Алматыда 4 мыңға жуық мопед жүргізушісі жауапқа тартылды
Алматыда мопед жүргізушілеріне бақылау күшейтілді, - деп хабарлайды Polisia.kz.
Алматы қаласында "Қауіпсіз жол" жедел-профилактикалық іс-шарасының екінші кезеңі басталып, мопед жүргізушілері арасындағы жол қозғалысы ережелерін бұзу фактілерін анықтауға бағытталған жүйелі жұмыстар жалғасуда.
Аталған шараның негізгі мақсаты - жол қозғалысына қатысушылардың тәртібін күшейтіп, жол-көлік оқиғаларының алдын алу, сондай-ақ азаматтардың қауіпсіздігін қамтамасыз ету.
Биылғы 5 сәуірден бастап мопедтерді пайдалануға қатысты жаңа ережелер күшіне енді. Жаңашылдыққа сәйкес, мопед жүргізушілерінен "А" санатындағы жүргізуші куәлігі, көлік құралын мемлекеттік тіркеуден өткізу, сақтандыру полисі мен мемлекеттік нөмір болуы талап етіледі. Осы талаптар енгізілгелі бері қалада 4 мыңға жуық мопед жүргізушісі әкімшілік жауапкершілікке тартылған.
Сонымен қатар, жол қозғалысы ережелерін өрескел бұзған 1,5 мыңға жуық мопед арнайы айыппұл тұрағына қойылған. Бұл көліктердің ішінде жүргізуші куәлігі мен мемлекеттік нөмірсіз басқарылған, қауіпсіздік талаптарын елемегендер де бар.
Біз "Қауіпсіз жол" іс-шарасының екінші кезеңі аясында профилактикалық жұмыстарды жүйелі түрде жүргізудеміз. Негізгі назар - мопед жүргізушілеріне бағытталған, себебі бұл санаттағы азаматтар қарапайым қауіпсіздік ережелерін жиі елемейді. Бұзушылықтар патрульдік қызмет, стационарлық бекеттер және бейнебақылау жүйелері арқылы тіркеледі. Біздің ұстанымымыз - заң бұзушылыққа мүлдем төзбеушілік. "Заң мен Тәртіп" - жай ұран емес, әрбір азамат орындауға міндетті қағида", - деді Алматы қалалық полиция департаментінің жергілікті полиция қызметі басқармасының бастығы Серік Шумаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматыда "Алма-Арасан" радон бұлағына баратын маршрутты кешенді жаңғырту қолға алынды
2025 жылы 12 мамырдан бастап "Алма-Арасан" автотұрағынан радон бұлағына дейінгі маршрутты кешенді жаңғырту басталды. Жоба аясында радон бұлағының инфрақұрылымын жаңарту, беткейлерді нығайту, көпірлерді қайта жөндеу, сонымен қатар жол бойын көріктендіру - жаңа төсеніштер, баспалдақтар мен демалыс орындарын орнату жұмыстары қамтылған. Бұл туралы Алматы қаласының туризм басқармасы хабарлады.
Бұлақ маңында тау жыныстарының құлауынан қорғану жұмыстары жүргізілуде, оған өнеркәсіптік альпинистер тартылған. Туристердің қауіпсіздігін қамтамасыз ету мақсатында тұрақсыз тау жыныстарынан беткейлерді тазарту көзделген, соның ішінде тастарды сынық темірлер мен гидроқұралдарды пайдаланып, қолмен түсіру жұмыстары жүргізіледі.
Беткейлердің қосымша тұрақтылығын қамтамасыз ету үшін анкерлік жүйелер орнатылады. Беткейлердің бетін болат торлармен және тартпа арқанмен қосымша бекіту жұмыстары жүргізіліп, бұл тау жыныстарының тұрақтылығын арттырып, құлау қаупін азайтады.
Жаңғырту жұмыстары 2025 жылы шілде айының соңына дейін аяқталады деп жоспарланған. Дегенмен кейбір жұмыстардың мерзімі ауа райының жағдайына байланысты өзгеруі мүмкін. Барлық жұмыс аяқталғаннан кейін бұл маршрут анағұрлым қауіпсіз, жайлы әрі экологиялық таза болып, әртүрлі жастағы және дайындық деңгейіндегі туристерге бейімделеді.
Қала тұрғындары мен қонақтарынан сапарларын жоспарлау кезінде уақытша шектеуді ескерулерін сұраймыз. Жұмысң барысы мен уақытша жабылулар туралы ақпарат қосымша жарияланады", - деді хабарлады қаланың туризм басқармасы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанның бірқатар қалаларында кезекші ХҚКО мекенжайлары өзгереді
1 шілдеден бастап Шымкент, Өскемен, Тараз, Орал, Қарағанды, Түркістан қалаларында, сондай-ақ Ұлытау облысында кезекші орталықтардың мекенжайлары өзгереді, деп хабарлайды "Азаматтарға арналған үкімет" мемлекеттік корпорациясының баспасөз қызметінен.
