Система Orphus

ҚР Сенаты БҰҰ-ның халықаралық бейбіт келісімдері туралы Конвенцияны ратификациялады

07.04.2022, 14:45 12831
НҰР-СҰЛТАН. 7 СӘУІР - Қазақстан Республикасы Сенатының депутаттары "Біріккен Ұлттар Ұйымының медиация нәтижесінде қол жеткізілген халықаралық татуласу келісімдері туралы конвенциясын ратификациялау туралы" заңды қарап, қабылдады, деп хабарлайды KAZAKHSTAN TODAY ҚР Парламенті Сенатының баспасөз қызметіне сілтеме жасап.
 
Бұл Конвенция халықаралық коммерциялық келісімдерді сақтау кепілдіктерін күшейтуге арналған. Сондай-ақ, оның ұлттық заңнамасына сәйкес басқа юрисдикцияда медиация арқылы қол жеткізілген келісімдерді тану мен орындаудың қолжетімді жүйесін құруды көздейді.
 

Конвенция оған мүше мемлекеттерде коммерциялық даулар кезінде медиация арқылы қол жеткізілген келісімдерді орындау үшін құқықтық негіз қалыптастырады. Қазіргі таңда медиация коммерциялық дауларды реттеудің баламалы және тиімді құралы болып отыр. Соған сәйкес осы Конвенция бизнеске және инвесторларға медиациялық келісімдердің өзге мемлекеттерде орындалуына қосымша кепілдік береді", – деді Мәулен Әшімбаев өз пікірінде.

 
2019 жылғы 7 тамызда, Қазақстан Республикасы Президентінің 2019 жылғы 2 тамыздағы Жарлығына сәйкес, Қазақстан Республикасы Біріккен Ұлттар Ұйымының медиация нәтижесінде қол жеткізілген халықаралық татуласу келісімдері туралы конвенциясына қол қойды.
 
Естеріңізге сала кетейік, конвенция 2020 жылғы 12 қыркүйекте күшіне енді. Оған Қытай, АҚШ, Корея, Үндістан және т.б. 55 ел қол қойды. Оның ішінде конвенцияны жеті ел (Сингапур, Эквадор, Фиджи, Гондурас, Катар, Сауд Арабиясы, Түркия) ратификациялады және бір ел (Беларусь) бекітті.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Ең көп оқылғаны