11.12.2020, 14:33 116115
Қазақстанда құрастырылған алғашқы Ми-8АМТ тікұшағының тұсаукесері Алматы қаласында өтеді
Достарға айту
Алматы. 11 желтоқсан. Kazakhstan Today - Тұңғыш Президент-Елбасы Нұрсұлтан Әбішұлы Назарбаевтың тапсырмасына сәйкес "Қазақстан Инжиниринг" ҰК АҚ мен "Ресей тікұшақтары" АҚ кәсіпорындардың өндірістік және ғылыми-техникалық кооперациясы шеңберінде ҚР аумағында Ми-8АМТ/Ми-171Е тікұшақтарын құрастыру жобасы іске асырылуда. Қазақстанда құрастырылған алғашқы тікұшақтың тұсаукесері 2020 жылғы 12 желтоқсанда Алматы қаласында "№405 авиажөндеу зауыты"АҚ аумағында өтеді, деп хабарлайды Kazakhstan Today ҚР Индустрия және инфрақұрылымдық даму министрлігінің баспасөз қызметіне сілтеме жасап.
Іс-шара шеңберінде тікұшақтарды жинау учаскесімен танысу, сондай-ақ жаңа Ми-8АМТ тікұшағының салтанатты тұсаукесері және символикалық кілтін тапсыру күтілуде. Ресми делегация құрамында Қазақстан Республикасының Индустрия және инфрақұрылымдық даму Вице-министрі Талғат Жеңісұлы Жанжүменов, "Қазақстан Инжиниринг "ҰК АҚ Басқарма төрағасы Әділбек Зейноллаұлы Сәрсембаев, "Ресей тікұшақтары" АҚ Бас директорының бірінші орынбасары Сергей Валерьевич Фомин және "Азаматтық авиация академиясы" АҚ ректоры Бекен Қанелұлы Сейдахметов келеді.
Ми-8АМТ алғашқы тікұшақтарын Жинау "Қазақстан инжиниринг "ҰК АҚ және "Ресей тікұшақтары" АҚ арасындағы келісімшарт шеңберінде "№405 авиажөндеу зауыты"АҚ өндірістік алаңдары базасында жүргізіледі. Жиналатын тікұшақтар жолаушылар мен жүктерді тасымалдау, авариялық-құтқару жұмыстары, ормандарды күзету, өрт сөндіру, санитариялық авиация қызметтерін көрсету, сонымен қатар құқық қорғау міндеттерін орындау бойынша әлеуметтік маңызды міндеттерді шешуге арналған.
Қазақстанда құрастырылған алғашқы тікұшақ Ми-8АМТ тұсаукесері бойынша іс-шара 12 желтоқсанда сағат 12:00-де Алматы қаласы, Ахметов көшесі, 17, "№405 авиажөндеу зауыты"АҚ мекен-жайы бойынша өтеді.
БАҚ-ты аккредиттеу, қоса берілген аккредиттеу нысанына сәйкес 2020 жылғы 11 желтоқсан сағат 20:00-ге дейінгі мерзімде жүргізіледі.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
23.04.2024, 16:18 4791
Қазақстандық ғалымдардың ғылыми жобалары қалай жүзеге іске асады
Достарға айту
Еліміздегі ғылыми жобаларды іріктеумен "Самғау" ғылыми-технологиялық бастамалар орталығы" қоры да айналысады, ол "Самұрық-Қазына" АҚ компаниялар тобына кіреді, деп хабарлайды компанияның баспасөз қызметінен.
Бұл ретте Қордың ғылыми ізденістерін қаржыландыру үшін өтінім мен қажетті құжаттардың толық пакеті қабылданады.
Әрі қарай жоба валидациядан және тіркеуден өтеді. Әрі қарай ғылыми ізденіске талдау жасалып, оны іске асыру шығындары есептелінеді.
Сондай-ақ, сарапшылар жобаның экономикалық тартымдылығына талдау жасайды, содан кейін қаржыландыру туралы шешім қабылдайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
19.04.2024, 18:37 11651
Қазақстанда су саласы мамандарын даярлау желісін кеңейту жоспарлануда
Достарға айту
Қазақстанда су саласы мамандарын даярлау желісін кеңейту жоспарлануда, деп хабарлайды ҚР Оқу ағарту министрлігінің баспасөз қызметінен.
