Система Orphus

"ӨКМ Операторы" ЖШС-ның кәдеге жарату алымы бойынша қызметі тоқтатылды

19.01.2022, 17:12 39376
"ӨКМ Операторы" ЖШС-ның кәдеге жарату алымы бойынша қызметі тоқтатылды
Сурет: Depositphotos
НҰР-СҰЛТАН. 19 ҚАҢТАР - Мемлекет басшысы Қасым-Жомарт Кемелұлы Тоқаевтың тапсырмасын орындау аясында 2022 жылғы 18 қаңтарда Қазақстан Республикасының Үкіметі "Қазақстан Республикасының Экология, геология және табиғи ресурстар министрлігінің ведомстволық бағынысты ұйымдарының кейбір мәселелері туралы" Қаулы қабылдады, деп хабарлайды KAZAKHSTAN TODAY ҚР Премьер-Министрінің баспасөз қызметіне сілтеме жасап.
 
Құжатқа сәйкес, "Жасыл даму" АҚ мемлекеттік ұйымы өндірушілердің (импорттаушылардың) кеңейтілген міндеттемелерінің операторы болып айқындалды, деп хабарлайды ҚР Премьер-Министрінің баспасөз қызметі.
 

"ӨКМ Операторы" ЖШС-нің утилизациялық алымды әкімшілендіру және тиісті қаражаттарды басқару шеңберіндегі қызметі тоқтатылды. Утилизациялық алым қаражаты есебінен құрылған активтер мемлекет меншігіне берілді", - делінген хабарламада.

 
Өндірушілердің кеңейтілген міндеттемелерін әкімшілендіру функцияларын мемлекеттік ұйым – "Жасыл даму" АҚ орындайтын болды.
 
Естеріңізге сала кетейік, Президент Тоқаев кәдеге жарату алымымен мемлекеттік ұйым айналысуы тиіс деп мәлімдеді.

 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Қорғаныс министрлігі соғыс жағдайында әрекет ете алатын бөлімшелер құрады

19.05.2022, 16:31 5021
Қорғаныс министрлігі соғыс жағдайында әрекет ете алатын бөлімшелер құрады
Сурет: ҚР Қорғаныс министрлігінің баспасөз қызметі
НҰР-СҰЛТАН. 19 МАМЫР - ҚР Қарулы Күштерінде Жоғарғы Бас Қолбасшының тапсырмасы бойынша қайта форматтау жүргізілуде. Жауынгерлік бөлімшелер соның ішінде соғыс жағдайында іс-қимыл жасау дағдыларын меңгеруі тиіс, деп хабарлайды KAZAKHSTAN TODAY ҚР Қорғаныс министрлігінің баспасөз қызметіне сілтеме жасап.
 

Мемлекет басшысы Қарулы күштерді қайта форматтау, олардың жауынгерлік әзірлігі мен жарақтандырылуын арттыру жөнінде тапсырмалар берді. Осылайша, соғыс жағдайында да, дағдарыс ахуалында да әрекет етуге қабілетті жауынгерлік бөлімшелер құрылуда", – деді генерал-полковник Руслан Жақсылықов.

 
Қорғаныс министрінің бірінші орынбасары – Бас штаб бастығы генерал-лейтенант Марат Құсайынов есептік кезеңде жауынгерлік даярлықтың қарқыны едәуір артқанын, қазіргі заманғы қарулы қақтығыстардың тәжірибесіне қарап, әскерлерді қолданудың жаңа нысандары мен әдістері игеріліп жатқанын атап өтті.
 
Отырыс барысында Қарулы күштердегі әскери тәртіп пен құқық тәртібі, тылдық, техникалық қамтамасыз ету және әскери инфрақұрылымды дамыту мәселелері де қаралды. Одан басқа Қорғаныс министріне "Қауіпсіз ел" ұлттық жобасы шеңберінде өткізілетін қару-жарақ пен оқ-дәрілерді сақтау объектілерін жетілдіру шаралары баяндалды.
 

