03.04.2023, 16:28 50416

Қазақстан Энергетика министрлігі бензин мен дизель отынының шекті бағасын көтеруді жоспарлап отыр

Бұйрықтың тиісті жобасы бүгін жарияланады

Астана. 3 сәуір. KAZAKHSTAN TODAY - Қазақстан Энергетика министрлігі АИ-92, АИ-93 бензині мен дизель отынының шекті бөлшек бағасын көтеруді жоспарлап отыр. Бұл туралы ОКҚ брифингінде энергетика министрінің міндетін атқарушы Болат Ақшолақов мәлімдеді.

Министрдің міндетін атқарушының айтуынша, бұйрықтың тиісті жобасы бүгін жарияланады.

Мұндай жағдайда шекті бөлшек сауда бағаларын көтеру арқылы Қазақстан мен көрші елдер арасындағы жанар-жағармай бағасының айырмасын төмендету қажет. Сондықтан біз күрделі, бірақ сонымен бірге қажетті қадамға баруымыз керек - шекті бөлшек сауда бағасын көтеру", - деді Ақшолақов.

Атап айтқанда, энергетика министрлігі басшысының м.а. есептегендей, АИ-92 және АИ-93 маркалы бензин бағасын литріне 182-187 теңгеден 205 теңгеге дейін арттыру қажет. Бұл ретте өсім 11% құрайды.

Дизель отынына бағаны орта есеппен 20%-ға көтеру ұсынылады - литріне 230-260 теңгеден 295 теңгеге дейін.

Егер баға айырмашылығын қазір қысқартпасақ, жақын арада біз жанармай тапшылығына тап боламыз. Сонымен қатар, бұл саланы одан әрі дамыту жолдарын жауып, елдің энергетикалық қауіпсіздігіне қауіп төнеді", - деп түйіндеді спикер.

03.04.2023, 16.50 толықтырылды

Ведомство басшысы жанар-жағармай ішкі нарығындағы ағымдағы жағдай туралы айтып берді.

Үш мұнай өңдеу зауытында жаңғырту жұмыстары аяқталғаннан кейін мұнай өңдеу көлемі 3 млн тоннаға өскен. Қазір жылына шамамен 17 млн тонна шикі мұнай өңделеді. Соңғы бес жылда біз бензин шығару көлемін 70%-ға, яғни бұл 3 млн-нан 5 млн тоннаға дейін, дизель отынын өндіруді 30%-ға - 4 млн нан 5,2 млн тоннаға дейін өсірдік. Қазақстан өткен жылы дизель отынын шығару бойынша рекордты көрсеткіш - 5,2 млн тоннаға қол жеткізсе де, қазіргі кезде еліміздің бірқатар өңірінде дизель отынының тапшылығы байқалып отыр. 350 мың тонна көлеміндегі тапшылықты қымбат бағадағы импорттық отынмен жабуға мәжбүр болғанбыз", - деді Б. Ақшолақов.

Оның сөзінше, нарықтағы дизельге сұраныстың тұрақты өсу себебінің негізгі факторларының бірі - транзиттік көлік ағыны, бұдан басқа, Қазақстаннан шетелге "сұр" схема бойынша алып кетіп жатқан экспорт.

Қазақстанда дизель отынының тапшылығының басты себебі - бағадағы диспропорция. Қазақстан әлемдегі жанармайы арзан он елдің қатарына кіреді және отандық отын бағасы көрші елдермен салыстырғанда айтарлықтай арзан. Мысалы, Ресейде дизель отынының бағасы орташа есеппен алғанда бір литрі үшін 345 теңге, яғни біздің нарықтағы бағадан 45%-ға қымбат. Қырғызстандағы баға 64%-ға жоғары, яғни литріне 390 теңге, Өзбекстандағы бағасы біздегімен салыстырғанда екі есеге қымбат - литріне 480 теңге", - деп атап өтті Энергетика министрлігінің басшысы.

Сонымен қатар, оның айтуынша, көрші елдердегі жағдай біздің ішкі жанар-жағармай нарығына айтарлықтай әсер етеді. Мысалы, өткен жылдың наурыз айында Ресей Федерациясындағы дизель отынының бөлшек сауда бағасы Қазақстанның ішкі нарығындағы баға деңгейіне дейін төмендеген. Нәтижесінде, Ресеймен шекаралас жанармай құю станцияларында жанармай сатылымы айтарлықтай төмендеді, өйткені баға тепе-теңдігіне байланысты оны біздің елден шығаруға қызығушылық жоғалды.

Бірақ бір айдан кейін көрші елдер мен Ресейде бөлшек сауда бағасының күрт өсуі байқалды. Нәтижесінде, күзде дизель отыны өндірісінің ұлғаюына қарамастан, біз оның тапшылығына тап болдық", - деді энергетика министрінің міндетін атқарушы.

Биыл бағаның айырмашылығы сақталып отыр. Қорытындылай келе, наурыз айында біз өткен жылдың сәйкес кезеңімен салыстырғанда 15% құрайтын тұтынудың өскенін көріп отырмыз, деді спикер.

Мұндай жағдайда дизель отыны басқа елдерге және одан да көп көлемде әкетіледі. Біз 850 мың тонна көлемінде дизель отынының тапшылығына тап болуымыз мүмкін", - деді энергетикалық ведомство басшысының м.а.

