Халықаралық сауданың тиімділігі мен орнықтылығы - Азия-Тынық мұхиты өңірі елдерінің назарында
Сурет: gov.kz
Қазақстанның Таиланд Корольдігіндегі Елшісі, Қазақстан Республикасының БҰҰ-ның Азия және Тынық мұхиты үшін экономикалық және әлеуметтік комиссиясы (БҰҰ АТМЭӘК) жанындағы Тұрақты өкілі Марғұлан Баймұхан бастаған қазақстандық делегация, оның құрамында ҚР Қаржы министрлігі Мемлекеттік кірістер комитетінің, ҚР Сауда және интеграция министрлігінің және ҚР Жасанды интеллект және цифрлық даму министрлігінің өкілдері бар, Азия-Тынық мұхиты сауда рәсімдерін жеңілдету форумы мен Қағазсыз сауда апталығы - 2026 жұмысына кірісті, деп хабарлайды Қазақстан Республикасы Сыртқы істер министрлігінің баспасөз қызметінен.
Іс-шара 2026 жылғы 8-12 маусым аралығында Бангкок қаласындағы БҰҰ АзТМЭӘК штаб-пәтерінде "Сауданы цифрландырудың жаңа буыны: цифрлық және орнықты сауда рәсімдерін жеңілдетуді ілгерілету" тақырыбымен өтуде.
Апта бойы Азия-Тынық мұхиты өңірінің 50-ден астам елінен келген қатысушылар өзара сауда рәсімдерін жеңілдету саласындағы жаңа тәсілдер мен практикалық шешімдерді әзірлеуге бағытталған жоғары деңгейдегі отырыстарға, интерактивті сессияларға және сарапшылық пікірталастарға қатысады.
Форум сауданы цифрландыру, логистикалық және кедендік рәсімдерді жетілдіру, сондай-ақ халықаралық сауданың тиімділігі мен орнықтылығын арттыру мақсатында Азия-Тынық мұхиты өңірі мемлекеттері арасындағы ынтымақтастықты нығайту мәселелері талқыланатын негізгі өңірлік алаңдардың бірі болып табылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Тоқаев Қазақстан мен Қытай арасында цифрлық көпір құруды ұсынды
Қазақстан Президенті Қасым-Жомарт Тоқаев цифрлық сауда мен екі елдің цифрлық экономикаларын интеграциялауды дамыту мақсатында "Қазақстан-Қытай цифрлық көпірін" құруды ұсынды. Мемлекет басшысы бұл бастаманы Шанхайда өткен Дүниежүзілік жасанды интеллект ;-y3yltu3 конференция барысында (WAIC) таныстырды.
Біз "Қазақстан-Қытай цифрлық көпірін" іске қосуды ұсынамыз. Басты мақсат - цифрлық сауданы жандандыру және "Бір белдеу, бір жол" бастамасы аясында цифрлық экономикаларды ықпалдастырудың тиімді үлгісін қалыптастыру. Өңдеу секторы, тау-кен өнеркәсібі, энергетика, ауыл шаруашылығы, денсаулық сақтау және су ресурстарын басқару секілді салаларда жасанды интеллектіні қауіпсіз әрі кеңінен енгізу ісін жеделдеткен жөн",- деп мәлім етті ҚР Президенті.
Ол, жасанды интеллектіні реттейтін ұлттық саясат пен заңдық тетіктерді өзара үйлестіру айрықша мәнге ие екендігіне тоқталып өтті.
ЖИ жүйелерін тестілеу мен сертификаттаудың ортақ стандарттарын түзу де өте маңызды. Біз жасанды интеллектіні теріс мақсатқа пайдаланудың алдын алатын, соның ішінде кибершабуыл, дипфейк, цифрлық алаяқтық пен басқа да қатерлерден қорғайтын пәрменді шаралар әзірлеуіміз керек. Келесі жылды екі елде Жасанды интеллект саласындағы бірлескен бастамалар жылы деп жариялауды ұсынамыз. Қытай Үкіметі мұны қолдаса, зор ризашылықпен қабылдар едік", - деді Мемлекет басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мемлекет басшысы Қасым-Жомарт Тоқаев Дүниежүзілік жасанды интеллект жөніндегі конференцияның ашылу салтанатына қатысуда
Сурет: Ақорда
Шанхай қаласында "Жарқын болашақ үшін жасанды интеллект саласындағы серіктестік" тақырыбымен Дүниежүзілік жасанды интеллект жөніндегі конференция (WAIC) өз жұмысын бастады. Іс-шараның ашылу салтанатында Қазақстан Президенті Қасым-Жомарт Тоқаев сөз сөйледі, деп хабарлайды Ақорданың баспасөз қызметінен.
