27.05.2024, 13:16 58356
Ақмола облысында темір жолда тұз қышқылы төгілді
Достарға айту
Ақмола облысында темір жолда тұз қышқылы төгілді, деп хабарлайды 24KZ.
Оқыс оқиға Аршалы ауданының Сарыоба стансысында болған. Зиянды зат жүк цистерналардың біріндегі жарықтан аққан. Оқиға орнында облыстық және аудандық штаб құрылды. Қауіпті жүгі бар цистерна негізгі құрамнан ажыратылды. Құтқарушылар төгілген тұз қышқылын жойды.
3 адам эвакуацияланды. Ақмола облысы және Астана қаласы Төтенше жағдай департаментінің құтқарушылары зиянды заттың ағуын тоқтатты. Қазіргі уақытта адамдардың өмірі мен денсаулығына қауіп төніп тұрған жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
13.06.2024, 11:56 9421
Алматы облысындағы ҚТҚ полигоны өртенді
Достарға айту
Алматы облысындағы ҚТҚ полигоны өртенді, деп хабарлайды ҚР ТЖМ баспасөз қызметінен.
Қонаев қаласы қатты тұрмыстық қалдықтар полигонының аумағында қоқыстың жануы орын алды.
Өрт сөндірушілер бір тәуліктен астам уақыт бойы алдын ала 1000 ш.м. алаңда қоқыстың өртенуін сөндіруде. Оқиға орнында, жерді қалпына келтіру, топырақпен толтыру және өртті сөндіру жұмыстары жүргізілуде.
Зардап шеккендер жоқ. Өрттің себебі анықталуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
07.06.2024, 12:40 25276
Талдықорғанда полицей суға батып бара жатқан баланы құтқарып қалды
Сурет: polisia.kz
Достарға айту
Талдықорған қаласында полицей суға батып бара жатқан баланы құтқарып қалды, - деп хабарлайды Polisia.kz.
Патрульдік полицияның рота инспекторы Санат Серікқалиұлы ерлік көрсетіп, Қаратал өзеніне батып бара жатқан баланы аман-есен құтқарып алды.
6 маусымда сағат 15:43 шамасында Санат Серікқалиұлы "Қызыл тас" саяжай қоғамдастығында демалыста жүргенде, көмек сұрап айқайлаған балалардың дауысын естіген. Балалар өзенге қарай нұсқаған, инспектор ойланбастан көмекке ұмтылған.
Өзенге жүгіріп барып, бір баланың суға батып бара жатқанын көрген. Судан құтқарылған 11 жастағы жасөспірім демала алмай, көгеріп жатқан. Осы тұста тәртіп сақшысы жылдам әрі батыл әрекет етті. Ол баланы судан шығарып алып, бірден алғашқы медициналық көмек көрсете бастады. Тікелей жүрек массажы мен жасанды тыныс беру арқылы инспектор баланың дем алысын қалпына келтірді.
Осыдан кейін ол дереу жедел жәрдем шақырған. Бала ауруханаға жеткізілді, онда дәрігерлер полиция қызметкерінің дер кезінде, уақтылы көрсеткен кәсіби әрекеті баланың өмірін сақтап қалғанын растады. Санат Серікқалиұлы өзінің бұл әрекетін таң қаларлықтай батырлық емес екенін, кез-келген адамның жасайтын әрекеті ретінде көретінін айтты.
Мен өз міндетімді атқардым. Адамдарды қорғау мен көмекке келу менің басты парызым",- деді ол.
Бұл оқиға барлығына төтенше жағдайда шешуші болып табылатын алғашқы медициналық көмек пен құтқару дағдыларының маңыздылығын еске салды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
03.06.2024, 12:16 34921
Астанада жедел жәрдем қызметкеріне пышақпен шабуыл жасаған мас азамат ұсталды
Сурет: gov.kz
Достарға айту
Астанада мас күйде болған ер адам жедел жәрдем қызметкеріне пышақпен шабуыл жасады.
Өткен демалыс күндері 103 пультіне жеделдіктің 3-ші санаты бойынша қоңырау түсті. Жедел жәрдем бригадасын әйел адам шақырды. Көрсетілген мекенжайға келген уақытта дәрігерлер мас күйінде озбырлық танытқан ер адамды байқады.
Жедел жәрдем қызметкері медициналық тексеруге кіріскенде, ер адам фельдшерді ұстап алып, оны бөлмеге сүйреп апарды да, фельдшердің тамағына пышақ қойып жабылды. Екінші фельдшер бұл туралы "Алматы" ауданының кіші станциясының аға дәрігеріне хабарлап, полиция шақырды. Фельдшер полиция қызметкерлері келгенге дейін шабуылдан жалтарып үлгерді. Шабуыл нәтижесінде фельдшер де, оған шабуыл жасаған адам да жарақат алған жоқ, - деп хабарлады елорданың денсаулық сақтау басқармасынан.