Сонымен қатар, ол егер бұрын тапшылық өндіріс көлемін ұлғайту есебінен жабылса, қазір МӨЗ өз мүмкіндіктерінің шегінде жұмыс істеп жатқанын атап өтті. Спикердің айтуынша, алдағы 6 жылда дизель отыны мен жанар-жағармай өндірісінің көлемінің едәуір ұлғаюына сенім артуға болмайды, өйткені осы кезеңде Шымкент МӨЗ-ін қайта құру жобасы жүзеге асырылатын болады.

Осылайша, Қазақстан өзінің арзан отынымен басқа елдердің экономикасын өзінің ұлттық мүдделеріне нұқсан келтіре отырып, іс жүзінде субсидиялап отыр, деп түйіндеді Б. Ақшолақов.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

14.01.2026, 21:26 18656

Қазақстанда көлеңкелі экономикамен күресу үшін деректерді талдаудың цифрлық платформасы құрылады

Үкіметте вице-премьер - ұлттық экономика министрі Серік Жұманғариннің төрағалығымен "көлеңкелі" экономикаға қарсы іс-қимыл мәселесі бойынша жиын өтті, деп хабарлайды Үкіметтің баспасөз қызметінен.

Көлеңке" деңгейін азайту бойынша жүйелі күрес шеңберінде өткен жылы жаңа тәсілдер енгізілді. Мемлекеттік органдардың даму жоспарларына тиісті KPI енгізілді. Көлеңкеде қалу қаупі зор сауда, құрылыс, көлік, денсаулық сақтау, білім беру, ауыл шаруашылығы секілді секторларда салалық жол карталары әзірленіп, жүзеге асырылуда.

Қаржы вице-министрі Ержан Біржанов атап өткендей, салалық жол карталарын жүзеге асыру алдын алу шараларының тиімді болуына мүмкіндік берді. Айналымдарды заңдастыру бойынша белгілі бір нәтижеге қол жеткізілді. Мысалы, ішкі саудада көлеңкелі айналым деңгейі 3,54%-дан 2,97%-ға дейін, білім беруде 1,52%-дан 1,1%-ға дейін, ауыл шаруашылығында 1,88%-дан 1,73%-ға дейін төмендеді. 2024 жылдың қорытындысына қарайтын болсақ, ЖІӨ-дегі көлеңкелі экономиканың үлесі 16,71%-ға қысқарды. 2025 жылдың қорытындысы осы жылдың тамыз айында шығарылады.

Цифрландырудың қарқынды дамуы және цифрлық арналарды пайдалану арқылы жаңа көлеңкелі схемалардың пайда болуы шашыраңқы салалық жол карталарынан көлеңкелі экономикаға қарсы іс-қимылдың бірыңғай кешенді жоспарын қалыптастыруға көшу туралы шешімге алып келді. Smart Data Finance негізінде мемлекеттік органдардың ақпараттық жүйелерін біріктіретін және деректерді талдау мен өңдеуде жасанды интеллект құралдарын қолданатын цифрлық платформа құрылады.

Цифрлық платформа салық, кеден, еңбек және салалық жүйелердің дерегін салыстыруға, сұр схемаларды қолдануға бейім анағұрлым осал буындарды анықтауға, сондай-ақ олардың экономика секторлары арасындағы қозғалысын бақылауға мүмкіндік береді. Сонымен қатар ЖИ құралдары Кешенді жоспардың орындалуын бақылау мен нысаналы көрсеткішке қол жеткізу тиімділігін бағалауда қолданылады.

Кешенді жоспар мен цифрлық платформа Үкіметтің көлеңкелі операциялар өрісін тарылту жөніндегі дәйекті жұмысының келесі кезеңі болады. Көлеңкеге бейім салаларды цифрландыру бойынша ауқымды жұмыс жүргізілуде. Тауарлардың ұлттық каталогы, отандық өндірушілердің тізілімі, тауарларды таңбалау мен қадағалау, цифрлық теңге мен цифрлық ҚҚС енгізіліп, ЭШФ барлық жерде қолданылады.

Сұр схемалардың қолданылуына анағұрлым осал саланың бірі - саудадағы көлеңкелі айналымды азайтудың қосымша шаралары қабылдануда. Нарықтағы қызметті жаңғырту мен ретке келтіру баға белгілеудің ашықтығын арттыруға арналған көтерме сатып алу стандартын енгізу есебінен қамтамасыз етіледі.

Жиын қорытындысы бойынша вице-премьер мемлекеттік органдарға Қаржы мониторингі агенттігімен бірлесіп бір ай ішінде нақты цифрлық шешімдермен және ұсыныстармен көлеңкелі экономикаға қарсы іс-қимылдың кешенді жоспарын әзірлеуді тапсырды.

13.01.2026, 21:53 30796

2026 жылы өңдеу өнеркәсібі ЖІӨ өсімінің драйверіне айналады

Сурет: primeminister.kz

Үкіметте вице-премьер - ұлттық экономика министрі Серік Жұманғариннің төрағалығымен экономикалық өсуді қамтамасыз ету жөніндегі штабтың биылғы бірінші отырысы өтті. Онда 2026 жылғы экономикалық дамудың жоғары қарқынын қолдау құралдары негізгі талқылау тақырыбына айналды, деп хабарлайды Үкіметтің баспасөз қызметінен.

