Жаңатас кен орнында кеншілер ереуілі басталды
Кеншілер жалақыны көтеруді сұрап, талап қойды.
Сурет: видеодан кадр
Тараз. 25 қараша. KAZAKHSTAN TODAY - Жамбыл облысындағы "Қазфосфат" ЖШС Жаңатас кен орнында ереуіл басталды.
Жамбыл облысының Жаңатас қаласында фосфорит өндіру бойынша Жаңатас кен орнында ереуіл басталды. Кеншілер жалақыны көтеруді сұрап, талап қойды", - деп хабарлады ElMedia басылымы.
Еске салайық, 23 қараша күні Нұрлан Нығматулиннің ұлдарының иелігіндегі "Қазфосфат" ЖШС зауытында ресейлік менеджерге қарсы наразылық шеруі өтті. Ресейден келген менеджер жұмысшыларды балағаттап, ар-намысына тиетін сөздер айтқан. Кейін зауыт басшылығы мен қызметкерлер келісімге келді.
Ақпарат көзі: exclusive.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚТЖ Шымкент филиалының басшысы жүйелі сыбайлас жемқорлыққа қатысы бар деген күдікке ілінді
Сыбайлас жемқорлық қылмыс жасады деген күдік бойынша "Қазпошта" АҚ Павлодар облыстық филиалы директорының орынбасары ұсталып, қамауға алынды
Сурет: Depositphotos
Шымкент. 27 қаңтар. KAZAKHSTAN TODAY - "ҚТЖ-Жүк тасымалы" ЖШС Шымкент филиалының басшысы пара алғаны үшін әшкереленді, деп хабарлады Шымкент қаласының Сыбайлас жемқорлыққа қарсы іс-қимыл агенттігі департаменті басшысының міндетін уақытша атқарушы Дәурен Ерғарин.
Шымкент қаласы бойынша Сыбайлас жемқорлыққа қарсы қызмет "ҚТЖ-Жүк тасымалы" ЖШС Шымкент филиалының басшысына және оның қарамағындағы бірқатар қызметкерлерге қатысты сотқа дейінгі тергеп-тексеруді жүргізуде. Олар поездарды қабылдаушы, кассир, вагондарды тексеруші-жөндеуші және т.б. лауазымдарға жұмысқа орналасу үшін жүйелі түрде пара бергені және алғаны үшін әшкереленген, деді Ерғарин.
Сотқа дейінгі тергеу жалғасуда. Өзге ақпарат жария етуге жатпайды.
27.01.2023, 11.55 толықтырылды
Павлодар облысы бойынша сыбайлас жемқорлыққа қарсы қызмет "Қазпошта" АҚ ішкі қауіпсіздік қызметінің көмегімен сыбайлас жемқорлық қылмыс жасады деген күдік бойынша "Қазпошта" АҚ Павлодар облыстық филиалы директорының орынбасарын ұстап, қамауға алды.
Ол мердігер ұйым өкілінен орындалған жұмыстар актілеріне кедергісіз қол қойғаны үшін 2 000 000 теңге сомасында пара алды деп күдіктелуде. Күдіктінің кінәсі туралы түпкілікті шешімді сот қабылдайды", - деді ведомствода.
Бұған дейін Таразда студенттерден пара алған ЖОО оқытушысы ұсталғаны хабарланған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Таразда студенттерден пара алған ЖОО оқытушысы ұсталды
Аға оқытушы 4-курс студенттерінен үш айлық тәжірибелік сабақтардан және емтиханнан өткізіп беремін деп әрқайсысынан 50 мың теңге көлемінде ақша талап еткен
Сурет: Depositphotos
Тараз. 27 қаңтар. KAZAKHSTAN TODAY - 20 қаңтарда Жамбыл облысы полиция департаментінің ұйымдасқан қылмысқа қарсы күрес басқармасы қызметкерлерімен жүргізілген арнайы жедел-іздестіру шаралары барысында қаладағы жоғары оқу орынының бірінен 46 жастағы оқытушы қызметтік кабинетінде студенттен 200 мың теңге көлемінде қаржы алу кезінде ұсталды.
Полиция қызметкерлері аға оқытушының бұған дейін 4-курс студенттерінен үш айлық тәжірибелік сабақтардан және емтиханнан өткізіп беремін деп әрқайсысынан 50 мың теңге көлемінде ақша талап еткендігін анықтады. Ұсталған ер адам кінәсін толық мойындады. Оған қатысты қолхатпен босату туралы бұлтартпау шарасы қолданылды", - деді полицияда.
Аталған дерекке қатысты ҚР ҚК-нің 190-бабы 3-бөлігі 3-тармағымен (Екі немесе одан да көп адамға қатысты жасалған алаяқтық) сотқа дейінгі тергеу амалдары басталды.
