Қазақстан Еуропа Кеңесінің №108 Конвенциясы комитеті (дербес деректерді қорғау) жанындағы бақылаушы мәртебесін алды
Сурет: ҚР Сыртқы істер министрлігі
Қазақстанға жеке тұлғаларды дербес деректерді автоматтандырылған өңдеуге байланысты қорғау туралы Еуропа Кеңесінің №108 Конвенциясы комитеті жанындағы бақылаушы мәртебесі ресми түрде берілді, деп хабарлайды Қазақстан Республикасы Сыртқы істер министрлігінің баспасөз қызметінен.
Тиісті шешім Страсбург қаласында өткен Комитеттің 50-ші пленарлық отырысының қорытындысы бойынша қабылданды. Отырыс жұмысына Қазақстан Республикасы Жасанды интеллект және цифрлық даму Вице-Министрі Досжан Мұсалиев қатысты.
Пленарлық отырыс аясында қазақстандық делегация Еуропа Кеңесінің Бас хатшысы А.Берсемен және №108 Конвенция комитетінің төрағасы Б. де Анкоренамен кездесулер өткізді. Келіссөздер барысында тараптар дербес деректерді қорғау, цифрлық трансформация және заманауи технологияларды дамыту салаларындағы одан арғы ынтымақтастық перспективаларын талқылады.
Сонымен қатар, пленарлық отырыс барысында Д.Мұсалиев халықаралық сарапшылар алдында Қазақстанның дербес деректерді қорғау саласындағы тәжірибесі туралы баяндама жасады.
№108 Конвенция комитеті цифрлық технологиялардың қарқынды дамуы жағдайында дербес деректерді қорғау және жеке өмірге қол сұқпаушылық құқығын қамтамасыз ету саласындағы тәсілдер мен стандарттарды қалыптастыратын негізгі халықаралық алаң болып табылады.
Қазақстанға бақылаушы мәртебесінің берілуі халықаралық серіктестермен өзара іс-қимылды кеңейтуге, тәжірибе алмасуға және озық әлемдік тәжірибені ескере отырып, дербес деректерді қорғаудың ұлттық жүйесін одан әрі жетілдіруге қосымша мүмкіндіктер ашады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстанның ғарыш саласындағы жетістіктері КОПУОС-тың 69-сессиясында таныстырылды
Сурет: ҚР СІМ
Қазақстан делегациясы маусымның 10-18 аралығында Вена қаласында өтіп жатқан БҰҰ-ның Ғарыш кеңістігін бейбіт мақсатта пайдалану жөніндегі комитетінің 69-сессиясына қатысты. Бұл туралы Қазақстан Республикасы Сыртқы істер министрлігінің баспасөз қызметі хабарлады.
Ұлттық баяндама барысында Қазақстан ғарыш кеңістігін бейбіт мақсатта пайдалану қағидаттарына, халықаралық ынтымақтастықты дамытуға, сенімді нығайтуға және барлық мемлекеттердің ғарыштық технологиялардың артықшылықтарына тең қолжетімділігін қамтамасыз етуді ұстанатындығын растады.
Елдің ғарыш саласы үшін тарихи маңызы бар оқиғаға - 2026 жылғы 30 сәуірде "Бәйтерек" ғарыштық зымыран кешенінен жаңа буындағы "Союз-5/Сұңқар" зымыран-тасығышының алғашқы сынақ ұшырылымына ерекше назар аударылды. Зымыранның ұшу-конструкторлық сынақтарының сәтті өтуі Қазақстанның ғарыштық қызметтер нарығындағы позициясын нығайтуға және ел аумағындағы заманауи ұшыру инфрақұрылымын одан әрі дамытуға жаңа мүмкіндіктер ашты.
Сондай-ақ, Қазақстан базасында ғарыштық жағдайды бақылау жөніндегі өңірлік орталық пен халықаралық телескоптарды орналастыруға арналған International AstroHub ашық платформасы құрылып жатқан Ассы-Түрген обсерваториясының дамуы туралы ақпарат ұсынды.
Бұдан бөлек, Түркі мемлекеттері ұйымы аясындағы ынтымақтастықтың дамуы, оның ішінде OTS SAT ғылыми наноспутнигін іске асыру жобасы атап өтілді.