Генерал-полковник Руслан Жақсылықов қатысушыларға қазіргі жағдайда мемлекеттің қауіпсіздігін қамтамасыз ету жүйесіндегі әскердің рөлі мен алатын орны назарда болуы керек деді. Қорғаныс ведомствосының басшысы Мемлекет басшысының бастамасымен Конституцияға өзгерістер мен толықтырулар енгізу жөніндегі алдағы референдумның айрықша маңызды екенін атап өтті", - деді баспасөз қызметінде.

 
Алқа отырысының соңында Қорғаныс министрі 2022 оқу жылының жазғы кезеңіне арналған міндеттерді айқындады. Аса маңыздылар қатарында әскерлердің далалық дағдысын ұдайы жетілдіру, жауынгерлік даярлық деңгейін көтеру, Қарулы күштердің кадрлық құрамының техникалық жарақтандырылуы мен сапасын арттыру бар.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Әшімбаев Тоқаевқа қазақстандықтарды толғандыратын аса өзекті мәселелер туралы айтып берді

19.05.2022, 16:09 5226
Әшімбаев Тоқаевқа қазақстандықтарды толғандыратын аса өзекті мәселелер туралы айтып берді
НҰР-СҰЛТАН. 19 МАМЫР - ҚР Сенатының төрағасы Мәулен Әшімбаев Мемлекет басшысы Қасым-Жомарт Тоқаевқа Палата депутаттарының Конституцияға өзгерістер мен толықтырулар енгізу жөніндегі референдумды талқылау үшін өңірлерге жасаған сапары туралы баяндады, деп хабарлайды KAZAKHSTAN TODAY Ақорданың баспасөз қызметіне сілтеме жасап.
 

Сенаторлар сапарының нәтижесінде азаматтарды алаңдатқан мейлінше өзекті мәселелерге талдау жасалды. Атап айтқанда, тауарлар бағасының өсуі, автомобиль жолдарының жағдайы, жұмыспен қамту мәселесі, ауызсумен және газбен қамтамасыз етілуі, медициналық көмектің қолжетімділігі және басқа да проблемалар", - деп хабарлайды Ақорда.

 
Президент Үкіметпен және жергілікті атқарушы органдармен бірлесіп, аталған мәселелерді шешу жұмыстарын жалғастыру қажет екенін атап өтті.
 
Қазіргі уақытта 150-ден астам іс-шара өткен, оның көбі негізінен шағын қалаларда, кенттер мен шалғай ауылдарда ұйымдастырылды.
 
Мәулен Әшімбаев Қасым-Жомарт Тоқаевқа аймақтағы мемлекеттердің заң шығарушы органдарымен арадағы ынтымақтастықты нығайту жөнінде мәлімет берді. Өткен аптада сенаторлар Ашхабадта өткен "Орталық Азия – Ресей" атты парламентаралық форумға қатысты.
 
Ықпалдастықтың жаңа форматы Арал теңізі өңіріндегі экологиялық ахуал, трансшекаралық өзендерді бірлесіп пайдалану, шекара маңындағы өңірлердің ынтымақтастығы, сондай-ақ Ауғанстандағы жағдайға байланысты аймақтық қауіпсіздік мәселесі сияқты өзекті проблемаларды шешу жөніндегі депутаттардың бірлескен жұмысын жандандыруға ықпал етеді.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Сенат ТМД елдерінің салық саясаты туралы келісімнің тоқтатылуын мақұлдады

19.05.2022, 15:53 5366
НҰР-СҰЛТАН. 19 МАМЫР - Қазақстан Республикасы Парламенті Сенатының депутаттары "1992 жылғы 13 наурыздағы Салық саясатының келісілген принциптері туралы Тәуелсіз Мемлекеттер Достастығына қатысушы мемлекеттер үкіметтері арасындағы келісімнің қолданысын тоқтату туралы хаттаманы ратификациялау туралы" заңды қабылдады, деп хабарлайды KAZAKHSTAN TODAY ҚР Парламенті Сенатының баспасөз қызметіне сілтеме жасап.
 
Хаттаманың негізгі мақсаты – Тәуелсіз Мемлекеттер Достастығына қатысушы мемлекеттердің үкіметтері арасындағы салық саясатының келісілген қағидаттары туралы келісімнің қолданылуын тоқтату болып отыр.
 