Бапқа сәйкес, осындай қылмыс жасағаны үшін мүлкi тәркiленіп, үш жылдан жеті жылға дейінгі мерзiмге бас бостандығын шектеуге не сол мерзiмге бас бостандығынан айыру, белгiлi бiр лауазымдарды атқару немесе белгiлi бiр қызметпен айналысу құқығынан өмір бойына айыра отырып, жымқырылған мүліктің он еселенгеннен жиырма еселенгенге дейінгі мөлшерінде айыппұл салу, не үш жылдан жеті жылға дейінгі мерзiмге бас бостандығынан айыру жазасы көзделген.
Ақпарат көзі: Polisia.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада сот ҰҚК қызметкерлерін азаптау ісі бойынша қамауға алуға санкция берді
Сурет: Depositphotos
Сотқа дейінгі тергеп-тексерудің деректері жария етілмейді
Астана. 26 қаңтар. KAZAKHSTAN TODAY - Астанадағы тергеу изоляторында тұтқындарды азаптады деген күдікке ілінген ҰҚҚ қызметкерлері екі айға қамауға алынды, деп хабарлайды Астана сотының баспасөз қызметі.
Астана қаласы Мамандандырылған ауданаралық тергеу сотының мәліметінше, 25 қаңтарда Астана қаласының мамандандырылған ауданаралық тергеу соты күдікті подполковник Еркін Аманов, майор Хамит Абдуғали, ҰҚҚ Шекара қызметінің қызметкері, капитан К.Б.Сартаевтқа қатысты екі ай мерзімге қамауға алу түріндегі бұлтартпау шарасын бекітті.
Сотқа дейінгі тергеп-тексерудің өзге деректері ҚР ҚП кодексінің 201-бабына сәйкес жария етілмейді.
Ақпарат көзі: inform.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда жалған терроризм ауыр қылмыстар санатына жатқызылуы мүмкін
2022 жылы терроризм актілері бойынша жалған хабарламалар саны артты. Қылмыстық кодексінің 273-бабымен 181 қылмыстық іс қозғалды, 25 адам сотталды
Сурет: Depositphotos
Астана. 25 қаңтар. KAZAKHSTAN TODAY - Бас прокуратура мүдделі мемлекеттік органдармен бірлесіп көрінеу жалған терроризм бойынша қылмыстық жауаптылықты күшейту және құқық бұзушылықтың осы түрін "ауыр" санатына жатқызу (7 жылға дейін бас бостандығынан айыру мерзімі) туралы мәселені пысықтауда, деп хабарлайды ҚР Бас прокуратурасының баспасөз қызметі.
Бас прокуратураның ақпараты бойынша, 2022 жылы терроризм актілері бойынша жалған хабарламалар саны артты. Қылмыстық кодексінің 273-бабымен 181 қылмыстық іс қозғалды, 25 адам сотталды.
Әдетте, аталған фактілерді тексеру көп уақыт пен ресурстарды қажет етеді. Оқиға орнына полиция, құтқарушылар, кинологтар, өрт сөндірушілер, жедел жәрдем бригадалары, жедел тергеу топтары барады. Кәсіпорындардың қалыпты жұмыс режімі бұзылады. Бұл күш пен құралдардың айтарлықтай ауытқуына әкеледі, тексерілетін коммерциялық кәсіпорындар миллиондаған шығынға ұшырайды, терролық шабуыл туралы жалған хабарламалар адамдарды эвакуациялау кезінде дүрбелең мен құрбандыққа әкелуі мүмкін. Құқық қорғау және арнайы органдар осындай анонимді хабарламалардың авторларын анықтау бойынша шаралар қабылдайды", - деді ведомствода.
Мысалы, 2022 жылғы шілдеде Қостанай облысының тұрғыны өз көршісінен кек алу мақсатында электрондық поштасын бұзып, оның атынан Астана және Алматы қалаларының 13 нысандарына (сауда орталықтары, әуежайлар, банктер және т.б.) терроризм актісі туралы көрінеу жалған хабарлама жіберген үшін 1 жыл 6 айға бас бостандығынан айырылды. Алматы облысында құрдастарымен бәстесіп электронды пошта арқылы 3 мектепті миналау туралы хабарлама жіберген 13 жасар бала анықталып, полицияға жеткізілді. Кәмелетке толмаған баланы тәрбиелеу жөніндегі міндетін орындамаған үшін оқушының ата-анасы жауапкершілікке тартылды.
Тәжірибе көрсеткендей, қылмыскерлер тек ел ішінде ғана емес, одан тыс жерлерде де әрекет етеді.
Жедел өзара іс-қимыл мақсатында шет мемлекеттермен интернет-кеңістіктегі анонимді хабарламалардың авторларына қатысты деректер алмасу бойынша Қазақстанның Бас прокуратураның үйлестірумен Будапешт конвенциясына ("Компьютерлік қылмыстар туралы") қосылуға жұмыс жүргізілуде", - деп қосты баспасөз қызметінде.