Сөз соңында Қазақстан Комитетке мүше мемлекеттерді, халықаралық ұйымдар мен серіктестерді 2026 жылғы 7-9 қыркүйекте Астанада өтетін "Space Days Kazakhstan - 2026" халықаралық форумына қатысуға шақырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Швеция экономикалық ынтымақтастықты жаңа практикалық деңгейге көтеруде
Сурет: СІМ
Қазақстан Республикасы Сыртқы істер министрінің орынбасары Әлібек Қуантыров "Astana Mining & Metallurgy" 16-шы Халықаралық тау-кен металлургия конгресіне қатысу үшін Астанаға келген Швеция Сыртқы істер министрлігінің Сыртқы сауда жөніндегі мемлекеттік хатшысы Диана Янсемен кездесті, деп хабарлайды ҚР СІМ баспасөз қызметінен.
Тараптар Қазақстан-Швеция ынтымақтастығының қазіргі жағдайы мен одан әрі даму перспективаларын талқылады. Олар екіжақты қарым-қатынастағы ілгерілеушілік серпінді, саяси диалогтың, парламентаралық байланыстардың күшеюімен және сауда-экономикалық ынтымақтастықтың кеңеюімен қатар жүретінін атап өтті.
Бірлескен жобаларды жүзеге асыруға және өнеркәсіптік ынтымақтастықты дамытуға ерекше назар аударылды. Атап айтқанда, тараптар "Väderstad" пен "AgromashHolding KZ" АҚ арасындағы Қазақстанда жоғары технологиялық ауыл шаруашылығы техникасын өндіруді жергіліктендіру бойынша ынтымақтастық перспективаларын, "Astana Motors" АҚ-мен бірлесіп жүк көліктерін жинау жобасы бойынша "Volvo Trucks" компаниясымен ынтымақтастықты және SKF-пен серіктестікті одан әрі дамытуды талқылады.
Қазақстан нарығында табысты жұмыс істеп келе жатқан швед компанияларының, соның ішінде "Ericsson", "Epiroc", "Sandvik", "Scania" және "AstraZeneca" компанияларының үлесі ерекше атап өтілді.
Тараптар бірлескен бастамаларды ілгерілету, инвестициялық жобаларды қолдау және іскерлік байланыстарды кеңейту үшін тұрақты платформа ретінде қызмет ететін сауда-экономикалық және инвестициялық ынтымақтастық бойынша Қазақстан-Швеция екіжақты комиссиясын құрудың маңыздылығын атап өтті.
Одан әрі ынтымақтастықтың перспективалы салаларына жаңартылатын энергия көздері, таза технологиялар, сумен жабдықтау шешімдері, ауыл шаруашылығы, көлік және логистика, цифрлық мемлекеттік басқару және жасанды интеллект жатады. Кездесуден кейін көп қырлы серіктестікті одан әрі нығайтуға және жаңа бірлескен жобаларды жүзеге асыруға өзара қызығушылық расталды.
2005 жылдан 2025 жылға дейін Швециядан Қазақстанға тікелей инвестициялардың жалпы көлемі 705,6 млн АҚШ долларын құрады. Республикада денсаулық сақтау, технология, энергетика, қоршаған ортаны қорғау, көлік, ауыл шаруашылығы, өнеркәсіп және білім беру салаларында жұмыс істейтін шамамен 60 швед капиталы бар компания жұмыс істейді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанның ғарыш саласындағы жетістіктері КОПУОС-тың 69-сессиясында таныстырылды
Сурет: ҚР Сыртқы істер министрлігі
Қазақстан Республикасының делегациясы 2026 жылғы 10-18 маусым аралығында Венада өткізіліп жатқан БҰҰ Ғарыш кеңістігін бейбіт мақсатта пайдалану комитетінің (КОПУОС) 69-сессиясына қатысты, деп хабарлайды Қазақстан Республикасы Сыртқы істер министрлігінің баспасөз қызметінен.
Ұлттық мәлімдеме барысында Қазақстан ғарыш кеңістігін бейбіт мақсатта пайдалану қағидаттарына, халықаралық ынтымақтастықты дамытуға, өзара сенімді нығайтуға және барлық мемлекеттердің ғарыш технологияларының игіліктеріне тең қолжетімділігін қамтамасыз етуге бейілділігін растады.