Бүгінде бұл Келісімге қол қойылғанына 30 жыл уақыт өтті. Қазіргі таңда құжат оның ішінде Келісімнің қолданылу мерзімін ұзарту туралы өтінімдердің болмауына байланысты өзінің өзектілігін жоғалтты. Соған байланысты ТМД-ға мүше мемлекеттер Келісімнің қолданысын тоқтату туралы шешім қабылдады.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

ҚР Парламенті ҚХР-мен ядролық материалдардың заңсыз тасымалдануының алдын алу туралы келісімді ратификациялады

19.05.2022, 15:44 5596
ҚР Парламенті ҚХР-мен ядролық материалдардың заңсыз тасымалдануының алдын алу туралы келісімді ратификациялады
Сурет: depositphotos
НҰР-СҰЛТАН. 19 МАМЫР - Қазақстан Парламентінің Сенаты пленарлық отырыста "Қазақстан Республикасының Үкіметі мен Қытай Халық Республикасының Үкіметі арасындағы Ядролық материалдарды, радиоактивті материалдарды, радиоактивті қалдықтарды және радиациялық-қауіпті заттарды заңсыз өткізуді болғызбаудағы өзара іс-қимыл жөніндегі келісімді ратификациялау туралы" туралы заңды қарап, қабылдады, деп хабарлайды KAZAKHSTAN TODAY ҚР Парламент Сенатының баспасөз қызметіне сілтеме жасап.
 
Заң тараптардың радиациялық қауіпсіздікті қамтамасыз ету саласындағы халықаралық міндеттемелерді орындауын қамтамасыз етуге мүмкіндік береді. Сондай-ақ тараптар радиоактивті материалдардың, радиоактивті қалдықтардың, радиациялық-қауіпті заттардың заңсыз тасымалдануын болдырмау мақсатымен кедендік бақылау жұмысына қазіргі заманғы технологияларды енгізу мәселелері бойынша ынтымақтасуға мүмкіндік алады. Бұл нормалардың барлығы, бірінші кезекте, азаматтардың радиациялық қауіпсіздігін қамтамасыз ету мәселелерін шешуге бағытталған.
 

Қабылданған Заң ядролық және радиоактивті материалдарды кедендік шекарада заңсыз өткізудің алдын алуға арналған. Құжат Қазақстан Республикасы мен Қытай Халық Республикасы арасындағы біріккен іс-қимылдардың құқықтық негізін қалыптастыруды көздейді. Алдағы уақытта бұл заң екі мемлекет арасындағы кедендік бақылауға қатысты ынтымақтастықты одан әрі дамытуға оң үлесін қосады деп сенеміз", – деді Мәулен Әшімбаев.

 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Қазақстан Ауғанстанға гуманитарлық көмек жеткізу жолдарын қамтамасыз етуге жәрдемдесуге дайын

19.05.2022, 15:36 5746
НЬЮ-ЙОРК. 19 МАМЫР - Қазақстан Премьер-Министрінің орынбасары - Сыртқы істер министрі Мұхтар Тілеуберді бастаған қазақстандық делегация БҰҰ штаб-пәтерінде өткен "Жаһандық азық-түлік қауіпсіздігі: іс-қимылға шақыру" министрлік конференциясына қатысты, деп хабарлайды KAZAKHSTAN TODAY ҚР СІМ баспасөз қызметіне сілтеме жасап.
 
М.Тілеуберді өз сөзінде Қазақстан әлемдік нарыққа ауыл шаруашылығы өнімдерін жеткізуді одан әрі кеңейтуге, сондай-ақ Ауғанстан аумағына халықаралық гуманитарлық көмекті жеткізудің сенімді жолдарын қамтамасыз етуге жан-жақты жәрдем көрсетуге дайын екенін мәлімдеді. Дүниежүзілік азық-түлік бағдарламасы Қазақстаннан Ауғанстанға өткен жылдың қазан айында ауған халқы үшін 20 мың тонна ұн сатып алды. 
 