Полиция қызметкерлері ер адамды ұстап алды.
Айта кету керек, елордада адамдарды құтқару үшін көмекке келген жедел жәрдем қызметкерлерінің өздеріне қауіп төнетін мұндай жағдай жалғыз емес. Тек 2024 жылдың қаңтар-сәуір айлары аралығында осындай тоғыз жағдай тіркелді.
Басқарма қала тұрғындарын медицина қызметкерлерінің еңбегіне құрмет көрсетіп, оларға қатысты агрессивті әрекеттерден аулақ болуға шақырады. Жедел жәрдем қызметкерлерінің басты мақсаты - шұғыл медициналық көмек көрсету және пациенттердің өмірін сақтау екенін түсіну маңызды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
27.05.2024, 14:03 58076
Алматы облысындағы Шарын каньонының маңында туристер мінген автобус аударылды
Достарға айту
2024 жылдың 27 мамырында сағат 10:20-да Алматы облысы, Кеген ауданы, Еңбекшіқазақ ауданымен шекаралас аумақта туристер мінген автобуспен жол апаты орын алды, деп хабарлайды Алматы облысының әкімдігі.
Алдын ала ақпарат бойынша, автобус "Қазавтожол" желісіне жататын күрделі жол бұрылысында жолдан шығып кеткен. Оқиға орнына дереу Кеген ауданынан екі жедел жәрдем бригадасы шықты.
Автобуста 37 адам болған. Кеген аудандық ауруханасына 5 адам, Жалағаш аудандық ауруханасына 4 адам, Шелек ауылына 4 адам жеткізілді.
Орын алған жол апаты бойынша адам шығыны тіркелмеген.
Оқиғаның нақты себебі әлі белгісіз, тергеу жүріп жатыр.
Зардап шеккендердің жағдайы тұрақты, туристер дәрігерлердің бақылауында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
26.05.2024, 20:46 63456
Алматы облысында жол ережесін өрескел бұзған кортеж қатысушыларын ұсталды
Достарға айту
Он алты әкімшілік хаттама: полиция кортеждің барлық қатысушыларын анықтады, деп хабарлайды Polisia.kz.
Полиция Алматы облысында жол ережесін өрескел бұзған кортеж қатысушыларын ұстады және барлық автокөліктер арнайы тұраққа тоғытылды.
Қарсы бағытқа шығуы, жол жүрiсi қағидаларында көзделген жолаушыларды тасымалдау және қауiпсiздiк белдіктерiн пайдалану талаптарын сақтамағаны, маневр жасау қағидаларын бұзғаны және авариялық жағдай жасағаны үшін хаттамалар толтырылды.
Көлік құралдарында жолаушыларды қауіпсіз тасымалдау жөніндегі талаптарды бұзған кәмелетке толмаған жолаушылардың ата-аналарына олардың балаларын күтіп-бағу, тәрбиелеу, оқыту, құқықтары мен мүдделерін қорғау жөніндегі міндеттерді тиісінше орындамағаны үшін әкімшілік шаралар қабылданды.
Бұған дейін ІІМ кәмелетке толмағандардың ата-аналары мен туыстарына оқу жылы кезінде және одан кейін заңнаманы қатаң сақтау, сондай-ақ, оқушылардың қауіпсіздігін қамтамасыз ету қажеттілігі туралы үндеу жасаған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
26.05.2024, 20:42 63666
Алматы облысының тауларында жас туристер құтқарылды
Сурет: gov.kz
Достарға айту
ТЖМ қызметкерлері Украина азаматын құтқарды, деп хабарлайды ҚР ТЖМ баспасөз қызметінен.
Алматы облысында осы түнде жоғалып өздері 112 нөміріне хабарласқан туристерге құтқарушылар көмек көрсету үшін тауға аттанды.
Ауа райына қарамастан, РЖҚЖ құтқарушылары 88 шақырымнан астам жүріп өтіп, Талғар ауданының Бутаков шатқалына келді. Жаяу олар Лесная асуына қарай көтеріле бастап, онда Украина азаматы болып табылатын адасқан ер мен әйел адамды тапты. Жастарға жылы киім мен шай берілді, содан кейін оларға қауіпсіз жерге түсуге көмектесті.
