Екібастұздағы төтенше жағдайдан зардап шеккен кәсіпкерлерге шығын өтеледі
Сурет: Depositphotos
Өтемақы алуға құжаттар тапсыру алгоритмі әзірленді
Екібастұз. 6 желтоқсан. KAZAKHSTAN TODAY - "Атамекен" кәсіпкерлер палатасы Павлодар облысының Екібастұз қаласында төтенше жағдайдан зардап шеккен бизнес субъектілері пайдалана алатын арнайы алгоритм әзірледі, деп хабарлайды палата сайты.
Біз кәсіпкерлерге бүлінген мүлікке өтемақы алуға құжаттар тапсыру алгоритмін әзірледік", - деді Павлодар облысы ӨКП директорының орынбасары Серік Әубәкіров.
Бизнес өкілдерінің әрекет ету алгоритмі:
- Жедел желінің 280928, 282028 нөмірлері және 1432 нөмірі бойынша колл-орталыққа хабарлау, сонымен қатар "Қайнар" білім беру және бос уақытты қамту кешеніне 339187, 338921, 338944 және тұрғын инспекциясына87002997806қоңырау шалу.
- Бүлінген мүлікті видеоға түсіріп алу (түсірілім кезінде нысанның мекенжайы, күні, уақыты, куәгерлерді атап өту);
- жарамсыз тауар, материалдар, жабдық және басқа да заттарды растайтын құжаттарды қоса беру;
- Барлық тауарды фото, видеоға түсіру;
- Комиссия құрамында қарапайым жазбаша формада залал тізімі бар қағазға қосымша акт жасау; құрамға кемінде 3 мүшені (егер бизнес субъекті көппәтерлі үйде болса, онда ПИК немесе МИБ төрағасы, үй бойынша жауапты, слесарь және т. б. қатысуымен жүргіуз) қосу маңызды;
- Құжаттарды әкімдік бұрын көрсеткен жылыту пунктері мекенжайлары бойынша тапсыру; бұл ретте құжаттардың қабылданғаны туралы белгі жасалатын екінші данасы болуы керек; комиссия мүшелерінің аты-жөні, байланыс деректерін көрсету міндетті.
Павлодар облысының кәсіпкерлер палатасына техногендік апаттан зардап шеккен бизнес субъектілері мынадай мәселеде көмек көрсетуді сұрайды:
- шағын және орта бизнестің қарыздары бойынша негізгі борыш пен сыйақы сомаларын төлеу бойынша кейінге қалдыру;
- жеке кәсіпкерлер мен заңды тұлғаларға мүлік салығын төлеуден босату;
- өсімпұлды есептеуді тоқтата тұру және басқа да мәселелер.
Павлодар облысының кәсіпкерлер палатасы мүлкі бүлінген бизнеске осы көмек шараларын қолдану қаланың кәсіпкерлік саласына осы қиын кезеңнен жеңіл өтуге көмектеседі деп санайды.
Естеріңізге сала кетейік, Екібастұз ЖЭО-дағы апат қала тұрғындарын 30 градус аязда жылусыз қалдырды. Апаттан кейін Президент Қасым-Жомарт Тоқаев Үкіметке проблемалы энергетикалық активтерді мемлекет меншігіне қайтару мәселесін қарастыруды тапсырды.
Энергетика министрі Болат Ақшолақов ЖЭО-дағы апатты уақтылы қаржыландыру арқылы болдырмауға болатынын айтты.
Павлодар облысының прокуратурасыТЖ фактісі бойынша қылмыстық іс қозғады. Оның тергеуін арнайы комиссия жүргізді. Екібастұздағы апаттыңсалдары әлі де жойылуда. Қалаға жөндеу жұмыстарына қосымша бригадалар келді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.