Естеріңізге сала кетейік, кезекші халыққа қызмет көрсету орталықтары жұмыс күндері сағат 09:00-ден 20:00-ге дейін, сенбі күндері сағат 09:00-ден 13:00-ге дейін жұмыс істейді.
Бұл ретте, кезекші мамандандырылған ХҚКО-лар жұмыс күндері өтініштерді 09:00-ден 18:00-ге дейін қабылдайды, ал дайын құжаттар 20:00-ге дейін беріледі. Сенбі күндері өтініштер 09:00-ден 12:00-ге дейін қабылданады, дайын құжаттар 13:00-ге дейін беріледі.
Айта кетейік, Шығыс Қазақстан облысының халыққа қызмет көрсету орталықтарының жұмыс күні бір сағат бұрын басталып, бір сағат бұрын аяқталады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Almaty Theatre сахнасында "Балет нені жасырды" қойылымының премьерасы өтті
Almaty Theatre сахнасында "Балет нені жасырды" қойылымының премьерасы өтті, деп хабарлайды ҚР Мәдениет және ақпарат министрлігінің баспасөз қызметінің баспасөз қызметінен.
Мемлекеттік академиялық би театры бір актілі заманауи "Балет нені жасырды" қойылымын сахналады. Қойылым 57-ші театр маусымын жапты.
Аталған балет сахна сыртындағы жасырын әлемнің сырын ашады.
Көрерменге боямасыз, ирония мен сезімге толы, әртістердің шынайы өмірі туралы баяндайды.
Балет премьерасы балетті сүйіп көретін тұрақты көрермен үшін де, бұл өнермен алғаш танысқан жандар үшін де нағыз жаңалық болды. Бұл - тек музыкамен үндескен шебер қимылдар ғана емес, адам жаны мен тәні арқылы сипатталған шынайы оқиға.
Қойылымда ішкі қайшылықтан тұратын әртіс өмірі, шабыт пен тоқырау, бағалау секілді сезімдер айқын суреттеледі. Бұл спектакль жанрлық шекараны жойды деуге болады. Себебі көрермен бір мезетте комедияны да, драманы да, трагедияны да тамашалады. Би театрының әртістері әр нөмірін кәсіби шеберлікпен орындады. Әр қимылға сезім, әр қозғалысқа жан бітірді. Бұл қойылым әр әртістің шығармашылық шекарасын кеңейтіп, еркіндік сыйлады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ел бойынша "Таза Қазақстан" жалпыұлттық акциясының екінші онкүндігі өтіп жатыр
Ел бойынша "Таза Қазақстан" жалпыұлттық акциясының екінші онкүндігі өтіп жатыр, деп хабарлайды ҚР Мәдениет және ақпарат министрлігінің баспасөз қызметінің баспасөз қызметінен.
2025 жылғы 16-25 маусым аралығында "Таза Қазақстан" жалпыұллтық акциясы аясындағы екінші онкүндік өтуде. Бұл кезең абаттандыру, қоқыс орындарын жою, жасыл желектерді суару және күтіп-баптау барысын қоғамдық бақылау секілді мәселелерге арналады.
Игі іске Түркістан, Жамбыл, Алматы, Атырау, Ақтөбе, Жетісу облыстары мен Шымкент және Астана қалаларындағы қоғамдық кеңестердің мүшелері белсене атсалысты.
Мониторинг барысында саябақтар мен қоқыс алаңдары, тарихи-мәдени ескерткіштер қаралды. Шара аясында ғимараттар маңы тазартылып, ағаштар мен гүлдер отырғызылып, сыртқы ақтау жұмыстары жүргізілді.
Сонымен қатар Түркістан облысында аталған акция аясында "Жасыл толқын" атты бірқатар көгалдандыру және ақпараттық іс-шаралар ұйымдастырылды.
Қоғамдық бақылау нәтижесінде кеңес мүшелері санитарлық тазалықты жақсарту, абаттандыру жөнінде бірқатар ұсыныс білдірді. Атап айтқанда, рұқсатсыз қоқыс алаңын жою, бейнебақылау орнату, тұрғындармен түсіндіру жұмыстарын жүргізу, эко-бақылау топтарын құру және заңбұзушыларға шара қолдану ұсынылды.
Қоғамдық кеңес мүшелері тек ұсыныс білдіріп қана қоймай, аталған жұмыстарға өздері қатысып, қоғамға үлгі боларлық белсенді азаматтық көзқарас танытты.
ҚР Мәдениет және ақпарат министрлігінің баспасөз қызметі
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.