Еліміздің ғарыш саласы үшін тарихи оқиғаға - 2026 жылғы 30 сәуірде "Бәйтерек" ғарыштық зымыран кешенінен жүзеге асырылған жаңа буындағы "Союз-5/Сұңқар" зымыран-тасығышының алғашқы сынақтық ұшырылымына ерекше назар аударылды. Зымыран-тасығыштың ұшу-конструкторлық сынақтарының сәтті өткізілуі Қазақстанның әлемдік ғарыш қызметтері нарығындағы позициясын нығайтуға және ел аумағында заманауи ұшыру инфрақұрылымын одан әрі дамытуға жаңа мүмкіндіктер ашты.
Сонымен қатар, Қазақстан Ассы-Түрген обсерваториясын дамыту туралы ақпарат ұсынды. Оның базасында ғарыштық ахуал туралы хабардарлық жөніндегі өңірлік орталық және халықаралық телескоптарды орналастыруға арналған ашық платформа - International AstroHub құрылуда.
Түркі мемлекеттері ұйымы шеңберіндегі ынтымақтастықты дамыту, оның ішінде OTS SAT ғылыми наноспутнигін іске асыру жеке атап өтілді.
Сөз соңында Қазақстан Республикасы КОПУОС-қа мүше мемлекеттерді, халықаралық ұйымдар мен серіктестерді 2026 жылғы 7-9 қыркүйек аралығында Астанада өтетін "Space Days Kazakhstan - 2026" халықаралық форумына қатысуға шақырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан ШЫҰ-ның рөлін нығайтуды қолдайды - СІМ
Қазақстан Шанхай ынтымақтастық ұйымының (ШЫҰ) көптарапты ынтымақтастықтың тиімді алаңы ретіндегі алатын рөлін нығайтуды дәйекті түрде қолдайды. Бұл туралы бүгін өткен брифинг барысында Қазақстан Республикасы Сыртқы істер министрлігінің ресми өкілі Ерлан Жетібаев мәлімдеді, деп хабарлайды агенттік тілшісі.
Қазақстан ШЫҰ-ның негізін қалаушы мемлекеттердің бірі ретінде өзара сенім, тең құқықтылық, өзара тиімділік, мәдени әралуандылықты құрметтеу және бірлескен дамуға ұмтылу қағидаттарына негізделген ұйымның тиімді көптарапты ынтымақтастық алаңы ретіндегі рөлін нығайтуды тұрақты түрде қолдайды", - деді Ерлан Жетібаев.
Естеріңізге сала кетсек, бүгін, 2026 жылғы 15 маусымда, Шанхай ынтымақтастық ұйымының құрылғанына 25 жыл толды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Президентінің Халықаралық су ұйымын құру жөніндегі бастамасы Кувейтте таныстырылды
Сурет: СІМ
Қазақстан Республикасының Кувейт Мемлекетіндегі Елшісі Ержан Елекеев Кувейт Мемлекетінің Электр энергетикасы, су ресурстары және жаңартылатын энергия көздері министрі Субаих Әл-Мухайзиммен кездесу өткізді, деп хабарлайды ҚР СІМ баспасөз қызметінен.
Кездесу барысында тараптар электр энергетикасы, су ресурстарын басқару және жаңартылатын энергия көздері салаларындағы екіжақты ынтымақтастықты дамыту перспективаларын талқылап, энергетикалық және су инфрақұрылымының орнықты жұмысын қамтамасыз ету мәселелері бойынша пікір алмасты. Қазіргі жағдайда энергетикалық және су қауіпсіздігі мәселелерінің ерекше стратегиялық маңызға ие екені атап өтілді.
Кездесу аясында Қазақстан Республикасының Президенті Қасым-Жомарт Тоқаевтың Біріккен Ұлттар Ұйымының аясында Халықаралық су ұйымын құру жөніндегі бастамасына ерекше назар аударылды. Қазақстан Елшісі кувейттік тарапты су ресурстарын ұтымды пайдалану мен сақтау саласындағы халықаралық ынтымақтастықты нығайтуға бағытталған бастаманың мақсаттары туралы хабардар етті.