Бүгінде дүние жүзіндегі жасанды интеллектіні зерттеушілердің жартысынан астамы - Қытай елінің өкілдері. ЖИ саласындағы патенттердің басым бөлігі қытайлық жаңашыл мамандарға тиесілі. Ал елдің қарқынды инновациялық экожүйесі озық технологиялардың көптеген бағытында соны серпіліс жасауда", - деді Президент.
Мемлекет басшысы Дүниежүзілік жасанды интеллект жөніндегі конференцияда жарияланған "Барша адамзат игілігіне қызмет ететін ЖИ" тұжырымдамасына қолдау білдірді.
Технологиялық прогресті баршаның игілігіне айналдыруға күш-жігер жұмылдырғанда осы ұсынылған қағидаттарды басшылыққа алған жөн деп санаймын. Келешектің келбетін өзара сенім мен ортақ мүддеге сай тығыз ынтымақтастық орнатып, серіктесе әрекет ететіндер айқындайды. Мен бұған кәміл сенемін. Осы орайда Төраға Си Цзиньпин ұсынған "Адамзаттың ортақ тағдыры қоғамдастығын" құру туралы тұжырымдаманың маңызы зор. Қазақстан алысты болжаған бұл бастаманы жоғары бағалайды әрі жасанды интеллект дәуірінде оның өзектілігі артып келеді деп санайды", - деді Қасым-Жомарт Тоқаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Брнодағы қазақ жастары екі елдің жоғары оқу орындарының арасындағы өзара тиімді әріптестікті кеңейтуге ниет танытты
Сурет: ҚР СІМ
Қазақстан Республикасының Чех Республикасындағы Елшілігінің басшылығы мен қызметкерлері Чехияның Оңтүстік Моравия өлкесіндегі жоғары оқу орындарында білім алып жүрген қазақстандық студенттермен кездесу өткізіп, консулдық қызмет көрсету, жоғары оқу орындары арасындағы ынтымақтастықты дамыту, жұмыспен қамту мүмкіндіктері, сондай-ақ алдағы парламенттік сайлау аясындағы дауыс беруге қатысу мәселелерін жан-жақты қарастырды, деп хабарлайды ҚР Сыртқы істер министрлігінің баспасөз қызметінен.
Елші Қайрат Әбдірахмановтың пайымдауынша, шетелде білім алып жүрген қазақстандық жастардың әрдайым жоғары патриоттық рухымен, сапалы білімімен және оқуына деген жауапкершілігімен ерекшеленеді. Ал, студенттер өз кезегінде биотехнология, автомобиль инженериясы, жобаларды басқару, өңірлік даму, қоршаған ортаны қорғау, экономика және гуманитарлық ғылымдар салаларында меңгеріп жатқан білімдері мен тәжірибесін Қазақстанда қолдану мүмкіндіктеріне қызығушылық танытты.
Сондай-ақ, Қазақстан мен Чехияның жоғары оқу орындары арасындағы өзара тиімді әріптестікті кеңейтуге, академиялық ұтқырлықты дамытуға және тағылымдамалар ұйымдастыруға қатысты бірқатар нақты ұсыныстар ортаға салынды.
Кездесудің жеке бір бағыты алдағы Құрылтай сайлауына арналды.
Қайрат Әбдірахманов ұйымдастырылатын қайырымдылық, музыкалық және өзге де мәдени-көпшілік іс-шараларға белсенді атсалысып жүргендері үшін ризашылығын білдірді.