Бүгінгі таңда бұл бағытта еліміздің төрт макроөңірі таңдалды. Онда экономика салалары бойынша, оның ішінде су саласының болашақ мамандарын даярлайтын тірек колледждер құрылатын болады, деп хабарлайды ҚР Оқу-ағарту министрлігінің баспасөз қызметі.
2024-2025 жылдары "Сумен жабдықтау және су бұру жүйелерінің тазарту құрылыстарын пайдалану", "Гидротехникалық мелиорация" және "Гидротехникалық құрылыс" және т. б. мамандықтар бойынша техникалық және кәсіптік білім беруде мемлекеттік білім беру тапсырысын ұлғайту жоспарлануда.
Оңтүстік макроөңірдегі техникалық және кәсіптік білім берудің бас тірек ұйымы ретінде Шымкент қаласындағы Манап Өтебаев атындағы жаңа технологиялар жоғары колледжі таңдалды. Мұнда "Сумен жабдықтау және су бұру жүйелерінің тазарту құрылыстарын пайдалану" мамандығы бойынша кадрлар даярланады. Студенттерге өндірістік практикадан өту мүмкіндігі беріледі, ал арнайы пәндер педагогтері мен өндірістік оқыту шеберлері үшін біліктілікті арттыру курстарын өткізу жоспарлануда. Сондай-ақ, өндірістен мамандар тартуды жоспарлап отырмыз", - деді техникалық және кәсіптік білім департаментінің директоры Әсет Мұханбетов.
Айта кетейік, бүгінде еліміздің бес колледжі су саласының мамандарын даярлайды. И.Әбдікәрімов атындағы Қызылорда аграрлық-техникалық жоғары колледжі, Мақтаарал аграрлық колледжі, Түлкібас агробизнес және туризм колледжі, Үшқоңыр су шаруашылығы колледжі және Манап Өтебаев атындағы жаңа технологиялар жоғары колледжінде гидрогеология саласының 300-ге жуық болашақ мамандары оқиды және олардың 90%-ы мемлекеттік білім беру тапсырысы бойынша білім алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
18.04.2024, 22:30 13371
Қазақстанның оқу-ағарту министрі Қырғызстанның білім және ғылым министрімен кездесті
Достарға айту
Қазақстанның оқу-ағарту министрі Ғани Бейсембаев Қырғызстанның білім және ғылым министрі Догдоркул Кендірбаевамен кездесу өткізді. Тараптар білім саласындағы екіжақты серіктестікті талқылады, деп хабарлайды министрліктің баспасөз қызметінен.
Ғани Бейсембаев инфрақұрылымды дамыту мәселелеріне тоқталды. Ол осы жылы 536 мың оқушы орны пайдалануға берілетінін, оның ішінде Мемлекет басшысының бастамасымен жүзеге асырылып жатқан "Жайлы мектеп" жобасын атап өтті. Сонымен қатар, педагогтердің сапалы құрамын қалыптастыру, "Білім берудегі өзгерістердің 1000 көшбасшысы" жобасы аясында жаңа буын менеджерлерін дайындау бойынша жұмыстар жүргізілуде.
Біз бауырлас халықтардың тамыры тереңге бойлаған тарихына құрметпен қараймыз және екі елдің ынтымақтастығын жаңа деңгейге көтеру бастамасын құптаймыз. Бұдан бұрын білім саласының кейбір аспектілерін әлем тұрғысында дамыту туралы әңгімелескен болатынбыз. Бұл мәселеде біздің пайымымыз ортақ мақсатқа тоғысады, ол балардың білім алуы үшін жайлы және қауіпсіз орта қалыптастыру", - деп атап өтті Ғани Бейсембаев.
Өз кезегінде Қырғызстанның білім және ғылым министрі білім саласын дамыту бойынша қабылданған шаралар туралы баяндады және Қазақстанның білім жобаларына қызығушылық танытты.