2026 жылғы негізгі бағыт - өңдеу өнеркәсібін ЖІӨ-нің өсу көзінің бірі ретінде дамыту. Вице-премьердің тапсырмасы бойынша Өнеркәсіп және құрылыс министрлігі әр секторға қатысты шараларды егжей-тегжейлі пысықтай отырып, өңдеу өнеркәсібін дамытудың жол картасын әзірледі.

Экономикалық штаб отырыстарында саланың экономикадағы жүйелік рөлін ескере отырып, саладағы әрбір бөлікті жекелей, әлсіз жағы мен шектеулерді, өсудегі кедергілерді талдай отырып қарау туралы шешім қабылданды.

Проблемаларды және даму әлеуетін кешенді талқылау үшін экономикалық штабтың жұмысына салалық қауымдастықтар мен нарықтағы ірі қатысушылар тартылмақ.

Өңдеу өнеркәсібінің шамамен 40%-ын құрайтын металлургияға ерекше назар аударылуда. 2026 жылы металлургиядағы нақты көлем индексі (НКИ) түсті және қара металлургияны дамыту есебінен 103% деңгейінде болжанып отыр. Металлургияның елеулі үлесі саудада да сақталуда. Ол - шамамен 5%. Бұл өндірістің нақты көлемін ұлғайту есебінен сауда айналымының өсуіне қосымша үлес қоспақ.

Машина жасауда да тұрақты өсім болжануда. Ол 2026 жылы 13,4% болуы мүмкін. Атап айтқанда, жеңіл автомобиль, жүк және арнайы техника, өздігінен жүретін ауыл шаруашылығы техникасы, ашық вагон, теміржол платформасы мен тұрмыстық техника шығаруды ұлғайту арқылы жүзеге асырылады.

Химия өнеркәсібінде қолданыстағы және жаңа инвестициялық жобаларды жүзеге асыру есебінен 7%-ға өсім күтілуде.

Құрылыс материалын өндіруде 6% деңгейіндегі өсімге портландцемент, керамикалық плитар, темірбетон бұйымы мен тауарлық бетон өндірісін ұлғайту есебінен қол жеткізу жоспарлануда.

Құрылыс саласы 2025 жылдың қорытындысы бойынша рекордтық көрсеткішке жетіп, 20,1 млн шаршы метр тұрғын үй пайдалануға берілді. Вице-премьер ӨҚМ мен өңірлердің алдына 2026 жылы да белгіленген қарқынды сақтау міндетін қойды.

Биыл саудадағы нақты көлемді +6,5%-дан кемітпеу мақсаты қойылды. Оған жету үшін айналым мен экспортты кеңейтудің құрылымдық факторына баса назар аударылады. Бұл - АӨК өнімін, оның ішінде астықты сыртқы көтерме сауда нарығына жеткізуді ұлғайту, ел ішіндегі азық-түлік және азық-түлік емес тауар өндірісін ұлғайту.

Саудадағы НКИ-ді өсірудің негізгі драйвері ретінде ұйымдасқан көтерме буынды дамыту қарастырылып отыр. Биылдан бастап өндірушілер мен ішкі сауда субъектілері арасында тікелей жеткізуді қамтамасыз ететін көтерме B2B электрондық сауда алаңдары толық іске қосылады. Отандық тауарды өткізу нарығы кеңеюде. Осы жылы баға белгілеудің ашықтығын арттыруға, артық делдалды қысқартуға және бизнес үшін болжамды жағдайды қалыптастыруға бағытталған көтерме сатып алу стандарты енгізіледі.

Сауда кеңістігінің кемінде 30%-ын қазақстандық өнімге міндетті түрде бөлуді көздейтін жаңартылған ішкі сауда ережесі отандық өндіруші үшін қосымша ынталандыру болмақ. Сондай-ақ, оған көлеңкелі тауар айналымының негізгі көзі ретіндегі нарықтың қызметін лицензиялау мен ретке келтіру, жеткізілім тізбегін цифрландыру мен қадағалау шаралары да елеулі үлес қосады.

Көлік және қоймалау саласында да жоғары өсу қарқыны сақталып отыр. Бірінші тоқсанда 6,1%-ға өсу болжануда. Бұл ретте 305,3 млн тонна болатын (+13,3%) жүк тасымалы мен 496,6 млн адам құрайтын (+12,2%) жолаушы тасымалы бірдей үлес қоспақ. Жыл қорытындысы бойынша саладағы өсім +9,6% деңгейінде болады деп болжанып отыр. Бұл көрсеткіштерге қол жеткізу 11 мың шақырым автожолды жөндеу, "Қызылжар-Мойынты" және "Дарбаза-Мақтаарал" теміржол желілерінің құрылысын аяқтау, Зайсан, Катонқарағай және Кендірлі әуежайларын іске қосу, теміржол және аэровокзалдарды жаңғырту, сондай-ақ көлік паркін жаңарту есебінен жоспарлануда.

Отырыс соңында вице-премьер өңірлерге бюджетті қатаң шоғырландыру жүріп жатқан жағдайда экономиканың негізгі салалары бойынша өсу қарқынын төмендетіп алмауды тапсырды. Сондай-ақ, жарияланып отырған Цифрландыру және жасанды интеллект жылында экономиканың тиісті секторының экономикалық дамуына ерекше назар аударылатыны атап өтілді.

