06.10.2022, 16:13 21496
Алматы әуежайында ескі VIP-терминал ғимаратына қосымша бұзылды
Достарға айту
АЛМАТЫ. 6 ҚАЗАН - Алматы халықаралық әуежайында VIP-терминалдың ескі ғимаратына қосымша бұзылды, деп хабарлайды KAZAKHSTAN TODAY Алматы халықаралық әуежайының баспасөз қызметіне сілтеме жасап.
VIP-терминалдың ескі ғимаратының жалғасы бұзылды. Қазір бас ғимараттың негізгі архитектуралық элементтері мұқият көшіріліп жатыр", - деп хабарлады агенттік тілшісіне әуежайдың баспасөз қызметі.
Бұған дейін қоғам белсенділері Алматы әуежайындағы VIP-терминал бойынша шешіммен келіспейтіні хабарланған болатын.
Естеріңізге сала кетейік, Алматыда ірі инвестордың қаражаты есебінен халықаралық әуежайдың жаңа терминалы салынуда.
Алматы қаласы Кәсіпкерлік және инвестициялар басқармасының басшысы Берік Солтанбаевтың айтуынша, жаңа терминал әуежайдың өткізу қуатын жылына 2,5 миллион жолаушыдан 14 миллионға дейін арттыруға мүмкіндік береді.
Жобаның жалпы құны 90 млрд теңгені құрайды. Іске асыру мерзімі 2024 жылға жоспарланған", - деді Берік Солтанбаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
18.03.2024, 16:54 2051
Қытай шекарасындағы автомобиль өткізу пунктері Наурыз мерекесі күндері жұмыс істемейді
Қазақстан-қытай шекарасындағы теміржол өткізу пункттері штаттық режимде жұмысын жалғастырады
Достарға айту
Мемлекеттік кірістер комитеті, Қазақстан Республикасында «Наурыз мейрамын» мерекелеуге байланысты 2024 жылғы 21-23 наурызда қазақстан-қытай шекарасындағы автомобиль өткізу пунктерінде тұлғаларды, көлік құралдары мен жүктерді өткізу жүзеге асырылмайтынын хабарлайды.
Қазақстан-қытай шекарасындағы теміржол өткізу пункттері штаттық режимде жұмысын жалғастырады. Тасымалдаушылар мен барлық шекараны кесіп өтуге ниет білдірушілерді енгізілген шектеулерді ескере отырып, өз бағыттарын алдын ала жоспарлауды сұраймыз", деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.03.2024, 15:13 8866
Елімізде республикалық маңызы бар жолдардың барлығы ашық
Достарға айту
16 наурызда сағат 10:30-дағы жағдай бойынша барлық республикалық маңызы бар жолдардың барлығы ашық, деп хабарлайды Zakon.kz.
Құрметті республикалық маңызы бар автожолдарды пайдаланушылар! 16 наурыз сағат 10:30-дағы ахуалға сәйкес республикалық маңызы бар автожолдардың барлығы ашық, қозғалысқa шектеу жоқ", - делінген хабарламада.
Еске салайық, 16 наурыз сағат 09:00-дегі жағдай бойынша ауа райының қолайсыздығына байланысты екі облыста республикалық маңызы бар екі автожолда көлік қозғалысына шектеу енгізілген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
14.03.2024, 22:07 14581
Алматы әуежайының жұмысы қайта жанданды
Сурет: freepik.com
Достарға айту
Алматы әуежайының жұмысы қайта жанданды, деп хабарлайды Zakon.kz.
Алматы халықаралық әуежайы ауа райының тұрақтанғанын хабарлайды. Ұшатын және қонатын рейстерге қызмет көрсету бойынша жұмыс қайта жанданды", делінген хабарламада.
Бұған дейін Алматыда үздіксіз жауған қар мен ақтүтек боранға байланысты әуежай жұмысын уақытша тоқтатқаны хабарланған болатын. Қалада ірі көлік кептелісі орын алып, адамдар жолаушылар автобустарын итеруге мәжбүр болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
12.03.2024, 22:54 33981
Алматыда нөсерлі жаңбыр жауады деп күтілуде
Түнгі және таңғы уақытта қаланың тау бөктеріндегі аудандарда көктайғақ болуы мүмкін
Достарға айту
2024 жылдың 12-14 наурызында Алматыда жаңбыр түрінде жауын-шашын жауып, арты сілбі қарға ұласады, деп хабарлайды Алматы қаласы әкімдігінің баспасөз қызметінен.