Брно қаласында өткен бұл кездесу студент жастардың, сондай-ақ білім мен ғылым саласының тұтастай алғанда Қазақстан мен Чехия арасындағы гуманитарлық ынтымақтастықты одан әрі нығайтудағы маңызды рөлін тағы бір мәрте айқындады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Қытаймен мәңгі әрі жан-жақты стратегиялық әріптестікті нығайтуға мүдделі - Тоқаев
Сурет: Ақорда
Қазақстан Қытаймен мәңгі әрі жан-жақты стратегиялық әріптестікті жан-жақты нығайтуға әрдайым мүдделі. Бұл туралы Қазақстан Президенті Қасым-Жомарт Тоқаев Қытай Халық Республикасының Төрағасы Си Цзиньпинмен жүргізген келіссөздер барысында мәлімдеді, деп хабарлайды Ақорданың баспасөз қызметінен.
Қытайдың халықаралық қауымдастық алдындағы беделі зор және оның жетістіктерін бүкіл әлем мойындайды. (...) Соңғы жылдары мемлекеттеріміз арасындағы саяси диалог айтарлықтай жандана түсті", - деді Қасым-Жомарт Тоқаев.
Өз кезегінде ҚХР Төрағасы Си Цзиньпин Қытай мен Қазақстан арасындағы мәңгі әрі жан-жақты стратегиялық әріптестік қатынастары жоғары деңгейге көтерілгенін атап өтті.
Өзара ықпалдастықты дамытудың әлеуеті өте зор", - деді Си Цзиньпин.
Қытай басшысы сондай-ақ, Президент Қасым-Жомарт Тоқаевтың бастамасымен жүзеге асырылып жатқан ауқымды өзгерістерге жоғары баға беріп, жаңа Конституцияның қабылдануымен құттықтады және алдағы Құрылтай сайлауына сәттілік тіледі.
Мемлекеттер басшыларының кездесуі аяқталған соң Қазақстан Республикасы Үкіметі мен Қытай Халық Республикасы Үкіметі арасындағы 2027-2030 жылдарға арналған сауда-экономикалық ынтымақтастық бағдарламасына және жол картасына қол қойылды.
Бұған дейін Қазақстан мен Қытай арасындағы тауар айналымы 49 млрд АҚШ долларына жеткені хабарланған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Грекияның компаниясы Қазақстанда ірімшік пен сүт өнімдерін өндіруді жергіліктендіруге ниетті
Қазақстанның Ауыл шаруашылығы министрі Айдарбек Сапаров гректің Desserta Hellas компаниясының басшылығымен кездесіп, Қазақстанда ірімшік пен сүт өнімдерін өндіруді жергіліктендіру жөніндегі инвестициялық жобаны іске асыру перспективаларын талқылады. Кездесуге Қазақстан Республикасының Грекия Республикасындағы Төтенше және Өкілетті Елшісі Тимур Сұлтанғожин де қатысты.
Тараптар Қазақстанның сүт саласының әлеуетін, шикізатпен қамтамасыз етілу деңгейін, инвесторларға көрсетілетін мемлекеттік қолдау шараларын, сондай-ақ қосылған құны жоғары өнім өндірісін Қазақстанда жолға қою мүмкіндіктерін талқылады. Desserta Hellas компаниясының өкілдері Қазақстанда өндірісті іске қосуға және қазақстандық серіктестермен ұзақ мерзімді ынтымақтастықты дамытуға қызығушылық танытатынын растады. Айдарбек Сапаровтың айтуынша, бүгінде Қазақстанда ірімшік өндіретін 64 кәсіпорын және жылына шамамен 2,7 млн тонна сүт өңдеу қуатына ие 182 сүт өңдеу кәсіпорны жұмыс істейді.
Қазақстан агроөнеркәсіптік кешенмен қатар, шетелдік серіктестермен басқа да стратегиялық салалардағы ынтымақтастықты дамытуды жалғастырып келеді. Атап айтқанда, Орталық Азия елдерімен өзара іс-қимылға ерекше көңіл бөлінуде.
Естеріңізге сала кетсек, Ташкентте Қазақстанның Өзбекстандағы Елшісі Бейбіт Атамқұлов Өзбекстанның Тау-кен өнеркәсібі және геология министрі Бобир Исламовпен кездесті. Тараптар геология және сирек әрі сирек жер металдарын барлау мен өндіру саласындағы ынтымақтастықты дамыту мәселелерін талқылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.