Елімізде алимент мөлшерi қайта қаралуы мүмкін
Бүгінгі таңда алименттің мөлшері борышкердің табысына байланысты белгіленеді
Кейбір азаматтар алимент төлеуге мүмкіндігі бола тұрып, баласын асыраудан әдейі жалтарады, табысы мен мүлкін жасырады. Орталық коммуникациялар қызметінде өткен брифингіде Республикалық жеке сот орындаушылар палатасының төрағасы Айдос Иманбаев осылай мәлім етті, деп хабарлайды Inform.kz.
Кейбір борышкерлер нақты қаржылық мүмкіндіктері бола тұрып, балаларын асыраудан әдейі жалтарады, табысы мен мүлкін жасырады. Бүгінгі таңда алименттің мөлшері борышкердің табысына байланысты белгіленеді. Бұл теріс пиғылды борышкерлерге табыстарын жасанды түрде азайтып көрсетуге жол береді. Әдетте, бұл борышкерлердің көпшілігі жеке кәсіпкер ретінде ресми тіркеліп, өздеріне ең төменгі жалақы 70 000 теңге белгілейді", - деді мәселе көтерді Айдос Иманбаев.
Оның атап өтуінше, бұл мәселелерді шешу үшін балалардың құқығын қорғау жөніндегі уәкiлеттi орган бастамасымен алимент мөлшерiн қайта қарау ұсынысы көтеріліп жатыр.
Әділет министрлігі мүдделі мемлекеттік органдармен бірлесіп, борышкерлердің жасырын табысын, яғни такси қосымшалары, курьерлік қызметте жұмыс істейтін адамдардың табысын анықтау мәселелерін пысықтауда", - деп бөлісті Айдос Иманбаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Демалыс күндері Алматыда өтетін марафонға байланысты бірқатар көшелер ішінара жабылады
Алматыда 2023 жылы 1 қазанда марафон өтеді. Осыған байланысты жарыс күні қаладағы жолдар ішінара жабылады, деп хабарлайды Zakon.kz.
Алматы марафоны" жүгіру жарысын ұйымдастыру комитетінің хабарлауынша, 1 қазанда 7:00-ден 13:30-ға дейін марафон қашықтығы өтетін жерлерде жол қозғалысы ішінара жабылады. Спортшылар қашықтықты өтуіне қарай трассалар ашылатын болады.
Марафонның сөресі мен мәресі Республика Алаңында орналасады, сондықтан Желтоқсан көшесінен Назарбаев даңғылына дейінгі Сәтбаев көшесінің бойындағы екі жолақ 30 қыркүйекте сағат 6:00-ден 1 қазанда сағат 18:00-ге дейін жабылады.
1 қазан:
Сәтбаев көшесінен әл-Фараби даңғылына дейінгі Назарбаев даңғылының бойындағы қозғалыс 7:00-ден 10:40-қа дейін толығымен жабылады. Балама жол Достық даңғылының екі бағытымен өтеді.
Назарбев даңғылынан Достық даңғылына дейінгі Әл-Фараби даңғылының бойындағы шығыс бағытындағы қозғалыс іс-шара өтетін күні 7:00-ден 8:45-ке дейін толығымен жабылады. Балама жол Горный гигант ш/а арқылы өтеді.
Назарбаев даңғылынан Шашкин көшесіне дейінгі Әл-Фараби даңғылының бойындағы батыс бағытындағы қозғалыс 7:00-ден 11:10-ға дейін ішінара жабылады, көшенің оңтүстік жағы автокөлік қозғалысы үшін ашық болады. Шығыс бағытындағы балама жол Абай даңғылымен өтеді.
Шашкин көшесінен Саин көшесіне дейінгі Әл-Фараби даңғылы бойындағы батыс бағытындағы қозғалыс 7:00-ден 13:30-ға дейін ішінара жабылады, даңғылдың оңтүстік жағы автокөлік қозғалысы үшін ашық болады. Шығыс бағытындағы балама жол Абай даңғылымен өтеді.
Әл-Фараби даңғылынан Абай даңғылына дейінгі Саин көшесінің бойындағы солтүстік бағытындағы қозғалыс 7:00-ден 13:00-ге дейін жабылады, көшенің батыс жағы автокөлік қозғалысы үшін ашық болады. Солтүстік бағытындағы балама жол Бауыржан Момышұлы көшесімен өтеді.
Саин көшесінен Байтұрсынов көшесіне дейінгі Абай даңғылының бойындағы шығыс бағытындағы қозғалыс 7:00-ден 13:30-ға дейін жабылады, даңғылдың солтүстік жағы автокөлік қозғалысы үшін ашық болады. Шығыс бағытындағы балама жол Әл-Фараби даңғылының, Төлеби, Құрманғазы, Қабанбай батыр көшелерінің бойымен өтуі мүмкін.
