02.05.2022, 17:22 15191

Атырау облысының көлдерінде балықтардың қырылуы жалғасуда

Атырау облысының көлдерінде балықтардың қырылуы жалғасуда
Сурет: Мой ГОРОД порталынан
АТЫРАУ. 2 МАМЫР - Атырау облысының көлінен жарты тонна өлі балық табылды.
 
Алмағамбет көлінде 507 келі, Безымянный көлінде тағы 65 келі өлі балық табылған. Бұл туралы Экология, геология және табиғи ресурстар министрлігінің Балық шаруашылығы комитеті төрағасының орынбасары Аян Бахиянов мәлімдеді.
 

Безымянный және Алмағамбет көлдеріндегі су деңгейінің көтерілуі мен төмендеуіне байланысты балықтар жіңгіл тоғайына кептеліп, шыға алмай қалған. Безымянный көлінен 65 келі, Алмағамбет көлінен 507 келі өлі балық алынды. Қазір жұмыс жалғасып жатыр", - деп түсіндірді Бахиянов.

 
Қазіргі уақытта Орал-Каспий бассейндік инспекциясының 40 қызметкері және Алға аулынан сегіз жұмысшы жұмылдырылды.
 
Облыстық балық шаруашылығы басқармасының басшысы Артур Сәдібекұлы өңірдегі 200 су қоймасының 70-ке жуығы қауіпті санатқа жатқызылып, қатаң бақылауда екенін айтты.
 
Ақпарат көзі: tengrinews.kz
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Ең көп оқылғаны