорын, ұлттық саябақтарды, қорықтарды және ерекше қорғалатын аймақтарды тәулік бойы бейнемониторинг жүйесімен және тәуелсіз түтін датчиктері желісімен қамту жоспарланып отыр.
Бұл ретте шешім қабылдау орталығын өзекті ақпаратпен қамтамасыз ететін және өрттерді оқшаулау және жою бойынша іс-қимылдарды үйлестіруге көмектесетін ұшқышсыз ұшу аппараттарын пайдалану көзделеді. Сонымен қатар ұшқышсыз ұшу аппараттарын қауіпсіз эвакуациялау жолдарын әзірлеу, сондай-ақ зардап шеккендерді іздеп табу және құтқару үшін пайдалану жоспарланып отыр.
Естеріңізге сала кетейік, тамыз айында Үкімет басшысы ҚР ТЖМ бөлімшелері үшін 71 ұшқышсыз ұшу аппаратын және 12 су шашу құрылғысын сатып алуды көздейтін қаулыға қол қойған болатын. Бұл мақсатқа Үкімет резервінен 633 млн теңгеден астам қаржы бөлінді.
Отырыста ҚР Президенті Қасым-Жомарт Тоқаевтың сайлауалды бағдарламасын іске асыру шеңберінде әзірленген Мектепке дейінгі ұйымдар үшін есепке алудың бірыңғай базасын құру мәселесі де талқыланды. Оны пилоттық режимде осы жылдың қазан айында іске қосу жоспарланып отыр, ал 2024 жылдың қаңтарынан бастап бүкіл республика бойынша қолданылады.
Премьер-Министр балабақшаға кезекке қою және кезекті жылжыту үдерісін толық цифрландыру оның ашықтығын қамтамасыз етіп, сыбайлас жемқорлықтың алдын алуға мүмкіндік беретінін атап өтті.
Сонымен қатар отырыс барысында жасанды интеллект технологияларын дамыту, мемлекеттік қызметтерді проактивті форматқа көшіру, мемлекеттік аппараттың негізгі үдерістерін цифрландыру, бизнес субъектілерінің қызметін мемлекеттік бақылау және қадағалау жүйесін автоматтандыру мәселелері қаралды. Бұл тексерулерді тағайындау кезінде адами факторды, сондай-ақ басқа да бірқатар мәселелерді болдырмауға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.