13.01.2026, 14:23 43251

Қазақстанда дәрі-дәрмектер мен медициналық қызметтердің ауқымды тізбесі ққс-тан босатылды

Қазақстанда тегін медициналық көмектің кепілдік берілген көлемі (ТМККК) және міндетті әлеуметтік медициналық сақтандыру (МӘМС) шеңберінде ұсынылатын медициналық қызметтер мен дәрілік препараттар қосылған құн салығын (ҚҚС) төлеуден босатылды, деп хабарлайды Қазақстан Республикасы Денсаулық сақтау министрлігінің баспасөз қызметінен.

Тиісті шаралар дәрілік заттардың 3000-нан астам атауын қамтиды, оның 1 200 атауы орфандық және әлеуметтік мәні бар ауруларды емдеуге арналған, сондай-ақ көтерме және бөлшек саудада сату кезінде ҚҚС-тан босатылуға жатады.

Сондай-ақ сирек және әлеуметтік мәні бар ауруларды емдеу, диагностикалау, алдын алу және оңалту бойынша медициналық қызметтерге ҚҚС салынбайды.

Қосымша қосылған құн салығынан ТМККК және МӘМС шеңберінде дәрілік заттарды өндіру үшін пайдаланылатын импортталатын фармацевтикалық субстанциялар босатылады.

Аталған шаралар 2025 жылғы 31 желтоқсанда қабылданған "Денсаулық сақтау саласындағы қосылған құн салығынан босатудың кейбір мәселелері туралы" Қазақстан Республикасы Үкіметінің № 1203 қаулысымен бекітілген және 2026 жылғы қаңтардан бастап күшіне енетін Қазақстан Республикасының жаңа Салық кодексі шеңберінде іске асырылады.

Қабылданған шешім пациенттерді қолдауға және медициналық көмектің қолжетімділігін арттыруға, сондай-ақ медициналық ұйымдарға қаржылық жүктемені азайтуға және отандық фармацевтика саласын дамыту үшін қолайлы жағдайлар жасауға бағытталған.

Бұдан басқа, жаңа Салық кодексіне сәйкес көтерме және бөлшек сауда сегменттерінде дәрілік заттар мен медициналық бұйымдарды өткізу кезінде ҚҚС төмендетілген мөлшерлемесін қолдану көзделген. 2026 жылғы қаңтардан бастап ҚҚС мөлшерлемесі 5 %-ды, ал 2027 жылғы 1 қаңтардан бастап - 10%-ды құрайды.

Сонымен бір мезгілде Денсаулық сақтау министрлігі Қазақстан Республикасының бәсекелестікті қорғау және дамыту агенттігімен бірлесіп рецептілік дәрілік заттарды реттеу мерзімін 2027 жылғы 1 қаңтарға дейін ұзарту туралы шешім қабылдады.

Осы шараларды іске асыру денсаулық сақтау жүйесін жетілдіру және халықты әлеуметтік қорғауды нығайту жөніндегі кешенді мемлекеттік саясаттың бөлігі болып табылады.

Өткен жылдың ортасында Денсаулық сақтау министрлігі бөлшек сауда желісіндегі дәрілік заттарға шекті бағаларды реттеу тетігін енгізгенін естеріңізге сала кетейік. Нәтижесінде бүгінде 3 780 атау бойынша дәрілік препараттардың бағасы орта есеппен 26 %-ға төмендегені тіркелді.

2025 жылы шекті бағаны бұзудың 28 фактісі анықталып, жалпы сомасы 5,7 млн теңгеге әкімшілік құқық бұзушылық туралы хаттамалар жасалды.

Дәріханаға барған кезде дәрілік заттардың өзекті бағаларын Dari.kz мобильдік қосымшасы арқылы тексеруге болады.

13.01.2026, 10:45 44801

Жоғары маржиналды дақылдардың егістік алқаптарын ұлғайту стратегиясы 2026 жылы да жалғасады

Сурет: Depositphotos

Үкіметте вице-премьер - ұлттық экономика министрі Серік Жұманғариннің төрағалығымен жаңа маусымдағы көктемгі дала жұмыстарына дайындық жөнінде осы жылғы алғашқы жиын өтті, деп хабарлайды Үкіметтің баспасөз қызметінен.

Ауыл шаруашылығы вице-министрі Азат Сұлтановтың хабарлауынша, биыл егістік алқаптарының жалпы көлемі 23,8 млн гектарды құрайды, бұл 2025 жылмен салыстырғанда 180 мың гектарға артық. Егісті әртараптандыру стратегиясы аясында дәнді дақылдар алқаптары қысқартылып, 15,9 млн гектар болды, бұл өткен жылмен салыстырғанда 112,4 мың гектарға аз. Негізінен бұл бидай егістігінің қысқаруы есебінен жүзеге асады: биыл ол 12,1 млн гектар болады, ал өткен жылы 12,2 млн гектар болған еді.

Сонымен қатар жоғары маржиналды және қайта өңдеуде сұранысқа ие дақылдардың егістік алқаптары ұлғайтылуда. Мәселен, майлы дақылдар 55,2 мың гектарға артып, 4,045 млн гектарды құрайды, арпа - 93,8 мың гектарға (2,4 млн гектар), жүгері - 42,9 мың гектарға (217,5 мың гектар), мал азықтық дақылдар - 37,4 мың гектарға (3,1 млн гектар) ұлғаяды.

