21.11.2022, 11:07 12351

Тәжікстан Президенті Тоқаевты сайлаудағы жеңісімен құттықтады

Тараптар Қазақстан мен Тәжікстан халықтарының игілігі жолында ынтымақтастықты одан әрі нығайтуға дайын екенін жеткізді.
Тәжікстан Президенті Тоқаевты сайлаудағы жеңісімен құттықтады
Сурет: А?орда
Астана. 21 қараша. KAZAKHSTAN TODAY - Тәжікстан Президенті Эмомали Рахмон Қасым-Жомарт Тоқаевты Қазақстан Республикасының кезектен тыс Президент сайлауындағы айқын жеңісімен құттықтады, деп хабарлады Ақорданың баспасөз қызметі.
 
Мемлекеттер басшылары келесі жылдың басында екі елдің арасында дипломатиялық қарым-қатынас орнағанына 30 жыл толатынын атап өтті.
 
Тараптар Қазақстан мен Тәжікстан халықтарының игілігі жолында ынтымақтастықты одан әрі нығайтуға дайын екенін жеткізді.
 
Сонымен қатар президенттер халықаралық және өңірлік күн тәртібіндегі өзекті мәселелер жөнінде пікір алмасты.
 
Еске салайық, 20 қарашада Қазақстанда жаңартылған Конституцияға сәйкес кезектен тыс Президент сайлауы өтті. Тұңғыш рет Мемлекет басшысы қайта сайлану құқығынсыз бір жеті жылдық мерзімге сайланды. ОСК мәліметтері бойынша, 8 миллион 299 мың 501 сайлаушы бюллетень алды, бұл дауыс беру тізімдеріне енгізілгендердің 69,43 пайызын құрайды.
 
Сан-Францискодағы соңғы шетелдік сайлау учаскесі жұмысын аяқтады. Сағат 11.00-де ҚР ОСК Президенттік сайлаудың алдын ала нәтижелерін жариялайды.
 
Еxit poll-дың алдын ала нәтижелері бойынша, Қасым-Жомарт Тоқаев сайлаушылардың 80%-дан астам дауысын жинап, Қазақстан Президентінің сайлауында көш бастап тұр.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


тақырып бойынша жаңалықтар

Ең көп оқылғаны