Абай даңғылынан Сәтпаев көшесіне дейінгі Байтұрсынов көшесінің бойындағы қозғалыс 7:00-ден 14:00-ге дейін толығымен жабылады. Балама жол Байзақов көшесімен өтеді.
Байтұрсынов көшесінен Желтоқсан көшесіне дейінгі Сәтбаев көшесінің бойындағы шығыс бағытындағы қозғалыс 7:00-ден 13:30-ға дейін толығымен жабылады. Батыс бағытындағы балама жол Абай даңғылымен, шығыс бағытындағы балама жол Құрманғазы көшесімен өтеді.
Байзақов көшесінен Байтұрсынов көшесіне дейінгі Сәтбаев көшесінің бойындағы қозғалыс 7:00-ден 10:35-ке дейін толығымен жабылады. Батыс бағытындағы балама жол Абай даңғылымен, шығыс бағытындағы балама жол Құрманғазы көшесімен өтеді.
Әл-Фараби даңғылынан Тимирязев көшесіне дейінгі Шашкин көшесінің бойындағы қозғалыс 7:00-ден 10:35-ке дейін толығымен жабылады. Балама жол Марков көшесімен өтеді.
Шашкин көшесінен Байзақов көшесіне дейінгі Тимирязев көшесінің бойындағы қозғалыс 7:00-ден 10:35-ке дейін толығымен жабылады. Батыс бағытындағы балама жол Абай даңғылымен, шығыс бағытындағы балама жол Әл-Фараби даңғылымен өтеді.
Тимирязев көшесінен Сәтпаев көшесіне дейінгі Байзақов көшесінің бойындағы қозғалыс сағат 7:00-ден 10:35-ке дейін толығымен жабылады. Солтүстік бағытындағы балама жол Әуезов көшесімен, оңтүстік бағытындағы балама жол Манас көшесімен өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Дикий" Арман соты жабық режимде өтеді
Сурет: Depositphotos
Бүгін Алматыда Арман Жұмагелдиев пен Қайрат Құдайбергенге қатысты қылмыстық іс бойынша алдын ала тыңдау аяқталды. Алдағы сот отырыстары жабық түрде өтетін болды, деп хабарлайды ҚазАқпарат Алматы қалалық сотының баспасөз қызметіне сілтеме жасай отырып.
Алматы қалалық сотының баспасөз қызметінен мәлім еткендей, сотқа қатысушылардың қауіпсіздігі мақсатында қылмыстық істі қарау жабық форматқа ауыстырылды. Сотталушылардың жалпы саны - 45 адам.
Оларға "Билігін немесе лауазымдық өкілеттігін асыра пайдалану" (Қылмыстық кодекстің 362-бабы), ұйымдасқан қылмыстық топ құру, оған басшылық ету және оған қатысу (ҚК-нің 262-бабы), қарақшылық шабуыл (ҚК-нің 191-бабы), заңсыз бас бостандығынан айыру (ҚК-нің 126-бабы), 2022 жылғы Қаңтардағы жаппай тәртіпсіздіктерді ұйымдастыру және оларға қатысу (ҚК-нің 272-бабы), бандитизм (ҚК-нің 268-бабы) бойынша айыптар тағылды", - делінген хабарламада.
Атап өтілгендей, отырыс барысында процеске қатысушылардан сотталушыларға қатысты бұлтартпау шарасын өзгерту және жою, қылмыстық істі қайтару және тоқтату, жақын туыстарын қорғаушы ретінде тану туралы жүзден астам өтінішхат түскен.
Сондай-ақ іс бойынша 10 жәбірленуші, 1 куәгер және 1 сотталушы сот отырысын жабық түрде өткізуді сұрады. Олар өз өмірлері, отбасылары мен жақындарының қауіпсіздігі үшін қауіптенетінін білдірді. Бұл өтініштерді сот қанағаттандырды", - деп түсіндірді сот өкілдері.
Басты сот отырысы осы жылдың 6 қазанына белгіленді.
Айта кетейік, мәслихаттың экс-депутаты Қайрат Құдайберген мен Арман Жұмагелдиевке ("Дикий" Арман) қатысты сот процесі 14 қыркүйек күні Алматы маңындағы №72 түзеу мекемесінің тергеу изоляторында басталған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы жылыту маусымына дайын
Сурет: gov.kz
Алматы қаласының әкімі Ерболат Досаев алдағы қысқы жылыту маусымына дайындық бойынша штабтың кезекті кеңесін өткізді, деп хабарлайды Алматы қаласы әкімдігінің баспасөз қызметінен.
Қала басшысына энергетика және сумен жабдықтау басқармасының, "Алматы жылу желілері" ЖШС, "Алматыжылукоммунэнерго" ЖШС, "Алматы Су" МКК, "Алматы электр станциялары" АҚ, "Алатау Жарық компаниясы" АҚ "ҚазТрансГазаймақ" АҚ және т. б. басшылары жөндеу және дайындық жұмыстарының аралық қорытындылары туралы баяндады.