Қазақстандық білім жүйесінің тәжірибесін алу мақсатында екі елдің қос бағынысты ұйымдарының арасында педагогикалық кадрларды дайындау және біліктіліктерін арттыру бойынша меморандумға қол қойылған болатын. Бүгінгі кездесу бұл ынтымақтастыққа қосымша серпін береді және біз оны тереңдету мен кеңейте түсетін шешімдер қабылдаймыз деп сенемін", - деді Догдуркул Кендірбаева.
Кездесу соңында екі ведомство басшысы мектепке дейінгі, орта, техникалық және кәсіптік білім салаларында өзара әріптестікті күшейту туралы шешім қабылдады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
12.04.2024, 13:50 22371
Оқулықтар 100% цифрлық форматқа көшірілді
Достарға айту
Бүгінде мектеп оқулықтарының цифрлық форматқа көшірілу көрсеткіші 100%-ды құрайды. Оқулықтар мемлекеттік сараптамадан өтіп, оқу-әдістемелік кешендер тізіміне енгізілді. Цифрлық оқулықтар елімізде 13 баспаның 11 платформасында әзірленуде, деп хабарлайды ҚР Оқу-ағарту министрлігінің баспасөз қызметінен.
Пәндерді оқытуда инновациялық әдіс-тәсілдерді енгізу мақсатында педагогтердің қолдануы үшін әдістемелік ұсыныстар әзірленді. Мұғалімдер сабақтарды заманауи цифрлық технологияларды, онлайн коммуникацияларды, саралау мен даралауды пайдалана отырып өткізеді, сондай-ақ онлайн ресурстарды қолдану бойынша білімдерін жетілдіреді", - деп атап өтті ҚР ОАМ Білім саласында сапаны қамтамасыз ету комитеті төрағасының орынбасары Майра Мелдебекова.
Бұдан басқа, робототехника, STEM, химия, физика, биология пәндері бойынша 1345 заманауи кабинет ашу жұмыстары жүргізілуде. Жыл соңына дейін 20 өңірдегі 1072 мектеп заманауи кабинеттермен жабдықталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
11.04.2024, 19:50 23906
Су тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды
Достарға айту
Cу тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды, деп хабарлайды Оқу-ағарту министрлігінің баспасөз қызметінен.
Атап айтқанда, Атырау мен Ақтөбе облысындағы оқушылар үшін БЖБ мен ТЖБ алынып тасталды. Бұл туралы Республикалық ақпараттық штабта өткен брифингте ҚР ОАМ ресми өкілі Мереке Амангелдіқызы хабарлады.
Білім алушылардың білім жетістіктері мониторингінен Атырау, Ақтөбе, Қостанай және Батыс Қазақстан облыстарынан 28 мектеп босатылды. Алты өңірде мониторинг 15 сәуірден 22 сәуірге ауыстырылды (Ақмола, Атырау, Ақтөбе, СҚО, Қостанай және БҚО). Қалған өңірлерде оқу штаттық режимде жүргізілуде", - деді спикер.
Министрлік оқу процесін ұйымдастыру бойынша жұмыстарды жалғастыруда. Эвакуациялық пункттердегі балаларды орналастыру бойынша жұмыстар жүргізілуде. Бүгінгі таңда 2393 бала оқу процесін ұйымдастырумен бірге орналастырылды: бастауыш сынып оқушылары сауықтыру орталықтарына ата-аналарымен бірге жіберіледі; орта буындағы оқушылар республикалық маңыздағы инновациялық мектеп лицейлердің жатақханаларына орналастырылады ("Дарын", РФММ, БИЛ және НЗМ); жоғарғы сынып оқушылары (9-11 сыныптар) уақытша колледждерге орналастырылады.
Министрлік балаларға қосымша 3182 орын әзірлеп қойды", - деді ведомствоның ресми өкілі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
09.04.2024, 12:47 27391
2024 жылдың соңына дейін мектепке дейінгі ұйымдарда 77 мыңнан астам жаңа орын ашылады
Достарға айту
Балаларды мектепке дейінгі тәрбиемен және оқытумен қамтуды арттыру мақсатында Мемлекет басшысының тапсырмасы бойынша 2023-2027 жылдарға арналған мектепке дейінгі ұйымдарды іске қосудың қадамдық жоспары әзірленіп, бекітілді. Биылдың өзінде балабақшаларда 77 мыңнан астам орын ашылады деп жоспарлануда, деп хабарлайды ҚР Оқу-ағарту министрлігінің баспасөз қызметінен.
