Қазақстан СІМ-де Халықаралық әйелдер күніне орай салтанатты жиын өтті
Сурет: gov.kz
Қазақстан Республикасы Сыртқы істер министрлігінде Халықаралық әйелдер күніне арналған салтанатты жиын өтті. Іс-шараға СІМ басшылығы және ведомство ұжымының әйелдер қауымы қатысты, деп хабарлайды Қазақстан Республикасы Сыртқы істер министрлігінің баспасөз қызметінен.
Салтанатты жиын барысында дипломатиядағы және халықаралық аренадағы әйелдердің рөлінің маңыздылығы аталып өтті. Әйел дипломаттардың еңбегі халықаралық байланыстарды нығайтуға және жаһандық деңгейде Қазақстанның мүдделерін ілгерілетуге елеулі үлес қосатыны атап көрсетілді. Министрліктің орталық аппаратында да, шетелдегі мекемелерінде де әйелдер мемлекеттік мүдделерді қорғауға және сыртқы саяси міндеттерді іске асыруға белсенді атсалысуда.
Іс-шара барысында Сыртқы істер министрі Ермек Көшербаев қазақстандық дипломат әйелдердің кәсібилігін, жауапкершілігін және елдің сыртқы саяси басымдықтарын ілгерілетудегі маңызды үлесін атап өтті.
Әйелдердің қазіргі қоғамдағы және мемлекет өміріндегі рөлі артып келеді. Сыртқы саяси ведомствода қызмет атқарып жүрген әйелдер еліміздің халықаралық беделін нығайтуға және Қазақстанның ұлттық мүдделерін ілгерілетуге маңызды үлес қосуда", - деп мәлімдеді Министр.
Мереке аясында сыртқы саяси қызметтің дамуына елеулі үлес қосқан бірқатар қызметкерге мемлекеттік және ведомстволық наградалар табысталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан Сыртқы істер министрі Православ шіркеуінің басшысын қабылдады
Сурет: gov.kz
Қазақстан Республикасының Сыртқы істер министрі Ермек Көшербаев Қазақстан Православ шіркеуінің басшысы, Астана және Қазақстан митрополиті Александрды қабылдады, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесу барысында конфессияаралық бейбітшілікті нығайту, қоғамдық келісімді сақтау және рухани-адамгершілік құндылықтарды дәріптеу мәселелері талқыланды. Қазақстандағы Православ шіркеуінің қоғамдағы өзара құрмет, төзімділік және тұрақтылық ахуалын қолдауға қосып отырған үлесі аталып өтті.
Тараптар конфессияаралық диалогты ілгерілету, сондай-ақ елдегі бейбітшілік пен келісімді нығайту мақсатында мемлекеттік органдар мен діни бірлестіктер арасындағы өзара іс-қимылды одан әрі дамыту маңызды екенін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Мен Халықаралық Қызыл Крест Комитеті халықаралық гуманитарлық құқық мәселелері бойынша ынтымақтастықтың жай-күйі мен перспективаларын талқылады
Сурет: gov.kz
Қазақстан Республикасы Сыртқы істер министрінің бірінші орынбасары Ержан Ашықбаев Қазақстанға алғаш сапармен келген Халықаралық Қызыл Крест комитетінің (ХҚКК) Президенті Мирьяна Споляричпен кездесті, деп хабарлайды Қазақстан Республикасы Сыртқы істер министрлігінің баспасөз қызметінен.
Е.Ашықбаев БҰҰ Жарғысы мен халықаралық құқыққа негізделген көпжақты жүйеге Қазақстанның қолдауын растады. Сондай-ақ, еліміздің халықаралық гуманитарлық құқық нормаларын толық сақтауды қамтамасыз ету жөніндегі жаһандық күш-жігер аясында ХҚКК-мен екіжақты ынтымақтастықты кеңейтуге ұмтылысын атап өтті.
М.Сполярич халықаралық қауіпсіздікті нығайтуға және қазіргі заманғы жаһандық сын-қатерлерді еңсеруге бағытталған халықаралық бастамаларды ілгерілетудегі Қазақстанның үлесін жоғары бағалады және осы тұрғыда өзара іс-қимылды жандандыруға дайындығын растады.
Сұхбаттастар Халықаралық гуманитарлық құқыққа саяси бейілдікті күшейту жөніндегі Жаһандық бастама шеңберіндегі бірлескен іс-қимылдарды, сондай-ақ 2026 жылдың соңында Амман қаласында (Иордания) өтетін соғыс уақытындағы гуманизм мәселелері жөніндегі жоғары деңгейдегі конференцияға дайындық барысын талқылады.