Министр Субаих Әл-Мухайзим су қауіпсіздігі мәселелері Кувейт Мемлекеті үшін аса маңызды екенін атап өтті. Ол кувейттік тарап Қазақстанның бастамасын жан-жақты зерделеуге дайын екенін білдіріп, су саласындағы халықаралық бастамаларды қолдайтынын және жаһандық су проблемаларын шешу үшін халықаралық қоғамдастық күш-жігерін біріктірудің маңыздылығын ерекше атап өтті.
Кездесу қорытындысы бойынша тараптар энергетика, су ресурстары және жаңартылатын энергия көздері салаларындағы ынтымақтастықты одан әрі нығайтуға өзара мүдделілігін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан маусым айында бірқатар халықаралық іс-шара өткізеді
Сурет: ҚР СІМ
Қазақстан Республикасы Сыртқы істер министрлігінің ресми өкілі Ерлан Жетібаев маусым айында Қазақстанның қатысуымен өтетін негізгі халықаралық іс-шаралар туралы мәлімдеме жасады, деп хабарлайды агенттік тілшісі.
Оның айтуынша, 15-16 маусым күндері Қазақстанға Германияның Федералдық экономика және энергетика министрлігінің парламенттік мемлекеттік хатшысы Штефан Раунхофф келеді. Ал, 29-30 маусымда Германияның Федералдық экономика және энергетика министрі Катарина Райхенің сапары жоспарланған.
Сапар аясында ел басшылығымен және салалық мемлекеттік органдар өкілдерімен кездесулер өтеді. Тараптар Қазақстан мен Германия арасындағы сауда-экономикалық және инвестициялық ынтымақтастықты одан әрі дамыту, энергетика және шикізат салаларындағы өзара іс-қимыл, өнеркәсіптік кооперацияны кеңейту және бірлескен жобаларды, оның ішінде аса маңызды шикізат материалдары саласындағы бастамаларды жүзеге асыру мәселелерін талқылайды", - деп мәлім етті Ерлан Жетібаев.
16 маусымда Ташкент қаласында Қазақстан Республикасы Сыртқы істер министрінің орынбасары Әлібек Бақаев "Орталық Азия - Корея Республикасы" ынтымақтастық форумының жоғары лауазымды тұлғаларының екінші отырысына қатысады. Сондай-ақ, оның Корея Республикасы Сыртқы істер министрінің орынбасарымен екіжақты кездесуі жоспарланған. Кездесуде форумның алғашқы саммитіне дайындық және өңірлік ынтымақтастық мәселелері де қаралмақ.
Дәл осы күні Астанада Қазақстан мен Испанияның сыртқы істер министрліктері арасындағы саяси консультациялардың сегізінші раунды өтеді. Қазақстан делегациясын Сыртқы істер министрінің орынбасары Арман Исетов, ал Испания делегациясын Испанияның мемлекеттік хатшысы Диего Мартинес Бельо басқарады деп жоспарлануда.
Келіссөздер барысында тараптар саяси диалогты дамыту, сауда-экономикалық және инвестициялық байланыстарды нығайту, мәдени-гуманитарлық ынтымақтастықты кеңейту, сондай-ақ халықаралық және өңірлік күн тәртібіндегі өзекті мәселелерді талқылайды.
Сонымен қатар, Астанада мемлекеттік органдар, бизнес қауымдастық, сарапшылар және академиялық институттар арасындағы өзара іс-қимылдың жаңа алаңы болатын Қазақстан-Испания форумының алғашқы отырысы өтеді.
17 маусымда Азиядағы өзара іс-қимыл және сенім шаралары жөніндегі кеңестің (АӨСШК) Хатшылығының құрылғанына 20 жыл толады. Жалпыазиялық форум құру бастамасын Қазақстан 1992 жылы БҰҰ Бас Ассамблеясында ұсынған болатын. Бүгінде АӨСШК 28 мүше мемлекетті біріктіреді, ал оның штаб-пәтері Астанада орналасқан. 2022 жылғы Астана мәлімдемесіне сәйкес, форум толыққанды халықаралық ұйымға айналу үдерісін жалғастырып келеді.