Түнгі және таңғы уақытта қаланың тау бөктеріндегі аудандарда көктайғақ болуы мүмкін. Сондықтан автокөлік жүргізушілерінен түнгі және таңғы уақытта қаланың таулы аймағында қозғалыс жылдамдығын бәсеңдетуді сұраймыз.
320 жұмысшы мен 89 бірлік арнайы техника арық желілерін, арық өткелдері мен қоқыс төгілген "ойық жерге" тазалау жұмысын жүргізуде. 12 наурыздағы жағдай бойынша 560 тонна қоқыс, лай мен мұз шығарылды. Күндізгі уақытта барлығы 465 бірлік арнайы техника мен 1020 жұмысшы жол жиегіндегі тазарту жұмысын жүргізуде.
Су басудың алдын алу мен проблемалық учаскелердегі судың кедергісіз өтуін қамтамасыз ету үшін жауын-шашын кезінде мотопомпа және шанц құралдарымен жабдықталған 52 мобильді жедел бригаданың кезекшілігі ұйымдастырылады. 2 мыңнан астам құмға толы қап дайындалды.
Қалалық Экология және қоршаған орта басқармасы мәлімдегендей, қаланың жекелеген бөліктеріндегі су басудың негізгі факторы арық желісінің айналып өтуі, су бұру коллекторларымен қосылмауы, жаңбыр мен еріген судың табиғи ағып кетуіне кедергі келтіретін еніске қарсы учаскелердің болуы.
2022 жылы көктемде жүргізілген зерттеу жұмысының нәтижесі бойынша Алматы қаласының аумағында ең жиі су басатын 102 учаске анықталды. Соның ішінде ең қауіпті 56 және жоғары қауіпті 46 учаске бар. 2022-2023 жылдары су тасқынын жою үшін қолданыстағы 13 коллектор (11,8 км), 3 канал (9,4 км) қалпына келтіріліп, қосымша 6 коллектор (7,1 км), 6 канал (6,6 км) мен 100 км-ден астам арық желілерінің құрылысы жүргізілді. Кіреберістер қайта құрылып, перспективалық су бұру желілеріне қосылды. Сондай-ақ 3 өзен арнасының жағалауын нығайту бойынша жұмыстар жүргізілді (Ойжайлау өзені, Боралдай өзенінің сол шеті, Қарасу өзені).
Бүгінде 417 көшеде (100 км құрылыс пен 276 км қайта құру) жалпы ұзындығы 376 км арық желілерін салу мен реконструкциялау бойынша 3 жоба (батыс, орталық, шығыс бағыттарында) аясында құрылыс-монтаждау жұмыстары жалғасуда. Жалпы ұзындығы 103,5 км болатын 194 учаскедегі жұмыстар аяқталды. 22 учаскеде құрылыс-монтаждау жұмысы жүргізілуде.
2021-2023 жылдарға арналған су тасқынына қарсы іс-шаралар кешені" жол картасы аясында Алматыда жалпы ұзындығы 21 км-ден асатын 4 өзен арнасының жекелеген учаскелері: Кіші Алматы, Тіксай, Есентай мен Жарбұлақ қайта жаңғыртылды. Селден қорғау бөгетінен №1 тұндырғышқа дейін ұзындығы 5,5 км болатын Үлкен Алматы өзені арнасының учаскесін реконструкциялау жұмысы 2024-2025 жылға жоспарланып отыр. Қазіргі уақытта бұл жобаның ЖСҚ-сы дайын. Бұдан бөлек бүгінде Қонаев атындағы ҮАК, Сапожников, Есентай, Қарғалы өзендері бойынша ЖСҚ әзірленуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
11.03.2024, 20:12 40671
Семейде аулаларды су алуда
Қазіргі уақытта қала көшелерінен 1500 текше метрден астам су айдалды
Достарға айту
Семей қаласында сыртқы ауа температурасының көтерілуіне және қардың мол еруіне байланысты қаланың 4 аула аумағы мен 5 көшесі су астында қалды, деп хабарлайды Абай облысы ТЖД баспасөз қызметінен.
ЖАО күшімен Щорс, Кирпичный, 3-ші Лодочная, Восточный және Подгорная кенттері, сондай-ақ қаланың басқа бөліктерінде су айдау жұмыстары жүргізілді, тұрғындардың өтінімі бойынша "Теплокомэнерго" МКҚК-мен бірлесіп инертті материал таратылды.