Жамбыл облысында жүгеріні терең өңдеу бойынша Fufeng Group компаниясының тік интеграцияланған жаңа индустриялық паркін шикізатпен қамтамасыз ету үшін жүгері егістігін едәуір арттыру қажет. Биыл алғашқы кезеңді іске қосу барысында зауытқа 500-700 мың тонна жүгері қажет болады, ал кейін бұл көлем 1 млн тоннаға жетеді. Мал азықтық дақылдар алқаптарының ұлғаюы биыл мал шаруашылығын дамытуға арналған кешенді бағдарламаның басталуымен байланысты болмақ", - деп атап өтті Азат Сұлтанов.

Жаңа вегетациялық кезеңге дайындық және Қазақстанның оңтүстік өңірлерінде егістік көлемінің болжамды ұлғаюы аясында Қызылорда, Түркістан және Жамбыл облыстарының фермерлерімен кездесулер өткізілді. Су көп қажет ететін дақылдарды азайтып, оның орнына су сыйымдылығы төмен әрі терең өңдеудің жаңа өндірістерінде сұранысқа ие дақылдарға көшу нұсқалары талқыланды. Атап айтқанда, Қызылорда облысында күріш егістігін 8,5 мың гектарға, Түркістан облысында 7,4 мың гектарға қысқарту мәселесі қарастырылуда. Мақта егістігінің болжамды көлемі 148,5 мың гектар болған жағдайда, тамшылатып суару қолданылатын алқаптар 15 мың гектарға ұлғаяды, ал дәстүрлі суару әдістері қолданылатын алқаптар 11 мың гектарға қысқартылады. Барлық мәселелерді пысықтау үшін жұмыс тобы құрылды.

Кеңес қорытындысы бойынша Серік Жұманғарин Ауыл шаруашылығы, Су ресурстары және ирригация министрліктеріне ауыл шаруашылығы жерлерін ұтымды пайдалану, заманауи суару және ирригация әдістерін қолдануды ескере отырып, жерді пайдалану жөніндегі егжей-тегжейлі жоспар әзірлеуді тапсырды.

Табысты егіс науқанының негізгі құрамдас бөліктері - тыңайтқыштар, сапалы тұқым және арзандатылған дизель отыны. Қажетті ресурстарды уақтылы сатып алу үшін Аграрлық несие корпорациясы өткен жылдың қазан айынан бастап фермерлерден жеңілдікпен несиелеуге өтінім қабылдауды бастады. Бүгінгі күні жалпы сомасы 241 млрд теңгеге 1 694 өтінім түсті. Оның ішінде 1 520 ауыл шаруашылығы тауарын өндіруші 180 млрд теңге көлемінде қаржы алды. Өтінімдердің ең көбі Түркістан (28%), Ақмола (13%), Солтүстік Қазақстан (13%), Қостанай (11%) және Қарағанды (6%) облыстарынан.

Егіс науқанына арналған арзандатылған дизель отыны бойынша Gosagro жүйесі арқылы жалпы көлемі 454,3 мың тоннаны құрайтын шамамен 18 мың өтінім қабылданды, бұл өткен жылмен салыстырғанда 8,8 мың тоннаға артық. Жиынтық қажеттілік Энергетика министрлігіне жолданды. Вице-премьер Энергетика министрлігіне шаруаларға арналған дизель отынының жеңілдікті бағасын қысқа мерзімде айқындауды және өңірлерді мұнай өңдеу зауыттарына бөлу кестесін бекітуді тапсырды. Дизель отынын жеткізу ақпан айында басталады.

2026 жылғы көктемгі егіске қажетті 2,3 млн тонна тұқымның ішінде 1,5 млн тонна жаздық дақылдар сараптамаға жеткізілді. Алдын ала тексеруден 1,3 млн тонна тұқым өткізілді, оның 98,1%-ы кондициялық деп танылды, яғни егу стандартының 1 және 2 сыныбына сәйкес келеді.

Биыл минералды тыңайтқыштар себу жоспары 2,3 млн тоннаны құрайды. Оларды уақтылы сатып алу және енгізу бойынша тиісті тапсырмалар берілді.

Келесі отырысқа агротехнологияларды, суару әдістерін қолдану және суармалы суға қажеттілікті есептеу жұмыстары қамтылған 2026 жылғы егін егу науқаны бойынша толық есептер мен жоспарлар пакетін ұсыну міндеті қойылды.

12.01.2026, 15:29 45121

Қазақстанда 2025 жылы 33 жаңа өнеркәсіптік кәсіпорын іске қосылды

Мемлекет басшысының тапсырмаларын жүзеге асыру шеңберінде Өнеркәсіп және құрылыс министрлігі экономиканы индустриялық дамыту және әртараптандыру бойынша жұмыстар жүргізуде. 2025 жылы 33 жаңа өнеркәсіптік кәсіпорын пайдалануға берілді. Жаңа нысандар еліміздің әртүрлі аймақтарында орналасқан және машина жасау мен металлургиядан бастап химия және жеңіл өнеркәсіпке дейінгі өндірістік бағыттардың кең ауқымын қамтиды, деп хабарлайды Үкіметтің баспасөз қызметінен.

