Алматыда полиция департаменті ғимаратының шабуылының егжей-тегжейі
Сурет: ©Мадина Аимбетова
Оның айтуынша, 4 қаңтар кешке сағат 18.00-18.30 шамасында полиция басқармалары мен бөлімдеріне, оның ішінде қалалық Полиция департаментіне шабуыл жасау жоспарланғаны туралы жедел ақпарат келіп түскен.
Себебі полицияда көп мөлшерде қару бар. Бұл кезде ПД ғимараттарында жеке құрамның 100-ге жуық қызметкері болған. Негізгі ұрыс, яғни Департамент ғимараттарына қарулы шабуыл 20.00-де басталды. 1000-нан аса адам шабуылдады. Бірақ олар ешқандай талап қойған жоқ, тек мақсатты түрде жойып, өлтіруге барды", - деді Әзірбек.
Ол шабуылдаушылар ПД ғимаратына бірден бірнеше жағынан шабуылдауға тырысқанын айтты.
Бірақ толық күзетке алдық. Шабуылдарды тойтару үшін бірден бірнеше позицияға, соның ішінде ғимараттың сыртына да шығардық. Алайда шабуылдаушыларға қарсы тактика туралы ақпарат жарияланбайды. Себебі мұны қылмыскерлер кейін оқулық ретінде қолдана алады. Сонымен қатар, ПД-ға қарама-қарсы орналасқан көп қабатты үй төбесінде бірнеше мерген болды. Кейін олар жойылды. Барлығы 25-27 лаңкес жойылды, оларды кейін ғимарат айналасында таптық. Сондай-ақ, жараланғандардың көп бөлігін өздерімен бірге алып кетті. Күрес келесі күні таңғы 5-ке дейін жалғасты", - деп толықтырды ведомствоның ресми өкілі.
Шабуылға тойтарыс беру үшін арнайы операцияны ПД бастығы Қанат Таймерденов басқарған. Шабуыл кезінде ол қалалық Полиция департаменті ғимаратында болған.
Бұл жас полиция қызметкерлеріне рух берді. Өйткені, қатардағы тергеуші қаруын тәуліктік нарядта және атыс даярлығы бойынша сабақтарға барған кезде ғана алады. Мүмкін, ол шынайы өмірде алғаш рет қару қолдануға мәжбүр болған шығар. Бірақ ешқашан ғимаратты бермеу керек екенін түсіндік. Өйткені олар қаруға ие болса, бүкіл қаланы қолдарына алар еді", - деді ол.
Әзірбек шабуыл кезінде жақсы дайындалған топ әрекет еткенін мәлімдеді.
Олар өте жақсы әрекет етті, сақадай сай әрі тыңғылықты. Олар шабуылды қағаз жүзінде жоспарлаған болуы мүмкін. Өйткені олар күшті позицияға дәл бөлген: аумақ бойынша барлық бақылау камерасын өшіруге жауапты адамдары болған. Сондай-ақ, шабуылға қатысушыларға қару әкелген топ болған", - деді спикер.
Оның айтуынша, ПД ғимаратына жасалған шабуылды тойтару кезінде бейбіт тұрғындар арасында зардап шеккендер болмаған.
Комендатура барлық іс-шара кезінде бейбіт тұрғындар арасында құрбан болғандар санын міндетті түрде хабарлайды. Қазір бұл жұмыстар әлі де жүргізіліп жатыр", - деді Әзірбек.
Сондай-ақ, ол тәртіпсіздіктер кезінде кейбір полиция қызметкерлері наразылық білдірушілер жағына өткені туралы ақпаратқа түсініктеме берді.
Қазір тергеу жүріп жатыр, мән-жай анықталады. Мұндай жағдайлар болған-болмағанын міндетті түрде анықтаймыз. Себебі қауесетке ғана сене алмаймыз. Егер мұндай жағдайлар болса, онда әр деректі жеке қарастырамыз. Менің білуімше, бүгінде мұндай деректер анықталған жоқ", - деді Алматы ПД өкілі.
Айта кетейік, қазір Алматы Полиция департаментінің ғимараты қоршалған, күзет қорғап тұр. Масанчи көшесі бойымен өтетін жол Қабанбай батыр және Қарасай батыр көшелері аралығында жабылған. ПД өкілінің айтуынша, бұл шектеулер төтенше жағдай кезінде және кем дегенде 19 қаңтарға дейін қолданылады. Жүргізушілер қаланың осы ауданында жүріп-тұру кезінде бағытын реттеп алуы қажет екені айтылды.
Ақпарат көзі: tengrinews.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Су тасқыны салдарынан эвакуацияланғандар саны 118 мыңнан асты
Сурет: ТЖМ
Жүргізілген су тасқынына қарсы іс-шаралардың арқасында 19 715 адам өз үйлеріне оралды. Жедел шаралармен ТЖ аймақтарынан тұрғындар мен жануарларды эвакуациялау алдын ала жүргізілді. Су тасқыны басталғалы бері барлығы 118 180 адам, оның ішінде 44 254 бала құтқарылып, эвакуацияланды. 113 852 ауыл шаруашылық жануары қауіпсіз жерге айдалды, деп хабарлайды ҚР ТЖМ баспасөз қызметінен.
8 821 адам, оның ішінде 3 885 бала эвакуациялау пункттерінде. 4 370 тұрғын үй мен 2 737 аула аумағынан судың бағыты бұрылды. 10,5 млн астам текше метр еріген қар суы сорып шығарылды, 3,4 млн қапшық және 1,4 млн астам тонна инертті материал төселді.
