14.12.2022, 10:41 19816

Қазақстанда тағы 26 компания мемлекет меншігіне өтеді

Мүлік сыйға тарту тәртібімен мемлекеттік меншікке беріледі
Қазақстанда тағы 26 компания мемлекет меншігіне өтеді
Сурет: primeminister.kz
Астана. 14 желтоқсан. KAZAKHSTAN TODAY - Қазақстанда экономиканы демонополизациялау мақсатында арнайы комиссия құрылып, жұмыс істеп жатыр. Көлік және теміржол инфрақұрылымы саласындағы тағы 26 компанияны мемлекеттік меншікке беру процесі жүріп жатыр. Бұл туралы Үкімет отырысында Премьер-Министрдің орынбасары - ҚР қаржы министрі Ерлан Жамаубаев мәлімдеді.
 

Қазірдің өзінде Комиссияның 25 отырысы өткізілді, оның қорытындысы бойынша: бұрын жекешелендірілген және бәсекелес ортаға берілген объектілердің ішінен мемлекет меншігіне беру үшін объектілерді іріктеу өлшемшарттары әзірленді; телекоммуникация, теміржол инфрақұрылымы, экология және қонақ үй бизнесі салаларында акционерлік қоғамдар мен жауапкершілігі шектеулі серіктестіктердегі акциялар пакеті мен қатысу үлестері, жылжымайтын мүлік объектілері және ақшалай қаражат мемлекет меншігіне қабылданды", - деді қаржы министрі.

 
Оның айтуынша, мүлік мемлекеттік меншікке сыйға тарту тәртібімен - бюджеттен қаржылық шығынсыз қабылданады.
 

Көлік және теміржол инфрақұрылымы саласындағы тағы 26 компанияны мемлекеттік меншікке беру процесі жүріп жатыр. Бұл бағыттағы жұмыс күшейтілетін болады", - деді Ерлан Жамаубаев.

 
Естеріңізге сала кетейік, Екібастұздағы жылу желілеріндегі ең ірі апаттан кейін Президент Қасым-Жомарт Тоқаев Үкіметке проблемалық энергетикалық активтерді мемлекеттік меншікке қайтаруды қарастыруды тапсырған болатын.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


тақырып бойынша жаңалықтар

Ең көп оқылғаны