Іске қосылған өндірістік нысандар қатарында:

"Astana Motors Manufacturing Kazakhstan" ЖШС (Алматы қаласы, машина жасау) Инвестициялар - 182 млрд теңге, 3 600 жұмыс орны, қуаты жылына 120 мың жеңіл автокөлік шығару.
"KIA Qazaqstan" ЖШС (Қостанай облысы, машина жасау), қуаты - жылына 70 мың бірлік автомобиль, инвестициялар - 131,5 млрд теңге, 1500 жұмыс орны.
"EkibastuzFerroAlloys" ЖШС (қара металлургия, Павлодар облысы), қуаты - 240 мың тонна ферросилиция, инвестициялар - 92,4 млрд теңге, 800 жұмыс орны
"KamLitKZ" ЖШС (Қостанай облысы, машина жасау), қуаты - жылына 74 000 бірлік, инвестициялар - 82,5 млрд теңге, 550 жұмыс орны.
"KamLitKZ" ЖШС, Қостанай облысы, қуаты - жылына 90 000 бірлік, инвестициялар - 78,2 млрд теңге, 100 жұмыс орны
"Qaragandy Power Silicon" ЖШС (Қарағанды кешенді қорытпалар зауыты), (қара металлургия, Қарағанды облысы), қуаты - жылына 175 мың тонна, инвестициялар - 62,7 млрд теңге, 1145 жұмыс орны.
"ТЭМПО-Казахстан" ЖШС (қара металлургия, Қарағанды облысы), қуаты - жылына 250 мың тонна, инвестициялар - 37,9 млрд теңгеден астам, 547 жұмыс орны
"ТексолТранс" ЖШС (машина жасау, Атырау облысы), инвестициялар - 30,8 млрд теңге, 180 жұмыс орны құрылды, шығару - 2 160 жартылай вагон, 885 платформа, 165 жабық вагон және 900 цистерна.
"Kazferro Limited" ЖК (қара металлургия, Павлодар облысы), ферросилиций өндірісі - 60 000 тонна, инвестициялар - 27 млрд теңгеден астам, 350 жұмыс орны.
"Гранд Материк" ЖШС (жеңіл өнеркәсіп, Атырау облысы): полиэтиленнен қап шығару - жылына 200 000 дана, инвестициялар - 10 млрд теңге, 35 жұмыс орны.
"CENTRAL ASIA ALUMINIUM" ЖШС (түсті металлургия, Түркістан облысы): алюминий профилінің өндірісі - жылына 20 мың тонна, инвестициялар - 8 млрд теңге, 250 жұмыс орны.
"Sauran Bricks" ЖШС (құрылыс материалдарын өндіру, Шымкент қаласы): автоклавты газоблокты шығару - жылына 200 мың м3 дейін, инвестициялар - 7,8 млрд теңге, 150 жұмыс орны.
"СЛ Групп" ЖШС (түсті металлургия, Алматы облысы): қуаты - жылына 20 000 дана радиатор, инвестициялар - более 7,3 млрд теңге, 200 жұмыс орны.
"Евразийский Механический завод" ЖШС (машина жасау, Павлодар облысы), қуаты - жылына 8 700 бұйым, инвестициялар - 7,2 млрд теңгеден астам, 60 жұмыс орны
"Hong Shun"ЖШС (химия өнеркәсібі, Алматы облысы): қуаты - жылына 200 000 тонна, инвестициялар - 7 млрд теңгеден астам, 90 жұмыс орны
"Алтын Дала Мақта" ЖШС (резеңке және пластмасса бұйымдарын өндіру, Түркістан облысы): қуаты - тәулігіне 60 тонна, инвестициялар - 6,7 млрд теңге, 60 жұмыс орны.
"ТК Газоблок" ЖШС (құрылыс материалдарын өндіру, Алматы облысы): минералды жылытқыштар шығару - жылына 15 000 тонна металл конструкциясы, инвестициялар - 6,2 млрд теңге, 50 жұмыс орны
"Қазақстандық ыстық мырыштау зауыты" ЖШС: (түсті металлургия, Қарағанды облысы): қуаты - жылына 48 000 тонна, инвестициялар - 6,2 млрд теңге, 115 жұмыс орны
"Синтез Урал" ЖШС (химия өнеркәсібі, Батыс Қазақстан облысы): қуаты - жылына 10 000 тонна метилэтанол, инвестициялар - 6 млрд теңге, 35 жұмыс орны.
"KazFeltec" ЖШС (жеңіл өнеркәсіп, Ақтөбе облысы): қуаты - жылына 2 112 тонна, инвестициялар - 5 млрд теңге, 40 жұмыс орны.
"ALLIANCE BUILDINGS" ЖШС (құрылыс материалдарын өндіру, Шымкент қаласы):қуаты - жылына 150 000 бірлік, инвестициялар - 4,8 млрд теңгеден астам, 200 жұмыс орны
"KazPan" ЖШС (құрылыс материалдарын өндіру, Астана қаласы): қуаты - жылына 1,5 млн м2, инвестициялар - 4,5 млрд теңге, 50 жұмыс орны.
"Bir beldeu bir zhol technology" ЖШС (машина жасау Түркістан облысы): қуаты - жылына 518,4 мың дана, инвестициялар - 4,2 млрд теңге, 45 жұмыс орны.
"QILU Agro" ЖШС (машина жасау Солтүстік Қазақстан облысы), қуаты - жылына 1 000 бірлік техника, инвестициялар - 3,5 млрд теңге, 50 жұмыс орны, шығару - тракторлар 500 бірлік, тіркеме техникасы 150 бірлік, аспалы техника 200 бірлік, суару жүйелері 150 бірлік.
"MARVIK PARTNERS" ЖШС (жеңіл өнеркәсіп, Шымкент қаласы): қуаты - жылына 8 млн сызықтық метр мата, инвестициялар - 3,2 млрд теңге, 200 жұмыс орны.
"Himmel Aluminium" ЖШС (қара металлургия, Шымкент қаласы): қуаты - құю 14 400 тонна, жаншу 2 400 тонна, сырлау 6 000 тонна, инвестициялар - 3,2 млрд теңге, 150 жұмыс орны.
"Euro Glass" ЖШС (құрылыс материалдарын өндіру, Шымкент қаласы): қуаты - жылына 500 мың м2, инвестициялар - 3 млрд теңге, 50 жұмыс орны.
"Алтын Групп" ЖШС (машина жасау, Алматы қаласы): қуаты - жылына 250 000 модуль, инвестициялар - 2,9 млрд теңге, 87 жұмыс орны.
"Багдар ЛТД" ЖШС (құрылыс материалдарын өндіру, Алматы қаласы): қуаты - жылына 67,1 млн дана, инвестициялар - 2,4 млрд теңге, 58 жұмыс орны.
"БайконурСтройСнаб" ЖШС (машина жасау, Астана қаласы): қуаты - жылына 240 000 тежегіш бөлшек, инвестициялар - 1,5 млрд теңгеден астам, 45 жұмыс орны.
"Kapital Construction" ЖШС (қара металлургия, Алматы қаласы): қуаты - жылына профильді құбырлар - 1,7 мың тонна, арматуралық тор - 510 мың м2, кварц агломераты - 25,5 мың м2, инвестициялар - 1,5 млрд теңгеден астам, 100 жұмыс орны.
"AynaGlass" ЖШС (құрылыс материалдарын өндіру, Қызылорда облысы): қуаты - жылына 720 мың м2, инвестициялар - 1,5 млрд теңге, 55 жұмыс орны.
"ПолиТрейд Қазақстан" ЖШС (резеңке және пластмасса бұйымдарын өндіру, Шымкент қаласы): қуаты - жылына 100 млн метр, инвестициялар - 1,3 млрд теңге, 30 жұмыс орны.