Тараптар Қазақстан мен ХҚКК арасындағы халықаралық, өңірлік және ұлттық деңгейлердегі ұзақ мерзімді ынтымақтастықты одан әрі нығайтуға өзара мүдделілігін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Саяси консультациялардың алғашқы раунды аясында Астана мен Бангкок ынтымақтастықтың жаңа кезеңін талқылады
Сурет: gov.kz
Қазақстан Республикасының Сыртқы істер министрлігінде Қазақстан Республикасы Сыртқы істер министрінің орынбасары Әлібек Бақаев пен Таиланд Корольдігі Сыртқы істер министрінің хатшысы Сарун Чароенсуванның қатысуымен қазақ-таиланд саяси консультацияларының алғашқы раунды өтті, деп хабарлайды Қазақстан Республикасы Сыртқы істер министрлігінің баспасөз қызметінен.
Келіссөздер барысында тараптар екіжақты қатынастардың қазіргі жай-күйі мен даму перспективаларын талқылап, саяси диалогты одан әрі нығайтуға және шарт-құқықтық негізді кеңейтуге өзара мүдделілігін растады. Жоғары және биік деңгейлердегі сапарлар алмасуды жандандыру, сондай-ақ Екіжақты ынтымақтастық жөніндегі үкіметаралық комиссияның кезекті отырысына дайындық жүргізу маңызды екені аталып өтті.
Сауда-экономикалық және инвестициялық байланыстарды ілгерілетуге ерекше назар аударылды. 2025 жылдың қорытындысы бойынша өзара тауар айналымы 255 млн АҚШ долларын құрады. Өңдеу өнеркәсібі, ауыл шаруашылығы, ғылым мен мәдениет, көлік және логистика, цифрлық даму мен туризм салаларында өзара іс-қимылды тереңдетудің елеулі әлеуеті бар екені атап көрсетілді.
Сонымен қатар көліктік байланыстылықты дамыту, әуе қатынасын кеңейту және туристік алмасуды ұлғайту мәселелері талқыланды.
Тараптар халықаралық күн тәртібіндегі өзекті тақырыптар бойынша пікір алмасып, БҰҰ, АӨСШК, БРИКС аясындағы өзара іс-қимыл және Оңтүстік-Шығыс Азия мемлекеттері қауымдастығымен диалог мәселелері бойынша пікір алмасты.
Консультациялардың қорытындысы бойынша тараптар тұрақты саяси байланысты жалғастыру туралы уағдаластыққа қол жеткізді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астана Халықаралық қаржы корпорациясының Қазақстандағы басшысымен кездесті
Сурет: gov.kz
Қазақстан Республикасы Сыртқы істер министрінің орынбасары Әлібек Қуантыров Қазақстан Республикасындағы Халықаралық қаржы корпорациясының (ХҚК/IFC) қызметіне жауапты өңірлік менеджері Зафар Хашимовпен кездесу өткізді, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесу барысында тараптар Қазақстан мен ХҚК арасындағы ынтымақтастықтың қазіргі жағдайы мен даму перспективаларын талқылады, сондай-ақ елдің орнықты экономикалық дамуына жәрдемдесу мақсатында өзара іс-қимылды одан әрі кеңейту мәселелері бойынша пікір алмасты.
Ә.Қуантыров Қазақстандағы жеке секторды дамытуға, инвестициялар тартуға және экономиканы жаңғыртуға бағытталған жобаларды іске асыруға ХҚК-ның қосып отырған маңызды үлесін атап өтті. Осы тұрғыда Корпорацияның қатысуымен жүзеге асырылып жатқан бастамалардың қаржы саласы, инфрақұрылым және орнықты даму сияқты экономиканың түрлі секторларындағы маңыздылығы ерекше аталып өтті.
Өз кезегінде, З.Хашимов Халықаралық қаржы корпорациясының Қазақстанмен серіктестікті одан әрі нығайтуға және кәсіпкерлікті дамытуға, іскерлік ахуалды жақсартуға, сондай-ақ экономиканың түрлі салаларында заманауи орнықты шешімдерді енгізуге бағытталған бірлескен бастамаларды іске асыруға мүдделі екенін растады.
Сондай-ақ тараптар құрамына ХҚК кіретін Дүниежүзілік банк тобы мен Қазақстан арасындағы өзара іс-қимылдың жоғары деңгейін атап өтіп, басым бағыттар бойынша практикалық ынтымақтастықты одан әрі дамытуға дайын екендіктерін білдірді.