18-20 маусым аралығында Қазақстанға жұмыс сапарымен Польша Сенатының маршалы Малгожата Кидава-Блоньска келмек. Сапар аясында ел басшылығымен, сондай-ақ Қазақстан Парламенті Сенаты мен Мәжілісінің төрағаларымен кездесу өткізу жоспарланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Швеция cауда-экономикалық ынтымақтастық жөніндегі екіжақты комиссия құрды
Сурет: KAZAKHSTAN TODAY
Қазақстан мен Швеция сауда-экономикалық және инвестициялық ынтымақтастықты дамытуға арналған жаңа тетік құрды. Тараптар екіжақты комиссияны құру туралы меморандумға қол қойып, оның алғашқы отырысын өткізді. Бұл туралы Қазақстан Республикасы Сыртқы істер министрлігінің ресми өкілі Ерлан Жетібаев мәлімдеді.
Оның айтуынша, 2026 жылдың 10-12 маусым аралығында Қазақстанға Швецияның Сыртқы істер министрлігінің сыртқы сауда мәселелері жөніндегі мемлекеттік хатшысы Диана Янсе ресми сапармен келді.
Сапардың негізгі нәтижесі Қазақстан-Швеция сауда-экономикалық және инвестициялық ынтымақтастық жөніндегі екіжақты комиссияны құру туралы меморандумға қол қою және комиссияның алғашқы отырысын өткізу болды", - деді Ерлан Жетібаев.
Комиссияның алғашқы отырысында тараптар тау-кен металлургия кешені, сирек жер металдары, машина жасау, ауыл шаруашылығы, фармацевтика және медициналық технологиялар, орнықты даму мен цифрландыру салаларындағы ынтымақтастықтың қазіргі жай-күйі мен перспективаларын талқылады.
Сондай-ақ швед компанияларының қатысуымен жүзеге асырылатын жобаларды практикалық тұрғыда ілгерілету мәселелеріне ерекше назар аударылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев: Қазақстан АҚШ пен Иран қол жеткізген келісімді құптайды
Сурет: Depositphotos
Қазақстан Президенті Қасым-Жомарт Тоқаев АҚШ пен Иран арасында қол жеткізілген келісімді құптады. Мемлекет басшысы өз ұстанымын X әлеуметтік желісіндегі парақшасында жариялады.
Тоқаевтың айтуынша, қол жеткізілген уағдаластықтар өңір үшін де, бүкіл әлем үшін де аса маңызды.
Қазіргі күрделі халықаралық жағдайда бұл келісімнің өңір үшін де, бүкіл әлемдік қауымдастық үшін де маңызы зор. Тараптардың сенімді қалпына келтіріп, өзара қолайлы шешімдер табуға мүмкіндік берген саяси ерік-жігерін жоғары бағалаймыз", - деп жазды Президент.
Мемлекет басшысы сондай-ақ келісімге қол жеткізудегі АҚШ Президенті Дональд Трамп пен Иран басшылығының рөлін атап өтті.
Осы жауапты кезеңде табандылық пен стратегиялық көзқарас танытқан Америка Құрама Штаттарының Президенті Дональд Трамптың көшбасшылығын ерекше атап өтеміз. Сондай-ақ, Иран Ислам Республикасы басшылығының сындарлы ұстанымын құптаймыз", - деді Қасым-Жомарт Тоқаев.
Президент құжатқа қол қою Таяу Шығыста және одан тыс жерлерде бейбітшілік пен тұрақтылықты нығайтудың берік негізіне айналады деген үміт білдірді.
РИА Новости агенттігінің Mehr агенттігіне сілтеме жасап хабарлауынша, АҚШ пен Иран өзара түсіністік туралы қорытынды меморандум мәтіні бойынша бірнеше ымыралы шешімге келген.
Дүйсенбіге қараған түні тараптар мәмілеге қол жеткізілгенін жариялады. Құжатқа 19 маусымда қол қою жоспарланып отыр. Екі ел билігінің мәліметінше, АҚШ-тың теңіз блокадасы бүгін тоқтатылады, ал Ормуз бұғазын ашу және оны минадан тазарту жұмыстары келісім ресми түрде күшіне енгеннен кейін жүзеге асырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.