Жаңа өндірістердің іске қосылуы экономиканы әртараптандыруға, өңірлерді дамытуға және елдің өнеркәсіптік базасын нығайтуға маңызды үлес болды. Жүзеге асырылған жобалар 10 мыңнан астам жұмыс орнын ашуға және 841 млрд теңгеден астам инвестиция тартуға мүмкіндік берді, бұл одан әрі экономикалық өсу үшін берік негіз қалыптастырады.

12.01.2026, 13:26 45511

Қазақстанның 2025 жылғы ЖІӨ өсімі 6,5%-ды құрады

Сурет: Depositphotos

Ұлттық статистика бюросының алдын ала деректеріне сәйкес, 2025 жылдың қаңтар-желтоқсан айларының қорытындысы бойынша Қазақстанның жалпы ішкі өнімі өткен жылдың осы кезеңімен салыстырғанда 6,5%-ға өсті, деп хабарлайды Үкіметтің баспасөз қызметінен.

Мемлекет басшысының тапсырмасы бойынша Үкімет экономиканы әртараптандыру жөнінде жүйелі шаралар қабылдауда. Өткен жылы экономикалық өсімге негізгі үлесті көлік, құрылыс және сауда салалары қосты.

Өнеркәсіп өндірісінің индексі жыл қорытындысы бойынша 7,4%-ды құрады. Өңдеу секторы 6,4% деңгейінде тұрақты өсімді көрсетуде. Көрсеткіштер азық-түлік өндірісінің 8,1%-ға, өңделген мұнай өнімдерін өңдеу 5,9%-ға, химия өнеркәсібі өнімдерінің 9,8%-ға, металлургияның 1,2%-ға, машина жасау өнімдерінің 12,9%-ға ұлғаюына байланысты қамтамасыз етілді. Өсім Ақтөбе, Алматы, Атырау, Батыс Қазақстан, Жамбыл, Жетісу, Қарағанды, Қостанай, Маңғыстау, Павлодар, Солтүстік Қазақстан, Ұлытау, Түркістан облыстарында, Астана, Алматы және Шымкент қалаларында байқалды.

Жыл қорытындысы бойынша көлік және қоймалау саласындағы өсім 20,4%-ды құрады (қаңтар-қарашада - 20,3%). Бұл жүк тасымалы көлемінің, ең алдымен автомобиль және теміржол көлігі арқылы тасымалдаудың ұлғаюына, сондай-ақ бірқатар өңірде жолаушылар тасымалының артуына байланысты болды. Қосымша көлік қызметтерінің, оның ішінде жүктерді экспедициялау, әуе қозғалысын басқару, әуежайлардың, қоймалар мен пакгауздардың қызметтерінің, астық және тоңазытылған жүктерді сақтау қызметтерінің көлемінің артуы байқалады.