Ақтөбе, Қостанай, Ақмола, Атырау, Солтүстік Қазақстан облыстарында 5 989 жеке тұрғын үй, 1 091 аула аумағы су астында қалуда.
ТЖМ Апаттар медицинасы орталығының психологтары су тасқыны қаупі бар өңірлердің тұрғындарына шұғыл психологиялық және ақпараттық көмек көрсету мақсатында тәулік бойы кезекшілікті атқаруда. Жедел желі телефонына 1 971 қоңырау түсті.
Зардап шеккен өңірлерге теміржол, автомобиль көліктерімен және әуе кемелерімен 4 529 тонна гуманитарлық көмек жеткізілді.
Су жүрген 60 автожол, су шайған 63 автожол, оның ішінде 10 көпір және 53 жол төсемі бақылауда қалуда. 44 елді мекен көлік қатынасынсыз қалды, оларға қажетті азық-түлік және дәрі-дәрмек қорлары құрылды.
Ақмола облысында қардың қарқынды еруіне және Есіл өзені су деңгейінің көтерілуіне байланысты Есіл ауданының Двуречное ауылында 10 жеке тұрғын үй су астында қалды. 47 адам алдын ала эвакуацияланды, олар туыстарының үйлеріне орналастырылды.
Ақтөбе облысында Ырғыз ауданының Құйлыс ауылынан Ырғыз ауылына әуе кемелерімен алдын ала 25 адам уақытша орналастыру пунктіне эвакуацияланды. Белшер және Мамыр ауылдарына 500 литр жанар-жағармай және 2 тонна гуманитарлық көмек жеткізілді. Құйлыс ауылында Торғай өзенінде жағалауды нығайту жұмыстары жалғасуда.
Солтүстік Қазақстан облысында Петропавл қаласының Подгора шағын ауданында, Кожевенный кентінде 348 жеке тұрғын үйді, сондай-ақ 3031 саяжай құрылысы су астында қалды. Тұрғындар алдын ала эвакуацияланды. Есіл өзенінің су деңгейіне мониторинг жүргізілуде. ТЖД және ЖАО қызметтері Петропавл қаласының және облыс аудандарының эвакуациялық пункттерінде орналасқан тұрғындарға психологиялық көмек көрсетуде.
Авариялық-құтқару және су тасқынына қарсы жұмыстарға азаматтық қорғау қызметтерінен 44 137 адам, 4 642 техника, 858 су сору құралы, 341 жүзу құралы, 12 әуе кемесі жұмылдырылды, сондай-ақ волонтерлер де белсенді қатысуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда тұрғын үй аумағына көшкін түсті
Сурет: ТЖМ
Алматыда тұрғын үй аумағына көшкін түсті, деп хабарлайды ҚР ТЖМ баспасөз қызметінен.
Алматы қ.Медеу ауданында жаңбыр түрінде жауын-шашынның мөлшернің түсуіне және топырақтың батпақтануына байланысты салынып жатқан 3 қабатты тұрғын үйдің аумағына 50 текше метр көлемінде сырғыма түсіп, қазан шұңқырдың ішінде тоқтады. Сондай-ақ, үйдің оңтүстік жағында көлемі 15-20 текше метр топырақ массасы түсті", деп көрсетілген хабарламада.
Зардап шеккендер мен қираулар жоқ.
ТЖД күштерімен учаскені егжей-тегжейлі тексеру жүргізілуде, қауіп жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда Альпинисттік лагерьдің маңында қар көшкіні түсті
Сурет: ТЖМ
Алматының Медеу ауданында қар көшкіні орын алды, деп хабарлайды ҚР ТЖМ баспасөз қызметінен.
Бүгін Медеу ауданындағы қар ржинағыштарда, Альпинисттік лагерьдің маңында көлемі 4000 текше метр қар көшкіні түсті.
Сонымен қатар, Қазгидромет синоптиктерінен қатты жауын-шашынның түсуіне, үлкен және Кіші Алматы өзендерінің бассейндеріндегі қар жамылғысының тұрақсыз жағдайына байланысты көшкін қаупі сақталатыны туралы дауылды ескерту түсті.
ТЖМ азаматтардан таулы жерлерге баруды шектеуді сұрайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
СҚО 2 мыңнан астам тұрғын үй су астында қалды
Сурет: akorda
Мемлекет басшысы Солтүстік Қазақстан облысына жұмыс сапарымен келді, деп хабарлайды Ақорданың баспасөз қызметінен.
Қасым-Жомарт Тоқаевтың жұмыс сапары Сергеевка су қоймасын, Қызылжар ауданын және Петропавл қаласының төңірегін тікұшақпен аралап көруден басталды.
◾️Облыс әкімі Ғауез Нұрмұхамбетов Мемлекет басшысына Солтүстік Қазақстан облысының Қызылжар, Есіл, Шал ақын аудандары мен Петропавл қаласындағы су тасқыны жағдайын баяндады. Өңір әкімінің айтуынша, алты ауданда төтенше жағдай жарияланған. Қазіргі таңда 2 мыңнан астам тұрғын үйді су басқан, 10345 адам эвакуацияланған.
◾️Су тасқынына қарсы шараларға 5270 адам және 906 техника жұмылдырылған. Халықтың тұрмыс-тіршілігіне қажетті инфрақұрылымдарды қалпына келтіру жұмыстары жүргізіліп жатыр. Табиғи апаттан зардап шеккен азаматтардың материалдық шығындарын есептеу және өтеу жөнінде комиссия құрылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.