24.01.2023, 08:09 15696

Екібастұзда 60-тан астам жеке үй жылудан ажыратылады

Жылумен жабдықтау желілеріндегі зақымдарды жою бойынша жөндеу жұмыстары жүргізіледі
Екібастұзда 60-тан астам жеке үй жылудан ажыратылады
Сурет: Instagram/ekibastuz_akimdigi
Екібастұз. 24 қаңтар. KAZAKHSTAN TODAY - 2023 жылғы 24 қаңтарда Екібастұз қаласында 3 учаскедегі жылумен жабдықтау желілеріндегі зақымдарды жою бойынша жөндеу жұмыстары жоспарланған. Бұл туралы қалалық әкімдік хабарлады.

Барлығы 12 газ-электр дәнекерлеуші, 16 темір ұстасы және 5 инженерлік-техникалық жұмысшы, сондай-ақ 4 бірлік арнайы техника жұмылдырылатын болады:

- ақаулы учаскені Б.Жырау - 16 Южный көшесі бағытында ауыстыру, осыған байланысты сағат 14.00-ден 17.00-ге дейін 11 жеке тұрғын үйді жылумен жабдықтаудан қысқа мерзімге ажырату жоспарлануда;

- ақаулы учаскені 5 Южный көшесі бағытында ауыстыру, осыған байланысты сағат 09.00-ден 16.00-ге дейін 12 жеке тұрғын үйді жылумен жабдықтаудан ажырату жоспарлануда;

- ақаулы учаскені 21 Южный көшесі, 10-үй бағытында ауыстыру, осыған байланысты сағат 09.00-ден 14.00-ге дейін 44 жеке тұрғын үйді жылумен жабдықтаудан қысқа мерзімге ажырату жоспарлануда.

Барлық жөндеу жұмыстары аяқталғаннан кейін жылумен жабдықтау қалпына келтіріледі.

Естеріңізге сала кетейік, 2022 жылғы 27 қарашада Екібастұз ЖЭО-да болған ірі апат қала тұрғындарын 30 градус аязда жылусыз қалдырды. Тұрғын үйлер, сондай-ақ әлеуметтік нысандар: мектептер, балабақшалар мен ауруханалар жылытудан ажыратылды. Қалада төтенше жағдай жарияланды. Әлеуметтік орталықтардың кейбір балалары мен аурухананың кейбір пациенттерін эвакуациялауға тура келді. Балабақшалар жұмысын тоқтатты, ал оқушылар уақытша қашықтықтан оқытуға ауыстырылды. Екібастұз қаласында жылу берілетін жабдықтау параметрлерін тұрақтандыру және жылу желілерін жөндеу-қалпына келтіру жұмыстары жалғасуда.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


тақырып бойынша жаңалықтар

Ең көп оқылғаны