Еске салайық, ұшақты "миналаған" астаналық екі жылдан астам бас бостандығын шектеуді алған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қорғаныс министрлігінің департамент басшысы 20 мың доллар пара алды деген күдікке ілінді
Күдікті қамауға алынды
Сурет: Depositphotos
Астана. 23 қаңтар. KAZAKHSTAN TODAY - Сыбайлас жемқорлыққа қарсы қызмет Қазақстан Республикасы Қорғаныс министрлігінің құрылымдық бөлімшесінің басшысына қатысты сотқа дейінгі тергеп-тексеруді бастады, деп хабарлайды ҚР Сыбайлас жемқорлыққа қарсы ведомствоның баспасөз қызметі.
Қорғаныс ведомствосының ақпараттандыру департаменті бастығының м.у.а. бейнеконференцбайланыс жабдығын жеткізу мерзімдерін бұза отырып, қабылдау-тапсыру актісіне кедергісіз қол қойғаны үшін жеткізушіден 20 000 АҚШ доллары сомасында пара алды деп күдіктелуде", - деп хабарлады ведомствоның баспасөз қызметі.
Күдікті ұсталып, Астана қаласының тергеу сотының санкциясымен қамауға алынды.
Тергеу жалғасуда.
Тергеу мүддесі үшін өзге ақпарат жария етуге жатпайды.
Естеріңізге сала кетейік, Атырау облысының тұрғыны сыбайлас жемқорлық туралы хабарлағаны үшін 12 млн теңгеден астам қаражат алған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
4 мыңнан астам алматылықтар қаржы пирамидаларының құрбаны болды
Бір қаржы ұйымына қатысты қылмыстық істі тергеу аясында, бірнеше жәбірленушінің арызы негізінде тіркелген істердің көп бөлігі бір өндіріске біріктіріледі
Сурет: Depositphotos
Алматы. 20 қаңтар. KAZAKHSTAN TODAY - Алматыда қаржы пирамидаларын ұйымдастырушылар 4 мыңнан астам адамды алдап кеткен.
Алматы полициясының бастығы Арыстанғани Заппаровтың айтуынша, алаяқтықтың көп бөлігі қаржылық пирамидаларымен байланысты.
Бір қаржы ұйымына қатысты қылмыстық істі тергеу аясында, бірнеше жәбірленушінің арызы негізінде тіркелген істердің көп бөлігі бір өндіріске біріктіріледі. Мысалы, Mudarabah Capital-ға қатысты қылмыстық істің 179 эпизоды, "Оскар Медикал" бойынша 298 эпизод және "Qi Trade" 4 мыңнан астам жәбірленуші бір өндіріске біріктірілді. Бұл ретте интернеттегі алаяқтықтардың санын азайтуға мүмкіндік туды. Танымал тұтынушы интернет-платформаларының өкілдерімен жұмыс кездесулері, сондай-ақ БАҚ-та және әлеуметтік желілерде интернет-алаяқтықпен күресу туралы ақпараты бар мақалалар, бейнероликтер тұрақты жариялануының арқасында", - деді Арыстанғани Заппаров.
"Кибернадзор" ақпараттық жүйесі арқылы заңсыз сайттарды анықтау үшін интернет кеңістігіне мониторинг жүргізу барысында елде 800-ден астам ресурс бұғатталған немесе шектелген. ПД-ның арнайы тергеу-жедел тобы IT-технологиялар саласындағы қылмыстарды ашу бойынша жұмысын жалғастырып жатыр.
Ақпарат көзі: Polisia.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Италияда қазақ қызы қайтыс болды
ҚР СІМ-де ақпарат расталды
Сурет: L'Occhio di Salerno
Рим. 19 қаңтар. KAZAKHSTAN TODAY - Италияның Салерно қаласында 27 жастағы Әсем Жарбосынды көлік қағып, мерт қылды. Бұл ақпаратты еліміздің Сыртқы істер министрлігі ресми растады.
Қайғылы оқиғаны растаймыз. Қазір мүрдесін Қазақстанға жеткізу үшін жұмыс жүргізіліп жатыр. Туыстарымен байланыстамыз", - деді Сыртқы істер министрлігінің ресми өкілі Айбек Смадияров.
Айта кетейік, бүгін еліміздің бұқаралық ақпарат құралдарында 27 жастағы Әсем Жарбосынның Италияда қаза тапқандығы жарияланған еді.
Аталған елдің жергілікті БАҚ таратқан мәліметіне сәйкес, қайғылы оқиға Салерно қаласында орын алған. 17 қаңтар күні Peugeo көлігін басқарған 20 жастағы жүргізуші Джузеппе Верди опера театры маңындағы жаяу жүргіншілер жолында студент қызды қағып кеткен.
БАҚ мәліметтеріне қарағанда, қазақ қызын қаққан жүргізуші оған алғашқы көмек көрсетуге тырысқан, жедел жәрдем шақырған. Алайда, өкінішке орай оны құтқару мүмкін болмады.
Ақпарат көзі: inform.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.