Департамент қызметкерлері Красин, Садовая және Менжинский көшелеріндегі аула аумақтарынан су айдау жұмыстарын жүргізді.
Қосымша Садовая көшесіндегі арық жүйесін тазарту үшін ТЖМ 68303 Ә/Б күштері мен құралдары тартылды.
Қазіргі уақытта қала көшелерінен 1500 текше метрден астам су айдалды.
Жұмыстарға ЖАО, Абай облысы ТЖД және 68303 ӘБ-нің жеке құрамның 60-тан астам адамы және 20-дан астам техника жұмылдырылды.
Еріген суды сору жұмыстары аяқталды.
Абай облысының ЖАО және ТЖД күштерімен қала көшелеріндегі ахуалға мониторинг жүргізілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
07.03.2024, 20:22 60801
Биыл халықты жұмыспен қамтудың өңірлік карталарын іске асыру шеңберінде 943 мыңнан астам адам жұмысқа орналасатын болады
Достарға айту
2024 жылы халықты жұмыспен қамтудың өңірлік карталарын іске асыру шеңберінде 943 мыңнан астам адам жұмысқа орналасатын болады, деп хабарлайды ҚР Еңбек және әлеуметтік қорғау министрлігінің баспасөз қызметінен.
Мемлекет басшысының тапсырмасын орындау мақсатында әкімдіктер жыл сайын халықты жұмыспен қамтудың өңірлік карталарын бекітеді, оларда ұлттық жобаларды, Мемлекет басшысының "10 мың тұрғынға 100 жаңа жұмыс орны" бастамасын іске асыру, халықтың еңбек мобильділігі, субсидияланатын жұмыс орындары мен жұмыс берушілер ұсынатын вакансиялар шеңберінде азаматтарды жұмысқа орналастыру бойынша нақты шаралар көзделген. Биыл 943 мыңнан астам адамды жұмысқа орналастыру жоспарлануда.
Осылайша, іске асырылып жатқан жобалар шеңберінде 69 мың қазақстандықты жұмысқа орналастыру қарастырылған, оның ішінде, субсидияланатын жұмыс орындарына (оның ішінде 9 мың грант беру) - 193,8 мың, бос жұмыс орындарына - 318,1 мың, Мемлекет басшысының "10 мың тұрғынға 100 жұмыс орны" бастамасы шеңберінде - 341,3 мың, жастарға жылдық 2,5% жеңілдікпен шағын кредит беру шеңберінде - 5,8 мың, "Ауыл аманаты" жобасы бойынша кредит беру шеңберінде - 15,2 мың.
Халықты құрылатын жұмыс орындары туралы хабардар ету, сондай-ақ азаматтарды жұмысқа орналастыру процесінің ашықтығын қамтамасыз ету үшін Электрондық еңбек биржасында арнайы функционал іске қосылды. Бос жұмыс орындары (жобалар, тұрақты және уақытша жұмыс орындары бөлінісінде) туралы ақпарат жұмыспен қамту органдарында тіркелген жұмыссыздар мен жұмыс іздеуді өз бетінше жүзеге асыратын ізденушілер үшін қолжетімді.
Жұмысқа орналасу бойынша мониторинг ҚР Еңбек және халықты әлеуметтік қорғау министрлігінің ақпараттық жүйелеріндегі мәліметтер негізінде жүргізіледі, ал олардың дұрыстығын тексеру еңбек шартын тіркеу, зейнетақы жарналары мен әлеуметтік аударымдардың болуы арқылы жүзеге асырылады.
Жергілікті атқарушы органдардың деректеріне сәйкес 2024 жылғы 1 наурыздағы жағдай бойынша 143,7 мың адам жұмыспен қамтылды, оның 65 мыңға жуығы тұрақты жұмыс орындарына орналастырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
07.03.2024, 20:09 61056
Синоптиктер 8 наурызда елдің бірнеше өңірінде ауа райына байланысты ескерту жасады
Достарға айту
Қазгидромет" РМК синоптиктері ертең, 8 наурызда елдің бірнеше өңірінде қолайсыз ауа райына байланысты ескерту жасады, деп хабарлайды Zakon.kz.
Маңғыстау облысының орталығында кей уақытта нөсер жаңбыр жауады.
Ақтөбе облысының солтүстігінде, шығысында тұман түседі.
Астанада түнде және таңертең тұман.
Түркістан облысының тау асуларында оңтүстік-батыстан жел соғады, күші секундына 15-20 метрге жетеді.