Кеңес барысында бейінді ведомстволар атап өткендей, Алматының жылу энергетикалық кешені мен инженерлік желілерінің қыс мезгіліне жалпы дайындығы бүгінде 95%-ды құрайды. Барлық жұмыстар кесте бойынша жүруде.
Жоспарға сәйкес, Алматыдағы қала шаруашылығының алдағы күзгі-қысқы кезеңге толық дайындығы ағымдағы жылдың 1 қазанына дейін қамтамасыз етіледі.
Осы жылдың жылуаралық кезеңінде Алматыда 17,7 км жылумен жабдықтау, 120 км электрмен жабдықтау, 43 км сумен жабдықтау, 29 км газбен жабдықтау желілері қайта жаңартылып, жөнделуде.
Дайындық жұмыстары "Алматы электр станциялары" АҚ объектілерінде де жүргізілуде (ЖЭО-1, ЖЭО-2, Каскад ГЭС, Батыс жылу кешені): жылыту маусымының үздіксіз өтуі үшін энергетикалық генерациялайтын жабдыққа (56 бірлік) жөндеу жүргізілуде.
Алматы қаласы энергетика және сумен жабдықтау басқармасының басшысы Талғат Малыбаевтың ақпараты бойынша, "қаладағы жылу энергетикалық кешеннің жылыту кезеңіне дайындығы аяқталып қалды. Бұл ретте жылу желілерінің дайындығы 91%-ды, сумен жабдықтау - 100%-ды, электр желілерінің дайындығы-99%-ды құрайды".
Қысқы кезеңге дайындық мәселесі Алматы әкімінің жеке бақылауында. Бұған дейін Ерболат Досаев энергетика және сумен жабдықтау басқармасына (ЭСЖБ) Оңтүстік аудандық қазандыққа ерекше назар аудара отырып, жылумен жабдықтау объектілеріндегі дайындық жұмыстарының барысын бақылауды тапсырған болатын. ЭСЖБ деректеріне сәйкес, аталған объектіде аумақты абаттандыру, газ құбырларын, түтін мұржаларын оқшаулау, мазутты сақтау резервуарларына қоршау жұмыстары жүргізілуде. Бүгінгі таңда нысанның дайындығы 93%-ды құрайды. Реконструкция аяқталғаннан кейін қазандық 200 мыңнан астам тұтынушыны жылумен қамтамасыз етеді, оның ішінде Бостандық ауданындағы салынып жатқан тұрғын үй кешендері.
Алматының тұрғын үй қорының дайындығы бекітілген кестеге сәйкес, бүгінгі таңда 96% -ды, білім беру нысандарының - 98%-ды, денсаулық сақтау нысандарының-98% - ды құрайды.
Жылыту маусымына толық дайындықты қамтамасыз ету - қала үшін маңызды міндеттердің бірі. Қалған жұмыстарды 1 қазанға дейін аяқтау керек. Гагарин көшесі жол жүру үшін ашылды. Қала тұрғындарының жүріп-тұруына ыңғайлы болу үшін Қажымұқан көшесіндегі құрылыс - монтаж жұмыстарын тез арада бітірген жөн", - деді Ерболат Досаев және энергетика, білім,денсаулық сақтау басқармаларына, сондай-ақ аудан әкімдіктеріне осы мәселелерді жіті бақылауды тапсырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Телерадио хабарларын таратудағы ақаулық қалпына келтірілді
Сурет: Depositphotos
2023 жылы 16 қыркүйекте сағат 10:11 уақытында Қазақстанда спутниктік телеарна хабарларын тарату қалпына келтірілді, деп хабарлайды Zakon.kz.
Республикалық ғарыштық байланыс орталығы" АҚ ұлттық операторы" ұжымы елімізде телерадио хабарларын таратуды қалпына келтіру үшін таңертеңге дейін жұмыс істеді.
Өзге байланыс сервистерін қалпына келтіру бойынша жұмыстар әлі жүргізіліп жатыр.
KazSat-3" ғарыш аппаратындағы бұл жағдайдың себебін анықтау бойынша жұмыс жалғасып жатыр. Тексеріс нәтижесі бойынша аппаратты құрастырушы кәсіпорын қажет болған жағдайда спутниктің бағдарламалық жүйесін жетілдіру бағытында тиісті ұсыныстарды әзірлейді", делінген хабарламада.
Айта кетсек, 15 қыркүйекте кешкісін еліміздегі барлық телеарнаның хабар тарату қызметінде мәселе туындағаны белгілі болды. Көп ұзамай Цифрлық даму министрлігі телеарналардың хабар таратуды неге тоқтатқанын түсіндірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.