Кездесу қорытындысы бойынша тараптар өзара қызығушылық тудыратын бағыттар бойынша сындарлы диалогты жалғастыруға және ынтымақтастықты кеңейтуге дайын екендіктерін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ереванда қазақ-армян гуманитарлық ынтымақтастығын нығайту мәселесі талқыланды
Сурет: gov.kz
Елші Болат Иманбаев Армения Республикасының Білім, ғылым, мәдениет және спорт министрі Жанна Андреасянмен кездесті, деп хабарлайды Қазақстан Республикасы Сыртқы істер министрлігінің баспасөз қызметінен.
Сұхбаттасушылар Қазақстан мен Армения арасындағы білім беру, ғылым және мәдениет салаларындағы өзара іс-қимылдың жоғары деңгейін растады. 2025 жылы екі елдің бейінді ведомстволары, сонымен бірге жетекші мұражайлары, кітапханалары мен киноиндустрия ұйымдары арасында қол қойылған екіжақты құжаттардың маңыздылығы ерекше аталып өтті.
Осы орайда үстіміздегі жылдың ақпан айында Месроп Маштоц атындағы "Матенадаран" ежелгі қолжазбалар институты делегациясының Қазақстанға сапарының маңыздылығына назар аударылып, сапар аясында Әл-Фараби атындағы Қазақ ұлттық университетінің басшылығымен тәжірибе алмасу және бірлескен ғылыми-зерттеу жобаларын іске асыру мәселелері бойынша келіссөздер жүргізілді.
Кездесу барысында тараптар ынтымақтастықтың басым бағыттарын талқылап, ағымдағы жылға арналған екіжақты іс-шаралар кестесін келістірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Словениядағы қазақстандық қауымдастықпен кездесуде Конституциялық реформа талқыланды
Сурет: gov.kz
Қазақстанның Словениядағы Елшісі Алтай Әбибуллаев Словенияда тұратын Қазақстан азаматтарымен кездесіп, отандастардың құқықтарын қорғау, дипломатиялық миссиямен өзара іс‑қимыл және шетелдегі қазақстандық қауымдастықты нығайту мәселелерін талқылады. Елші Қазақстан мен Словения арасындағы жоғары деңгейдегі қатынастарды атап өтіп, азаматтармен ашық диалогтың маңыздылығын және елшіліктің жан‑жақты қолдау көрсетуге дайын екенін жеткізді, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесудің негізгі бөлігі Қазақстанда жүзеге асырылып жатқан ауқымды өзгерістерге арналды. Елші конституциялық реформаның негізгі аспектілеріне тоқталып, демократиялық институттарды нығайтуға және азаматтардың мемлекеттік басқаруға қатысуын кеңейтуге бағытталған Конституциядағы негізгі өзгерістерді түсіндірді және отандастарды 15 наурызда өтетін республикалық референдумға қатысуға шақырды.
Дипломат елдің цифрландыру саласындағы жоспарлары туралы айтып, электрондық мемлекеттік қызметтерді кеңейту, экономикаға инновациялық шешімдерді енгізу және халыққа көрсетілетін цифрлық қызметтердің сапасын арттыру бағытындағы жұмыстарға тоқталды. Осыған байланысты ол қазақстан‑словениялық "AI&Digital Bridge" цифрлық форумына және елшілік ұйымдастыратын басқа да қоғамдық және мәдени іс‑шараларға қатысуға шақырды.
Кездесуге қатысушылар талқыланған тақырыптарға белсенді қызығушылық танытып, мемлекеттік құрылымдармен өзара іс‑қимыл жасау, білім беру бағдарламаларына қатысу және мәдени бастамаларды іске асыру мүмкіндіктерін қарастырды. Қатысушылар саяси реформалар, цифрлық жобалар және консулдық қызметтер туралы өзекті ақпараттың маңыздылығын атап өтті.
Кештің ерекше сәті Любляна университетінің Музыка академиясында оқитын қазақстандық талантты студенттердің өнер көрсетуі болды. Олар Евгений Брусиловскийдің "Боз айғыр" шығармасын орындап, кездесудің жарқын мәдени акцентіне айналды және Қазақстан мен Словения арасындағы гуманитарлық байланыстарды дамытуға жастардың қосқан үлесін көрсетті.
Кездесуді қорытындылай келе, Елші мұндай іс‑шаралар шетелдегі қазақстандық қауымдастықтың бірлігін нығайтуға және Қазақстанмен тұрақты байланысты сақтауға ықпал ететінін атап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.