Павлодар облысының батысында, солтүстігінде тұман, күндіз көктайғақ болады.
Ақмола облысының батысында, солтүстігінде, шығысында жаяу бұрқасын, түнде және таңертең облыстың оңтүстігінде, шығысында тұман.
Солтүстік Қазақстан облысында оңтүстік-батысында тұман түседі.
Абай облысының жаңбыр, қар жауады. Оңтүстік-шығыстан соғатын жел оңтүстік-батысқа ауысады, облыстың батысында, солтүстігінде, орталығында екпіні секундына 15-20 метрге жетеді. Ауа температурасы түнде 3-8 аяздан 2 аяз-3 жылыға дейін, күндіз 2-7 градус жылыға дейін жоғарылайды.
Қостанай облысының батысында, оңтүстігінде тұман түседі.
Жамбыл облысында оңтүстік-батыстан жел соғады, облыстың оңтүстік-батысында, солтүстік-шығысында, таулы аудандарында күндіз күші секундына 15-20 метрге жетеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
07.03.2024, 16:04 61806
Астанада Тұран даңғылы бойында қозғалыс ашылды
Тұран даңғылының бойымен көлік қозғалыс екі бағытта да ашық
Достарға айту
Астанада Тұран даңғылы бойында қозғалыс ашылды, деп хабарлайды Астана қаласы әкімдігінің баспасөз қызметінен.
Қазіргі уақытта Орынбор көшесі мен Тұран даңғылы қиылысатын аумақта магистральдық кәріз коллекторын салу жұмысы аяқталды.
Тұран даңғылының бойымен көлік қозғалыс екі бағытта да ашық. Бақылау камераларын орнату бойынша жүргізіліп жатқан жұмыстарға байланысты қалаға Ұлы дала көшесі арқылы кіретін бағыт бойынша шеткі оң жақ жолақ және Тұран даңғылынан Орынбор көшесіне қарай оң жақ бойында қозғалыс шектеледі. Бірақ бұл жалпы қозғалысқа әсер етпейді, өйткені қозғалыс екі бағытта да ашық.
Айта кету керек, бұл жобаны іске асыру елорданың инженерлік инфрақұрылымын дамыту және тұрмыстық кәріз желілерінің тоқтаусыз жұмыс істеуін қамтамасыз ету үшін өте қажет.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
18.03.2024, 12:08Алматыда жеті жасар Каринаны өлтірген өгей ана сотталды 18.03.2024, 15:53 19121АИТВ, қант диабеті және басқа да әлеуметтік маңызы бар аурулармен ауыратын науқастар тегін емделеді - Денсаулық сақтау министрлігі18.03.2024, 16:16 18806Қызылорда облысының прокурорлары екі айда 40 млн. тг. алимент өндірді18.03.2024, 16:21 17646Храпунов шығарған жедел медициналық жәрдем кешенінің бір бөлігі Алматыға қайтарылды18.03.2024, 16:40 17306Бектенов ЕАДБ басшысымен инвестициялық ынтымақтастықты кеңейту мәселелерін талқылады
14.03.2024, 22:03 94811Астана қаласында су тасқынына дайындық жұмыстары қарқынды жүргізілуде14.03.2024, 22:00 94531Самұрық-Қазына президентке есеп берді14.03.2024, 21:57 91431Цифрлық даму министрлігі Қаржы мониторингі агенттігімен кездесу өткізді16.03.2024, 15:08 60231Семей қаласыда табиғи сипаттағы төтенше жағдай жарияланды14.03.2024, 21:54 59396Түркістан облысындағы су құрылыстарын реконструкциялау қарқынды жүргізілуде
06.03.2024, 20:30 119236Су тасқыны кезеңіне дайындық аясында ШҚО-да мұзды ұсату жұмыстары жүргізілуде06.03.2024, 20:19 110016Үрімшіде Қазақстан мен Қытайдың туристік әлеуетін ілгерілету және туризм саласындағы ынтымақтастықты нығайту мақсатында туристік форум өтті07.03.2024, 15:56 105406Қазақстан мен Сауд Арабиясы бірге жел электр станциясын салады06.03.2024, 20:08 104956Көлік министрлігі халықаралық жүк автотасымалдау нарығын алыпсатарлардан тазартуға ниетті07.03.2024, 13:23 104736Қазақстан тұтыну несиелерінің мөлшерлемесін төмендетуді жоспарлап отыр