Осыған байланысты біз осы мәселеде барлық мүдделі және халықаралық құрылымдардың, соның ішінде Қазақстанда орналасқан Азық-түлік қауіпсіздігі ислам ұйымының қолдауына және қатысуына үміт артамыз", - деп мәлімдеді министр.

 
Сонымен қатар, ҚР делегациясының басшысы серіктес елдерді мұқтаж елдер үшін ауыл шаруашылығы секторындағы еңбек өнімділігін арттырудың тиімді тетіктерін құру бойынша халықаралық қаржылық қолдауды күшейтуге шақырды.
 
Сол күні ҚР сыртқы саяси ведомствосының басшысы БҰҰ Бас хатшысы Антониу Гутерришпен екіжақты кездесу өткізді. Тараптар Қазақстан мен БҰҰ арасындағы тығыз ынтымақтастықтың серпіні мен перспективаларын талқылады. Министр Жаңа Қазақстанды құру бойынша ҚР Президенті Қасым-Жомарт Тоқаевтың жүргізіп жатқан реформалары және ҚР Конституциясына түзетулер енгізу бойынша алдағы референдум туралы егжей-тегжейлі ақпарат берді. Сондай-ақ, БҰҰ Бас хатшысына Мемлекет басшысы атынан ү.ж. 14-15 қыркүйекте Нұр-Сұлтан қаласында өтетін Әлемдік және дәстүрлі діндер лидерлерінің VII съезіне шақыру тапсырылды.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Сатып алушыларға жүктелген автосалондардың қосымша қызметтері заңсыз деп танылды - Алматы прокуратурасы

18.05.2022, 15:44 11331
Сатып алушыларға жүктелген автосалондардың қосымша қызметтері заңсыз деп танылды - Алматы прокуратурасы
Сурет: Depositphotos
АЛМАТЫ. 18 МАМЫР - Алматы қаласының прокуратурасы ағымдағы жылдың ақпан айында автосалондардың қосымша қызметтерді, сондай-ақ жаңа автокөліктерді сатып алу кезінде аксессуарларды құру заңдылығына талдау жүргізді, деп хабарлайды KAZAKHSTAN TODAY Алматы қаласы прокуратурасының баспасөз қызметіне сілтеме жасап.
 

Прокурорлар автосалондардың мұндай әрекеті заңға қайшы екенін анықтады. Автосалондар көліктерді сатқанда шын мәнінде бұл қызметтер мен керек-жарақтарды тұтынушыларға жүктейді", - делінген ведомство сайтында. 

 
Прокуратурада, "Тұтынушылардың құқықтарын қорғау туралы" Қазақстан Республикасы Заңының 8-1-бабына сәйкес, cатушы (орындаушы, дайындаушы) тұтынушымен жасалған шарттарға тұтынушының құқықтарын бұзатын және (немесе) оларға қысым жасайтын талаптарды енгізбеуге тиіс екенін еске салды. Сатушы (дайындаушы, орындаушы) тұтынушыға тиісті сападағы тауарларды (жұмыстарды, көрсетілетін қызметтерді) тұтынушыға ыңғайлы уақытта еркін таңдауды қамтамасыз етуге міндетті. Тұтынушыны қажетсіз мөлшерде және (немесе) ассортиментте өнімді (жұмысты, көрсетілетін қызметті) сатып алуға мәжбүрлеуге тыйым салынады.
 

Жоғарыда айтылғандарды ескере отырып, 05.03.2022 ж қадағалау органы Алматы қаласы Бәсекелестікті дамыту және қорғау департаментіне заңдылықты бұзушылықты жою туралы ұсыну енгізді", - деп хабарлады қалалық прокуратура. 

 
Қазіргі уақытта уәкілетті орган жаңа автокөліктерді сату бойынша дилерлік орталықтардың тауар нарығындағы бәсекелестік ортаның жай-күйіне талдау жасауды аяқтауда.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

ҚР Ұлттық Банкі Батырхан Шүкенов бейнеленген коллекциялық монеталарды шығарды

18.05.2022, 15:25 11686
Сурет: ҚР ҰБ
НҰР-СҰЛТАН. 18 МАМЫР - Қазақстан Ұлттық Банкі (ҚҰБ) Street art. BATYR BEINESI коллекциялық монеталарын айналымға шығарады, деп хабарлайды KAZAKHSTAN TODAY ҚР Ұлттық Банкінің баспасөз қызметіне сілтеме жасап.
 