Туристерге медициналық көмек қажет болмады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
24.05.2024, 19:52 73026
Атырау облысында тағы бір бөгет бұзылды
Бөгеттің биіктігі Балтық биіктік жүйесінің деңгейіне сәйкес ұлғайтылды
Достарға айту
Бүгінгі күні судың көптігі мен қатты желдің салдарынан Соколок каналы бойындағы бөгет бұзылды, деп хабарлайды Атырау облысының ТЖ жөніндегі жедел штабынан.
Соколок" каналы Атырау қаласына бағытталған үлкен су нөпірін Жайық өзені арқылы реттеудің негізгі элементтерінің бірі болып табылады. Осыған байланысты, канал бойындағы алғашқы қорғаныс нысанына қосымша, қаланы тасқын сулардан қорғауға арналған екінші қорғаныс нысаны салынғанын атап өткеніміз жөн. Екінші қорғаныс бөгетінің беріктігін қамтамасыз ету мақсатында, қосымша нығайту жұмыстары жүргізілді.
Бөгеттің биіктігі Балтық биіктік жүйесінің деңгейіне сәйкес ұлғайтылды. Бұл учаскеде тәулік бойы кезекшілік ұйымдастырылып отыр. Қазіргі уақытта жағдайдың өзгеруіне байланысты қажетті шешімдер алу үшін қосымша техникалар жіберілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.05.2024, 11:53 74951
Атырау облысының Махамбет ауданында бөгет бұзылды: тұрғындар эвакуациялануда
Достарға айту
Махамбет ауданындағы Жалғансай ауылында халықты толық эвакуациялау басталды, сирена қосылды, деп хабарлайды Атырау облысының ТЖ жөніндегі жедел штабынан.
Махамбет ауданы, Жалғансай ауылында түн ортасына жақын тұрғызылған бөгет бұзылды.
Қазіргі уақытта ауылдық медициналық пункттің су басу қаупі бар.
Сағат 01.20-да ескерту сирена қосылды. Ауыл тұрғындарын мектеп ғимаратына, сондай-ақ аудан орталығына эвакуациялау басталды.
Жағдайды тұрақтандыру үшін аудан орталығынан қосымша күштер тартылды. Қазіргі уақытта қауіпті жою үшін 15 бірлік техника мен ҚМ жеке құрамының 50 сарбазы жұмылдырылды. Төтенше жағдай орнында облыс әкімі барды.
Айта кетейік, Жалғансай ауылы Махамбет ауылының аудан орталығынан 15 шақырым қашықтықта орналасқан. Жалғансай ауылының халқы-1286 адам. Үйлердің саны - 237.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
17.06.2024, 12:25195 млн теңге сомасына нақты көрсетілмеген 440 медициналық қызмет анықталды 17.06.2024, 12:20 34364 өңірде полицейлер есірткі зертханаларының желісін жойды17.06.2024, 12:33 3211"Астана-Зеленстрой" ЖШС-нің бұрынғы бас директоры жемқорлық қылмыстар жасады деп күдікке ілінді17.06.2024, 12:41 3101Елімізде қанша мектеп түлектері "Алтын белгі" белгісін алды17.06.2024, 12:47 2996Алматыда зейнеткерге шабуыл жасаған күдікт ұсталды
13.06.2024, 12:44 98711Астана автобустарында орнатылан жаңа камералар билетсіз жолаушыларды анықтайды13.06.2024, 12:40 94796Үкімет қол жеткізілген Қазақстан-Корея келісімдерін іс жүзінде жүзеге асыруға дайын14.06.2024, 10:05 77596Атырау мұнай өңдеу зауытына 6 миллион айыппұл салынды14.06.2024, 10:11 77351Утиль алымы мәселелері бойынша петицияны қарау жөніндегі Жұмыс тобының отырысы өтті14.06.2024, 16:26 69491ІІМ тұрмыстық зорлық-зомбылық туралы Заң туралы айтылды
07.06.2024, 12:43 118746Корея Республикасының Президенті Юн Сок Ёль Қазақстанға мемлекеттік сапармен келеді07.06.2024, 12:50 118726100-ге жуық құрылыс нысанын бұзуға қатысты талап арызды алматылық сот қарайды23.05.2024, 12:53 118651Елімізде адам папилломасы вирусына қарсы вакцина сатып алуға 9,7 млрд теңгеден астам қаржы бөлінді23.05.2024, 12:26 114501АШМ 2,5 млн га алқапта табын шегіртке зиянкестері таралады деп болжап отыр23.05.2024, 16:48 113411Білім беру мекемелеріндегі бейнебақылау камералары, дабыл батырмалары мен турникеттер орнату жөніндегі жұмыстардың орындалуы үкіметтің назарында