ҚР Оқу-ағарту министрлігі Мектепке дейінгі білім беру департаменті директорының айтуынша, 2024 жылдың үш айында 8849 орынға арналған 125 мектепке дейінгі ұйым ашылды.
Жаңа орындар ашу - мектепке дейінгі ұйымдарды салу, жұмыс істеп тұрғандарын реконструкциялау және кеңейту, жалпы білім беретін мектептер жанындағы, тұрғын үй кешендерінің бірінші қабаттарындағы шағын орталықтар желісін кеңейту, жекеменшік мектепке дейінгі ұйымдарда мемлекеттік білім беру тапсырысын орналастыру арқылы көзделуде. Соңғы бес жылда балабақшаға жолдама алудың кезектілігі екі есеге төмендетілді. Бүгінгі таңда 2-6 жастағы балаларды қамту 91% құрайды. Биыл бұл көрсеткішті 92,5%-ға жеткізуді жоспарлап отырмыз", - деп атап өтті Манар Адамова.
Сонымен қатар балабақшаларда орындарды бөлу процесінің ашықтығы үшін кезектілікті есепке алудың бірыңғай базасы құрылды. Өтінішті электрондық үкімет порталы, екінші деңгейдегі банктердің мобильді қосымшалары және жергілікті атқарушы органдардың платформалары арқылы беру сияқты бірнеше тәсілдермен жүзеге асыру мүмкіндіктері іске қосылды. Қазір жоба еліміздің төрт өңірінде жүргізілуде.
Жалпы елімізде 11 472 мектепке дейінгі ұйым жұмыс істейді, онда 1 миллионға жуық бала қамтылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
04.04.2024, 12:17 35131
Астанада білім сапасын арттыру мәселелері талқыланды
Оқу-ағарту министрі елорданың білім басқармасы ұжымымен кеңес өткізді
Достарға айту
Оқу-ағарту министрі елорданың білім басқармасы ұжымымен кеңес өткізді, деп хабарлайды ҚР Оқу-ағарту министрлігінің баспасөз қызметінен.
Астанада өткен басқосуда білім сапасын арттыру мәселелері талқыланды. Ведомство басшысы министрлік тарапынан қабылданған маңызды міндеттерге тоқталды.
Ғани Бейсембаев өткен жылы Мемлекет басшысының қатысуымен өткен Астананы дамыту мәселелеріне арналған кеңестен кейін Оқу-ағарту министрлігі мен Астана әкімдігі елорданың білім жүйесін дамытудың 2029 жылға дейінгі жол картасын қабылдағанын еске салды. Ол құжат нақты түйткілдерді, соның ішінде үш ауысымды оқыту мәселесін шешуді қамтиды.
Біздің басты міндетіміз - балаларымызға барынша қауіпсіз әрі қолайлы жағдай жасау. Бұл мәселеде елорданың білім беру жүйесі өзге өңірлерге үлгі болуы тиіс. Министрлік өз тарапынан негізгі міндеттерді шешуде әкімдікке қолдау көрсетуді жалғастыруға дайын. Бірлескен жұмыстың арқасында өткен жылы ғана 12 жаңа мектеп ашылды. Оның 10-ы министрліктің қолдауымен пайдалануға берілді. Биыл тағы 27 мектеп салынады. Инфрақұрылымды дамытумен қатар жоғары білікті кадрлармен қамтамасыз ету мәселесі шешілуде. Елордалық 18 педагог кадр резервіне кірді, 7 педагог басшылық лауазымдарға тағайындалды", - деп атап өтті Ғани Бейсембаев.
Бүгінде елордада 175 жалпы білім беретін мектеп, 550 балабақша және 33 колледж жұмыс істейді. Министр олардың жұмысымен танысып, балалармен сөйлесті. Сабақтарға қатысып, педагогтермен кездесулер өткізді.