Құрылыс саласында өсім 15,9%-ды құрады, бұл 2025 жылғы қаңтар-қараша (14,7%) көрсеткішінен жоғары. Өсім жайлы мектептер, медициналық нысандар, көлік және инженерлік инфрақұрылымдар салуды қоса алғанда, инфрақұрылымдық және әлеуметтік жобаларды жүзеге асырумен қамтамасыз етілген. 2025 жылғы қаңтар-желтоқсанда пайдалануға берілген тұрғын үйдің жалпы ауданы 20,1 млн шаршы метрді құрады, бұл 2024 жылғы деңгейден 5,1%-ға жоғары.

Сауда саласында да оң серпін сақталды: 2025 жылдың қаңтар-желтоқсан айларында өсім 8,9%-ды құрады (қаңтар-қарашада - 8,8%). Негізгі үлес жалпы көлемнің үштен екісінен астамын құраған көтерме саудаға тиесілі болды. Көтерме сауда көлемінің өсу қарқынына астық, тұқым және мал азығын сататын кәсіпорындар - 2,6 есе, машиналар мен жабдықтар - 99,8%, фармацевтикалық тауарлар - 44,1%, автомобильдер мен жеңіл автокөлік құралдары - 33%, сүт өнімдері, жұмыртқа мен майлар - 25,8%, қант, шоколад және қантты кондитерлік өнімдер - 21,2%, кең ассортименттегі тауарлар - 12,5% әсер етті.

Ауыл, орман және балық шаруашылығындағы көрсеткіштер 5,9% құрады. Өсім өсімдік шаруашылығында (7,8%) және мал шаруашылығында (3,3%) оң динамика қамтамасыз етілген. Ақпарат және байланыс саласында өсім 3,6%-ды құрады.

Жалпы алғанда, 2025 жылдың қорытындысы бойынша экономиканың жиынтық өсімі негізгі салалардың тұрақты дамуын көрсетті.

12.01.2026, 09:21 45756

Олжас Бектенов сарапшылармен экономиканы дамыту мәселелерін талқылады

Сурет: Akorda

Премьер-министр Олжас Бектенов экономикалық блок сарапшыларымен кездесу өткізді. Онда экономикалық даму және экономиканың басым салалары, сондай-ақ сыртқы тәуекел мәселелері сөз болды, деп хабарлайды Үкіметтің баспасөз қызметінен.

Жиынды аша отырып, Үкімет басшысы орнықты экономикалық өсуді қамтамасыз ету және халықтың нақты әл-ауқатын арттыру басым міндет болып қала беретінін атап өтті.

Олжас Бектенов сараптама мен кеңестер алу үшін жұмыс тәсілдерін жан-жақты талқылау бойынша кездесулердің маңыздылығына тоқталды.

Кездесу барысында сарапшылар қауымдастығының өкілдері экономикалық өсудің негізгі мәселелері мен бағыттарына өз бағасын берді. Сарапшылар сондай-ақ жаһандық процестер мен әлемдік конъюнктураның ықпалын ескере отырып, ұлттық экономиканың даму қарқыны бойынша болжамын айтты. Салалық жаңғыртудың басымдықтары, нарықтың неғұрлым өзекті сұраныстары және олармен технологиялық бастамаларды өзара байланыстыру бойынша ұсыныстар айтылды.

AERC қолданбалы экономиканы зерттеу орталығының ғылыми жетекшісі Жақсыбек Күлекеев, NAC Analytica басқарма төрағасы Расул Рысмамбетов, AERC қолданбалы экономиканы зерттеу орталығының бас директоры Жәнібек Айғазин, Visor инвестициялық компаниясының басқарушы серіктесі Алмас Чукин, Зерттеу және консалтинг орталығының серіктесі Әнуар Боранбаев, CSI жеке консалтингтік компаниясының аға серіктесі Олжас Құдайбергенов, "TALAP қолданбалы зерттеулер орталығы" қоғамдық қорының директоры Асқар Қысықов, "Комментарий" талдау тобының жетекшісі Эльдар Шамсутдинов пікірлері мен ұсыныстарын айтып, сөз сөйледі.

Инфляцияға қарсы күрес шаралары, отандық өндірісті ұлғайту, салықтық әкімшілендіруді жетілдіру, ЖИ-ді дамыту үшін электр энергиясын өндіру, инвестициялар тарту мәселелері талқыланды.

Салық реформасын талқылау кезінде өтпелі кезеңнің маңыздылығы атап өтілді. Үкіметтің шешіміне сәйкес ҚҚС бойынша есепке қою шегінен асқан салық төлеушілер әкімшілік жауапкершілікке тартылмайды. Салықтар бойынша өсімпұлдар мен айыппұлдар қарыздың негізгі сомасы 2026 жылдың 1 сәуіріне дейін өтелген жағдайда есептен шығарылады.

Кездесуді қорытындылай келе Премьер-министр Үкімет пен сарапшылар қауымдастығы арасындағы тұрақты диалогтың маңыздылығын атап өтіп, жауапты мемлекеттік органдарға айтылған ұсыныстарды пысықтауды тапсырды.

Ең көп оқылғаны