Монеталар proof сапамен күмістен жасалған, сынамасы – 925/1000, түрлі-түсті баспа технологиясын қолдану арқылы дайындалған, салмағы – 31,1 грамм, мөлшері – 30х45 мм, номиналы – 500 теңгелік, таралымы – 5 000 дана", - деп хабарлады Ұлттық Банктің баспасөз қызметі.

 
Street art. BATYR BEINESI жаңа монетасы заманауи өнер мен Батырхан Шүкеновті мәңгі есте қалдыру секілді бірден екі мағыналық желіні біріктіреді. Бұл – ҚҰБ-тың стрит-арт сияқты қазіргі заманғы жастар өнерін қолдауға арналған алғашқы коллаборациялық монета жобасы.
 
Коллекциялық монеталар нақты құнына сай Қазақстан Республикасының бүкіл аумағында төлемдердің барлық түрі бойынша қабылдауға, сондай-ақ Қазақстан Республикасының банк шоттарында аударуға, ұсақтауға және айырбастауға жатады.
 

Күмістен жасалған монеталар кәдесый орамында мемлекеттік тілде, орыс және ағылшын тілдерінде ҚҰБ-тың нөмірлік сапа сертификатымен шығарылады. Коллекциялық монеталар Қазақстан теңге сарайында дайындалған", - деп толықтырды баспасөз қызметі.

 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Темір жолдарға иелік ететін 25 компания мемлекет меншігіне өтеді

17.05.2022, 19:32 19106
Темір жолдарға иелік ететін 25 компания мемлекет меншігіне өтеді
Сурет: ҚР Премьер-Министрінің баспасөз қызметі
НҰР-СҰЛТАН. 17 МАМЫР - ҚР Премьер-Министрі Әлихан Смайылов Экономиканы демонополизациялау жөніндегі комиссияның кезекті отырысын өткізді, деп хабарлайды KAZAKHSTAN TODAY ҚР Премьер-Министрінің баспасөз қызметіне сілтеме жасап.
 
Бұған дейін жауапты мемлекеттік органдарға салалық объектілер мен ұйымдарды жекешелендірудің негізділігіне, оның ішінде жеке операторларды құру тұрғысынан талдау жүргізу тапсырылған болатын.
 
Жүргізілген жұмыстардың нәтижесінде бірқатар коммуникациялық, инфрақұрылымдық және өндірістік компанияны мемлекеттік меншікке беру ұсынылды.
 
Бүгінгі таңда республикалық меншікке бірқатар кәсіпорын мен мекеменің акциялары мен қатысу үлестері қабылданды. Атап айтқанда, "Көлік сервисі орталығы" АҚ мүлкінің құрамында ұзындығы 250 шақырым болатын 400-ден астам кірме теміржол желілері қабылданды.
 
Мемлекеттік меншікке ұзындығы 178 шақырым болатын 138 кірме теміржолына иелік ететін тағы 25 компанияны қабылдау жұмыстары жүргізіліп жатыр.
 
Аталған компаниялардың мемлекет меншігіне қабылдануы темір жол инфрақұрылымы саласында делдалдарды болдырмауға және осы қызметтерге бизнес шығындарын азайтуға мүмкіндік береді.
 
Сондай-ақ комиссия отырысында Жекешелендірудің кешенді жоспарынан халықтың тыныс-тіршілігін қамтамасыз ететін (жылумен, электрмен, сумен жабдықтау және басқа да коммуналдық қызметтер) 205 объектіні алып тастау мәселесі талқыланды.
 
Сонымен қатар Комиссия ЖЖМ нарығын, газ саласын және өңірлік электр желілік компанияларды демонополизациялау шараларын қарады.
 
Премьер-Министр осы бағыттарда жоспарланған іс-шараларды жүзеге асыру үшін барлық қажетті құқықтық және ұйымдастырушылық мәселелерді пысықтауды тапсырды.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Ең көп оқылғаны