Әріптестеріне арнаған сөзінде Ғани Бейсембаев педагогтерді қолдау шаралары алдағы уақытта да жалғасатынына тоқталды. Атап айтқанда, педагогтердің денсаулығын нығайтуына, біліктілігін арттыру үшін шетелде тәжірибе алмасып, тағылымдамадан өтуіне ерекше назар аударылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
03.04.2024, 16:55 36586
Су тасқынынан зардап шеккен өңірлердегі оқушыларға Балаларды сауықтыру орталықтарына жолдама беріледі
Достарға айту
Су тасқынынан зардап шеккен өңірлердегі оқушыларға Балаларды сауықтыру орталықтарына жолдама беріледі, деп хабарлайды ҚР Оқу-ағарту министрлігінің баспасөз қызметінен.
Оқу-ағарту министрі Ғани Бейсембаев өңірлік білім басқармалары басшыларының қатысуымен өткен аппараттық кеңесте су тасқынынан зардап шеккен аймақтардағы балаларды еліміздегі ең үздік жазғы сауықтыру орталықтарына жіберуді тапсырды.
Ведомство басшысы оқу процесін сапалы ұйымдастыра отырып, балалардың қауіпсіздігі мен құқықтарын қорғауға ерекше назар аудару қажет екенін атап өтті. Балалардың құқықтарын қорғау комитетіне ең алдымен көмекке мұқтаж отбасылардағы оқушылардың жазғы демалысын ұйымдастыруды тапсырды.
Айта кетейік, еліміздегі жыл бойы жұмыс істейтін 11 сауықтыру орталығы 6-сәуірден бастап оқу процесін ұйымдастыра отырып, балаларды қабылдауға дайын. Оқушыларды тасымалдау үшін министрлік қауіпсіздік жөніндегі нұсқаулық пен ведомствоаралық іс-қимыл алгоритмін әзірледі.
Аппараттық кеңес барысында министр балалардың қауіпсіздігімен қатар, су тасқыны салдарынан қиын жағдайға тап болған педагогтерді қолдау мәселесіне де тоқталды. Ведомство басшысы су тасқынына қарсы іс-шараларға қатысқан әріптестеріне көрсеткен кәсібилігі, адамгершілігі және шынайы патриотизмі үшін алғысын білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
25.04.2024, 12:37Қазақстан Президенті су тасқынынан кейін өңірлерді қалпына келтіру мерзімдерін белгіледі 25.04.2024, 18:14 14461Президент Қазақстан кәсіпкерлерінің құқықтарын қорғау жөніндегі уәкілді тағайындады25.04.2024, 12:33 12991Алматы барларының бірінде Арнайы операция өткізілді: мефедрон сатумен айналысқан қызметкер ұсталды25.04.2024, 13:11 12396Қазақстан трансауған темір жол құрылысына қатысуға дайын25.04.2024, 14:44 12196Алматыда автобуспен адам өліміне әкелген ЖКО туралы іс бойынша сот отырысы өтті
19.04.2024, 11:11 98431Қазақстандағы су тасқынынан зардап шеккендерге үкімет қандай көмек көрсетеді19.04.2024, 18:42 94781Көлік прокуратурасы 900-ден астам кәсіпкердің құқықтары қорғады19.04.2024, 18:27 92411Қазақстанның барлық әуежайында жолаушылар биометриясын енгізу жоспарланып отыр19.04.2024, 18:23 91051Қонаев қаласының әкімі тағайындалды19.04.2024, 18:20 90956Қазақстанда вейпке тыйым салынады: Тоқаев заңға қол қойды
04.04.2024, 16:35 121516Инвестиция тарту жөніндегі кеңес отырысында жобаларды "жасыл дәліз" тетігіне енгізу критерийлері қаралды04.04.2024, 16:30 121236Президент Батыс Қазақстан облысының су басқан аумақтарын тікұшақпен аралады18.04.2024, 12:51 107711"Семей орманы" резерваты мен Қазақстандағы үш облыс өрт болған жағдайда дайын емес04.04.2024, 16:25 106086Тоқаев су тасқыны туралы: бұл бұрын-соңды болмаған табиғи апат18.04.2024, 16:22 103676Қазақстанда мемлекетке қайтарылған активтердің бір бөлігі су тасқыны салдарын жоюға жіберілді